ဖီဖာ နိုင်ငံတကာ ဒိုင်လူကြီးများစာရင်း

ဝီကီပီးဒီးယား မှ

ဖီဖာ နိုင်ငံတကာ ဒိုင်လူကြီးများစာရင်း သည် ဖီဖာ မှ ထိန်းချုပ်ထားသော အသင်းအဖွဲ့ဘောလုံး (ပြင်ပဘောလုံး)၊ ဖူဆယ်နှင့် ကမ်းခြေဘောလုံးဟူသော ဘောလုံးမျိုးကွဲများတွင် ဖီဖာ နိုင်ငံတကာ ဒိုင်လူကြီးများစာရင်းကို နှစ်စဉ်ထုတ်ပြန်ခြင်းဖြစ်သည်။ စာရင်းပါအဖွဲ့ဝင်များသည် နိုင်ငံတကာအဆင့်တွင် တာဝန်ထမ်းဆောင်ရန် အရည်အချင်းပြည့်မီပြီး၊ ၎င်းတို့စာရင်းသွင်းခံရသည့်နှစ်အတွက် ၎င်းတို့၏ ယူနီဖောင်းတွင် FIFA တံဆိပ်ကို ထိုးတပ်ခွင့်ရှိသည်။

ဆန်ကာတင်ခြင်း[ပြင်ဆင်ရန်]

လက်ရွေးစင်ဘောလုံး၊ ဖူဆယ်နှင့် ကမ်းခြေဘောလုံးပြိုင်ပွဲအတွက် အမျိုးသား၊ အမျိုးသမီး တာဝန်ရှိသူများကို အမည်စာရင်း တင်သွင်းနိုင်ရန် ဖီဖာအဖွဲ့ဝင်နိုင်ငံများကို နှစ်စဉ် ဖိတ်ခေါ်သည်။ နိုင်ငံတစ်ခုစီ၏ ဒိုင်များကော်မတီက FIFA သို့ အမည်စာရင်းတင်သွင်းရန် ဒိုင်များကို ရွေးချယ်သည်။ [၁] [၂]

ဖီဖာသည် စုစုပေါင်းစာရင်းငါးခုကို ထိန်းသိမ်းထားသည်။ အမျိုးသားနှင့် အမျိုးသမီး ဘောလုံးဒိုင်များ၊ [၃] [၄] အမျိုးသားနှင့် အမျိုးသမီး ဖူဆယ်ဒိုင်များ [၅] [၆] နှင့် ကမ်းခြေဘောလုံးဒိုင်များ (တခုတည်းသော) စာရင်းတို့ ဖြစ်သည်။ [၇] အသင်း၏ဘောလုံးစာရင်းမှ တာဝန်ရှိသူများကို ဒိုင်များ သို့မဟုတ် လက်ထောက်ဒိုင်များအဖြစ် အမည်စာရင်းတင်သွင်းသည်။ [၈] နိုင်ငံတကာအဆင့်တွင် ဖူဆယ်နှင့် ကမ်းခြေဘောလုံးပွဲများကို ကွင်းတွင်းဒိုင်လူကြီးနှစ်ဦးက ထိန်းချုပ်လေ့ရှိပြီး လက်ထောက်ဒိုင်များနှင့် ညီမျှခြင်းမရှိပေ။ [၁]

ကြံ့ခိုင်ရေး[ပြင်ဆင်ရန်]

ဆန်ကာတင်ပါသည့် ဒိုင်များသည် ၄၀ မီတာ (၁၃၀ ပေ) ဆက်တိုက်ပြေးခြင်းနှင့် ၇၅ မီတာ (၂၄၆ ပေ)ဆက်တိုက်ပြေးပြီး ၂*၁၂.၅ မီတာ လမ်းပြန်လျှောက်ရသော ကြံ့ခိုင်မှုစစ်ဆေးမှုများကို ဖြေဆိုရမည်ဖြစ်သည်။ စာရင်းတွင် ဆန်ကာတင်ပါသော လက်ထောက်ဒိုင်များသည် CODA-drill ၊ ၃၀ မီတာ (၉၈ ပေ) ပြေးခြင်းနှင့် ၇၅ မီတာ (၂၄၆ ပေ) ပြေးခြင်း ဖြစ်သော ကြားကာလ စမ်းသပ်မှုနှင့် ၂*၁၂.၅ မီတာ ပြန်လည် လမ်းလျှောက်ခြင်း စသည့် ကြံ့ခိုင်ရေးစမ်းသပ်မှုများကို အောင်မြင်ရသည် ။ [၁] [၉] [၁၀]

