ကြယ်တာရာကြားဝယ် (ရုပ်ရှင်)

Interstellar
ရုပ်ရှင်ရုံ ပိုစတာ
အခြေခံအချက်အလက်
ဒါရိုက်တာ	Christopher Nolan
ထုတ်လုပ်သူ	Emma Thomas Christopher Nolan Lynda Obst
စာရေးသူ	Jonathan Nolan Christopher Nolan
သရုပ်ဆောင်	Matthew McConaughey Anne Hathaway ဂျက်ဆီကာ ချက်စတိန်း Bill Irwin Ellen Burstyn Michael Caine
ဂီတမှူး	Hans Zimmer
ဓာတ်ပုံ	Hoyte van Hoytema
တည်းဖြတ်	Lee Smith
ထုတ်လုပ်ရေး ကုမ္ပဏီများ	Legendary Pictures Syncopy Inc. Lynda Obst Productions
ကြာမြင့်ချိန်	၁၆၉ မိနစ်
နိုင်ငံ	အမေရိကန် ယူနိုက်တက်ကင်းဒမ်း
ဘာသာစကား	အင်္ဂလိပ်ဘာသာ
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	အောက်တိုဘာ ၂၆၊ ၂၀၁၄ (၂၀၁၄-၁၀-၂၆) (TCL တရုတ်ရုပ်ရှင်ရုံ) နိုဝင်ဘာ ၅၊ ၂၀၁၄ (၂၀၁၄-၁၁-၀၅) (အမေရိကန်) နိုဝင်ဘာ ၇၊ ၂၀၁၄ (၂၀၁၄-၁၁-၀၇) (ယူနိုက်တက်ကင်းဒမ်း)
ထုတ်ဝေသူ	Paramount Pictures (မြောက်အမေရိက) Warner Bros. Pictures (နိုင်ငံတကာ)
ကုန်ကျငွေ	$165 million
ရောင်းရငွေ	$675 million

ကြယ်တာရာကြားဝယ် ရုပ်ရှင်သည် ၂ဝ၁၄ ခုနှစ် ခရစ္စတိုဖာ နိုလန်မှ ဒါရိုက်တာလုပ်ကာ ရိုက်ကူးထားသည့် သိပ္ပံစိတ်ကူးယဉ်ဇာတ်လမ်းဖြစ်သည်။ အဓိကဇာတ်ဆောင်များအဖြစ် Matthew McConaughey, Anne Hathaway, Jessica Chastain နှင့် Michael Caine တို့မှ ပါဝင်သရုပ်ဆောင်ထားသည်။ ဇာတ်ကား၏သရုပ်မှာမူ အာကာသယာဉ်မှူးများသည် တွင်းပေါက်ကနေတစ်ဆင့် ကမ္ဘာသစ်များအား လူသားများအတွက် ရှာဖွေကြခြင်းဖြစ်သည်။ ယင်းဇာတ်ကားရိုက်ကူးခဲ့ရာ၌ ငွေကြေးကုန်ကျများပြားသည့် အထူးလုပ်ဆောင်ချက်များအား သုံးခဲ့ရသည်ဟုဆိုသည်။ ရုပ်ရှင်အား အမေရိကန်ပြည်ထောင်စု လော့အိန်ဂျယ်မြို့၌ ၂ဝ၁၄ ခုနှစ် အောက်တိုဘာလတွင် ဖြန့်ချိခဲ့သည်။ ၈၇ ကြိမ်မြောက် အကယ်ဒမီဆုပေးပွဲတွင် ယင်းဇာတ်ကားသည် အကောင်းဆုံး အထူးပြုလုပ်ချက်ဆု၊ အကောင်းဆုံး အသံတည်းဖြတ်ခြင်းဆု၊ အကောင်းဆုံး ဒီဇိုင်းထုတ်လုပ်ခြင်းဆု အစရှိသော ဆုအသီးသီးအား ဆွတ်ခူးရရှိခဲ့သည်။

