ကရီနာ ကပူး (ရုပ်ရှင်သရုပ်ဆောင်)
ကရီနာကပူးသည် အိန္ဒိယ ဘောလီးဝုဒ်ရုပ်ရှင်လောကမှ အမျိုးသမီးသရုပ်ဆောင်တစ်ဦးဖြစ်သည်။ ကရီနာကပူးကို ၁၉၈၀ ခုနှစ် စက်တင်ဘာလ ၂၁ ရက်နေ့တွင် အိန္ဒိယနိုင်ငံ မွမ်ဘိုင်းမြို့တွင် မွေးဖွားခဲ့သည်။ ကရီနာကပူး ၏ မျိုးရိုးသည် ရုပ်ရှင်မျိုးရိုးဖြစ်သည်။ ကပူးမိသားစု၏ အဆိုအရ ကရီနာ ဆိုသည့် ရှေ့ဆက်အမည်မှာ မိခင် ဘာဘီတာသည် သူ၏ ကိုယ်ဝန်ကို လွယ်ထားရစဉ်က အန်နာကရီနာ အမည်ရှိစာအုပ်ကို ဖတ်နေ သောကြောင့် ကရီနာကပူး ဟု ခေါ်ဆိုရခြင်း ဖြစ်သည်ဟု ဆိုသည်။
ကရီနာကပူးသည် ထင်ရှားသော အိန္ဒိယသရုပ်ဆောင် တစ်ဦးဖြစ်သူ ဆာအိဖ့် အလီခန်းနှင့် ၂၀၁၂ခုနှစ်တွင် လက်ထပ်ခဲ့သည်။
ကပူးရုပ်ရှင်မိသားစု
[ပြင်ဆင်ရန်]ကရီနာကပူး၏ ဖခင်မှာ မင်းသားကြီး ရန်ဒီဟာကပူးဖြစ်ပြီး မိခင်မှာ ဘာဘီတာဖြစ်သည်။ ကရီနာကပူး၏ အစ်မတစ်ဦးမှာ ရုပ်ရှင်သရုပ်ဆောင်တစ်ဦးဖြစ်ပြီး အမည်မှာ ကာအစ်စ်မာကပူးဖြစ်သည်။ အဖိုးဖြစ်သူမှာ ရုပ်ရှင်သရုပ်ဆောင်၊ ဒါရိုက်တာ ရာဂျီကပူးဖြစ်သည်။ ဘိုးအေဖြစ်သူမှာလည်း မင်းသားကြီး ဗာရာဂျီကပူးဖြစ်သည်။ ဦးလေးတော်စပ်သူသည် ရုပ်ရှင်သရုပ်ဆောင် ရီရှီကပူးဖြစ်သည်။
ငယ်ဘဝ
[ပြင်ဆင်ရန်]ကပူးရုပ်ရှင်မိသားစုမှ မွေးဖွားလာသည့် ကရီနာကပူးသည် ငယ်ရွယ်စဉ်အခါကပင် မီဒီယာများ၏ အာရုံစိုက်မှုကို ခံခဲ့ရသည်။ သူကိုယ်တိုင်လည်း ငယ်စဉ်ကတည်းက သရုပ်ဆောင်တစ်ဦးဖြစ်ရန် ဆန္ဒ ပြင်းပြခဲ့သည်။ သူ၏ဖခင်မှာ ပန်ချာပီအနွယ် ဖြစ်ပြီး မိခင်မှာ ဆင်းဒီအနွယ် ဖြစ်သည်။
ရုပ်ရှင်သရုပ်ဆောင် ဘဝအစ
[ပြင်ဆင်ရန်]၂၀၀၀ ပြည့်နှစ်တွင် စစ်နောက်ခံဇာတ်ကားဖြစ်သော Refugee ဆိုသည့် ရုပ်ရှင်ကားကို စတင်ရိုက်ကူးခဲ့ပြီး အကောင်းဆုံးမျက်နှာသစ် အမျိုးသမီးသရုပ်ဆောင်ဆုကို ရရှိခဲ့သည်။
၂၀၀၁ ခုနှစ်တွင် Kabhi Khushi Kabhie Gham ဇာတ်ကားသည် အိန္ဒိယ၏ ဝင်ေငွအကောင်းဆုံး ဇာတ်ကားတစ်ခုဖြစ်သကဲ့သို့ သူ့အတွက်လည်း ပြည်ပ ဈေးကွက်တွင် စီးပွားရေးအရ အအောင်မြင်ဆုံး ဇာတ်ကားတစ်ကားဖြစ်ခဲ့သည်။ ယင်းနှစ်မှာပင် အိန္ဒိယသမိုင်းတွင် အလွန်ထင်ရှားသော ဧကရာဇ်တစ်ပါး ဖြစ်သည့် အာသောကမင်းအကြောင်း ရိုက်ကူးထားသော အာသောကဇာတ်ကား (Asoka) တွင်လည်း ပါဝင်ခဲ့သည်။ ယင်းဇာတ်ကားတွင် အာသောကအဖြစ် ရှရွတ်ခန်းက သရုပ်ဆောင်ပြီး ကရီနာကပူးက ကလိင်္ဂတိုင်း သူ မင်းသမီးတစ်ပါးအဖြစ် သရုပ်ဆောင်ခဲ့သည်။
၂၀ဝ၈ခုနှစ်တွင် ယရ့်ရရှ့်ဖလင် နှင့် ဝေါ့လ်ဒစ္စနေးရုပ်ရှင်တို့ ပူးပေါင်းထုတ် လုပ် သည့် ကာတွန်းရုပ်ရှင်ဇာတ်ကားဖြစ်သော လမ်းနံဘေးက ရိုမီယို (Roadside Romeo) အမည်ရှိ ဇာတ်ကားတွင် ခင်ပွန်းဖြစ်သူ ဆာအိဖ့် အလီခန်းနှင့်အတူ အသံ သရုပ်ဆောင်ခဲ့သည်။
ရိုက်ကူးခဲ့သော ရုပ်ရှင်ဇာတ်ကားများ
[ပြင်ဆင်ရန်]၂၀၀၀ ပြည့်နှစ် Refugee
၂၀၀၁ ခုနှစ် Kabhi Khushi Kabhie Gham
၂၀၀၁ ခုနှစ် Asoka
၂၀၀၃ ခုနှစ် Chameli
၂၀၀၄ ခုနှစ် Dev
၂၀၀၆ ခုနှစ် Omkara
၂၀၀၇ ခုနှစ် Jab We Met
၂၀ဝ၈ခုနှစ် Roadside Romeo
၂၀၀၉ ခုနှစ် 3 Idiots
၂၀၁၀ ခုနှစ် We are family
၂၀၁၀ ခုနှစ် Bodyguard
ကိုးကား
[ပြင်ဆင်ရန်]ဇွန်လ ၅ ရက်နေ့ထုတ် ကြေးမုံသတင်းစာရှိ စာ-၇ မှ အေဝမ်းစိုး၏ ညို့ဓာတ်ပြင်းလွန်းသော ဘောလိဝုဒ်မင်းသမီး ကရီနာကပူး၏ ဘဝဇာတ်ကြောင်း