ပန်းတောင်းဆရာတော်

ရှင်ဝါသဝ (၁၂၃၆ − ၁၃၂၀) သည် “ပန်းတောင်းဆရာတော်” ဟု ထင်ရှားခဲ့သည့် ကျမ်းပြုဆရာတော် ဖြစ်သည်။ ဆရာတော်သည် အုဂ်ဖိုရ်ဆရာတော်၏ တပည့် ဖြစ်သည်။

ဘဝ

ဆရာတော်ကို ၁၂၃၆ ခုနှစ်၊ တော်သလင်းလဆန်း ၆ ရက်နေ့တွင် ပန်းတောင်းမြို့၊ ကြခပ်ရပ်၌ ဖွားမြင်ခဲ့သည်။ မိဘနှစ်ပါးမှာ ဦးမိုးနှင့် ဒေါ်ပန်း ဖြစ်သည်။

ဘွဲ့တော်

၁၂၅၅ ခုနှစ်တွင် ရဟန်းဘောင်သို့ တက်ရောက်ခဲ့ပြီး “ရှင်ဝိစိတ္တ” ဟူသည့် ဘွဲ့ကို ခံယူခဲသည်။ သို့ရာတွင် လက်ပံလှသို့ စာသင်ကြွတော်မူသည့်အခါ အင်္ဂပူဆရာတော်နှင့် ဘွဲ့ချင်းတူနေသဖြင့် “ရှင်ဝါသဝ” ဟူသည့် ဘွဲ့သို့ ပြောင်းခဲ့သည်။

ဆရာတော်သည် လက်ပံလှရွာ၌ ၂ ဝါသီတင်းသုံးတော်မူပြီးနောက် မုံရွာမြို့တွင် ၁ ဝါ သီတင်းသုံးခဲ့သည်။ ၁၁ ဝါမြောက်မှစကာ ကျောင်းထိုင်နာယကအဖြစ် ဆောင်ရွက်ခဲ့သည်။

၁၂၉၅ ခုနှစ်တွင် ဆရာတော်သည် “အဂ္ဂမဟာပဏ္ဍိတ” ဘွဲ့တံဆိပ် ရခဲ့သည်။ ဒွါရမဟာနိကာယ၏ ဆဋ္ဌမမြောက် သာသာပိုင်ဆရာတော်ဖြစ်ခဲ့၍ နိုင်ငံတော်မဟာနာယက ဆဋ္ဌသံဂါယနာဩဝါဒါစရိယသံဃမဟာနာယကအဖြစ်လည်း တင်မြှောက်ခြင်း ခံခဲ့ရသည်။

ပျံလွန်တော်မူခြင်း

ဆရာတော်သည် ၁၃၂၀ ပြည့်နှစ်၊ ကဆုန်လဆန်း ၂ ရက်နေ့တွင် ပျံလွန်တော်မူခဲ့သသည်။

ပြုစုခဲ့သည့် ကျမ်းများ

ဆရာတော်သည် အောက်ပါကျမ်းများကို ရေးသားပြုစုခဲ့သည်။

၁။ ဝိနိစ္ဆယဆောင်ပါးများ၊

၂။ ယုဝတ္တဒီပက၊

၃။ သုပ္ပဋီကာ၊

၄။ အဘိဓမ္မတ္ထသာရမေဒနီ၊

၅။ ဝိပဿနာဉာဏသံဃီယီတိဝါ၊

၆။ ယထာဝဗောဓနစာတမ်း။