တောင်သူလယ်သမား အစည်းအရုံးညီလာခံ ဗဟိုဦးစီးအဖွဲ့ တတိယ အစည်းအ‌ဝေး

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

ဒုတိယအကြိမ် ‌တောင်သူလယ်သမား အစည်းအရုံးညီလာခံ ဗဟိုဦးစီးအဖွဲ့ တတိယအစည်းအ‌ဝေးအတွက် အကြိုညှိနှိုင်း အစည်းအ‌ဝေးကို ၁၉၈၃ ခုနှစ် နိုဝင်ဘာလ ၃၀ ရက်‌နေ့ မွန်းလွဲ ၁ နာရီတွင် ရန်ကုန်မြို့ ကျိုက္ကဆံကွင်း ဆရာစံခန်းမ၌ ကျင်းပသည်။ အစည်းအ‌ဝေးသို့ ‌တောင်သူလယ်သမား အစည်း အရုံး ဗဟိုဦးစီးအဖွဲ့ဥက္ကဋ္ဌ လယ်ယာနှင့် သစ်‌တော်ဝန်ကြီးဌာန ဝန်ကြီး ဦးရဲ‌ခေါင်နှင့် အဖွဲ့ဝင်များ တက်‌ရောက်ကြသည်။ ဒုတိယအကြိမ် ‌တောင်သူလယ်သမား အစည်းအရုံး ညီလာခံ ဗဟိုဦးစီးအဖွဲ့ တတိယအစည်းအ‌ဝေးကို ၁၉၈၃ ခုနှစ် ဒီဇင်ဘာ လ ၁ ရက် နံနက် ၉ နာရီတွင် စတင်ကျင်းပသည်။ အစည်း အ‌ဝေးသို့ မြန်မာ့ဆိုရှယ်လစ်လမ်းစဉ်ပါတီ ဗဟို‌ကော်မတီ ဌာနချုပ် လူထုလူတန်းစား အဖွဲ့အစည်းများ ‌ရေးရာ‌ကော်မတီ အတွင်း‌ရေးမှူး ဦး‌အောင်ခင်၊ ပါတီလုပ်ငန်း စိစစ်‌ရေး‌ကော်မတီ ဝင်များ၊ ‌တောင်သူလယ်သမား အစည်းအရုံး ဗဟိုဦးစီးအဖွဲ့ ဒုတိယဥက္ကဋ္ဌများနှင့် ဗဟိုအလုပ်မှု‌ဆောင် ‌ကော်မတီဝင်များ၊ ပြည်နယ်နှင့်တိုင်း ‌ဒေသပါတီ ‌ကော်မတီ နယ်‌မြေများမှ ဗဟို ဦးစီးအဖွဲ့ဝင်များ၊ အလုပ်သမားအစည်းအရုံး ဗဟိုဦးစီးအဖွဲ့ ဌာနချုုပ်မှ ပုဂ္ဂိုလ်များ၊ ဗဟိုလုပ်ငန်းဆိုင်ရာအဖွဲ့များမှ ကျွမ်းကျင်သူအဖွဲ့များနှင့် ဌာနဆိုင်ရာ ပုဂ္ဂိုလ်များ တက်‌ရောက် သည်။

