ဗီးနပ်စ် (ဒဏ္ဍာရီ)

ဝီကီပီးဒီးယား မှ
Jump to navigation Jump to search

တမ်းပလိတ်:Infobox deity ဗီးနပ်စ် (/ˈviːnəs/, ဂန္တဝင်လက်တင်စာပေ /ˈwɛnʊs/) သည် ချစ်မေတ္တာ ၊ အလှအပတရား ၊ လိုအင်ဆန္ဒ ၊ မေထုန် ၊ မျိုးအောင်ခြင်း ၊ တိုးတက်ကြီးပွါးခြင်း နှင့် အောင်ပွဲတို့ကို ဆောင်ကြဉ်းသော ခေါမဒေဝီ တပါး ဖြစ်သည်။ ခေါမဒဏ္ဍာရီ အရ ခေါမတိုင်းသားတို့၏ ဘိုးဘေးဘီဘင်ဖြစ်ပြီး သူမ၏သားမှာ ထရွိုင်မြို့ကျဆုံးရာတွင် လွတ်မြောက်ပြီး အီတလီသို့ ထွက်ပြေးသည့် အေးနိယစ် ဖြစ်သည်။ ဂျူးလိယက်စ်ဆီဇာက သူမအား ၎င်း၏ ဘိုးဘေးဘီဘင်အဖြစ် ပြောဆိုသည်။ ဘာသာရေးပွဲတော်များစွာတွင် အဓိကကျသည့်နေရာမှပါဝင်ကာ ခေါမဘာသာရေး ဂိုဏ်းအမျိုးမျိုးတို့၏ အလေးအမြတ် ပြုခြင်းခံရသည်။

ခေါမတိုင်းသားတို့က ခေါမအနုပညာနှင့် လက်တင်စာပေများအတွက် အဆင့်တူ ဂရိဒေဝီ အက်ဖ်ရိုဒိုက်၏ ဒဏ္ဍာရီနှင့် ရုပ်ပုံအမှတ်အသားများအား မှီငြမ်းခဲ့သည်။ နှောင်းခေတ်အနောက်တိုင်းဂန္တဝင်ရိုးရာတွင် ဂရက်ကို-ရိုမန်ဒဏ္ဍာရီလာ ချစ်မေတ္တာနှင့်မေထုန် ဒေဝီနတ်ဘုရားမအဖြစ် အများဆုံးညွှန်းဆိုခံရသည်။