တိုင်းရင်းသားစာပေနှင့် ယဉ်ကျေးမှု ဦးစီးဌာန

တိုင်းရင်းသားစာပေနှင့် ယဉ်ကျေးမှု ဦးစီးဌာန

မြန်မာအစိုးရအဖွဲ့အစည်း
အစိုးရအဖွဲ့အစည်း အကျဉ်းချုပ်
ဖွဲ့စည်းခြင်း	၃၀ မတ် ၂၀၁၆ ခုနှစ်(ဦးစီးဌာန)
ဝန်ကြီးများ	ဒုတိယဗိုလ်ချုပ်ကြီး ရာပြည့်
ဌာနအကြီးအမှူးများ	-၊ ညွှန်ကြားရေးမှူးချုပ်
မိခင်အဖွဲ့အစည်း	တိုင်းရင်းသားလူမျိုးများရေးရာဝန်ကြီးဌာန
ဝက်ဘ်ဆိုက်	moea.gov.mm

တိုင်းရင်းသားစာပေနှင့် ယဉ်ကျေးမှုဦးစီးဌာန(အင်္ဂလိပ်: DEPARTMENT OF ETHNIC LITERATURE AND CULTURE) သည် တိုင်းရင်းသားလူမျိုးများရေးရာ ဝန်ကြီးဌာန၏ လက်အောက်ရှိ ဦးစီးဌာနတစ်ခုဖြစ်သည်။ ထိုဦးစီးဌာန၏ လက်ရှိ ညွန်ကြားရေးမှူးချုပ်မှာ ဦးဝင်းနိုင် ဖြစ်သည်။

ရည်ရွယ်ချက်

တိုင်းရင်းသားစာပေနှင့် ယဉ်ကျေးမှု ဦးစီးဌာနသည် တိုင်းရင်းသားလူမျိုးများ၏ စာပေ၊ ဘာသာစကား၊ အနုပညာ၊ ယဉ်ကျေးမှုနှင့် ရိုးရာဓလေ့ထုံးတမ်းများကို ထိန်းသိမ်းကာကွယ်ပြီး အထူးသဖြင့် ဖွံ့ဖြိုးမှုနည်းပါးနေသည့် လူမျိုးများ၏ ပညာရေး၊ ကျန်းမာရေး၊ စီးပွားရေးနှင့် လမ်းပန်းဆက်သွယ်ရေး ဖွံ့ဖြိုးတိုးတက်စေရန် တာဝန်ယူသော အစိုးရဌာနတစ်ခုဖြစ်သည်။ ဤဌာနသည် တိုင်းရင်းသားလူမျိုးများအကြား ချစ်ကြည်ရင်းနှီးမှုနှင့် ပြည်ထောင်စုစိတ်ဓာတ် တည်ဆောက်ရေးအတွက် အဓိက ရည်ရွယ်ချက်လည်း ထားရှိသည်။

ထို့အပြင် တိုင်းရင်းသားများ၏ စာပေ၊ ယဉ်ကျေးမှုနှင့် အခွင့်အရေးများကို ကာကွယ်မြှင့်တင်၍ လူမှုစီးပွားဘဝ တိုးတက်စေရန် မျှော်မှန်းချက်ထားရှိသည်။

တိုင်းရင်းသားစာပေနှင့် ယဉ်ကျေးမှုဦးစီးဌာနကို စာပေနှင့်ဘာသာစကားဌာနခွဲ၊ရိုးရာဓလေ့နှင့်အမွေအနှစ်ဌာနခွဲ၊တိုင်းရင်းသားလူမှုဘဝမြှင့်တင်ရေးဌာနခွဲ နှင့် စီမံခန့်ခွဲရေးနှင့်ငွေစာရင်းဌာနခွဲဟူ၍ ဌာနခွဲ ၄ ခုရှိသည်။ဤဌာနတွင် တိုင်းဒေသကြီးနှင့် ပြည်နယ် ညွှန်ကြားရေးမှူးရုံး ၁၄ ရုံး အပြင် ပြည်ထောင်စုတိုင်းရင်းသားကျေးရွာ(ရန်ကုန်)လည်း ရှိသည်။

ပြည်ထောင်စုတိုင်းရင်းသားကျေးရွာ (ရန်ကုန်)

၂၀၁၉ ခုနှစ်၊ ဩဂုတ်လ ၈ ရက်နေ့တွင် ကျင်းပပြုလုပ်သည့် ပြည်ထောင်စု အစိုးရအဖွဲ့ အစည်းအဝေး အမှတ်စဉ် (၁၅/၂၀၁၉) အရ သဘောတူ ခွင့်ပြုချက်ဖြင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန ကြီးကြပ်မှုအောက်မှ ပြည်ထောင်စုတိုင်းရင်းသားကျေးရွာ (ရန်ကုန်) ကို တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားစာပေနှင့် ယဉ်ကျေးမှုဦးစီးဌာန အောက်သို့ သွတ်သွင်း ဖွဲ့စည်းခဲ့သည်။