မိုးမိုး (အင်းလျား)

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
မိုးမိုး (အင်းလျား)
Moe2(Inya).jpg
အမည်ရင်းဒေါ်စန်းစန်း
မွေးဖွား၁၉၄၄ ခုနှစ်၊ အောက်တိုဘာလ ၂၄ ရက်
ပဲခူးတိုင်း၊ ဒိုက်ဦး
အလုပ်အကိုင်စာရေးဆရာ
လူမျိုးဗမာ
နိုင်ငံသားFlag of Myanmar.svg မြန်မာ
ပညာရေးသိပ္ပံဘွဲ့ (သင်္ချာ)
အိမ်ထောင်ဖက်ဦးမျိုးညွန့်
သားသမီးသားနှစ်ယောက်၊ သမီးတစ်ယောက်
မိဘဦးထွန်း + ဒေါ်မြရှင်
ကိုးကွယ်မှုဗုဒ္ဓဘာသာ

မိုးမိုး (အင်းလျား) သည် ဘဝသရုပ်ဖော်ဝတ္ထုများအား ရေးဖွဲ့ရာတွင် အထူးပြောင်မြောက်သော မြန်မာ စာရေးဆရာမတစ်ဦး ဖြစ်သည်။ ပျောက်သောလမ်းမှာ စမ်းတဝါး ဟူသော ဝတ္ထုမှာ သူ၏ အကောင်းဆုံးလက်ရာဟု စာပေသမားများက ရည်ညွှန်းတတ်ကြသည်။ အချစ်ဆိုသောအရာမှတစ်ပါး အခြားမရှိပြီ စသော ဝတ္ထုများမှာ ရုပ်ရှင်အဖြစ် ရိုက်ကူးခြင်း ခံရသည်။

မိုးမိုး (အင်းလျား)

ကိုယ်ရေးဖြစ်စဉ်[ပြင်ဆင်ရန်]

စာရေးဆရာမ မိုးမိုး (အင်းလျား) ကို ၁၉၄၄ ခုနှစ်၊ အောက်တိုဘာလတွင် အဖ ဦးထွန်း၊ အမိ ဒေါ်မြရှင်တို့မှ ပဲခူးတိုင်းဒေသကြီ:၊ ဒိုက်ဦးမြို့တွင် ဖွားမြင်သည်။ ၁၉၅၂ ခုနှစ်တွင် ဒိုက်ဦးမြို့ အစိုးရအထက်တန်းကျောင်းတွင် စတင်ပညာသင်ကြားသည်။ သတ္တမတန်းကျောင်းသူဘဝတွင် ကဗျာများ စတင်ရေးသားသည်။ ကျောင်းစာကြည့်တိုက်နှင့် နံရံကပ်စာစောင်ကော်မတီများတွင် အမှုဆောင်အဖြစ် ဆောင်ရွက်ခဲ့သည်။ အထက်တန်းကျောင်းသူဘဝတွင် ခရိုင်အလိုက် စာစီစာကုံးပြိုင်ပွဲများတွင် ဆုရရှိခဲ့သည်။

တက္ကသိုလ်ဝင်တန်း အောင်မြင်ပြီးနောက် ၁၉၆၅ ခုနှစ်တွင် ရန်ကုန်ရှိ ဝိဇ္ဇာနှင့်သိပ္ပံတက္ကသိုလ်တွင် သင်္ချာအဓိကဖြင့် တက်ရောက်သင်ကြားသည်။ နေထိုင်ရာ အဆောင်အမည်ကို အစွဲပြု၍ မိုးမိုး (အင်းလျား) ဟူသော အမည်ဖြင့် ကဗျာ၊ ဆောင်းပါးများ စတင်ရေးသားသည်။ ၁၉၆၅ ခုနှစ်၊ မတ်လတွင် တိုင်းရင်းမေဂျာနယ်၌ 'ရွက်လှပန်လေးကိုယ့်ဘဝ' ကဗျာဖြင့် စာပေနယ်သို့ စတင်ဝင်ရောက်သည်။

၁၉၆၈ ခုနှစ်၊ ဇန်နဝါရီလမှစ၍ မြောက်ဥက္ကလာပမြို့နယ်၊ အမှတ် (၂၃) အခြေခံပညာမူလတန်းကျောင်းတွင် ဆရာမအဖြစ် တာဝန်ထမ်းဆောင်သည်။ ၁၉၆၉ နိုဝင်ဘာလ ၆ ရက်တွင် မျိုးညွန့် (စာပေလောက) နှင့် လက်ထပ်သည်။

