ဗာဆာချေ
 | |
 ဘာလင်မြို့ရှိ ဗာဆာချေ စတိုး | |
| အမျိုးအစား | ကုမ္ပဏီခွဲ (S.r.l.) |
|---|---|
| လုပ်ငန်း | ဖက်ရှင် |
| တည်ထောင်သည့်နှစ် | ၁၉၇၈၊ Gianni Versace Donna အဖြစ် |
| တည်ထောင်သူများ | Gianni Maria Versace |
| ဌာနချုပ် | မီလန်မြို့, အီတလီနိုင်ငံ |
| အရေးပါ ပုဂ္ဂိုလ်များ |
|
| ထုတ်ကုန်ပစ္စည်း |
|
| ဝင်ငွေ | |
| အလုပ်သမားဦးရေ | ၁၅၀၀ |
| မိခင်ကုမ္ပဏီ | Capri Holdings |
| ဝက်ဘ်ဆိုက် | versace.com |
ဂျန်းနီ ဗာဆာချေ (အင်္ဂလိပ်: Gianni Versace S.r.l.; အီတလီအသံထွက်: [ˈdʒanni verˈsaːtʃe]) သည် Gianni Versace မှ ၁၉၇၈ ခုနှစ်တွင် တည်ထောင်ခဲ့သော အီတလီ ဇိမ်ခံပစ္စည်းနှင့် ဖက်ရှင်ကုမ္ပဏီတစ်ခုဖြစ်ပြီး ဗာဆာချေ (အင်္ဂလိပ်: Versace, /vərˈsɑːtʃeɪ/, vər-SAH-chay)[မှတ်စု ၁] ဟူသော အမည်ဖြင့် ပို၍ လူသိများသည်။ ၎င်း၏ တောက်ပဆန်းပြားသော အရောင်များ အသုံးပြုထားသည့် ဆေးဆိုးပန်းရိုက်အထည်များကြောင့် လူသိများကျော်ကြားသည်။[၆][၇][၈] ကုမ္ပဏီသည် ၎င်း၏ Atelier Versace အမှတ်တံဆိပ်အောက်တွင် အီတလီလုပ် ရယ်ဒီမိတ် အဝတ်အထည်များ၊ ဖက်ရှင်အသုံးအဆောင်များနှင့် ဝတ်စုံများကို ထုတ်လုပ်ပြီး[၉] Luxottica မျက်မှန်ကုမ္ပဏီသို့ ၎င်း၏အမှတ်တံဆိပ်ဖြင့် မျက်မှန် ထုတ်လုပ်ခွင့်လိုင်စင်အား ပေးအပ်ထားသည်။[၁၀] ကုမ္ပဏီ၏ လိုဂိုအမှတ်တံဆိပ်ပုံသည် ဂရိဒဏ္ဍာရီ၏ မက်ဒူဆာ နတ်သမီးအား စိတ်ကူးပုံဖော်ထားခြင်းဖြစ်သည်။[၁၁]
သမိုင်း
[ပြင်ဆင်ရန်]
၁၉၇၂ ခုနှစ်တွင် ဂျန်းနီ ဗာဆာချေသည် သူ၏ ပထမဆုံး collection များကို Callaghan၊ Genny နှင့် Complice တို့အတွက် ဒီဇိုင်းရေးဆွဲ ထုတ်လုပ်ခဲ့သည်။ ၁၉၇၈ ခုနှစ်တွင် ကုမ္ပဏီအား "ဂျန်းနီ ဗာဆာချေ ဒွန်နာ (Gianni Versace Donna)"[၁၂] ဟူသော အမည်ဖြင့် စတင်တည်ထောင်ခဲ့ပြီး မီလန်မြို့တွင် ၎င်း၏ပထမဆုံးဆိုင်ကို ဖွင့်လှစ်ခဲ့သည်။[၁၃][၁၄] ဂျန်းနီသည် ဒီဇိုင်းထုတ်ခြင်းမှ လက်လီရောင်းချခြင်းအထိ အမှတ်တံဆိပ်ဆိုင်ရာ ကိစ္စရပ်များအား သီးခြားစီ ထိန်းချုပ်ထားသည်။[၆] ၁၉၈၂ ခုနှစ်တွင် ကုမ္ပဏီသည် ဖက်ရှင် အသုံးအဆောင်ပစ္စည်းများ၊ လက်ဝတ်ရတနာများ၊ အိမ်သုံးပရိဘောဂများ ထုတ်လုပ်ခြင်းအထိ တိုးချဲ့ခဲ့သည်။[၁၅] ၁၉၉၃ ခုနှစ်တွင် Donatella Versace သည် Young Versace နှင့် Versus ထုတ်လုပ်ရေးလိုင်းများကို ထပ်မံထည့်သွင်းခဲ့သည်။[၁၂] ၁၉၉၄ ခုနှစ်တွင် အမှတ်တံဆိပ်သည် မီဒီယာများတွင် ရည်ညွှန်းဖော်ပြခြင်းခံရသော အဲလိဇဘက် ဟာလေ၏ အနက်ရောင် ဗာဆာချေ ဝတ်စုံမှတဆင့် နိုင်ငံတကာ အောင်မြင်မှုများကို ရရှိခဲ့သည်။[၇][၁၆][၁၇]
ဗာဆာချေသည် ၁၉၉၂ ခုနှစ်တွင် အယ်လ်တန် ဂျွန်အတွက် စင်မြင့်နှင့် အယ်လ်ဘမ်ကာဗာ ဝတ်စုံများနှင့် မိုက်ကယ် ဂျက်ဆင်အတွက် ဝတ်စုံများ အပါအဝင် ဂီတအနုပညာရှင် အမျိုးမျိုးအတွက် ဒီဇိုင်းရေးဆွဲပေးခဲ့သည်။ ထို့အပြင် ဗာဆာချေသည် ဝေလ တော်ဝင်မင်းသမီး ဒိုင်ယာနာ နှင့် မိုနာကို တော်ဝင်မင်းသမီး ကာရိုလိုင်းတို့အတွက် အဝတ်အစားများကိုလည်း ဒီဇိုင်းထုတ်ခဲ့သည်။[၁၅]
၁၉၉၇ ခုနှစ်တွင် ဂျန်းနီ ဗာဆာချေ လုပ်ကြံခံရပြီးနောက် ယခင် ဒုဥက္ကဋ္ဌဖြစ်သော သူ၏ညီမဖြစ်သူ ဒိုနေတဲလာ ဗာဆာချေသည် ဖန်တီးမှု ဒါရိုက်တာအဖြစ်တာဝန်ယူခဲ့ပြီးသူ၏အစ်ကို ဆန်တို ဗာဆာချေ (Santo Versace) သည် အမှုဆောင်အရာရှိချုပ် ဖြစ်လာခဲ့သည်။[၁၈] ဒိုနေတဲလာ၏ သမီးဖြစ်သူ အယ်လီဂရာ ဗာဆာချေ (Allegra Versace) အတွက် ကုမ္ပဏီတွင် အစုရှယ်ယာ ၅၀ ရာခိုင်နှုန်းကို ချန်ထားခဲ့ပြီး သူမ၏ ဆယ့်ရှစ်နှစ်မြောက်မွေးနေ့တွင် စတင်ထိန်းချုပ်ခွင့်ရခဲ့သည်။[၁၉][၂၀][၂၁]
၂၀၀၀ ပြည့်နှစ် ဂရမ်မီဆုပေးပွဲ၌ ဂျနီဖာ လိုပက်ဇ် ဝတ်ဆင်ခဲ့သော အစိမ်းရောင် ဗာဆာချေ ဝတ်စုံသည် မီဒီယာများ၏ အာရုံစိုက်မှုကို ရရှိခဲ့သည်။ အဆိုပါ ဝတ်စုံသည် သမိုင်းတလျောက် ပဉ္စမမြောက် အထင်ရှားဆုံး ဝတ်စုံအဖြစ် မဲပေးရွေးချယ်ခံခဲ့ရပြီး အဲလိဇဘက် ဟာလေ ၏ အနက်ရောင် Versace ဝတ်စုံသည် သမိုင်းတလျောက် အထင်ရှားဆုံး ဝတ်စုံအဖြစ် မဲပေးရွေးချယ်ခံခဲ့ရကြောင်း ၂၀၀၈ ခုနှစ် ဒေးလီး တယ်လီဂရပ်ဖ် ၏ စစ်တမ်းတစ်ခုအရ သိရသည်။[၁၇]
