ရှင်ပုညသေဋ္ဌ

ရှင်ပုညသေဋ္ဌ (၁၀၉၂ − ၁၁၇၂) သည် ဘိုးတော်ဘုရားလက်ထက်တွင် ထင်ရှားသည့် ဆရာတော် ဖြစ်သည်။

ဘဝ

ဆရာတော်ကို သက္ကရာဇ် ၁၀၉၂ ခုနှစ်တွင် ပုခန်းကြီးမြို့နယ်၊ ခပိုရွာ၌ ဖွားမြင်ခဲ့သည်။ ငယ်မည်မှာ မောင်ပျော် ဖြစ်သည်။ မိဘများကိုမူ မသိရှိရပေ။

ရဟန်းပြုခဲ့သည့်အခါ ဘွဲ့တော်မှာ “ရှင်ပုညသေဋ္ဌ” ဖြစ်သည်။ ဘိုးတော်ဘုရားလက်ထက်တွင် အမရပူရမြို့အနောက်ဘက် သရက်တောမင်္ဂလာ ဝေယန်ကျောင်းတိုက်၌ စာပေပို့ချသီတင်းသုံးတော်မူခဲ့သည်။

ရတနပူရတတိယမြို့တည် မင်းတရားကြီးလက်ထက်တွင် ရာဇနာမတ္ထပကာသနီကျမ်းကို ရေးသားခဲ့သည်။

ဘွဲ့တံဆိပ်တော်များ

ဘိုးတော်ဘုရား၏ ဗုဒ္ဓရက္ခိတမဟာဓမ္မရာဇဂုရု တံဆိပ်တော်ကို လက်ခံရယူခဲ့သည်။

ပြုစုခဲ့သည့် ကျမ်းများ

ဆရာတော်ပြုစုခဲ့သည့် ကျမ်းများမှာ အောက်ပါအတိုင်း ဖြစ်သည် −

၁။ ရာဇနာမတ္ထပကာသနီ၊

၂။ အက္ခရသမ္ဗောဓသတ်ပုံ။