ဂေါမုတ္တ

ဝီကီပီးဒီးယား မှ
Jump to navigation Jump to search
ဂေါ်မုတ်ကျောက်

ပါဠိအလိုအားဖြင့် ဂေါမုတ္တကို နွားကျင်ငယ်ရည် အဆင်းရှိသော ကျောက်ဟု ဆိုသည်။ ဂေါမုတ္တကို ဂေါမုတ်ဟုခေါ်သည်။ အင်္ဂလိပ်ဘာသာအားဖြင့် ဂါးနက်ဟု ခေါ်၏။ ဘူမိဗေဒအမည်မှာ ပိုင်ရုပ်ဖြစ်သည်။ အဆင်းမှာမူ အနီရင့်ဟု ဆိုသည်။ ယင်းကို မြန်မာနိုင်ငံ ကျောက်နီများထွက်သော မိုးကုပ်ကျပ်ပြင်ဒေသမှ ရရှိသည်။

မြန်မာလူမျိုးတို့အဖို့ ကျက်သရေမင်္ဂလာနှင့်ပြည့်စုံ၍ ထူးခြား သော သတ္တိရှိသည်ဟု ယူဆသော နဝရတ် ၉ ပါးဟုခေါ်သည့် ရတနာ ၉ ပါးတွင် ဂေါ်မုတ်ကျောက် ပါဝင်သည်။ နဝရတ်ကိုးပါး၏စွမ်းရည်ကို ဖွဲ့ထားသော လင်္ကာအရ၊ ဂေါ်မုတ်ကျောက်သည် ခွန်အားကို တိုးတက်စေသောသတ္တိရှိသည်ဟူ၍ သိရသည်။[၁]

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း၊ အတွဲ(၃)