၂၀၁၄ ခုနှစ် ဖေဖော်ဝါရီ တွင် The Blackstone Group သည် Versace ၏ ရှယ်ယာ ၂၀ ရာခိုင်နှုန်းကို ယူရို € သန်း ၂၁၀ ဖြင့် ဝယ်ယူခဲ့သည်။[၂၂][၂၃][၂၄]
၂၀၁၆ ခုနှစ် စာရင်းအရ ဗာဆာချေသည် ကမ္ဘာတဝှမ်းတွင် ဆိုင်ပေါင်း ၁၅၀၀ ကျော်ဖြင့် လည်ပတ်နေပြီး အီတလီနိုင်ငံ၏ ပြင်ပတွင် ဖွင့်လှစ်ခဲ့သည့် ပထမဦးဆုံးဆိုင်မှာ စကော့တလန်နိုင်ငံ၊ ဂလပ်စဂိုးမြို့၌ ၁၉၉၁ ခုနှစ်တွင် ဖွင့်လှစ်ခဲ့သည့် ဆိုင်ဖြစ်သည်။[၂၅]
၂၀၁၈ ခုနှစ် စက်တင်ဘာလတွင် Michael Kors သည် ဗာဆာချေအား ယူရို ၂ ဘီလီယံဖြင့် ဝယ်ယူရန် ကမ်းလှမ်းခဲ့သည်။[၂၆][၂၇] ဗာဆာချေသည် Blackstone နှင့် မိသားစုဝင်များ၏ ရှယ်ယာများ အားလုံးကို Michael Kors Limited သို့ ရောင်းချခဲ့ကြောင်း ကြေညာခဲ့သည်။[၂၈] ၂၀၁၈ ခုနှစ် ဒီဇင်ဘာတွင် ဝယ်ယူမှုပြီးစီးခဲ့ပြီး ဒိုနေတဲလာ ဗာဆာချေသည် ဖန်တီးမှု ဒီဇိုင်းနာ ခေါင်းဆောင်အဖြစ် ဆက်လက် လုပ်ကိုင်ခဲ့သည်။[၂၉] ၂၀၁၉ ခုနှစ် ဇန်နဝါရီတွင် Gianni Versace Srl သည် Michael Kors ၊ Jimmy Choo တို့နှင့်အတူ ကမ္ဘာလုံးဆိုင်ရာ ဖက်ရှင်ဇိမ်ခံအသုံးအဆောင် လုပ်ငန်းစုအဖြစ် ကပ္ပရီ ဦးပိုင်လီမိတက် (Capri Holdings Limited) သို့ ပူးပေါင်းခဲ့သည်။[၂၈][၃၀]
၂၀၁၈ ခုနှစ်တွင် ဗာဆာချေသည် ၎င်း၏ထုတ်ကုန်များတွင် သားမွေးများအသုံးပြုခြင်းကို ရပ်တန့်ခဲ့ပြီး ၂၀၂၀ တွင် သားပိုက်ကောင်၏ သားရေကို အသုံးပြုခြင်းအား ရပ်ဆိုင်းတော့မည်ဖြစ်ကြောင်း ကြေညာခဲ့သည်။[၃၁][၃၂] ၂၀၂၁ ခုနှစ်တွင် ဗာဆာချေသည် ၎င်း၏ ပထမဆုံး နယူးယောက်မြို့၏ အရောင်းဆိုင်ကို ဖွင့်လှစ်ခဲ့သည်။[၃၃]
ပူးပေါင်းဆောင်ရွက်မှုများ
[ပြင်ဆင်ရန်]
- ၂၀၀၆ ခုနှစ်တွင် ဗာဆာချေသည် ကမ္ဘာကျော်ပြိုင်ကားထုတ်လုပ်ရေး ကုမ္ပဏီတစ်ခုဖြစ်သော လမ်ဘော်ဂီနီ (Lamborghini) နှင့်ပူးပေါင်း၍ "Lamborghini Murciélago LP640 Versace" အမျိုးအစား မော်တော်ကားကို ထုတ်လုပ်ခဲ့သည်။ ကားတွင် ဗာဆာချေမှ ဒီဇိုင်းရေးဆွဲထုတ်လုပ်ထားသည့် အဖြူရောင် ဖဲသားဖြင့် အလှဆင်ထားသော အတွင်းခန်းပါဝင်ပြီး ထိုင်ခုံများတွင်လည်း Versace လိုဂိုတံဆိပ်အား ချယ်သထားသည်။ ၎င်းကားသည် အနက်ရောင် သို့မဟုတ် အဖြူရောင်ဖြင့် သာ ရရှိနိုင်ပြီး ခရီးဆောင်အိတ်၊ ယာဉ်မောင်းဖိနပ်နှင့် ယာဉ်မောင်းလက်အိတ်များကိုလည်း ထည့်သွင်းပေးထားသည်။ အစီးရေ စုစုပေါင်း ၁၀ စီးသာ ထုတ်လုပ်ခဲ့သည်။[၃၄]
