ပန်းကြည့်ပွဲတော်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ပန်းကြည့်ပွဲတော် ပျော်ပွဲစားလာကြသည်ကို ဟိမဲဂျိပြတိုက် ရှေ့တွင်မြင်တွေ့ရပုံ၊ ၂၀၀၅

ပန်းကြည့်ပွဲတော် (花見 - ဟနမိ ဟု အသံထွက်သည်) သည် ဂျပန်ရိုးရာဓလေ့တစ်ခု ဖြစ်ပြီး လှပသောပန်းများကို ကြည့်ရှုကြခြင်း ဖြစ်သည်။ ဂျပန်တို့သည် ပန်းကို ဟန ဟု ခေါ်ဝေါ်ကြ၏။ ထိုပန်းကြည့်ပွဲတော်တွင် ချယ်ရီပန်း (ဆာခူရာ)၊ သို့မဟုတ် plum ဟု ခေါ်သည့် အပင်များကို ကြည့်ရှုကြသည်။[၁] မတ်လ အဆုံးပိုင်းနှင့် မေလအစပိုင်းတွင် ဂျပန်နိုင်ငံတွင် ချယ်ရီပန်းများ တစ်နိုင်ငံလုံး ပွင့်လန်းကြသည်။[၂] အိုကီနာဝါကျွန်းတွင်မူ ဖေဖေဖော်ဝါရီလပထမပတ်လောက်တွင် ပွင့်ကြသည်။[၃] ပန်းများပွင့်လန်းချိန်ကို မိုးလေဝသဌာနက နှစ်စဉ် ခန့်မှန်းကြေငြာပေးသည်။ ပန်းပွင့်ချိန်၏ နောက်ဆုံးတစ်ပတ် သို့မဟုတ် နှစ်ပတ်တွင် ပွင့်သောပန်းများကို ကြည့်ရန်စီစဉ်ကာ ပန်းကြည့်ပွဲတော်ကို ပြုလုပ်ကြသည်။ ယခုအချိနတွင်မူ ပန်းကြည့်ပွဲတော်တွင် ပါတီများပါ ကျင်းပလာကြပြီး နေ့အချိန် သို့ ညဘက်တွင် ချယ်ရီပန်း၏ ရနံ့ကို ရှူရှိုက်ကြသည်။ ညအချိန်တွင် ကျင်းပသည့် ပန်းကြည့်ပွဲတော်ကို ရောဇခူရာ (夜桜) "ညချယ်ရီ" ဟု ခေါ်ဆိုကြသည်။ အိုကီနာဝါကျွန်းတွင် ချယ်ရီပင်တို့တွင် မီးအိမ်လေးများဖြင့် အလှဆင်ကာ ညနေခင်းတွင် လှပစွာ ခံစားနိုက်ရန် ပြုလုပ်ကြသည်။

ဂျပန်နိုင်ငံ၏ ပန်းကြည့်ပွဲတော်သည် ရှေးကတည်းက တည်ရှိခဲ့သည်။ plum ( 梅) ဟုခေါ်သည့် အပင်များကို ကြည့်ရှုကြခြင်း ဖြစ်သည်။ ထိုသို့ကြည့်ရှုကြခြင်းကို အုမဲမိ ( 梅見) ဟု ခေါ်ကြသည်။ ထိုကဲ့သို့သော ပန်းကြည့်ခြင်းသည် အသက်အရွယ် ကြီးရင့်သူများကြားတွင် ခေတ်စားသည်။ အဘယ်ကြောင့်ဆိုသော် ချယ်ရီပန်းကြည့်ပွဲတော်ထက် ပိုမိုတည်ငြိမ်အေးဆေးသည့်အတွက် ဖြစ်သည်။ ချယ်ရီပန်းကြည့်ပွဲမှာမူ လူငယ်လူရွယ်များ ပါဝင်ဆင်နွှဲကြပြီး တစ်ခါတစ်ရံ ဆူညံ၍ ကျိတ်ကျိတ်တိုး ဖြစ်နေ‌သည်။

ရုပ်ပုံများ[ပြင်ဆင်ရန်]

ကိုးကား[ပြင်ဆင်ရန်]

  1. Sosnoski, Daniel (1996). Introduction to Japanese culture. Tuttle Publishing, 12. ISBN 0-8048-2056-2 
  2. Cherry blossom forecast (in Japanese)။ Weather Map။
  3. Okinawa Cherry Festivals။ 2011-07-22 တွင် မူရင်းအား မော်ကွန်းတင်ပြီး။