ဂျူးဆန်းကန်

ဂျူးဆန်းကန် 十三湖
Jūsangata 十三潟 (Tsugaru dialect)
View of Lake Jūsan.
ဂျူးဆန်းကန်
တည်နေရာ	Goshogawara, Aomori
ကိုဩဒိနိတ်	41°1′57″N 140°20′31″E
အမျိုးအစား	lagoon-type estuary
ပင်မ ရေဝင်စီးကြောင်း	Iwaki River
ပင်မ ရေထွက်စီးကြောင်း	Sea of Japan
ရေချိုင့်ဝှမ်းရှိရာ နိုင်ငံများ	Japan
အကျယ်ဆုံး အလျား	၃၁.၄ km (၁၉.၅ mi)
အကျယ်ဆုံး အနံ	၅ km (၃.၁ mi)
မျက်နှာပြင် ဧရိယာ	၁၇.၈၁ km2 (၆.၈၈ sq mi)
ပျမ်းမျှအနက်	၁.၅ m (၄ ft ၁၁ in)
အနက်ဆုံး အနက်အရှိုင်း	၃ m (၉.၈ ft)
ကမ်းခြေအလျား၁	၃၀ km (၁၉ mi)
ပင်လယ်ရေ မျက်နှာပြင်အမြင့်	၀ m (၀ ft)
၁ ကမ်းခြေအလျားသည် တိတိကျကျ တိုင်းတာထားခြင်း မဟုတ်ပေ။

ဂျူးဆန်းကန် (十三湖, Jūsan-ko ) (ဒေသအခေါ် - ဂျူးဆန်းလဂွန်း) သည် ဂျပန်နိုင်ငံ၊ အအိုမိုရိစီရင်စု၊ ဂိုရှောဂဝရမြို့တွင် တည်ရှိသည့် ကန်တစ်ခု ဖြစ်သည်။ အအိုမိုရိစီရင်စုတွင် တိုဝဒကန်နှင့် အိုဂဝရကန် စသည့်ကန်များ ပြီးပါက တတိယမြောက်အကြီးဆုံးကန်ဖြစ်သည်။ ကန်ဘောင်၏ အရှည်သည် ၃၀ ကီလိုမီတာ (၁၉ မိုင်) ရှိပြီး အမြင့်ဆုံးအနက်သည် ၃ မီတာ ရှိသည်။

ဝေါဟာရ

ဂိုရှောဂဝရမြို့တော်ခရီးသွားဌာနအရ လဂွန်း(Lagoon) ဆိုသည်မှာ ကန်ကို ဆိုလိုပြီး ဂျူးဆန်းဆိုသည်မှာ တစ်ဆယ့်သုံးဟု အဓိပ္ပာယ်ရသည်။ မြစ်တစ်ဆယ့်သုံးခုမှ ရေတို့သည် ကန်အတွင်းသို့ စီးဝင်လျက်ရှိသည်။ သို့သော်လည်း အခြားသော ရင်းမြစ်များ၌မူ ဤအမည်သည် အအိနုဘာသာစကား "To Sam" မှ ဆင်းသက်ဖြစ်ပေါ်လာသည်ဟု ဆိုကြပြီး “ကန်၏ ကမ်းခြေ” ဟု အဓိပ္ပာယ်ရသည်။

ဇလဗေဒ

ကန်အတွင်းသို့ အဓိကစီးဝင်သည့် ရေအရင်းအမြစ်သည် အိဝခိမြစ်မှ ဖြစ်သည်။ ကန်အတွင်း များစွာသော မြစ်ငယ်များမှလည်း စီးဝင်ကြသေးသည်။ ကန်၏ တစ်ခုတည်းသော ရေထွက်ပေါက်မှာ အိဝခိမြစ်၏ ရေဝင်ပေါက်နှင့် မျက်နှာချင်းဆိုင်ဖြစ်သည့် ကန်၏ အနောက်မြောက်ဘက်ထောင့်မှ ဖြစ်ပြီး ဂျပန်ပင်လယ်အတွင်းသို့ စီးဆင်းသွားသည်။

ဘူမိဗေဒ

ဤကန်သည် လွန်ခဲ့သည့် နှစ် ၇၀၀၀ ခန့် ရေခဲခေတ်အဆုံးကာလပြီးနောက်တွင် ဖြစ်ပေါ်လာခဲ့သည်။