ဇဝက်သာ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
အမိုနီယမ် ကလိုရိုက်

ဇဝက်သာကို ဓာတုသင်္ကေတ အဖြစ်ဖြင့် NH4 Cl ဟု ရေး၏။ ဇဝက်သာသည် အဖြူရောင် ခရစ္စတယ်ဒြပ်ပေါင်းဖြစ် သည်။ ယင်း၌ နိုက်ထရိုဂျင်၊ ဟိုက်ဒရိုဂျင်၊ ကလိုရင်းတို့ပါ ရှိသည်။ ဓာတုဗေဒအလိုအားဖြင့်၊ ဇဝက်သာကို အမ်မိုးနီးယမ်း ကလိုရိုက်ဟု ခေါ်သည်။ ဇဝက်သာသည် ရေထဲ၌ ကောင်းစွာ ပျော်ဝင်နိုင်သည်။ ရေတွင် စူးရှသောအနံ့ကို ဖြစ်စေနိုင်သည့် ပြင်၊ ဆားကဲ့သို့လည်း ငန်စေနိုင်သည်။ ရိုးရိုးကျောက်မီးသွေးမှ ကုတ်မီးသွေးနှင့် ကျောက်မီးသွေးဓာတ်ငွေ့တို့ကို ထုတ်ယူသော အခါ၊ အမ်မိုးနီးယားရေသည် ဘေးထွက်ပစ္စည်းအဖြစ် ထွက်လာ သည်။ ထိုအမ်မိုးနီးယားရေကို ဟိုက်ဒရိုကလောရစ် အက်ဆစ် နှင့် ပေါင်းစပ်စေလျှင် အမ်မိုးနီးယမ်းကလိုရိုက်ဖြစ်သည်။ ထို ဒြဗ်ပေါင်းကို အငွေ့ပျံစေပြီးလျှင် စင်ကြယ်အောင်ပြုလုပ်ယူလျှင် ဇဝက်သာသန့်သန်ကိုရ၏။ တစ်ခါတစ်ရံဇဝက်သာကို မီးတောင် များမှထွက်လာသော ချော်ရည်များတွင် တွင်းထွက်ပစ္စည်းတစ်ခု အဖြစ်ဖြင့် တွေ့ရှိရလေသည်။

ဇဝက်သာသည် စက်မှုလက်မှု လုပ်ငန်းများ၌ အထူးအရေး ကြီးသည့်ပြင် ဆေးဖက်၌လည်း အသုံးဝင်သည်။ ဓာတ်ခဲများပြု လုပ်ရာတွင်လည်း ဇဝက်သာကို အသုံးပြု၏။ ထိုအပြင် ဂဟေ ဆက်လုပ်ငန်း၊ ရွှေကို ချေးချွတ်သောလုပ်ငန်း၊ အထည်လုပ်ငန်း များတွင် အသုံးပြုကြသည်။ ဆေးဝါးတစ်ခုအဖြစ်ဖြင့် ဗရွန် ကိုက်တစ် ရင်ကျပ်နာ၊ အဆုတ်ရောင်နာ၊ အစာအိမ်ရောဂါများ ကို ကုသရာတွင် ဇဝက်သာကို အသုံးပြု ကြလေသည်။ မြန်မာ ဆေးဆရာများကလည်း ဆေးဖက်ပစ္စည်းတစ်ခု အဖြစ် ဇဝက်သာကို အသုံးပြုကြသည်။[၁]

ကိုးကား[ပြင်​ဆင်​ရန်​]

  1. မြန်မာ့စွယ်စုံကျမ်း၊ အတွဲ(၄)