ဂိဖု ဗုဒ္ဓရုပ်ပွားတော်ကြီး

ဂိဖု ဗုဒ္ဓရုပ်ပွားတော်ကြီး

ဂိဖုဗုဒ္ဓရုပ်ပွားတော်ကြီး (岐阜大仏) သည် ဂျပန်နိုင်ငံ၊ ဂိဖုစီရင်စု၊ ဂိဖုမြို့တော်၊ ရှိုးဟိုးဂျိတွင် တည်ရှိသည်။ Kinpouzan Shōhō ကျောင်း၏ ၁၁ ဆက်မြောက် ဘုန်းတော်ကြီး Ichyuu က ၁၉၇၀ ဝန်းကျင်တွင် တည်ဆောက်ရန် စိတ်ကူးရခဲ့သည်။ Ichyuu သည် ထိုဘုရားကြီး မပြီးခင် ၁၈၁၅ ခုနှစ်တွင် ဆုံးခဲ့သည်။ သို့သော် သူ၏ အမွေဆက်ခံသူဘုန်းတော်ကြီး Kohshuu လက်ထက် ၁၈၃၂၊ ဧပြီလတွင် ပြီးစီးခဲ့သည်။ တည်ဆောက်မှုသည် ၃၈ နှစ် ကြာမြင့်ခဲ့သည်။ ရုပ်ပွားတော်သည် ဂျပန်နိုင်ငံတွင် ထောင်လိုက်အနေအထားရှိပြီး ကြီးမားသည့် ရုပ်ပွားတော်များထဲမှ တစ်ခုလည်း ဖြစ်သည်။

တည်ဆောက်ခြင်း

ရုပ်ပွားတော်ကြီးသည် ၎င်း၏ တည်ဆောက်ထားသည့် နည်းလမ်းကြောင့် သူများနှင့်မတူ ထူးခြားသည်။ ပထမအနေဖြင့် အလယ်တိုင်သည် ၁.၈ မီတာရှိပြီး ginkgo သစ်သားဖြင့် ပြုလုပ်ထားသည်။ ဗုဒ္ဓပုံစံကိုမူ ဝါးဖြင့် ရာဇမတ်ကွက်ပြုလုပ်ကာ လုပ်ထားသည်။ ထိုဝါးတို့ကို ရွံ့စေးတို့ဖြင့် လိမ်းကျံထားပြီး ပိဋကတ်များကို ထိုရွှံ့စေးများအပေါ်တွင် ရေးထားသည်။ နောက်ဆုံးတွင် ထိုပိဋကတ်တို့ကို သစ်စေနှင့် ရွှေရောင်အချပ်များဖြင့် ဖုံးအုပ်ထားသည်။

အတိုင်းအတာများ

• ရုပ်တု၏ အမြင့် = ၁၃.၇ မီတာ (၄၄.၉ ပေ)
• မျက်နှာတော်၏ အလျား = ၃.၆၃ မီတာ (၁၁.၉ ပေ)
• မျက်လုံး၏ အလျား = ၀.၆၆ မီတာ (၂.၂ ပေ)
• နား၏ အလျား = ၂.၁၂ မီတာ (၇ ပေ)
• ပါးစပ်၏ အကျယ် = ၁.၃၁ မီတာ (၄.၃ မီတာ)
• နှာခေါင်း၏ အရှည် = ၀.၃၆ မီတာ (၁.၂ ပေ)

သွားရောက်ရန်

JR ဂိဖုရထားဘူတာ (စင်္ကြံ - ၁၁) သို့မဟုတ မိုင်တဲဆုဂိဖုရထားဘူတာ (စင်္ကြံ - ၄) နှင့် နဂရသို့သွားမည့် မည်သည့် ဘတ်စကားဖြင့်မဆို သွားလာနိုင်သည်။

ရုပ်ပုံများ

• 
  Shōhō-ji
• 
  Shōhō-ji
• 
• 
• 
• 
•