၁၉၇၀ ခုနှစ်၊ မေလတွင် တိုင်းရင်းမေဂျာနယ်၌ ပြင်ဆင်ခြယ်သမျက်လုံးအလှ ဆောင်းပါးကို ရေးသားသည်။ ၁၉၇၂ ခုနှစ်၊ စက်တင်ဘာလထုတ် ငွေတာရီမဂ္ဂဇင်းတွင် အိမ်နီးချင်း ဝတ္ထုကို ဖော်ပြခြင်း ခံခဲ့ရသည်။

၁၉၇၂ မှ ၁၉၇၈ ခုနှစ်တွင်း မြန်မာ့ဆိုရှယ်လစ်လမ်းစဉ်ပါတီ၊ ပါတီသုတေသနဌာနခွဲတွင် သုတေသနလက်ထောက်အဖြစ် တာဝန်ထမ်းဆောင်သည်။ ၁၉၇၄ ခုနှစ်၊ အောက်တိုဘာတွင် 'ပျောက်သောလမ်းမှာစမ်းတဝါး'အမည်ရှိ ပထမဆုံးလုံးချင်းဝတ္ထုကို ရေးသားသည်။ [၁]

ဝတ္ထုတို၊ ဝတ္ထုရှည်နှင့် ဆောင်းပါးများကို ကွယ်လွန်ချိန်အထိ အဆက်မပြတ် ရေးသားခဲ့ရာ ဝတ္ထုတိုနှင့် မဂ္ဂဇင်းဝတ္ထု ၁ဝ၁ ပုဒ်၊ လုံးချင်းဝတ္ထု ၂၄ ပုဒ်နှင့် ဆောင်းပါး ၅၅ ပုဒ်ခန့် ရှိသည်။

ပျောက်သောလမ်းမှာစမ်းတဝါး လုံးချင်း ဝတ္ထုရှည်ဖြင့် ၁၉၇၄ ခုနှစ်၊ အမျိုးသားစာပေ ဝတ္ထုရှည်ဆုကိုလည်းကောင်း၊ မဂ္ဂဇင်းဝတ္ထုရှည်များဖြင့် ၁၉၈ဝ ပြည့်နှစ်၊ အမျိုးသားစာပေ ဝတ္ထုတိုပေါင်းချုပ်ဆုကို လည်းကောင်း၊ ဝတ္ထုတိုများ (၁) ဖြင့် ၁၉၈၂ ခုနှစ်၊ အမျိုးသားစာပေ ဝတ္ထုတိုပေါင်းချုပ်ဆုကို လည်းကောင်း၊ ဝတ္ထုတိုများ (၂) ဖြင့် ၁၉၈၆ ခုနှစ်၊ အမျိုးသားစာပေ ဝတ္ထုတိုပေါင်းချုပ်ဆုကိုလည်းကောင်း အမျိုးသား စာပေဆုကို လေးကြိမ်တိုင်တိုင် ဆွတ်ခူးရရှိခဲ့သည်။

'ပျောက်သောလမ်းမှာစမ်းတဝ' ဝတ္ထုကို ရုရှား၊ ဂျပန်ဘာသာများသို့ လည်းကောင်း၊ 'ဘယ်သူလာကူပါ့မယ်' ဝတ္ထုကို ရုရှားဘာသာဖြင့် လည်းကောင်း၊ 'မှတပါးအခြားမရှိပြီး' ဝတ္ထုကို ဂျပန်ဘာသာဖြင့် လည်းကောင်း ပြန်ဆိုထုတ်ဝေခဲ့ပြီး ဝတ္ထုတိုအများအပြားကို အင်္ဂလိပ်၊ ဂျပန်ဘာသာများဖြင့် ပြန်ဆိုထုတ်ဝေခဲ့သည်။

ဘဝနိဂုံး[ပြင်ဆင်ရန်]

မိုးမိုး (အင်းလျား) သည် ကွယ်လွန်ချိန်အထိ စံပယ်ဖြူမဂ္ဂဇင်းတွင် တာဝန်ခံစာတည်းအဖြစ် ဆောင်ရွက်ခဲ့သည်။ စာပေတာဝန်ကို ထမ်းဆောင်ရင်း ၁၉၉ဝ ပြည့်နှစ်၊ မတ်လ ၁၃ ရက်နေ့တွင် ရန်ကုန်မြို့၌ ကွယ်လွန်သည်။ ကွယ်လွန်ချိန်တွင် ခင်ပွန်း ဦးမျိုးညွန့် (စာပေလောက) နှင့် သားနှစ်ယောက်၊ သမီး တစ်ယောက်တို့ ကျန်ရစ်သည်။

မိုးမိုး (အင်းလျား) ရေးသား ပြုစုခဲ့သော စာအုပ်များ[ပြင်ဆင်ရန်]