- ၂၀၀၈ ခုနှစ်တွင် ဗာဆာချေသည် AgustaWestland ရဟတ်ယာဉ် ထုတ်လုပ်ရေး ကုမ္ပဏီနှင့် ပူးပေါင်း၍ ဗာဆာချေ သားရေ အသုံးပြုထားသော အတွင်းခန်းနှင့် ဗာဆာချေမှ ဒီဇိုင်းထုတ်ထားသည့် အပြင်ပိုင်း ဒီဇိုင်း ပါဝင်သည့် AgustaWestland AW109 Grand Versace VIP ဇိမ်ခံရဟတ်ယာဉ်ကို ဖန်တီးခဲ့သည်။[၃၅][၃၆]
- ၂၀၀၉ ခုနှစ်တွင် Versace နှင့် H&M သည် ခေါင်းအုံးနှင့် စောင်များကဲ့သို့သော အိမ်သုံးပစ္စည်းများအပါအဝင် အမျိုးသားနှင့် အမျိုးသမီးအဝတ်အစားများပါဝင်သော H&M ၏စတိုးဆိုင်များအတွက် ထုတ်ကုန် လမ်းကြောင်းအသစ်တစ်ခုကို ထုတ်ပြန်ကြေညာခဲ့သည်။[၃၇]
- ၂၀၁၅ ခုနှစ်တွင် ဗာဆာချေ သည် Lil Buck နှင့် ပူးပေါင်း၍ စနီကာ ဖိနပ်တစ်ရံကို ထုတ်လုပ်ခဲ့သည်။[၃၈]
- ၂၀၁၅ ခုနှစ်တွင် Versace သည် Mind Group နှင့် ပူးပေါင်းခဲ့သည်။ ကုမ္ပဏီများသည် Versace Residencies ဟုခေါ်သော တရုတ်နိုင်ငံရှိ အထပ်မြင့် ဇိမ်ခံအိမ်ရာများကို ဒီဇိုင်းထုတ်ခဲ့ကြသည်။ ဖန်တီးသူများ၏ ရည်ရွယ်ချက်မှာ Versace ၏ ဇိမ်ခံပစ္စည်း ဒီဇိုင်းများကို တရုတ်ရိုးရာယဉ်ကျေးမှု အစိတ်အပိုင်းများနှင့် ပေါင်းစပ်ရန်ဖြစ်သည်။[၃၉]
- ၂၀၁၅ တွင်လည်း Versace သည် မွမ်ဘိုင်းမြို့ တောင်ပိုင်းတွင်ရှိသော အခြားဇိမ်ခံလူနေအိမ်ပရောဂျက်တစ်ခုကို ဖော်ဆောင်ရန်အတွက် အိန္ဒိယရှိ ABIL လုပ်ငန်းစုနှင့် ပူးပေါင်းခဲ့သည်။[၄၀]
- ၂၀၁၅ ခုနှစ်တွင် ဒိုနေတဲလာ ဗာဆာချေသည် Riccardo Tisci ၏ Givenchy လှုပ်ရှားမှုတွင် ပါဝင်ခဲ့သည်။[၄၁]
- ၂၀၁၈ ခုနှစ်တွင် Ronnie Fieg နှင့် Donatella Versace တို့သည် မျက်လုံးများပေါ်တွင် "KITH" စာသားဖြင့် မက်ဒူဆာ လိုဂိုတစ်ခုပါရှိသော ၎င်းတို့၏ Kith x Versace collection ကို ပွဲထုတ်ခဲ့သည်။[၄၂]