ဇာတ်ညွှန်းအကျဉ်း

ကမ္ဘာပေါ်မှ ယာခင်းများသည့် ကြီးမားသော ပိုးကျခြင်းကြောင့် အစာရေစာ ရှားပါးလာကာ လူသားမျိုးနွယ် မျိုးတုန်းပျောက်ကွယ်ရကိန်းနှင့် ရင်ဆိုင်နေရသည်။ ကူးပါးသည် နာဆာ၏ ယခင်လေယာဉ်မှူးဟောင်းနှင့် ယာသမားတစ်ယောက်ဖြစ်ကာ သားသမီးနှစ်ယောက်ရှိသည်။ တစ်နေ့တွင် သမီးဖြစ်သူနှင့်အတူ နာဆာ၏ လျှို့ဝှက်နေရာအား ရှာဖွေတွေ့ရှိခဲ့သည်။ ယင်းမှတဆင့် ဒေါက်တာ ဘရန်းနှင့် ဆုံခဲ့သည်။ သူတို့သည် လွန်ခဲ့သောဆယ်စုနှစ်တစ်ခုလောက်ကတည်းက လူသားများလိုက်ပါသော အာကာသယာဉ်များအား တွင်းပေါက်များမှတဆင့် ကမ္ဘာသစ်ဆီသို့ စေလွှတ်ခဲ့ပြီးဖြစ်သည်။ စကြဝဠာအခြားတစ်ဖက်သို့ ဂယ်လက်ဆီများအားဖြတ်ကာ ခရီးသွားရန်အတွက် စနေဂြိုဟ်အနီးတွင် အင်မတန်ကြီးမားသည့် တွင်းနက်တစ်ခုအား လွန်ခဲ့သောနှစ် ၄ဝ ခန့်က စတင်တွေ့ရှိခဲ့သည်။ အစီစဉ် (က) လူသားများအား တတ်နိုင်သမျှ Endurance ယာဉ်ပေါ် တင်ခေါ်ကာ ကမ္ဘာမြေမှ ထွက်ခွာရန်၊ အစီစဉ် (ခ) အအေးရိုက်ထားသော လူသားမျိုးဥ ၅ဝဝဝ အားသယ်ဆောင်ပြီး လူသားမျိုးနွယ်အား ရှင်သန်အောင်ပြုလုပ်ရန် ဖြစ်သည်။ ကူးပါးသည် ယင်းခရီးစဉ်တွင် စေတနာဝန်ထမ်းအဖြစ်ပါဝင်ရန် သဘောတူခဲ့သည်။ Endurance ဖြင့် စနေဂြိုဟ်သို့ ၂ နှစ်ခန့်ကြာခဲ့သည်။ စနေဂြိုဟ်အနားသို့ရောက်သောအခါ တွင်းနက်အား slingshot အဖြစ်အသုံးချကာ ပြင်ပစကြဝဠာဆီသို့ ရောက်သွားသည်။ ကူးပါးနှင့် ဒေါက်တာဘရန်းတို့သည် မီလာဂြိုဟ်သို့ ဆင်းသက်မိရာ မတော်တဆမှုကြောင့် ၁ နာရီကျော်ခန့် ကြာသွားသည်။ ယင်းဂြိုဟ်၌ ၁ နာရီကျော်သည် ကမ္ဘာမြေ၌ ဆယ်စုနှစ် နှစ်ခု ကျော်သွားလေသည်။ ယင်းဂြိုဟ်ပတ်လမ်းအပေါ်တွင် စောင့်နေသော ဒိုလီအတွက်မူ ၂၃ နှစ် စောင့်စားခဲ့ရသည်ဟုဆိုသည်။ ကမ္ဘာမြေမှ အင်မတန်များပြားသော သတင်းများရောက်လာသောအခါ အံ့ဩရလေသည်။ အကြောင်းမူ ကူးပါး၏ သားငယ်မှာမူ အိမ်ထောင်ကျကာ ကလေးတစ်ယောက်ပင် ရလေပြီ။ သူ့သမီး မာဖီလည်း အသက် ၃၀ ကျော်သွားလေပြီ။

သရုပ်ဆောင်

ကူးပါးနှင့် ဒေါက်တာဘရန်းအဖြစ် Matthew McConaughey နှင့် Anne Hathaway

• ကူးပါးအဖြစ် Matthew McConaughey
• ဒေါက်တာ အလီမီယား ဘရန်းအဖြစ် Anne Hathaway
• မာဖီအဖြစ် ဂျက်ဆီကာ ချက်စတိန်း

• မာဖီ ငယ်ရွယ်စဉ်ဘဝကအဖြစ် Mackenzie Foy
• အသက်ရလာသည့်မာဖီအဖြစ် Ellen Burstyn

• ကူးပါး၏ ယောက္ခမအဖြစ် John Lithgow
• ဒေါက်တာ ဂျွန်ဘရန်းအဖြစ် Michael Caine
• တွန် ကူပါးအဖြစ် Casey Affleck

• တွန် ငယ်စဉ်ဘဝကအဖြစ် Timothée Chalamet

• ဒေါက်တာ ဒိုလီအဖြစ် Wes Bentley
• TARS အဖြစ် Bill Irwin (အသံသရုပ်ဆောင်)
• CASE အဖြစ် Josh Stewart (အသံ)
• Getty အဖြစ် Topher Grace
• ဒေါက်တာ ရိုမလီအဖြစ် David Gyasi
• ဒေါက်တာမန်းအဖြစ် Matt Damon
• လူးဝစ် ကူပါးအဖြစ် Leah Cairns