မာခရွန်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ပြည်သစ်နိုင်ငံ၊ ဒီနန်စီမြို့တွင် ရောင်းချနေသော ရိုးရာ မာခရွန်

မာခရွန် သို့ မက္ခရွန် (ပြင်သစ်: macaron) သည် မုံ့ချိုတမျိုးဖြစ်ပြီး ကြက်ဥအကာ၊ သကြားမှုန့်၊ သကြား၊ ဝက်သစ်ချဆံထောင်း (မညက်တညက်ထောင်းထားသော ဝက်သစ်ချဆံ) နှင့် အရောင်တင်မှုန့်တို့ သုံးကာ ပြုလုပ်သည်။

ဤမုံ့ကို ယဉ်ကျေးမှုအနုပညာတို့ အားကောင်းသော ရီနေဆန်းခေတ်တွင် ပြင်သစ်တွင်မိဘုရားဖြစ်သည့် အီတလီသူ ကတ်သရင်းဒီမက်ဒီဆီ အတွက် ချက်ပြုတ်ပေးသည့် အီတလီစားဖိုမှူးထံမှ ပြင်သစ်တို့က နည်းရသည်။ ၁၉ ရာစုတွင် ချော့ကလက်ရည်၊ ထောပတ်ကရင် သို့တည်းမဟုတ် ယိုတို့ကို မာခရွန် ၂ ခုအကြားတွင် အစာသွတ်သော ယနေ့ မြင်နေကျ ပါရစ်ရှန်စတိုင် ခေါ် ပါရီမြို့တွင် ရောင်းချသည့်ပုံစံ မာခရွန်မျိုးမှာ တွင်ကျယ်လာသည်။ မာခရွန်တချပ်၏ပုံစံမှာ အပေါ်မျက်နှာပြင်ကို မသိမသာခုံးကာ အခြေတွင် ပြားသည်။ ယင်းပြားသည့်အခြေ ၂ ဘက်ကို မျက်နှာချင်းဆိုင်ကပ်ကာ အစာသွတ်ခြင်းတည်း။ မုံ့မှာ ခပ်ပျော့ပျော့ဖြစ်ပြီး ခံတွင်းသို့ရောက်လျှင် အလွယ်တကူပျော်သည်။ ပုံမှန်စားနေကျဖြစ်သော ချော့ကလက်အစာသွတ်၊ သစ်သီးအစာသွတ်တို့အပြင် အသားအစာသွတ်၊ လက်ဘက်ခြောက်မှုန့်အစာသွတ်များပင် ရှိသေးသည်။

ကိုးကား[ပြင်ဆင်ရန်]