မာတိကာသို့ ခုန်သွားရန်
- လက်ချည်းလာ၍ ၊ ဥစ္စာဆောင်သယ် ၊ နည်းငယ်ဖြင့်သာ ၊ များစွာလိုရှိ ၊ ဘေးထိရောက်ခါ ၊ ပြုလှာတုံဘိ ၊ မိမိကျိုးငှာ ၊ မှီလှာပေါင်းယှဉ် ၊ လေးယောက်စဉ်ကား ၊ အညဒတ္ထုဟရတည်း ။
- အခါခပ်သိမ်း မိမိထံမှ ပစ္စည်းဥစ္စာကိုသာလျှင် လာရောက် ဆောင်ယူလေ့ရှိသော အညဒတ္ထုဟရ မည်သော မိတ်တု။
- ရှေ့ဖြင့်စေ့စပ် ၊ တထပ်နောက်မှီး ၊ ချည်းနှီးသင်္ဂြ ီုလ် ၊ ပေးလိုစဟန် ၊ ပစ္စုပ္ပန်မူ ၊ ပြညွှန်ပျက်ပြား ၊ ဤလေးပါးကား ၊ မှတ်သား ဝစီပရမ တည်း ။
- နှုတ်ဖြင့်သာ အကျိုးစီးပွား လိုလားသယောင်ပြုလျက် တစ်စုံတစ်ခု ပေးမည်ကဲ့သို့ ဝိုင်းဝန်း ကူညီမည်ကဲ့သို့ ပြောဆိုပြီးလျှင် တစ်စုံတစ်ရာ လက်မပါသော ဝစီပရမ မည်သော မိတ်တု ။
- မကောင်းခွင့်ပြု ၊ ကောင်းမှုကိုလျင် ၊ ဆင်ခြင်မရှု ၊ ခွင့်ပြုသည်ပင် ၊ ရှေ့တွင်ချီးမွမ်း ၊ ဖုံးလွမ်းကွယ်လျင် ၊ ကဲ့ရဲ့မြင်သည် ဤလေးအင် ပီယဘာဏီ တည်း ။
- ရှေ့တွင်သာ ချစ်ဟန်ဆောင်၍ ချစ်ဖွယ်စကားကို ပြောဆိုလျက် ကွယ်ရာတွင် ရန်သူသဖွယ် ပြုလုပ်ပြောဆိုတတ်သော ပီယဘာဏီ မည်သော မိတ်တု ။
- မေ့လျော့စောင့်လှာ ၊ ဥစ္စာစောင့်ရှောက် ၊ ဘေးရောက်ကိုးကွယ် ၊ ပြုဖွယ်ရှိက ၊ နှစ်ဆဥစ္စာ ၊ ချေးပေးလှာသည် လေးဖြာ ဥပကာရတည်း ။
- စိတ်နှလုံးကောင်းစွာနှင့် ကျေးဇူးအထူးကိုသာ ပြုတတ်သော ဥပကာရ မည်သော မိတ်စစ်မိတ်ကောင်း ။
- လျှို့ဝှက်စကား ၊ ကြားစတုံလျက် ၊ တူလျှို့ဝှက်၍ ၊ ဘေးတွေ့မစွန့် ၊ မတွန့်တိုပါ ၊ သူသို့ညှာလျက် ၊ ကိုယ့်သက်စွန့်မြောက် ၊ ဤလေးယောက်ကား မျှလောက် ချမ်းသာ ဆင်းရဲတည်း ။
- စိတ်နှလုံး ကောင်းစွာနှင့် ချမ်းသာဆင်းရဲကို အတူအမျှ ခံစားတတ်သော သမာန သုခ ဒုက္ခ မည်သော မိတ်စစ်မိတ်ကောင်း ။
- မကောင်းမြစ်တာ ၊ ကောင်းရာသွင်ထား ၊ မကြားစတောင်း ၊ အကြောင်းကြားလှာ ၊ နတ်ရွာလမ်းပြ ဤလေးဝကား မည်ရ အတ္ထက္ခာယီတည်း ။
- စိတ်နှလုံးကောင်းစွာနှင့် အကျိုးစီးပွား ရှိရေးကိုသာ ပြောဆို ညွှန်ပြတတ်သော အတ္ထက္ခာယီ မည်သော မိတ်စစ်မိတ်ကောင်း ။
- ဥစ္စာခမ်းနား ၊ မပွားသမြို့ ၊ မနှစ်လို့ငြား ၊ ပွားကရွင်မြူး ၊ ကျေးဇူးမဲ့ကို ၊ ဆိုသော်တားမြစ် ၊ ကျေးဇူးဖြစ်ကို ၊ ဆိုသော်ချီးမွမ်း ၊ သူတို့တမ်းကား မိတ်ကျွမ်း အနုကမ္မတည်း ။
- စိတ်နှလုံးကောင်စွာနှင့် အကျိုးစီးပွားကို မျှော်ဆပြီးလျှင် အစဉ်စောင့်ရှောက်တတ်သော အနုကမ္မ မည်သော မိတ်စစ်မိတ်ကောင်း ။
- ညောင်ကန်ဆရာတော် ဦးပုတ် (အရှင် စကိန္န )
- (မြန်မာ - ၁၁၄၉ - ၁၂၀၄)
