ပါးလ်မိုင်ယာမြို့

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
ပါးလ်မိုင်ယာမြို့

Palmyra

تدمر (အာရပ်)
မြို့
၂၀၁၀ ခုနှစ်တွင် တွေ့ရသော ပါးလ်မိုင်ယာ၏ အပျက်အစီးများ
၂၀၁၀ ခုနှစ်တွင် တွေ့ရသော ပါးလ်မိုင်ယာ၏ အပျက်အစီးများ
နိုင်ငံ ဆီးရီးယားနိုင်ငံ
ပြည်နယ် ဟွန်
ပါးလ်မိုင်ယာဒေသ*
UNESCO ကမ္ဘာ့အမွေခံနေရာများ
တည်ရှိသည့် နိုင်ငံ  ဆီးရီးယား
အမျိုးအစား ယဉ်ကျေးမှု
ရွေးချယ်သည့်စံနှုန်း i, ii, iv
ကိုးကား ၂၃
ဒေသ** အာရပ်နိုင်ငံများ
သတ်မှတ်ခြင်း မှတ်တမ်း
စတင်သတ်မှတ်ခြင်း ၁၉၈၀  (စတုတ္တအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည်
** ယူနက်စကို မှခွဲခြားသတ်မှတ်ထားသောဒေသ

ပါးလ်မိုင်ယာသည် ဆီးရီးယားနိုင်ငံ ဟွန်ပြည်နယ်တွင် တည်ရှိသော ရှေးဟောင်း ဆီမီတစ်မြို့တစ်မြို့ ဖြစ်သည်။ ရှေးဟောင်းသုတေသန ရှာဖွေတွေ့ရှိမှုများမှာ ကျောက်ခေတ်သစ် အထိ ညွှန်ပြလျှက်ပြီး ပထမဆုံး သမိုင်းတင်ခဲ့သည့် အချိန်မှာ ဘီစီ ၂ ထောင်စု နှစ်တွင် ဖြစ်သည်။ ပါးလ်မိုင်ယာသည် အင်ပိုင်ယာ အသီးသီးအောက်တွင် ကျရောက်ခဲ့ပြီးနောက် အေဒီ ၁ ရာစုနှစ်တွင် ရောမအင်ပိုင်ယာ၏ အစိတ်အပိုင်း ဖြစ်လာခဲ့သည်။

ပါးလ်မိုင်ယာမြို့သည် ကုန်သွယ်လှည်းများကြောင့် ကြွယ်ဝ လာခဲ့ခြင်း ဖြစ်သည်။ ပါးလ်မိုင်ယာမြို့သား များမှာ ပိုးသားလမ်းမကြီး တစ်လျှောက် ကိုလိုနီများ တည်ထောင်ခဲ့သူများ အဖြစ် ထင်ရှားပြီး ရောမ အင်ပိုင်ယာ တစ်ခုလုံးတွင် လှည့်လည် ကျက်စားကြသည်။ ပါးလ်မိုင်ယာတို့၏ ကြွယ်ဝမှုကြောင့် အမှတ်တရ အဆောက်အဦးများစွာ တည်ဆောက်နိုင်ခဲ့ပြီး ၎င်းတို့ထဲတွင် ဂရိတ်ကိုလန်နိတ်၊ ဘဲလ်ဘုရားကျောင်းတော် နှင့် ထင်ရှားသော မျှော်စင်ဂူသင်္ချိုင်းများ ပါဝင်သည်။ ပါးလ်မိုင်ယာမြို့သားများသည် အမိုရိုက်၊ အရာမင်း နှင့် အာရပ်လူမျိုးများ စုပေါင်းထားခြင်း ဖြစ်သည်။ မြို့၏ လူမှုပုံစံမှာ လူမျိုးစု ပုံစံ ဖြစ်သည်။ မြို့သားများမှာ အာရာမိုက် ဘာသာစကား၏ ဒေသသုံးစကား ဖြစ်သော ပါးလ်မိုင်ယင်း စကားကို ပြောကြပြီး ကုန်သွယ်မှုနှင့် သံတမန် ဆက်ဆံရေး အတွက် ဂရိဘာသာစကားကို အသုံးပြုကြသည်။ ပါးလ်မိုင်ယာ၏ ယဉ်ကျေးမှုသည် ဂရိရောမ ယဉ်ကျေးမှု၏ လွှမ်းမိုးခြင်းကို ခံရပြီး အရှေ့တိုင်းနှင့် အနောက်တိုင်း ရိုးရာများ ပေါင်းစပ်ထားသော ထင်ရှားသော အနုပညာနှင့် ဗိသုကာ လက်ရာ များစွာကို ဖန်တီးခဲ့သည်။ မြို့တော်တွင်း နေထိုင်သူများမှာ ရိုးရာ နတ်ဘုရားများ အပြင် မက်ဆိုပိုတေးမီးယား နှင့် အာရပ် နတ်ဘုရားများကိုလည်း ကိုးကွယ်ကြသည်။


ကိုးကား[ပြင်ဆင်ရန်]