ပါဏာတိပါတ
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
ပါဏာတိပါတ ဟူသည်မှာ သတ္တဝါတို့၏ ဇီဝိတိန္ဒြေကို လျင်စွာ ချွေခြင်း သို့မဟုတ် သတ်ဖြတ်ခြင်းဟု အဓိပ္ပာယ်ရသည်။ ဤတရားသည် အကုသလကမ္မပထတရား (၁၀) ပါးတွင် ပထမဆုံးသော ကာယကံဒုစရိုက် ဖြစ်ပြီး သတ္တဝါတို့အား အပါယ်လေးဘုံသို့ ပို့ဆောင်နိုင်သော အကုသိုလ်စေတနာ ဖြစ်သည်။
ပါဏာတိပါတမြောက်ရန် အင်္ဂါရပ်များ
[ပြင်ဆင်ရန်]အမှုတစ်ခုသည် ပါဏာတိပါတ ကမ္မပထ မြောက်ရန်အတွက် အောက်ပါ အင်္ဂါ (၅) ပါး နှင့် ပြည့်စုံရမည်ဖြစ်သည် -
၁။ ပါဏ - သက်ရှိသတ္တဝါဖြစ်ခြင်း။
၂။ ပါဏသညိတာ - သတ္တဝါဟု သိခြင်း။
၃။ ဝဓကစိတ္တံ - သတ်လိုသော စေတနာရှိခြင်း။
၄။ ဥပက္ကမော - သတ်ရန် လုံ့လပြုခြင်း။
၅။ တေန မရဏံ - ထိုလုံ့လကြောင့် သတ္တဝါသေခြင်း။
သတ်ဖြတ်ခြင်းဆိုင်ရာ ပယောဂ (၆) မျိုး
[ပြင်ဆင်ရန်]သတ္တဝါတို့ကို သတ်ဖြတ်ရာတွင် အောက်ပါ လုံ့လပယောဂ (၆) ပါး အနက် တစ်ပါးပါးဖြင့် ကျူးလွန်ပါက ပါဏာတိပါတ မြောက်သည် -
အထူးမှတ်သားဖွယ်ရာများ
[ပြင်ဆင်ရန်]ပါဏာတိပါတ ကျူးလွန်ရာ၌ ရည်မှတ်ချက် (ဥဒ္ဒိဿ) သည် အရေးကြီးသည်။ မည်သူ့ကို သတ်မည်ဟု ရည်မှတ်၍ သတ်ရာတွင် ထိုသူသေမှသာ ကမ္မပထမြောက်ပြီး အခြားသူသေပါက ကမ္မပထ မမြောက်ဟု ဆိုသည်။ သို့သော် အမှတ်မရှိဘဲ သတ်၍ သေဆုံးပါက ပါဏာတိပါတ ကမ္မပထ ဧကန်မြောက်သည်။
အလွန်ကြီးလေးသော ပါဏာတိပါတများမှာ အနန္တရိယကံ များဖြစ်သည့် မိခင်ကိုသတ်ခြင်း (မာတုဃာတက)၊ ဖခင်ကိုသတ်ခြင်း (ပိတုဃာတက) နှင့် ရဟန္တာကိုသတ်ခြင်း (အရဟန္တဃာတက) တို့ ဖြစ်ကြသည်။ မိခင်ဖြစ်သူကို သိုးဟု မှတ်ထင်၍ သတ်မိသော်လည်း သတ်လိုသော စေတနာရှိသောကြောင့် အနန္တရိယကံ ထိုက်သည်။
အကုသိုလ်မူလတရား
[ပြင်ဆင်ရန်]ပါဏာတိပါတသည် အခြေခံအားဖြင့် ဒေါသမူစိတ္တုပ္ပါဒ် (စိတ်ဆိုးခြင်း၊ ပြစ်မှားခြင်း) ကြောင့် ဖြစ်ပေါ်ရခြင်း ဖြစ်သည်။ သို့သော် ထိုသို့ သတ်ဖြတ်ရာတွင် ပါဝင်သော စေတနာသည် သံသရာဝဋ်အတွင်း၌ နောင်တဖန် ဘဝသစ်ဖြစ်အောင် အားထုတ်ခြင်း (အာယူဟန)၊ ဝဋ်ဒုက္ခကို ဆောင်နှင်းခြင်း (နိဒါန)၊ သံသရာ၌ ယှဉ်စေခြင်း (သံယောဂ) နှင့် နိဗ္ဗာန်ကို တားမြစ်ခြင်း (ပလိဗောဓ) ဟူသော ဂုဏ်သတ္တိများ ရှိသည်။