- ၂၀၁၉ ခုနှစ်တွင် Versace သည် ခရီးဝေးလေကြောင်းခရီးတွင် Business class ခရီးသည်များအတွက် အဆင်တန်ဆာပစ္စည်းများကို ပံ့ပိုးပေးရန် တူရကီ လေကြောင်းလိုင်းနှင့် ပူးပေါင်းခဲ့သည်။ ပစ္စည်းများတွင် အမျိုးသားများအတွက် သီးခြားစတိုင်လ်အိတ်များပါရှိလာပြီး အမျိုးသားများအတွက် Versace Eros ထုတ်ကုန်လိုင်းနှင့် Versace Eros သည် အမျိုးသမီးများအတွက် Femme ထုတ်ကုန်များကို ထည့်သွင်းခဲ့သည်။[၄၃]
- Versace Men's Fall 2019 collection တွင် ဖို့ဒ် မော်တော်ယာဉ် ကုမ္ပဏီ၏ လိုဂိုပါသည့် ပစ္စည်းအများအပြားကို ပြသခဲ့သည်။[၄၄]
- ၂၀၂၁ ခုနှစ် စက်တင်ဘာတွင် Versace "The Swap" ခေါင်းစဉ်ဖြင့် အခြား ဇိမ်ခံဖက်ရှင်လုပ်ငန်းတစ်ခုဖြစ်သော Fendi နှင့် ပူးတွဲဖက်ရှင်ရှိုးတစ်ခုကို တင်ဆက်ခဲ့သည်။[၄၅][၄၆] ယင်းကဲ့သို့သော မတူညီသည့် ဖက်ရှင်အဖွဲ့များမှ အမှတ်တံဆိပ်များ၏ အနုပညာ ဒါရိုက်တာနှစ်ဦးမှ စုစည်းမှုဒီဇိုင်းထုတ်မှုပြုလုပ်ခြင်းသည် ပထမဆုံးဖြစ်သည်။[၄၇]
- ၂၀၂၁ ခုနှစ်တွင် Versace သည် Born This Way ဖောင်ဒေးရှင်း၏ ဆယ်နှစ်မြောက် နှစ်ပတ်လည်အထိမ်းအမှတ်အဖြစ် Born This Way ဖောင်ဒေးရှင်းကို အကျိုးပြုသော ဆေးတောင့်စုဆောင်းမှုကို ဖန်တီးခြင်းဖြင့် လေဒီဂါဂါနှင့် ပူးပေါင်းခဲ့သည်။[၄၈]
- ၂၀၂၃ ခုနှစ်တွင် Versace နှင့် Dua Lipa တို့သည် ကမ်းခြေဝတ်စုံဒီဇိုင်းများပါဝင်သည့် 'La Vacanza' ဟုခေါ်သော အမျိုးသမီးဝတ်စုံများ စုစည်းမှုတစ်ခုကို ထုတ်လုပ်ရန် အတူတကွပူးပေါင်းခဲ့သည်။[၄၉][၅၀]
Palazzo Versace ဟိုတယ်
[ပြင်ဆင်ရန်]Sunland လုပ်ငန်းစုမှ Soheil Abedian သည် ၁၉၉၇ ခုနှစ်တွင် Versace အမှတ်တံဆိပ်အတွက် ဇိမ်ခံဟိုတယ်တစ်ခု တည်ဆောက်ရန် ဗာဆာချေသို့ ကမ်းလှမ်းခဲ့သည်။ ပထမဆုံး Palazzo Versace ဟိုတယ်ကို ၂၀၀၀ ခုနှစ် စက်တင်ဘာလ ၁၅ ရက်နေ့တွင် ဩစတြေးလျနိုင်ငံ ဂိုးလ်ကို့စ်မြို့၌ ဖွင့်လှစ်ခဲ့သည်။[၅၁][၅၂] အဆိုပါဟိုတယ်အား ၂၀၁၂ ခုနှစ် ဒီဇင်ဘာလတွင် တရုတ်လုပ်ငန်းစုတစ်ခုထံ ရောင်းချခဲ့သည်။[၅၃][၅၄] ဒုတိယ ဟိုတယ်ဖြစ်သည့် Palazzo Versace Dubai