ဖော်ကာ

ဖော်ကာ
မွေးဖွား	ထိန်မင်းဇော် (၁၉၈၆-0၈-0၂) ဩဂုတ် ၂၊ ၁၉၈၆ စစ်တွေမြို့ ၊ ရခိုင်ပြည်နယ်
နိုင်ငံလူမျိုး	ရခိုင်လူမျိုး
အလုပ်အကိုင်	အဆိုတော် + တေးရေးဆရာ
အိမ်ထောင်ဖက်(များ)	ပွင့်ဖြုအောင်
မိဘ(များ)	ဦးဘဖြူ + ဒေါ်ဦးခင်အေး

ဖော်ကာ (၂ ဩဂုတ် ၁၉၈၆ ဖွား) သည် WANTED Band ​၏ အဆိုတော် နှင့် တေးရေးဆရာတစ်ဦးဖြစ်သည်။ ရော့ခ် အဆိုရှင်တစ်ဦးအဖြစ် လူသိများပြီး သူ၏ ဘယ်လိုငြိမ်းသတ်ရမလဲ အသဲကွဲသီချင်းသည် လူငယ်ပရိ သတ်များကြား လူသိများသည်။

ငယ်ဘဝ

၁၉၈၆ ခုနှစ် ဩဂုတ်လ ၂ ရက်နေ့တွင် ရခိုင်ပြည်နယ် စစ်တွေမြို့၌ ဦးဘဖြူနှင့်ဒေါ်ဦးခင်အေးတို့မှ မွေးဖွားခဲ့သည်။ အမည်ရင်းမှာ ထိန်မင်းဇော် ဖြစ်ပြီး ရခိုင်တိုင်းရင်းသားတစ်ဦးဖြစ်သည်။မွေးချင်း ၄ဦးအနက် အငယ်ဆုံးသားဖြစ်သည်။ တက္ကသိုလ်ဝင်တန်းစာမေးပွဲကို ၂၀၀၂ ခုနှစ်တွင် အောင်မြင်ခဲ့ပြီးနောက် ဂီတလောကထဲ ဝင်ရောက်ကာ ဂီတအလုပ်ကိုပင် အဓိက လုပ်ဆောင်ခဲ့သည်။ သူသည် ၂၀၀၅ ခုနှစ်ကစပြီး အဆိုတော် ရေမွန် နှင့် တေးသီချင်းများစွာအတူ ဖန်တီးခဲ့သူလည်းဖြစ်သည်။ သူသည် လူငယ်ဂီတ အဖွဲ့ (၄)ဖွဲ့ ဖြင့် ၂၀၁၀ ခုနှစ်က ဖွဲ့စည်းခဲ့သော SIR အဖွဲ့ဝင်တစ်ဦးလည်း ဖြစ်ခဲ့သည်။၂၀၁၆ခုနှစ်နောက်ပိုင်း အဖွဲ့ကွဲသွားသည့် SIR ကျန်အဖွဲ့ဝင်အချို့ နှင့်အတူ ဂီတများကို ဆက်လက် ဖန်တီးနေခဲ့သည်။ ဖော်ကာသည် တေးစီးရီးများကို အချိန်ယူကာ ထုတ်ဝေခဲ့ပြီး တေးစီးရီးတစ်ခုလျှင် အနည်းဆုံးအချိန်ကာလ ၄နှစ်အထိ ယူတတ်သည်။၂၀၂၀ ပြည့်နှစ် ဇူလိုင်လက ၎င်းကိုယ်တိုင် အကဲဖြတ်အမှတ်ပေးသည့် ကာရာအိုကေသီချင်းဆိုပြိုင်ပွဲကို JOOX Myanmar အပလီကေးရှင်း နှင့် ပူးပေါင်း စီစဉ်ခဲ့သည်။

ထွက်ရှိခဲ့သောတေးစီးရီးများ

• ရောင်ခြည်
• ငါ့ဂီတ ငါ့ဗီဇ
• တစ်ယောက် တစ်နေရာ (၂၀၁၃)
• စိတ်နဲ့လူ

ပုဂ္ဂိုလ်ရေးဘဝ

၂၀၁၇ ခုနှစ် အောက်တိုဘာလ ၅ ရက်နေ့တွင် မပွင့်ဖြူအောင်နှင့်အိမ်ထောင်ကျပြီး သားတစ်ဦးနှင့်သမီးတစ်ဦးထွန်းကားခဲ့သည်။

ပြင်ပလင့်ခ်များ

• ဖေ့စ်ဘွတ်ခ် ပေါ်ရှိ ဖော်ကာ
• YouTube ပေါ်ရှိ Video
• တမ်းပလိတ်:Spotify artist