နှင်းဆီစကား

ဝီကီပီးဒီးယား မှ
Jump to navigation Jump to search

ကမ္ဘာပေါ်မှာ နှင်းဆီအမျိုးပေါင်း ၂၅၀ ခန့် ရှိပါတယ်။ အဲဒီ နှင်းဆီပန်းတွေက စကားတွေပြောပါတယ်။ အနီရောင်နှင်းဆီတွေဟာ ချစ်ခြင်း မေတ္တ္တာ ကို ကိုယ်စားပြုဖော်ပြပါတယ်။နှင်းဆီပန်း အနီရောင် တစ်ပွင့်တည်း ဆိုရင် ဒီတစ်မိုး အောက် မှာ ၊ ဒီတစ်လောကလုံး မှာ မင်းတစ်ယောက်တည်း လို့အဓိပ္ပါယ် သက်ရောက်ပါတယ်။ အမျိုးသားများဟာ မြတ်နိုးရတဲ့ မိန်းကလေး ကိုနှင်းဆီနီလေး တစ်ပွင့် ပေးပြီး မေတ္တာတောင်းခံ လေ့ရှိကြပါတယ်။ အနီရောင် နှင်းဆီပွင့် နှစ်ပွင့် ဆိုရင်တော့ ကိုယ်ရယ် ၊ မင်းရယ် နှစ်ယောက်တည်း ဆိုတဲ့ အဓိပ္ပါယ် သက်ရောက်ပါတယ်။ နှင်းဆီနီ သုံးပွင့် ကတော့ စကားလေး သုံးခွန်း ( I love you. ) ဖြစ်ပါတယ် ။မင်းကိုကိုယ်ချစ်တယ် ဆိုတဲ့ အဓိပ္ပါယ် ဖြစ်ပါတယ်။ ကိုယ်ချစ်ရတဲ့မိန်းကလေး ကို နှင်းဆီနီလေး သုံးပွင့် နဲ့ ချစ်ခွင့်တောင်းလေ့ရှိကြပြန်ပါတယ်။ ဒါ့အပြင် အနီရောင်နှင်းဆီပန်းတွေဟာ မြင်မြင်ခြင်းချစ်တဲ့အချစ် ( love at first sight) နဲ့ ကြည်နူးနှစ်သက်ခြင်း ကို ကိုယ်စားပြုဖော်ပြပါတယ်။ အဖြူရောင်နှင်းဆီပန်းတွေကတော့ သန့်ရှင်းစင်ကြယ်ခြင်း၊ အပြစ်ကင်းခြင်း အဓိပ္ပါယ် ဖော်ဆောင်ပါတယ်။ တစ်ခါတစ်ရံ မှာတော့ သိမ်မွေ့စွာ ငြင်းဆိုခြင်း ဖြစ်ပါတယ်။ အဖြူရောင်နှင်းဆီဖူးလေး တွေ ရဲ့ အဓိပ္ပါယ် ကတော့ ချစ်သူရည်းစားထားဖို့ ငယ်လွန်း သေးတယ်။ မေမေဆူလိမ့်မယ် ဆိုတဲ့ သဘောသက်ရောက်ပါတယ်။ ငြင်းရမှာ အားနာနေတဲ့မိန်းကလေးတွေ အတွက်နှင်းဆီဖူး အဖြူရောင်လေး တွေက ကိုယ်စားငြင်းပေးပါလိမ့်မယ်။

အနီရောင် နှင်းဆီ နဲ့ အဖြူရောင် နှင်းဆီ နှစ်မျိုးပေါင်းကတော့ ပေါင်းစည်းခြင်းဆိုတဲ့ အဓိပ္ပါယ်ဖော်ဆောင်ပြန်ပါတယ်။ အဝါရောင်နှင်းဆီပန်းတွေကတော့ မိတ်ဆွေဖြစ်ခြင်း (friendship)ကိုကိုယ်စားပြုပါတယ်။ ချစ်ရတဲ့သူငယ်ချင်းလေးကို ပန်းလက်ဆောင်ပေးမယ်ဆိုရင် အဝါရောင်နှင်းဆီတွေ ကိုသာရွေးချယ်လေ့ရှိကြပါတယ်။ ထို့အပြင် အဝါရောင်နှင်းဆီတွေက ပျော်ရွှင်ခြင်း ၊ လွတ်လပ်ခြင်း လို့ အဓိပ္ပါယ်ဖော်ဆောင်ပြန်ပါတယ်။

စိတ်ကောက်နေတဲ့ချစ်သူလေးကိုချော့ဖို့ဆိုရင်လည်း အဝါရောင်နှင်းဆီပွင့် အပွင့် သုံးဆယ် လိုအပ်မှာ ဖြစ်ပါတယ်။ နှင်းဆီအဝါ နှင်းဆီ လှလှ အပွင့် သုံးဆယ်ကို ဖဲကြိုးလေး နဲ့စည်းပြီးစိတ်ကောက်နေတဲ့ ချစ်သူလေးဆီ ပို့လိုက်မယ်ဆိုရင် စူနေတဲ့နှုတ်ခမ်းလေးက ပြုံးလာမှာ အမှန်ပါပဲ။

အနီရောင် နှင်းဆီ နဲ့ အဝါရောင်နှင်းဆီ နှစ်ခုပေါင်းပြီး ပေါင်းစည်းခြင်း၊ အတူတကွမခွဲမခွာ ရှိခြင်း ဆိုတဲ့ သဘောသက်ရောက်ပါတယ် မင်း နဲ့ ကိုယ် ဘယ်တော့မှမခွဲဘူး လို့ ဆိုလိုတာမျိုးပါ။ နှင်းဆီနီတစ်ပွင့် ရယ် ၊ နှင်းဆီဝါတစ်ပွင့်ရယ် ကို နှစ်ပွင့်ပေါင်းပြီး ဖဲကြိုးလေး နဲ့ စည်းလိုက်ရင် စေ့စပ်ခြင်း (engagement ) လို့ အဓိပ္ပါယ်ရပါတယ်။

နှင်းဆီပန်း ဘယ်အရောင်မဆို တစ်ပွင့်တည်းကတော့ ကျေးဇူးတင်ပါတယ် ဆိုတဲ့ စကားလေးကို ကိုယ်စားပြုပါတယ်။

နှင်းဆီပန်း ပန်းရောင်တွေ ကတော့ လေးစားဂုဏ်ယူခြင်း ၊ နှစ်သက်ခြင်း၊ ပျော်ရွှင်ခြင်း ၊ စာနာနားလည်ခြင်း အဓိပ္ပါယ်ဖြစ်ပါတယ်။ ကိုယ်ချစ်တဲ့ ဆ ရာမကိုပန်း လက်ဆောင်ပေး မယ်ဆိုရင်၊ သူငယ်ချင်းလေးကိုပေးမယ်ဆိုရင်၊ မွေးမိခင်အတွက် ပေးမယ်ဆိုရင် ဘယ်လို ပဲဖြစ်ဖြစ်နှင်းဆီပန်းရောင်လေးတွေက အဆင်ပြေပါတယ်။