သည် ၂၀၁၅ ခုနှစ် ဒီဇင်ဘာလတွင် ပြီးစီးခဲ့ပြီး Dubai Creek ၏ ကမ်းခြေတွင် တည်ရှိသည်။[၅၅] တတိယမြောက် ဟိုတယ်ဖြစ်သည့် Palazzo Versace Macau သည် မကာအို၏ အကြီးဆုံး ကာစီနိုလုပ်ငန်းစု SJM Holdings နှင့် ပူးပေါင်းမှု၏ တစ်စိတ်တစ်ဒေသ အဖြစ် တည်ဆောက်နေဆဲဖြစ်သည်။[၅၆][၅၇][၅၈] Palazzo Versace ဟိုတယ်များသည် ကမ္ဘာ့ပထမဆုံး ဖက်ရှင်အမှတ်တံဆိပ်ဟိုတယ်များဖြစ်လာခဲ့သည်။[၅၉]
မှတ်စုများ
[ပြင်ဆင်ရန်]- ↑ ၂၀၁၈ ခုနှစ် ဖေဖော်ဝါရီတွင် Vogue မဂ္ဂဇင်း၏ ဒိုနေတဲလာ ဗာဆာချေနှင့်ပြုလုပ်ခဲ့သော အင်တာဗျူးတစ်ခုတွင် Versace ၏ ရေပန်းစားသော အင်္ဂလိပ်အသံထွက် (ဗာဆာချီ, /vərˈsɑːtʃi/ vər-SAH-chee) ဟု အသံထွက်ပြောဆိုခြင်းမပြုဘဲ (ဗာဆာချေ, /vərˈsɑːtʃeɪ/ vər-SAH-chay) ဟူသော အသံထွက်ဖြင့်သာ ပြောဆိုသုံးနှုန်းခဲ့သည်။[၃][၄][၅]
ကိုးကား
[ပြင်ဆင်ရန်]- ↑ ၁.၀ ၁.၁ Bloomberg။ 20 March 2015 တွင် ပြန်စစ်ပြီး။
- ↑ ၂.၀ ၂.၁ Mesco၊ Manuela (25 April 2016)။ Gianni Versace profit rose 17% in 2015, lifted by soaring sales။ Il Corriere della Sera။ 2017-05-25 တွင် ပြန်စစ်ပြီး။
- ↑ Vogue (31 January 2018)၊ 73 Questions With Donatella Versace | Vogue၊ 2021-10-31 တွင် မူရင်းမှ မော်ကွန်းတင်ပြီး ၊ 2018-03-02 တွင် ပြန်စစ်ပြီး
- ↑ "You've probably been pronouncing 'Versace' wrong, according to Donatella" (in en-GB)၊ Harper's Bazaar၊ 2 February 2018။
- ↑ Bruno Mars (13 August 2017)၊ Bruno Mars – Versace On The Floor [Official Video]၊ 2021-10-31 တွင် မူရင်းမှ မော်ကွန်းတင်ပြီး ၊ 2018-03-02 တွင် ပြန်စစ်ပြီး
- ↑ ၆.၀ ၆.၁ Versace။ New York။ 2011။ p. 29။
- ↑ ၇.၀ ၇.၁ White၊ Belinda (3 October 2012)။ Not 'That dress' again? Lady Gaga wears Liz Hurley's Versace safety pin gown။ The Daily Telegraph။ 2014-08-14 တွင် ပြန်စစ်ပြီး။
- ↑ Sun, Carol (Autumn 2001). "Transformation Parlor": 42–47.
