ရှင်ဉာဏဝံသ

ရှင်ဉာဏဝံသ (၁၁၅၁ - ၁၂၁+) သည် “တောင်တွင်းဆရာတော်” ဟု ထင်ရှားသည့် ဆရာတော် ဖြစ်သည်။

ဘဝ

ဆရာတော်ကို ၁၁၅၁ ခုနှစ်၊ ပြာသိုလဆန်း ၆ ရက်နေ့တွင် တောင်တွင်းကြီးမြို့၊ နားတောင်းရရွာ၌ ဖွားမြင်ခဲ့သည်။ ငယ်မည်မှာ မောင်ကျော်စံလှ ဖြစ်သည်။

ဆရာတော်သည် သာမဏေဝတ်ခဲ့သည့်အခါ “ရှင်ဉာဏဝံသ” ဟူသည့် ဘွဲ့ကို ယူခဲ့သည်။ ရဟန်းပြုသည့်အခါတွင်လည်း ထိုဘွဲ့ပင် ယူခဲ့သည်။

ရတနာပူရအင်းဝမြို့ မဟာမုနိဘုရားတောင်ဘက်တွင် ရှိသည့် တောင်တွင်းကြီးမြို့နှင့် ပုသိမ်မြို့စား မင်းသမီးက ဆောက်လုပ်ကာ လှူဒါန်းသည့် ဗဒုံကျောင်းတွင် စလင်းဇာတိ မိုးထိဆရာတော် ဦးပေါအီထံတွင် စာပေများ သင်ကြားခဲ့သည်။ ဆရာတော်ကို မင်းသမီးဝန်မောင်လူကလေးကက ကိုးကွယ်ခဲ့သည်။

ဆရာတော်သည် အမရပူရမြို့သို့ ရောက်သည့်အခါ မင်းသမီး၏ ကုသိုလ်တော် ဘုရားတောင်ဘက်ရှိ ခံတောကျောင်းတိုက်တွင်း၌ အချီတော်မောင်ရွှေချူက ကျောင်းဆောက်လုပ်ကာ လှူဒါန်းခဲ့သည်။

ဆရာတော်သည် “ဉာဏာဘိဝံသဓဇမဟာဓမ္မရာဇဂုရု” တံဆိပ်တော်ကို ရခဲ့သည်။