ပါဏာတိပါတမှ ရှောင်ကြဉ်ခြင်း (ဝိရတီ)
[ပြင်ဆင်ရန်]ပါဏာတိပါတမှ ရှောင်ကြဉ်ခြင်းကို ပါဏာတိပါတာ ဝေရမဏိ ဟု ခေါ်ပြီး ၎င်းသည် ကုသလကမ္မပထ (၁၀) ပါးတွင် ပါဝင်သည်။ ရှောင်ကြဉ်ပုံ (၃) မျိုး ရှိသည် -
၁။ သမ္ပတ္တဝိရတီ: သိက္ခာပုဒ် ဆောက်တည်မထားသော်လည်း လွန်ကျူးဖွယ် အခြေအနေနှင့် ကြုံသည့်အခါ မိမိ၏ အနွယ်၊ ဂုဏ်တို့ကို ဆင်ခြင်၍ ရှောင်ကြဉ်ခြင်း။ (ဥပမာ- စက္ကန ဥပါသကာ ဝတ္ထု)
၂။ သမာဒါနဝိရတီ: သိက္ခာပုဒ်ကို ကြိုတင်ဆောက်တည်ထား၍ မိမိအသက်ကိုပင် စွန့်လွှတ်ကာ ရှောင်ကြဉ်ခြင်း။
၃။ သမုစ္ဆေဒဝိရတီ: အရိယာမဂ်ဖြင့် ကိလေသာကို အကြွင်းမဲ့ ပယ်သတ်ပြီး ရှောင်ကြဉ်ခြင်း ဖြစ်ပြီး အရိယာပုဂ္ဂိုလ်တို့ သန္တာန်၌ သတ်လိုသော စိတ်မျှပင် လုံးဝ မဖြစ်တော့ပေ။
ကျိုးပေးနှင့် အပြစ်ဒဏ်
[ပြင်ဆင်ရန်]ပါဏာတိပါတကံကို ကျူးလွန်သူများသည် သေလွန်သောအခါ အဝီစိငရဲ သို့မဟုတ် ကာလသုတ်ငရဲ စသည့် ငရဲဘုံများသို့ ကျရောက်တတ်သည်။ လူ့ဘဝသို့ ပြန်လည်ရောက်ရှိသည့် တိုင်အောင်လည်း အသက်တိုခြင်း၊ အနာရောဂါများခြင်း စသည့် ဝိပါက်အကျိုးများကို ခံစားရစေသည်။ ထို့ကြောင့် ပါဏာတိပါတသည် လောက၌ လွန်စွာ အပြစ်ကြီးလေးသော ကံတစ်ခုအဖြစ် သတ်မှတ်ထားခြင်း ဖြစ်သည်။[၁][၂]
ဆက်စပ်ဖတ်ရှုရန်
[ပြင်ဆင်ရန်]- ပဉ္စသီလဝိနိစ္ဆယ
- မဟာဝဂ္ဂ_သံယုတ်_ပါဠိတော်
- စတုက္ကနိပါတ်_အင်္ဂုတ္တိုရ်ပါဠိတော်
- ဝိနည်းပဒေသာသင်တန်း
- ဘာသာရေးပြဿနာပေါင်းချုပ်
- အခြေပြုပဋ္ဌာန်း_တရားတော်
- ရတနာ့ဂုဏ်ရည်
- နိဗ္ဗာန်သို့_သွားရာ_တစ်ကြောင်းတည်းသောလမ်း
- ပါဏာတိပါတ (သူ့အသက်သတ်ခြင်း) အင်္ဂါငါးပါး
- (ရွှေဂူရှင်ကျင့်ဝတ်_အကျယ်ကျမ်း
- သုတေသနသရုပ်ပြအဘိဓာန်
- ပရမတ္ထစက္ခုကျမ်း
- ပါဏာတိပါတ စသည်၏ အာရုံ အယူအဆ သိမှတ်ဖွယ်
- ပရမတ္ထဒီပနီ_(ဒုတိယတွဲ)
- ကာယဒုစရိုက် ပါဏာတိပါတမှ ရှောင်ကြဉ်မှု ဝိရတိပုံစံ
- ပရမတ္ထသရူပဘေဒနီကျမ်း-ပတွဲ
- ပိဋကတ်သုံးပုံ_သရုပ်စုံအဘိဓာန်