- ↑ Atelier Versace Collection | US Online Store (in en)။ Versace။ 2021-07-20 တွင် ပြန်စစ်ပြီး။
- ↑ Zargani၊ Luisa (2020-04-10)။ Versace, Luxottica Renew Eyewear License (in en-US)။ Women's Wear Daily။ 2022-09-03 တွင် ပြန်စစ်ပြီး။
- ↑ Versace Logo And Its Golden History: Everything You Need To Know | LOGO.com (in en)။ logo.com။ 2022-05-02 တွင် ပြန်စစ်ပြီး။
- ↑ ၁၂.၀ ၁၂.၁ Brand History။ 27 April 2018 တွင် ပြန်စစ်ပြီး။
- ↑ History of Versace (28 January 2011)။ 2014-08-14 တွင် ပြန်စစ်ပြီး။
- ↑ Gianni Versace profile (12 January 2003)။ 2014-08-14 တွင် ပြန်စစ်ပြီး။
- ↑ ၁၅.၀ ၁၅.၁ Versace။ 26 March 2016 တွင် ပြန်စစ်ပြီး။
- ↑ Glamour: a history။ 2008။ 1 May 2011 တွင် ပြန်စစ်ပြီး။
- ↑ ၁၇.၀ ၁၇.၁ Liz Hurley 'safety pin' dress voted the greatest dress (9 October 2008)။ 11 January 2022 တွင် မူရင်းအား မော်ကွန်းတင်ပြီး။ 2014-08-14 တွင် ပြန်စစ်ပြီး။
- ↑ "1997: Versace murdered on his doorstep"၊ 15 July 1997။
- ↑ "A New Half-Owner for Versace, and She's Almost 18"၊ The New York Times၊ 15 June 2004။
- ↑ Versace niece's $700m birthday gift။ Sydney Morning Herald (2 July 2004)။ 2014-08-14 တွင် ပြန်စစ်ပြီး။
- ↑ Allegra Inherits Versace's Fortune။ WENN (30 June 2004)။ 16 April 2009 တွင် မူရင်းအား မော်ကွန်းတင်ပြီး။ 2014-08-15 တွင် ပြန်စစ်ပြီး။
- ↑ "Fashion house Versace sells stake to Blackstone to fund growth"၊ 27 February 2014။
- ↑ Versace Sells Minority Stake to Blackstone (27 February 2014)။
- ↑ Versace Sells Minority Stake to Blackstone (27 February 2014)။
- ↑ Henderson၊ Damien (14 February 2005)။ Glasgow's Versace loss may suit capital။ Herald Scotland။ 2014-08-14 တွင် ပြန်စစ်ပြီး။
- ↑ "Michael Kors Woos Versace in Push for Foothold in High Fashion" (in en-US)၊ 24 September 2018။
- ↑ "Michael Kors shares sink amid Versace rumors" (in en-US)၊ 25 September 2018။
- ↑ ၂၈.၀ ၂၈.၁ Versace Company Profile | UK Online Store (in en)။ 2019-03-14 တွင် ပြန်စစ်ပြီး။
- ↑ Capri Holdings press release
- ↑ Michael Kors Buys Fashion Label Versace for $2.2 Billion (2018-09-25)။ 2020-08-06 တွင် ပြန်စစ်ပြီး။
- ↑ Jack Dutton, "Versace bans kangaroo skin following pressure from activists," The National 16 January 2020.
- ↑ Versace To Host First Pre-Fall Show In New York (14 October 2018)။ 14 October 2018 တွင် ပြန်စစ်ပြီး။
- ↑ Versace Makes Retail Push in the U.S. (in en-US) (2021-07-26)။ 2021-08-09 တွင် ပြန်စစ်ပြီး။
- ↑ Smeyers၊ Mark (30 September 2006)။ Murciélago LP640 Versace။ 4 April 2016 တွင် ပြန်စစ်ပြီး။
- ↑ 11 Incredibly Expensive Choppers (December 2014)။ 4 April 2016 တွင် ပြန်စစ်ပြီး။
- ↑ Buckle up to Travel in Versace-Style Chopper (20 March 2008)။ 4 April 2016 တွင် ပြန်စစ်ပြီး။
- ↑ Here It Is: Versace for H&M, The Complete Collection (20 October 2011)။ 4 April 2016 တွင် ပြန်စစ်ပြီး။
- ↑ Versace and Lil Buck's Sneaker Collaboration Takes Flight Today (30 October 2015)။ 31 October 2015 တွင် မူရင်းအား မော်ကွန်းတင်ပြီး။ 4 April 2016 တွင် ပြန်စစ်ပြီး။
- ↑ Versace to Partner With China's Mind Group (11 March 2015)။ 4 April 2016 တွင် ပြန်စစ်ပြီး။
