ချောင်းကွေ့ကော်ဖီခြံ

နာမည်အပြည့်အစုံမှာ ရှမ်းတောင်တန်းကော်ဖီစိုက်ပျိုးရေးခြံ (Shan Mountain Coffee Estate) ဖြစ်သည်။ မြန်မာနိုင်ငံတွင် ပထမဦးဆုံး ကော်ဖီစိုက်ပျိုးထုတ်လုပ်မှုလုပ်ငန်းဖြစ်သည်။ ၁၉၃၀ ပြည့်နှစ်တွင် စကော့တလန်မှ စကော့လူမျိုး ဂျော့သျှန်း (Mr. George Shand) မှတည်ထောင်ခဲ့သည်။ မြေဧက ၇၀၀ အနက် ဧက ၄၀၀ ပေါ်တွင် အာရေဘီးကားကော်ဖီကို စတင်စိုက်ပျိုးခဲ့သည်။ ၁၉၄၈ တွင် ထိုကော်ဖီခြံကို ဘီတီဘရားသားဦးဘတူမှ ဝယ်ယူခဲ့ပြီးနောက် ချောင်းကွေ့ ကော်ဖီခြံဟု ထင်ရှားခဲ့သည်။ ဦးဘတူသည် ချောင်းကွေ့ကော်ဖီခြံကို အခြေခံ၍ ကော်ဖီမှုန့် ထုတ်လုပ်သည့်လုပ်ငန်းကို တိုးချဲ့နိုင်ခဲ့သည်။

အကိုးအကား

မြန်မာ့အလင်းသတင်းစာ။ ၉/၁/၂၀၀၅။ နှာ ၁၀။