တရုတ်လူမျိုး

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
တရုတ်စစ်သည်ပုံ

တရုတ်နိုင်ငံမှလာသောလူမျိုးကိုတရုတ်လူမျိုးဟုခေါ်သည်။ တရုတ်လူမျိုးများသည် ကမ္ဘာပေါ်တွင် လူဦးရေအများဆုံးလူမျိုးဖြစ်သည်။ နေထိုင်မှုအားဖြင့်လည်း ကမ္ဘာအနှံ့နေထိုင်ကြသည်။ နိုင်ငံရပ်ခြားတွင် တရုတ်တန်း(Chinatown)များဖွဲ့စည်းပြီး စုစုစည်းစည်းနေထိုင်ကြကာ ရိုးရာမပျောက်စေရန် ဘုံကျောင်းများ၊ တရုတ်စာသင်ကျောင်းများထူထောင်ထားပြီး တရုတ်နှစ်သစ်ကူးစသည့် ရိုးရာပွဲတော်များကိုလည်းခမ်းနားစွာကျင်းပကြသည်။ တရုတ်လူမျိုးတွင် လူမျိုးစုခွဲများစွာရှိသည်။ ယူနန်လူမျိုး၊ ကွမ်တုံလူမျိုးစသဖြင့်များစွာရှိကြသည်။ ဘာသာစကား၊ လေယူလေသိမ်းလည်းကွဲပြားကြသည်။ အထူးသဖြင့်ကွမ်တုံစကားသည် မန်ဒရင်စကား(တရုတ်ရုံးသုံးစကား)နှင့်များစွာကွဲပြားသည်။ စာအရေးအသားမှာမူ အတူတူဖြစ်သည်။ သို့ရာတွင်ထိုင်ဝမ်နိုင်ငံတွင် လက်ရေးရှည်ဟုခေါ်သော ရှေးဟောင်းစာရေးသည့် နည်းစနစ်ကိုအသုံးပြုပြီး တရုတ်ပြည်မကြီးတွင် လက်ရေးတိုဟုခေါ်သော ဆန်းသစ်ထားသည့်စာရေးနည်းစနစ်ကိုအသုံးပြုသည်။ ကိုးရီးယား၊ ဂျပန်စသည့်လူမျိုးများသည်တရုတ်စာပေါ်မူတည်၍ မိမိတို့စာပေအရေးအသာကိုတီထွင်ခဲ့ကြသည်။ တရုတ်လူမျိုးများတွင် အလွန်ရှည်လျားသောသမိုင်းကြောင်းရှိသည်။ မြင့်မားသောယဉ်ကျေးမှုလည်းရှိခဲ့ပြီး မျှော်စင်ကြီးများ၊ မဟာတံတိုင်းစသည်တို့ကိုတည်ဆောက်ခဲ့ကြသည်။ တရုတ်အစားအစာသည်လည်း ကမ္ဘာတွင်ထင်ရှားသည်။