ပိန်းနိုက်

ဝီကီပီးဒီးယား မှ
Jump to navigation Jump to search

Painiteဟု အမည်ရပြီး ကမ္ဘာ့အရှားပါး ဆုံး ကျောက်မျက်ရတနာ ၁ဝမျိုး စာရင်းထဲမှာ အဆင့် ၅ ဝင်သော ကျောက်မျက်ရတနာ တစ်မျိုး ဖြစ်ပါသည်။

ရှာဖွေတွေ့ရှိခဲ့သူမှာ အင်္ဂလိပ်လူမျိုး သတ္တုဗေဒ ပညာရှင် Arthur C.D.Pain ဖြစ်သည်။ ၁၉၅၀ ခုနှစ်နောင်းပိုင်းက မြန်မာနိုင်ငံ အထက်ပိုင်း၊ မိုးကုတ် ကျောက်တွင်းမှာ တူးဖော်တွေ့ရှိခဲ့ခြင်း ဖြစ်ပြီး သူ့အမည် Pain ကို အစွဲပြုကာ Painite ဟု အမည်ပေးလိုက်ခြင်းဖြစ်သည်။ ဓာတုဗေဒအခေါ် Borateဖြစ်သည်။

ကယ်လ်ဆီယံ၊ ဇိုင်ကိုနီယမ်၊ ဘိုရွန်၊ အလူမီနီယံ၊ အောက်ဆီဂျင် စသော သတ္တုဓာတ်တို့ပါဝင်ပြီး ခရိုမီယံ၊ ဗနေဒီယံ စသည့် သတ္တုတို့ အနည်းငယ်ရောစပ်ပါဝင်သည်ဟု သိရပါသည်။

ယင်းကျောက် Painite၏ ထူးခြားချက်မှာ သူ့သဘာဝကိုက ခြောက်မြောင့်သဏ္ဍန် အဖြစ် တည်ရှိနေခြင်း ဖြစ်ပါသည်။ အနီရောင်၊ ကြက်သွေးရောင်၊ လိမ္မော်နီရောင် အဆင်းသဏ္ဍန် တွေ့ရသည်။

နှစ်ပေါင်းကာလအတော်ကြာသည့်တိုင် Painiteသည် တစ်ကမ္ဘာလုံးမှာမှ သုံးခုသာ ရှိခဲ့ပါသည်။ သို့ပေမယ့် ၂၀⁠၀၅ နှစ်မတိုင်မီကာလမှာတော့ ၂၅ခု ထက်နည်းသော အရေအတွက်ထိရှိလာပါသည်။ ယင်းနောက်ပိုင်း တူးဖော်မှုမှာ Painite တွေ့ရှိမှု ရှိမရှိကတော့ စစ်တမ်းကောက်မထားပါ။

သို့ပေမယ့် ယင်းကျောက်အမျိုးအစားသည် တစ်ကမ္ဘာလုံးမှာ မြန်မာနိုင်ငံမှာပဲ တွေ့ရှိသေးတဲ့ ကျောက်အမျိုးအစား ဖြစ်ပြီး ထိပ်တန်းရှားပါးဈေးကြီး ကျောက်ဖြစ်တယ်သည်ဟု ကမ္ဘာက အသိမှတ်ပြုထားပါသည်။

၁ကာရက်ကို အမေရိကန်ဒေါ်လာ ၆သောင်းဝန်းကျင်တန်ဖိုးရှိသော ကျောက်ဖြစ်သည်ဟု သိရပါသည်။ Painite အနည်းငယ်ကို သူဌေးသူကြွယ်အချို့က ပိုင်ဆိုင်ပါသည်။ Painite အချို့ကို ဗြိတိန် သဘာဝသမိုင်းပြတိုက်၊ အမေရိကန် ဘူမိဗေဒသိပ္ပံ၊ ကယ်လီဖိုးနီးယား နည်းပညာသိပ္ပံနှင့် ဆွစ်ဇာလန် ကျောက်မျက်ရတနာ သုတေသနဓာတ်ခွဲခန်း တို့မှာ ခင်းကျင်းပြသထားသည်။


ကိုးကား[ပြင်ဆင်ရန်]