- ↑ ABIL Group partners with luxury brand Versace (29 October 2015)။ 24 January 2019 တွင် မူရင်းအား မော်ကွန်းတင်ပြီး။ 4 April 2016 တွင် ပြန်စစ်ပြီး။
- ↑ Donatella on Her Givenchy Campaign (15 June 2015)။ 4 April 2016 တွင် ပြန်စစ်ပြီး။
- ↑ Kith Debuted Upcoming Versace Collaboration at Its 'Kith Park' Runway။ 13 January 2019 တွင် ပြန်စစ်ပြီး။
- ↑ Turkish launches two new amenity kits, with Versace for Business Class and Mandarina Duck for Economy (You heard us right!) (5 July 2019)။ 19 August 2022 တွင် ပြန်စစ်ပြီး။
- ↑ Versace Men's Fall 2019 (12 January 2019)။ 13 January 2019 တွင် ပြန်စစ်ပြီး။
- ↑ The Swap: Donatella Versace and Kim Jones | Online Store US (in en)။ 2021-09-27 တွင် ပြန်စစ်ပြီး။
- ↑ Fabulous Friends – The Swap presented Kim Jones's vision for Versace and Donatella Versace's interpretation of Fendi. This is not a collaboration. (in en)။ 2021-09-27 တွင် ပြန်စစ်ပြီး။
- ↑ Donatella Versace, Kim Jones on Why Swapping Brands Is Brave (in en-US) (2021-09-26)။ 2021-09-27 တွင် ပြန်စစ်ပြီး။
- ↑ Lady Gaga and Versace Team Up for a Stunning Capsule Collection (in en-US) (2021-06-01)။ 2022-08-29 တွင် ပြန်စစ်ပြီး။
- ↑ Dua Lipa's Versace Collection — the Fashion Brand's First Celeb Collaboration! — Just Dropped။ 26 May 2023 တွင် ပြန်စစ်ပြီး။
- ↑ Donatella Versace et Dua Lipa présentent leur collection "La Vacanza" à Cannes။ 26 May 2023 တွင် ပြန်စစ်ပြီး။
- ↑ Glitz abounds in Gold Coast tribute to Versace။ The New Zealand Herald (27 May 2000)။ 2014-08-14 တွင် ပြန်စစ်ပြီး။
- ↑ The Rise and Fall... and Rise... of Palazzo Versace။ Let's Travel Magazine (15 September 2000)။ 14 August 2014 တွင် မူရင်းအား မော်ကွန်းတင်ပြီး။ 2014-08-14 တွင် ပြန်စစ်ပြီး။
- ↑ Gold Coast's Palazzo Versace sold to Chinese for $68.5 million။ Brisbane Times (29 February 2012)။ 2014-08-14 တွင် ပြန်စစ်ပြီး။
- ↑ Palazzo Versace GM Russell Durnell leaves five-star hotel's top job။ Gold Coast Bulletin (29 April 2014)။ 14 August 2014 တွင် မူရင်းအား မော်ကွန်းတင်ပြီး။ 2014-08-14 တွင် ပြန်စစ်ပြီး။
- ↑ Palazzo Versace hotel in Dubai to open in December။ The National (10 September 2015)။ 30 March 2016 တွင် ပြန်စစ်ပြီး။
- ↑ Palazzo Versace to open in Macau။ The Daily Telegraph (20 August 2013)။ 14 August 2014 တွင် မူရင်းအား မော်ကွန်းတင်ပြီး။ 2014-08-15 တွင် ပြန်စစ်ပြီး။
- ↑ Versace teams up with SJM to outfit Macau hotel။ China Economic Review (21 August 2013)။ 20 October 2013 တွင် မူရင်းအား မော်ကွန်းတင်ပြီး။ 21 August 2013 တွင် ပြန်စစ်ပြီး။
- ↑ Palazzo Versace Hotel Slated for Macau။ Wall Street Journal (21 August 2013)။ 2014-08-15 တွင် ပြန်စစ်ပြီး။
- ↑ History။ Palazzo Versace။ 7 June 2016 တွင် မူရင်းအား မော်ကွန်းတင်ပြီး။ 30 March 2016 တွင် ပြန်စစ်ပြီး။
ပြင်ပလင့်များ
[ပြင်ဆင်ရန်]- ဇိမ်ခံပစ္စည်း အမှတ်တံဆိပ်များ
- တန်ဖိုးကြီး ဖက်ရှင် အမှတ်တံဆိပ်များ
- အီတလီနိုင်ငံ၏ ကုမ္ပဏီများ
- ဖိနပ် ကုမ္ပဏီများ
- အဝတ်အစား ကုမ္ပဏီများ
- လက်ပတ်နာရီ အမှတ်တံဆိပ်များ
- မျက်မှန် အမှတ်တံဆိပ်များ
- မီလန်မြို့အခြေစိုက် ကုမ္ပဏီများ
- အဝတ်အစား အမှတ်တံဆိပ်များ
- ဖက်ရှင် အသုံးအဆောင် အမှတ်တံဆိပ်များ
- လက်ဝတ်ရတနာ ကုမ္ပဏီများ
- လက်ပတ်နာရီ ထုတ်လုပ်ရေး ကုမ္ပဏီများ