ပဲန်မြန်မာ
| ဆောင်ပုဒ် | လွတ်လပ်စွာရေးသားထုတ်ဖော်ပြောဆိုခွင့်ကို ကာကွယ်ရန်နှင့်မြှင့်တင်ရန်၊ သစ်လွင်သောစာပေယဉ်ကျေးမှုတစ်ရပ် ပေါ်ပေါက်စေရန် |
|---|---|
| ဖွဲ့တည်ချိန် | ၂၇ နိုဝင်ဘာ ၂၀၁၃ |
| အမျိုးအစား | အရပ်ဘက်အဖွဲ့အစည်း |
| ဌာနချုပ် | အမှတ်(၇၁)၊ (၄)လွှာ၊ မြေနီကုန်းဈေးလမ်း၊ စမ်းချောင်းမြို့နယ်၊ ရန်ကုန်၊ မြန်မာနိုင်ငံ[၁] |
ဥက္ကဋ္ဌ | ညီပုလေး |
| ဝက်ဘ်ဆိုဒ် | penmyanmar.org |
ပဲန်မြန်မာ ဆိုသည်မှာ ကဗျာဆရာများ၊ စာရေးဆရာများ၊ အယ်ဒီတာများနှင့် ထုတ်ဝေသူများ စုစည်းဖွဲ့စည်းထားသော စာပေအနုပညာနှင့်လွတ်လပ်စွာရေးသားထုတ်ဖော်ပြောဆိုခွင့်ကို အကာအကွယ်ပေးသော အဖွဲ့အစည်းတစ်ခုဖြစ်ပြီး ပဲန်အင်တာနေရှင်နယ် [၂] ၏ အဖွဲ့ဝင်နိုင်ငံလည်း ဖြစ်သည်။
သမိုင်းကြောင်း[ပြင်ဆင်ရန်]
ပဲန်မြန်မာကို ၂၀၁၃ ခုနှစ် နိုဝင်ဘာလ ၂၇ ရက်(အမျိုးသားနေ့)တွင် ပထမအကြိမ် ညီလာခံကျင်းပ၍ သတင်းထုတ်ပြန်ချက်(၅/၂၀၁၃)ထုတ်ပြန်၍ တရားဝင်စတင်ဖွဲ့စည်းခဲ့သည်။ [၃] ပဲန်မြန်မာ၏ နှစ်ပတ်လည် ညီလာခံများကို နှစ်စဉ်ကျင်းပခဲ့ပါသည်။ ပဲန်မြန်မာ၏ ပထမအကြိမ် ညီလာခံတွင် ပဲန်မြန်မာ၏ ဥက္ကဋ္ဌအဖြစ် စာရေးဆရာမ မသီတာ(စမ်းချောင်း)က ရွေးကောက်တင်မြောက်ခံခဲ့ရပြီး အတွင်းရေးမှူးအဖြစ် စာရေးဆရာ နေဘုန်းလတ်က ရွေးကောက်တင်မြှောက်ခံခဲ့ရပါသည်။ [၄] ပဲန်မြန်မာ၏ ၂၀၁၃-၂၀၁၆ ဒါရိုက်တာအဖွဲ့သက်တမ်းတွင် ဥက္ကဋ္ဌနှင့်အတွင်းရေးမှူး အပါအဝင် ဒါရိုက်တာအဖွဲ့ဝင် ၉ ဦးပါဝင်ခဲ့ပါသည်။ ၂၀၁၃-၂၀၁၆ ဒါရိုက်တာအဖွဲ့သက်တမ်းအတွင်းတွင် အတွင်းရေးမှူး၊ နေဘုန်းလတ်သည် ၂၀၁၅ ခုနှစ် မြန်မာ့အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်၏ တိုင်းဒေသကြီးလွှတ်တော်ကိုယ်စားလှယ်အဖြစ် ဝင်ရောက်ရွေးချယ်ခံခဲ့သောကြောင့် ပဲန်မြန်မာ၏ ဒါရိုက်တာအဖွဲ့အဖြစ်မှလည်းကောင်း၊ အတွင်းရေးမှူးအဖြစ်မှလည်းကောင်း အနားယူခဲ့ပါသည်။ ထိုကာလအတွင်း ဒါရိုက်တာအဖွဲ့ဝင် ကဗျာဆရာ စောဝေက ယာယီအတွင်းရေးမှူးအဖြစ် တာဝန် ယူခဲ့ပါသည်။ ၂၀၁၆ ခုနှစ် ဒီဇင်ဘာလတွင်ပြုလုပ်ခဲ့သည့် ပဲန်မြန်မာ၏ နှစ်ပတ်လည်ညီလာခံတွင် ၂၀၁၆ - ၂၀၁၉ ဒါရိုက်တာအဖွဲ့သက်တမ်းတွင် ပြန်လည်ရွေးကောက်ခဲ့ရာတွင် ပဲန်မြန်မာ၏ ဥက္ကဋ္ဌအဖြစ် အယ်ဒီတာ မျိုးမြင့်ညိမ်းက ရွေးကောက်တင်မြှောက်ခံခဲ့ရပြီး အတွင်းရေးမှူးအဖြစ် စာရေးဆရာ၊ အယ်ဒီတာ ဟန်ဇော်/ဟန်ဆန်းက ရွေးကာက်တင်မြှောက်ခံခဲ့ရပါသည်။ ၂၀၁၆-၂၀၁၉ ဒါရိုက်တာအဖွဲ့သက်တမ်းတွင် ဥက္ကဋ္ဌနှင့်အတွင်းရေးမှူးအပါအဝင် ဒါရိုက်တာအဖွဲ့ဝင် ၉ ဦး ပါဝင်ပါသည်။
၂၀၁၉ ခုနှစ်၊ ဒီဇင်ဘာလ၊ (၂၈) ရက်နေ့တွင် ကျင်းပသော ပဲန်မြန်မာ ဆဋ္ဌမအကြိမ် နှစ်ပတ်လည် အထွေထွေညီလာခံတွင် ဒါရိုက်တာအဖွဲ့ရွေးကောက်ပွဲကို ကျင်းပပြုလုပ်ခဲ့ရာ စာရေးဆရာ ညီပုလေး က ဥက္ကဋ္ဌ အဖြစ်လည်းကောင်း၊ စာရေးဆရာ မြေမှုန်လွင်က အတွင်းရေးမှူးအဖြစ်လည်းကောင်း၊ စာရေးဆရာ ဟန်ဇော်/ဟန်ဆန်းက ဘဏ္ဍာရေးမှူးအဖြစ်လည်းကောင်း၊ စာရေးဆရာမ မိချမ်းဝေ၊ ဆရာ စောဝေ၊ ဆရာမ ချောအိမာန် (မန္တလေး)၊ ဆရာ သီဟသွေး၊ ဆရာမ နန်းကြာဖြူ (ဘားအံ)၊ ဆရာ သူရဿဝါ တို့က ဒါရိုက်တာအဖွဲ့ဝင်များအဖြစ် ရွေးကောက်တင်မြှောက်ခြင်းခံခဲ့ရသည်။[၅]
ဥက္ကဋ္ဌ[ပြင်ဆင်ရန်]
| ပဲန်မြန်မာဥက္ကဋ္ဌများ | |
|---|---|
| မသီတာ စမ်းချောင်း | ဒီဇင်ဘာ၊ ၂၀၁၃ – ဒီဇင်ဘာ၊ ၂၀၁၆ |
| မျိုးမြင့်ညိမ်း | ဒီဇင်ဘာ၊ ၂၀၁၆ - ၂၇၊ ဒီဇင်ဘာ၊ ၂၀၁၉ |
| ညီပုလေး | ၂၈၊ ဒီဇင်ဘာ၊ ၂၀၁၉ - ယနေ့အထိ |
ကိုးကား[ပြင်ဆင်ရန်]
- ↑ "မော်ကွန်းတင်ပြီးမိတ္တူ"။ 18 December 2021 တွင် ပြန်စစ်ပြီး။ Archived from the original on 28 October 2008။
- ↑ "မော်ကွန်းတင်ပြီးမိတ္တူ"။ 18 December 2021 တွင် ပြန်စစ်ပြီး။ Archived from the original on 28 October 2008။
- ↑ "မော်ကွန်းတင်ပြီးမိတ္တူ"။ 18 December 2021 တွင် ပြန်စစ်ပြီး။ Archived from the original on 28 October 2008။
- ↑ "မော်ကွန်းတင်ပြီးမိတ္တူ"။ 12 May 2018 တွင် ပြန်စစ်ပြီး။ Archived from the original on 31 January 2018။
- ↑ မော်ကွန်းတင်ပြီးမိတ္တူ။ 21 January 2020 တွင် မူရင်းအား မော်ကွန်းတင်ပြီး။ 18 May 2020 တွင် ပြန်စစ်ပြီး။
| ပဲန်မြန်မာ၏ တရားဝင်ဝက်ဘ်ဆိုဒ် Archived 27 April 2018 at the Wayback Machine. | ပဲန်အင်တာနေရှင်နယ်၏ တရားဝင်ဝက်ဘ်ဆိုဒ် Archived 4 May 2018 at the Wayback Machine. | မြန်မာတိုင်းသတင်းစာ[လင့်ခ်သေ]