FIFA တံဆိပ်[ပြင်ဆင်ရန်]

ဒိုင်လူကြီးများစာရင်းတွင် ရွေးချယ်ခံရပါက FIFA မှ တံဆိပ်တစ်ခုရရှိမည်ဖြစ်သည်။ တံဆိပ်တွင် ဒိုင်၊ လက်ထောက်ဒိုင်၊ ဖူဆယ်ဒိုင် သို့မဟုတ် သဲသောင်ပြင်ဘောလုံးဒိုင်များဟူ၍ ၎င်းတို့ စာရင်းဝင်သော အဆင့်အတန်း ရာထူးအမျိုးအစားကို ဖော်ပြသည်။ အမျိုးအစားအလိုက် သက်ဆိုင်ရာ ပြိုင်ပွဲများတွင် ဒိုင်လူကြီးသည် သက်ဆိုင်ရာတံဆိပ်ကို တပ်ဆင်လိမ့်မည်ဟု မျှော်လင့်ရသည်။ ဒိုင်သည် ၎င်းတို့၏ အမျိုးအစားမဟုတ်သော (မသက်ဆိုင်သည့်) ပြင်ပပွဲစဉ်ကို ထိန်းချုပ်နေသည့်အခါ (ဥပမာ- လက်ထောက်ဒိုင် သို့မဟုတ် ဖူဆယ်ဒိုင်တဦးသည် ပြင်ပပွဲစဉ်ကို ကိုင်သည့်အခါမျိုးတွင်) တံဆိပ်ကို မတပ်ဆင်ပါ။ အမျိုးသမီးစာရင်းဝင်များသည် အမျိုးသားများကို စစ်ဆေးသည့် ကြံ့ခိုင်မှုစစ်ဆေးမှုများ အောင်မြင်ပြီးမြောက်မှသာ အမျိုးသားများ ကန်သည့် နိုင်ငံတကာပွဲစဉ်များတွင် ဒိုင်လုပ်ခွင့်ရှိသည်။ ပထမဆုံးအကြိမ် စာရင်းသွင်းခံရခြင်းကို ဖီဖာတံဆိပ် လက်ခံခြင်းဟု မကြာခဏ ရည်ညွှန်းသည်။ [၁]

</img> </img> </img> </img>
၂၀၁၉ ခုနှစ်ကတည်းက FIFA တံဆိပ်အဆောင်အယောင်

အသက်[ပြင်ဆင်ရန်]

ထိုပြက္ခဒိန်နှစ်တွင် နိုင်ငံတကာ ဒိုင်လူကြီးများ အမည်စာရင်းတင်သွင်းခြင်းအတွက် အရည်အချင်းပြည့်မီရန်မှာ ဒိုင်တစ်ဦးသည် ဇန်နဝါရီ ၁ ရက်တွင် အနည်းဆုံး အသက် ၂၅ နှစ်ရှိရမည်။ လက်ထောက်ဒိုင်သည် အသက် ၂၃ နှစ်တွင် အရည်အချင်းပြည့်မီသည်။

၂၀၁၆ ခုနှစ်တွင် စာရင်းအတွက် အများဆုံး အသက်ကန့်သတ်ချက်ကို (၄၅ နှစ် သို့မဟုတ် ပထမအကြိမ်စာရင်းပါခြင်းအတွက် ၃၈ နှစ်ထိ) လျှော့ချခဲ့သည်။ [၁၁] [၁၂] ဖီဖာသည် အသက် ၄၅ နှစ်အထက် ဒိုင်များအား အပိုနည်းပညာဆိုင်ရာ အကဲဖြတ်မှုများအပြင် သီးခြားဆေးစစ်မှုများနှင့် ကာယကြံ့ခိုင်မှု စစ်ဆေးခြင်းတို့ကို ဖြစ်ရပ်တစ်ခုချင်းအလိုက် တောင်းဆိုပိုင်ခွင့်ရှိသည်။ [၁၃]