ပထမ‌နေ့ အစည်းအ‌ဝေးတွင် နံနက်ပိုင်း သဘာပတိများ အဖြစ် ‌တောင်သူလယ်သမား အစည်းအရုံး ဗဟို ဦးစီးအဖွဲ့ ဒုတိယဥက္ကဋ္ဌ ဦးစိုးတို့ကလည်း‌ကောင်း၊ မွန်းလွဲပိုင်းတွင် ဗဟို ဦးစီးအဖွဲ့ ဒုတိယဥက္ကဋ္ဌ ဦးချစ်‌ဆွေက လည်း‌ကောင်း ‌ဆောင် ရွက်ကြသည်။အခမ်းအနားမှူးများအဖြစ် နံနက်ပိုင်းတွင် တွဲဖက် အတွင်း‌ရေးမှူး ဦး‌ကျော်ကလည်း‌ကောင်း ‌ဆောင်ရွက်ကြသည်။ ပထမ‌နေ့ အစည်းအ‌ဝေးတွင် ‌ရှေးဦးစွာ အခမ်းအနားမှူးက ‌တောင်သူလယ်သမား အစည်းအရုံး ဗဟိုဦးစီး အဖွဲ့ တတိယ အကြိမ် အစည်းအ‌ဝေး စတင်ကျင်းပ‌ကြောင်းနှင့် အစည်းအ‌ဝေး သို့ တက်‌ရောက်ခွင့်ရှိသူ ဗဟိုဦးစီးအဖွဲ့ဝင် ၁၉၄ ဦး အနက် ၁၈၉ ဦး တက်‌ရောက်သဖြင့် ရာခိုင်နှုန်း ၉ရ ဒသမ ၄၂ ရှိ၍ အစည်းအ‌ဝေး အထ‌မြောက်‌ကြောင်း ‌ကြေငြာသည်။ ထို့‌နောက် ‌တောင်သူလယ်သမား အစည်းအရုံး ဗဟိုဦးစီးအဖွဲ့ ဥက္ကဋ္ဌ လယ်ယာနှင့် သစ်‌တောဝန်ကြီးဌာန ဝန်ကြီး ဦးရဲ‌ခေါင်က အဖွင့်အမှာစကား ‌ပြောကြားသည်။ ဒုတိယ‌နေ့ အစည်းအ‌ဝေးတွင် ပထမ‌နေ့က တင်သွင်းခဲ့‌သော ဗဟိုအလုပ်အမှု‌ဆောင် ‌ကော်မတီ၏ အစီရင်ခံစာအ‌ပေါ် ဗဟို ဦးစီးအဖွဲ့ဝင်များ၏ ‌ဆွေး‌နွေးချက်များနှင့် စပ်လျဉ်း၍ ဗဟို အလုပ်အမှု‌ဆောင် ‌ကော်မတီကိုယ်စား ဗဟိုဦးစီးအဖွဲ့ အတွင်း ‌ရေးမှူး ဦးသန်းယုနှင့် ဗဟိုအလုပ်အမှု‌ဆောင် ‌ကော်မတီဝင် လယ်ယာနှင့် သစ်‌တောဝန်ကြီးဌာန ဒုတိယဝန်ကြီး ဦးလှိုင်မြင့် တို့က ပြန်လည် ရှင်းလင်း‌ဆွေး‌နွေးကြသည်။ ထို့‌နောက် ဗဟို ဦးစီးအဖွဲ့ တတိယအကြိမ် အစည်းအ‌ဝေးသို့ တင်သွင်းခဲ့သည့် ဗဟိုအလုပ်အမှု‌ဆောင် ‌ကော်မတီ၏ အစီရင်ခံစာကို အတည်ပြု နိုင်‌ရေးအတွက် အခမ်းအနားမှူးက တင်ပြသည်။ သဘာပတိက ဗဟိုဦးစီးအဖွဲ့ဝင်များ၏ ဆန္ဒကိုရယူကာ အတည်ပြုသည်။

ဆက်လက်၍ ‌တောင်သူလယ်သမား အစည်းအရုံး ဗဟိုဦးစီး အဖွဲ့၏ တစ်နှစ်တာ လုပ်ငန်းလျာထားချက်များကို အခမ်းအနား မှူးက တင်ပြသည်။ သဘာပတိက ဗဟိုဦးစီးအဖွဲ့ဝင်များ၏ ဆန္ဒကို ရယူကာ အတည်ပြုသည်။ ထို့‌နောက် ဗဟိုဦးစီးအဖွဲ့ အစည်းအ‌ဝေး၏ ဆုံးဖြတ်ချက်ငါးရပ်ကို သဘာပတိက အတည်ပြု လက်မှတ်‌ရေးထိုးပြီး နိဂုံးချုပ်အမှာစကား ‌ပြော ကြားသည်။ ဒုတိယအကြိမ် ‌တောင်သူလယ်သမား အစည်းအရုံး ညီလာခံ ဗဟိုဦးစီးအဖွဲ့ တတိယအစည်းအ‌ဝေးကို ၁၉၈၃ ခုနှစ် ဒီဇင်ဘာ လ ၂ ရက်‌နေ့ နံနက် ၁၁ နာရီ ၁၅ မိနစ်တွင် ‌အောင်မြင်စွာ ကျင်းပပြီးစီးသည်။

ကိုးကား[ပြင်ဆင်ရန်]

မြန်မာ့စွယ်စုံကျမ်း အတွဲ ၅