ဖရီးမန်းဘွဲ

ဝီကီပီးဒီးယား မှ

ဖရီးမန်း အိုက်ကေးလီး ဘွဲ (၁၉၆၁ ဒီဇင်ဘာ ၉ ဘွား) သည် တန်ဇေးနီးယားနိုင်ငံသား နိုင်ငံရေးသမားဖြစ်ပြီး ချမာ ချာ ဒီမိုကရေစီယာ နာ မန်ဒယ်လီယို (ချဒီမာ ဒီမိုကရေစီနှင့်ဖွံ့ဖြိုးရေးပါတီ) ၏ ဥက္ကဋ္ဌအဖြစ် ဆောင်ရွက်နေသည်။

၂၀၀၀ ရွေးကောက်ပွဲတွင် ကီလီမန်ဂျာရိုနယ်မြေ၊ ဟိုင်ဒိစတြိတ်မှ အမတ်အရွေးအခံရာ မဲအရေအတွက်၏ ၆၄% ရခဲ့သည်။ အတိုက်အခံအမတ်များအနက် မဲသာမှုအမြင့်ဆုံးရသူတည်း။ [၁] ၂၀၀၅ ခုအတွက် ပါတီတွင်း သမ္မတလောင်းပြိုင်ရာ အနိုင်ရ၏။ [၂] ပါတီတွင်းပြိုင်ဘက် ဂျမ်ဘီ ရာဂျပ် ဂျမ်ဘီ နှင့် ဇန်ဇီဘာရီတို့မှာ ဒုသမ္မတနေရာကို အရွေးခံရမည် ဖြစ်၏။ သို့သော် ဂျမ်ဘီတိမ်းပါးသဖြင့် အောက်တိုဘာလ ၃၀ ရက်တွင် ကျင်းပမည့် ရွေးကောက်ပွဲကို ဒီဇင်ဘာလ ၁၄ ရက်သို့ ရွှေ့ရသည်။ ၎င်းသမ္မတရွေးပွဲတွင် ၁၄ ယောက်ပြိုင်ရာ မဲ ၅.၈၈% ဖြင့် တတိယနေရာ ရသည်။

၂၀၁၀ ရွေးကောက်ပွဲတွင် ဖူယာ ဂေါ့ဒဝင် ကင်ဘီတာကို မဲ ၅၁.၆၃% ဖြင့် အနိုင်ရကာ အတိုက်အခံပါတီ၏ ခေါင်းဆောင်နေရာဖြင့် အမတ်ဖြစ်သည်။ [၃] ၂၀၁၅ ရွေးကောက်ပဲတွင်လည်း ယခင်ရွေးကောက်ခံနေရာ ဟိုင်ဒိစတြိတ်၌ပင် ဝင်ပြိုင်ပြီး အမတ်ဖြစ်သည်။ [၄]

၁၉၉၂ ခုတွင် ချဒီမာပါတီကို ထူထောင်သူတို့အနက် တဦးအဝင်အပါဖြစ်ပြီး ပါလီမန်၌ ထင်ရှားအောင်ပြုနိုင်ပြီး ပါတီတွင်း၌လည်း အရေးပါသည့် ဗျူဟာသမားတည်း။ ၂၀၀၄ ခုမှစ၍ ပါတီဥက္ကဋ္ဌအဖြစ် ဆောင်ရွက်ခဲ့ရာ ၁၉၉၀ ကာလများမှစ၍ အာဏာရပါတီ၏ ဖြိုခွင်းမှုအောက်တွင် အခြားအတိုက်အခံပါတီများ ပြိုကွဲသော်လည်း ကြံ့ကြံ့ခံနိုင်သည့် တခုတည်းသော အတိုက်အခံပါတီဖြစ်၏။

၂၀၂၁ ခု၊ ဇူလိုင်လတွင် လူထုထောက်ခံပွဲလုပ်ရန် နိုင်ငံ့အနောက်မြောက်ဘက်သို့သွားသော ဘွဲနှင့် ပါတီဝင် ၁၀ ဦးကို အကြမ်းဖက်လုပ်ရပ်များအတွက် သွေးထိုးသည်ဟု စွဲချက်ပြုကာ ဖမ်းဆီးထားသည်။ [၅][၆]

ကိုးကား[ပြင်ဆင်ရန်]

  1. "Masauni saga exposes CCM's vetting failure Archived 24 February 2012 at the Wayback Machine.", The Citizen, Mwananchi Communications.
  2. Mpinganjira, Ernest (4 December 2005), "Mbowe Rises to Become CCM's Biggest Political Headache", allAfrica.com.
  3. "Zitto — Why I Want to Succeed Mbowe", The Citizen, 26 August 2009.
  4. "Parliament of Tanzania". 6 May 2017. Archived from the original on 6 May 2017.
  5. Charles Kombe. "Tanzania's Main Opposition Leader Freeman Mbowe Arrested". VOA News. 2021-07-21.
  6. "Tanzania opposition leader Freeman Mbowe in court to face charges". Aljazeera. 2021-08-31.