ပါပသ္မိံ ရမတိ မနော

ပါပသ္မိံ ရမတိ မနော သည် မြန်မာဆိုရိုးစကား ဖြစ်သည်။ “ပါပသ္မိံ ရမတေ မနော” ဟူ၍လည်း အဆိုရှိသည်။

အဓိပ္ပာယ်

“ပါပသ္မိံ ရမတိ မနော” ဆိုသည်မှာ “စိတ်သည် မကောင်းမှု၌ မွေ့လျော်တတ်သည်” ဟု အဓိပ္ပာယ်ရသည်။ (မနော- စိတ်သည်၊ ပါပသ္မိံ-မကောင်းမှု၌၊ ရမတိ-မွေ့လျော်၏။) လူတို့၏ စိတ်သည် မကောင်းမှုများ၊ အကုသိုလ်တရားများ၌ မွေ့လျော်ရန် လွယ်ကူသော သဘောသဘာဝရှိသည်။ ထို့ကြောင့် မိမိ၏ စိတ်ကို ထိန်းချုပ်၍ ကောင်းမှုကုသိုလ်များ၌ မွေ့လျော်အောင် ကြိုးစားသင့်ကြောင်းကို ဤဆိုရိုးစကားက သွန်သင်သည်။

ကိုးကားချက်များ

• “ရှင်စောမြတ်စိတ်၊ သုံးလူ့မိတ်လျှင် (အဘိတ္ထရေထ ကလျာဏေ၊ ပါပါ စိတ္တံ နိဝါရယေ၊ ဒန္ဓဥှိ ကရောတော ပုညံ၊ ပါပသ္မိံ ရမတိ မနော) ဤသို့ဟော၏၊”
• “ပါပသ္မိံ ရမတိ မနော စသည်ဖြင့် ဟောတော်မူရာ၌လည်း မကောင်းမှု၌သာ စိတ်၏မွေ့ခြင်းဖြစ်၏ဟူလိုသည်။”
• “ပါပသ္မိံ ရမတေ မနော
  မနော-စိတ်မည်သည်၊ ပါပသ္မိံ-မကောင်းမှု၌သာလျှင်၊ ရမတေ-မွေ့လျော်မြဲတည်းဟူ၍ ဟောတော်မူသည်နှင့်အညီ မကောင်းမှုတို့၌သာ အမြဲမွေ့လျော်ခြင်းသဘောသည် စိတ်၏ ပကတိသော ဇာတိအလားတည်း။”