ဘိသေကမုနိဆင်းတုတော်

ဘိသေကမုနိဆင်းတုတော်ကို မဟာကျိန်ဘုရားဟုလည်း ခေါ်ဝေါ်ပြီး၊ ရှင်ဘုရင်များက မိမိတို့ ကိုယ်တိုင်ကိုယ်ကျ ကိုးကွယ်နိုင်ရန် ရည်သန်၍ ကိုးရက်အတွင်း သွန်းလုပ်ပြီးနောက် ကိုးကွယ်ကြည်ညိုသော ဘုရားဆင်းတုတော် ဖြစ်သည်။ ဘိသေက (ဘိသိက်သွန်းခြင်း)၊ မုနိ (ရှင်တော်မြတ်ဘုရား) ဖြစ်၍ ဘိသိက်သွန်းထားသည့် ရုပ်ပွားတော်ဟု ဆိုလိုသည်။

ကျိန်စာ

သွန်းလုပ်ပြီးသော ဆင်းတုတော် ကို အနေကဇာ တင်၊ တင်ပြီးသော် ဆရာတော်များ ရှေ့မှောက်၌

1. ဘုရားတပည့်တော်သည် မင်းကျင့်တရား ၁၀ ပါးကို စောင့်ထိန်းပါမည်။
2. ဘုရားတပည့်တော်သည် သင်္ဂဟတရား ၄ ပါးကို စောင့်ထိန်းပါမည်။
3. ဘုရားတပည့်တော်သည် အပရိဟာနိယတရား ၇ ပါးကို စောင့်ထိန်းပါမည်။
4. ဘုရားတပည့်တော်သည် ဘိုးဘေးစဉ်ဆက် စောင့်ထိန်းလာသော ရတနာသုံးပါးကို ရိုသေကိုင်းရှိုင်းပါမည်။
5. ဘုရားတပည့်တော်သည် သာသနာတော်၏ ရန်စူးခလုတ်များကို ရှင်းလင်းပါမည်။
6. ဤသစ္စာများ ပျက်ကွက်ခဲ့ပါက ဘုရားတပည့်တော်သည် သွေးအန်၍ သေပါစေ။
7. မြွေကိုက်၍ သေပါစေ။
8. ကျားကိုက်၍ သေပါစေ။

စသည်စသည်ဖြင့် ကျိန်ရသတည်း။

ဖူးရန်

စေတီပုထိုး ပြိုပျက်ရာမှ ရရှိလာတတ်သော ၎င်းဆင်းတုတော်ကို အိမ်၌ ထားမကိုးကွယ်ကောင်း။ ခိုက်၏။ ဖူးတွေ့နိုင်သော ဘုန်းတော်ကြီးကျောင်းတိုက်များမှာ သိရှိရသလောက် -

1. မဟာပညာသီဟာရာမ ဝါ လက်ကောက်ဈေးကျောင်းတိုက် (မြောက်ဦး)
2. ဗန္ဓုလကျောင်းတိုက်
3. ညောင်ပင်ဈေးကျောင်းတိုက်
4. ဘုရားပေါ်ကျောင်းဟောင်း