စအိုဖြင့် လိင်ဆက်ဆံခြင်း

ဝီကီပီးဒီးယား မှ
Jump to navigation Jump to search

စအိုဖြင့် လိင်ဆက်ဆံခြင်းဆိုသည်မှာ စအိုအတွင်းသို့ အခြားသူတစ်ဦးက လိင်တံကိုထိုးသွင်း၍ လိင်ဆက်ဆံခြင်းဖြစ်သည်။ ဤလိင်ဆက်ဆံမှုကို မိန်းမလျှာများ၊ အကျဉ်းကျနေသူ ယောက်ျားများ၏ အပြုအမူဟု အစဉ်အလာယူဆခဲ့ကြသော်လည်း လိင်ကွဲချစ်သူစုံတွဲများ ကြားတွင်လည်း ဤအပြုအမူ တွင်ကျယ်လာပါသည်။ အမျိုးသမီးများတွင် စအိုတွင်းသို့ လိင်တံထိုးသွင်းဆက်ဆံခံရမှုကြောင့် သာယာကျေနပ်မှုရရှိသူ နည်းပါးသဖြင့် လက်ထပ်သည်အထိ အပျိုစင်ဘဝကို ထိန်းသိမ်းထားလိုသော ဘာသာရေးယုံကြည်ချက် ပြင်းထန်သူများနှင့် ကိုယ်ဝန်ရင့်မာချိန် သဘာဝနည်းလမ်းဖြင့် လိင်မဆက်ဆံလိုသူများသာ ဤနည်းကို ခံယူလေ့ရှိကြသော်လည်း စအိုတွင်းဆက်ဆံခံရခြင်းကို သဘာဝနည်းလမ်းထက် ပိုကြိုက်သည်ဟုဆိုသော အမျိုးသမီးများလည်း ယနေ့ခေတ်တွင် ရှိလာပါသည်။ ယောက်ျားများတွင်လည်း မိန်းမ၏စအိုကိုအသုံးပြုလိင်ဆက်ဆံခြင်းအား အလွန်ရွံရှာမုန်းတီးကြသူများရှိသကဲ့သို့ မိန်းမ၏စအိုကို ပိုမိုနှစ်သက်စွဲလမ်းကြသူများလည်းရှိကြပါသည်။ ယနေ့ခေတ် စီးပွားဖြစ်ရိုက်ကူး ထုတ်လုပ်နေသော လိင်ဆိုင်ရာ ဓာတ်ပုံ၊ ရုပ်ရှင် စသည်တို့တွင် မိန်းမ၏စအိုကိုအသုံးပြုလိင်ဆက်ဆံခြင်းအား အသားပေးဖော်ပြကြသည်ကို ကြည့်ခြင်းဖြင့် ဤအပြုအမူကို လူအများစိတ်ဝင်စားမှု များပြားလာသည်ဟု ယူဆနိုင်ပါသည်။ တကယ့်လက်တွေ့ဘဝတွင်မူ လိင်ဆက်ဆံမှုသက်တမ်း ရှည်ကြာပြီဖြစ်သော ချစ်သူစုံတွဲ၊ လင်မယားများတွင် အသစ်အဆန်းစမ်းသပ်သည့် သဘောဖြင့် ပြုလုပ်ကြသည်ကများပါသည်။ ယောက်ျားနှင့်မိန်းမ စအိုတွင်းသို့ လိင်တံထိုးသွင်း ဆက်ဆံခြင်းတွင် မျိုးဆက်ပြန့်ပွားရေးရည်ရွယ်ချက် မရှိဘဲ ယောက်ျား၏ မိန်းမအပေါ် ဗိုလ်ကျလွှမ်းမိုး၊ အနိုင်ကျင့်လိုသော သဘောနှင့် မိန်းမ၏ လုံးဝအလျှော့ပေး လက်နက်ချအညံ့ခံလိုက်ရသော သဘောတို့ ရောလျှက်နေပါသည်။ ဤနည်းဖြင့် ဆက်ဆံခြင်းတွင် လိင်မှတဆင့်ကူးစက်တတ်သော ရောဂါများကူးစက်နိုင်ချေ အမြင့်ဆုံးဖြစ်သဖြင့် အကာအကွယ်ဖြင့်သာ ဆက်ဆံသင့်ပါသည်။ ထို့အပြင် စအိုတွင်းရှိ ဘက်တီးရီးယားများကြောင့် ဆီးလမ်းကြောင်းတွင်း ပိုးဝင်နိုင်သဖြင့် တစ်ဦးနှင့်တစ်ဦး သစ္စာခိုင်မြဲစွာပေါင်းဖော်ကြသော ချစ်သူ၊ လင်မယားများကြားတွင်လည်း အကာအကွယ်မဲ့ မဆက်ဆံသင့်ပါ။ စအိုတွင်းထိုးသွင်းပြီးသော လိင်တံ၊ လက်ချောင်းနှင့် အခြားအရာများကို သေချာကျနစွာ ဆေးကြောသန့်စင်မှုမပြုဘဲ ပါးစပ်၊ မိန်းမအင်္ဂါ စသည်တို့အတွင်းသို့ ထပ်မံမထည့်သွင်းရပါ။ စအိုတစ်ရှူးများသည် ထိခိုက်စုတ်ပြဲလွယ်ပြီး သဘာဝအတိုင်းလည်း ချောဆီမထွက်ခြင်းကြောင့် အထူးစီမံထုတ်လုပ်ထားသော ချောဆီများကို အသုံးပြုရပါမည်။ အဆီများသည် စအိုအတွင်းသားများနှင့် ဓာတ်မတည့်တတ်ခြင်း၊ အကာအကွယ်ရာဘာအစွပ်ကို စုတ်ပြဲစေတတ်ခြင်းကြောင့် ရေဓာတ်အခြေခံထုတ်လုပ်ထားသော ချောဆီများကို ပေါများစွာအသုံးပြု၍ ဖြည်းညင်း ၊ ညင်သာစွာ ထိုးသွင်းဆက်ဆံသင့်ပါသည်။