  1. ကြွေမလိုနဲ့ဝေ ဝေမလိုနဲ့ကြွေ - ၁၉၈၁ ခုနှစ်
  2. ဂျိုး - ၁၉၈ဝ ပြည့်နှစ်
  3. ငပလီဇာတ်လမ်း - ၁၉၇၆ ခုနှစ်
  4. ငြိမ်းကိုရှက်ပါ - ၁၉၈၁ ခုနှစ်
  5. ညီမလေးက အချစ်ကို ကိုးကွယ်သတဲ့လား - ၁၉၈၁ ခုနှစ်
  6. ပန်းအရိုင်း တရာ - ၁၉၈၁ ခုနှစ်
  7. ပျောက်သောလမ်းမှာ စမ်းတဝါး - ၁၉၇၄ ခုနှစ်
  8. ပွင့်တချို့ ကြွေတချို့ - ၁၉၇၅ ခုနှစ်
  9. ဘယ်သူ လာကူပါ့မယ် - ၁၉၇၉ ခုနှစ်
  10. မိုးမိုး (အင်းလျား) ၏ မဂ္ဂဇင်း ဝတ္ထုရှည်များ - ၁၉၇၉ ခုနှစ်
  11. မိုးမိုး (အင်းလျား) ဝတ္ထုရှည်များ (၂) - ၁၉၈၇ ခုနှစ်
  12. မိုးမိုး (အင်းလျား) ၏ ဝတ္ထုတိုများ (၁) - ၁၉၈၁ ခုနှစ်
  13. မိုးမိုး (အင်းလျား) ၏ ဝတ္ထုတိုများ (၂) - ၁၉၈၆ ဇူလိုင် (၁၉၈၆ ခုနှစ်အမျိုးသားစာပေဆု)(ဝတ္တုတိုပေါင်းချုပ်)
  14. မှတပါး အခြားမရှိ - ၁၉၇၈ ခုနှစ်
  15. မှတဆင့် - (၁၉၇၈ နိုဝင်ဘာ၊ ၁၉၉၈ ဒီဇင်ဘာ)
  16. ရာဘင်ဒြာနတ်တဂိုး (ဘာသာပြန်သူ - မိုးမိုး (အင်းလျား) နှင့်အများ) - ၁၉၇၈ ခုနှစ်
  17. ရွက်လှပန်း - ၁၉၇၅ ခုနှစ်
  18. ရွှေတိဂုံကိုမြင်လျှင် - ၁၉၇၉ ခုနှစ်
  19. သမုဒ္ဒရာ ခုနစ်စင်း မြစ်မင်း တဆယ့်သုံးသွယ် - ၁၉၈ဝ ပြည့်နှစ်
  20. သဗ္ဗေသတ္တာ အဝေရာဟောန္ဈု - ၁၉၇၈ ခုနှစ်
  21. အချစ်ဆိုသော အရာ - ၁၉၇၆ ခုနှစ်
  22. အနောက်စွန်းမှ အရုဏ်ဦး (ဘာသာပြန်သူ - မိုးမိုး (အင်းလျား))
  23. မသုဓမ္မစာရီ(၁၉၈၂ ဖေဖေါ်ဝါရီ၊ ၁၉၉၉ ဒီဇင်ဘာ)
  24. ဝေဒနာကြာနီပွင့်(၁၉၈၂ စက်တင်ဘာ)
  25. သုံးလွန်းတင်မှကြိုး (၁၉၈၂ ဒီဇင်ဘာ)
  26. နာမကျန်းသည် အိုနှင်းဆီ (၁၉၈၃ ဇွန်)
  27. မြန်မာပြည်မှာနေကြသည် (၁၉၈၃ ဩဂုတ်)
  28. မီးရောင်အောက်ကိုဝင်လျှင် (၁၉၈၅ ဇွန်)
  29. မေတ္တာကမ်းနား အချစ်သစ်ပင်
  30. ထိုနေ့ကမီးမလာပါနှင့် မိုးမိုး(အင်းလျား) ၏မဂ္ဂဇင်းဝတ္တုရှည်များ (၁၉၈၅ ဒီဇင်ဘာ)
  31. ခံတက်နုကလေးတွေ ညှိုးချိန်တန်တော့ (၁၉၇၈ ဧပြီ)
  32. ၁၉၈၀ပြည့် အမျိုးသားစာပေ(ဝတ္ထုတို)ဆုရ မဂ္ဂဇင်းဝတ္ထုရှည်များ
  33. ဆဌမအကြိမ် မိုးမိုး(အင်းလျား) အမှတ်တရ ဝတ္ထုတိုပြိုင်ပွဲ(၁၉၉၉)ဆုရ ဝတ္ထုတိုများ
  34. မြူမှောင်ဝေကင်း

ကိုးကား[ပြင်ဆင်ရန်]

  1. "နှစ်ဆယ်ရာစု မြန်မာစာရေးဆရာများနှင့် စာစုစာရင်း"၊ ပညာရွှေတောင်။ ရန်ကုန်။ ၂၀၀၃။