ဆာကစ် ဒဲမီးယာဂျန် Sarkis Demirdjian သည် ဖီဖာစာရင်းဝင် ဒိုင်လူကြီးအဖြစ် သက်တမ်းအကြာဆုံး တာဝန်ထမ်းဆောင်ခဲ့ပြီး (စက်တင်ဘာ ၁၉၆၂ မှ ဇူလိုင်လ ၁၉၈၃ အထိ) အနှစ် ၂၀ နှင့် ၁၀ လ စာရင်းပါခဲ့သည်။ [၁၄]

ကိုးကား[ပြင်ဆင်ရန်]

  1. ↑ ၁.၀ ၁.၁ ၁.၂ ၁.၃ You must specify archiveurl = and archivedate = when using {{cite web}}.Regulations governing the registration of international referees, assistant referees, futsal။ 27 July 2012 တွင် မူရင်းအား မော်ကွန်းတင်ပြီး။
  2. ↑ You must specify archiveurl = and archivedate = when using {{cite web}}.Duties of the Referees Committee။ 27 July 2012 တွင် မူရင်းအား မော်ကွန်းတင်ပြီး။
  3. ↑ Men's Referees List။ FIFA.com (2014-06-22)။ June 25, 2011 တွင် မူရင်းအား မော်ကွန်းတင်ပြီး။ 2014-06-26 တွင် ပြန်စစ်ပြီး။
  4. ↑ Women's Referees' List။ FIFA.com (2014-06-22)။ August 12, 2011 တွင် မူရင်းအား မော်ကွန်းတင်ပြီး။ 2014-06-26 တွင် ပြန်စစ်ပြီး။
  5. ↑ Men's Futsal Referees' List။ FIFA.com (2014-06-22)။ June 23, 2011 တွင် မူရင်းအား မော်ကွန်းတင်ပြီး။ 2014-06-26 တွင် ပြန်စစ်ပြီး။
  6. ↑ Women's Futsal Referees' List။ FIFA.com (2014-06-22)။ June 24, 2011 တွင် မူရင်းအား မော်ကွန်းတင်ပြီး။ 2014-06-26 တွင် ပြန်စစ်ပြီး။
  7. ↑ Refereeing – Beach Soccer Referees' List။ FIFA.com (2014-06-22)။ September 17, 2011 တွင် မူရင်းအား မော်ကွန်းတင်ပြီး။ 2014-06-26 တွင် ပြန်စစ်ပြီး။
  8. ↑ For example, the list of Australian men's association football referees is divided into referees and assistant referees:
  9. ↑

    You must specify archiveurl= and archivedate= when using {{cite news}}. Available parameters: တမ်းပလိတ်:Cite news/doc/parameterlist

    "World Cup referees outrun players"၊ 4 June 2010။ Archived from the original on 27 July 2012။ 
  10. ↑ "How to Train a World Cup Referee"၊ 22 June 2010။ 25 March 2024 တွင် ပြန်စစ်ပြီး။ Archived from the original on 27 September 2013။ 
  11. ↑ Rizzoli happy FIFA is raising ref age limit (in en) (2014-12-30)။ 2021-06-16 တွင် ပြန်စစ်ပြီး။
  12. ↑ Refereeing World: FIFA: No more age limits for international referees။ 2021-06-16 တွင် ပြန်စစ်ပြီး။
  13. ↑ FIFA.com Archived 6 August 2021 at the Wayback Machine.
  14. ↑ Guinness World Records 2014။ 2013။ pp. 256။

ပြင်ပလင့်များ[ပြင်ဆင်ရန်]

တမ်းပလိတ်:FIFA navbox

"https://my.wikipedia.org/w/index.php?title=ဖီဖာ_နိုင်ငံတကာ_ဒိုင်လူကြီးများစာရင်း&oldid=827518" မှ ရယူရန်