ကျောက်စာ

ဝီကီပီးဒီးယား မှ

ရှေးလူများသည် အကြောင်းအရာတစ်ခု⁠ခုကို ပျောက်ပျက်မသွားရအောင် မှတ်သားထားလိုလျှင် ကျောက်တိုင်ကျောက်တုံးများတွင် ရေးထိုး၍ ထားတတ်ကြသည်။ ထိုသို့ ရေးမှတ်ထားခြင်းမျိုးကို ကမ္ပည်းကျောက်စာရေးထိုးသည်ဟူ၍ လည်းကောင်း၊ ကျောက်ထက်အက္ခရာတင်သည် ဟူ၍လည်းကောင်း ခေါ်ကြသည်။ ကျောက်စာများကို လေ့လာခြင်းဖြင့် ကျောက်စာရေးထိုးသော ခေတ်က ယုံကြည်မှု အယူဝါဒ၊ ယဉ်ကျေးမှု အနုပညာများနှင့် လူမှုဆက်ဆံရေးများကို မှန်းဆအကဲခတ်နိုင်ရကား ကျောက်စာများသည် နိုင်ငံသမိုင်းကို များစွာ အထောက်အကူ ပေးနိုင်လေသည်။ ကမ္ဘာပေါ်တွင် ကျောက်စာရေးထိုးခြင်းဓလေ့ ပေါ်ပေါက်သည်မှာ ဘီစီ ၃၆၀၀ ခန့်ကပင် ဖြစ်ဟန်တူသည်။ ရှေးဦးစွာ ကျောက်စာရေးထိုးသော လူမျိုးမှာ အီဂျစ်လူမျိုး ဖြစ်သည်။ အီဂျစ် ပြည်သားများသည် ဟိုင်ယာရိုဂလစ်ခေါ် ရုပ်ပုံစာ အမှတ်အသားဖြင့် ဘုရင်သင်္ချိုင်းများ၊ အထိမ်းအမှတ် အဆောက်အဦးများတွင် ရေးထိုးထားခဲ့ကြသည်။ ထိုနောက် နှစ်ပေါင်း ၂၀၀ ခန့်ကြာသောအခါ ဘေဘီလုံးနိုင်ငံနှင့် အခြားမြေထဲပင်လယ်ဒေသများတွင် စာရေးစာဖတ်ပညာများ တတ်မြောက်တိုးတက်လာခဲ့ရာ ထိုအရပ်ဒေသများတွင်လည်း ကျောက်စာရေးထိုးသော ဓလေ့များ ပေါ်ပေါက်လာလေသည်။ အီဂျစ်နိုင်ငံ၊ စပိန်နိုင်ငံနှင့် မြေထဲပင်လယ် အရှေ့ပိုင်းနိုင်ငံများတွင် တွေ့ရှိရသော ရုပ်ပုံစာအမှတ်အသား အမျိုးပေါင်း ၃၀၀ကျော်တို့မှာ တစ်နိုင်ငံနှင့် တစ်နိုင်ငံ များစွာ တူညီလေသည်။ အီဂျစ်နိုင်ငံ၌ ဘီစီ ၃၄၀⁠၀မှ ၂၇၀၀ အထိ နှစ်အမည်များကို ရေးမှတ်ထားခဲ့သော ကျောက်တုံးတစ်ခုကို တွေ့ရှိသဖြင့် ယခုအခါ စစ္စလီကျွန်း ပါလာမိုပြတိုက်တွင် ထားရှိလေသည်။ ထိုကျောက်တုံးကို ပါလာမိုကျောက်စာဟု ခေါ်တွင်လျက် ရှိသည်။ ထိုမှတပါး ဘေဘီလုံးနိုင်ငံတွင် ဘီစီ ၂၀⁠၀၀ ကျော်က စိုက်ထူခဲ့သော ဟမ္မူရာဘီဘုရင်၏ ဥပဒေကျောက်စာတိုင်ကြီးသည်လည်းကောင်း၊ အဆီးရီးယားနိုင်ငံတွင် ဘီစီ ၇၀၀ ခန့်က ဆင်နာကရစ် ဘုရင် စိုက်ထူခဲ့သော ကျောက်စာတိုင်သည်လည်းကောင်း၊ ဘီစီ ၂၀၀ ခန့်က အီဂျစ်နိုင်ငံတွင် စိုက်ထူခဲ့သော ရိုဇက်တာကျောက်စာတိုင်လည်းကောင်း ထင်ရှားသော ကျောက်စာဟောင်းများ ဖြစ်သည်။ ရိုဇက်တာကျောက်စာတိုင်မှာ ဟိုင်ယာရိုဂ လစ်ဖစ်ခေါ် ရုပ်ပုံစာရေးနည်း၊ ဒီမိုတစ်ရေးနည်း၊ ဂရိရေးနည်းဟူ၍ ၃ မျိုး ရေးထိုးထားလေသည်။ ပြစ်သစ်လူမျိုး ရှမ်ပိုလီယန်ဆိုသူသည် ထိုကျောက်စာတွင် ပါရှိသော ရှေးအီဂျစ်စကားကို အနက်ဖော်ပြရာတွင် အနှစ် ၂၀ တိုင်⁠တိုင်ကြာမှ အောင်မြင်လေသည်။၊ ထိုကျောက်စာကို ယခုအခါ ဗြိတိသျှပြတိုက်တွင် တွေ့မြင်နိုင်သည်။ အမေရိကတွင်လည်း ရှေးဟောင်း ကျောက်စာများကို တွေ့ရှိရသည်။ မြောက်အမေရိကတိုက် မက္ကဆီကိုနိုင်ငံတောင်ပိုင်းတွင် နေထိုင်ကြခဲ့ကြသော "မာယာ"ခေါ် လူမျိုးတစ်မျိုးသည် ဘီစီ ၆၀⁠၀ ကျော်ကပင် ကျောက်စာရေးထိုးခြင်း ပြုလုပ်ခဲ့ကြသည်။ သူတို့ အသုံးပြုသော မှတ်သားနည်းမှလည်း ရုပ်ပုံရေးထိုး မှတ်သားနည်းပင် ဖြစ်သည်။ အိန္ဒိယနိုင်ငံတွင် ကျောက်စာရေးထိုးခြင်း ပေါ်ပေါက်သည့် ခေတ်မှာ ရှေးအီဂျစ်နိုင်ငံ ဘေဘီလုံးနိုင်ငံများ၏ ယဉ်ကျေးမှူးခေတ်နှင့် တစ်ခေတ်တည်းမှာပင် ဖြစ်သည်။ သိန္ဒုမြစ်ဝှမ်း မိုဟန်ဂျိုဒါရိုဟာရပ်ပ အရပ်များမှ တူးဖော်တွေ့ရှိရသော အချို့ကျောက်စာတို့ကို ယခုတိုင် အနက်ဖော်၍ မရရှိသေးချေ။ အိန္ဒိယနိုင်ငံ၌ အခြားထင်ရှားသော ကျောက်စာများမှာ ဘီစီ ၂၅၀ ခန့်က စိုက်ထူခဲ့သော သီရိဓမ္မာသောက ကျောက်စာများပင် ဖြစ်သည်။ သီရိဓမ္မာသောကမင်းတရားကြီးသည် ဗုဒ္ဓမြတ်စွာနှင့် စပ်လျဉ်းသည့် ထင်ရှားသော နေရာများတွင် အထိမ်းအမှတ် ကျောက်စာတိုင်များ စိုက်ထူခဲ့သည်သာမက မြတ်စွာဘုရားသခင်၏ ဆုံးမဩဝါဒများကိုလည်း နိုင်ငံတော်အတွင်း အနှံ့အပြား နေရာများ၌ ကျောက်ထက်တွင် ရေးထိုးစေခဲ့သည်။ သီရိဓမ္မာသောက ကျောက်စာများကို ဗြာဟ္မီအက္ခရာ၊ ခရော့ရှတီအက္ခရာများဖြင့် ရေးထိုးခဲ့လေသည်။ တရုတ်နိုင်ငံတွင် ဘီစီ ၂၀⁠၀၀ ခန့် ရှန်မင်းများလက်ထက်ကပင် စာပေရေးသားမှုကို တတ်မြောက်ကြသော်လည်း ကျောက်ထက်တွင် ရေးထိုးလေ့မရှိဘဲ ဆင်စွယ်၊ လိပ်ခွံ၊ အရိုးများနှင့် ဝါးများအပေါ်တွင်သာ ရေးမှတ်လေ့ရှိလေသည်။ ခရစ်သက္ကရာဇ် ၂၀၀ ခန့်တွင်မှ တရုတ်စာကောင်းပေကောင်းများကို ကျောက်ပြားများပေါ်တွင် ရေးထိုး၍ ထိုမှတဆင့် စက္ကူဖြင့် ကူးယူသော စနစ်ကို အသုံးပြုကြသည်။ မြန်မာနိုင်ငံတွင် ကျောက်စာရေးထိုးခြင်း အလေ့အထမှာ သရေခေတ္တရာခေတ်ကပင် စတင်ပေါ်ပေါက်ခဲ့လေသည်။ သရေခေတ္တရာမြို့ဟောင်းနေရာမှ တူးဖော်ရရှိသော ကျောက်အရိုးအိုးများတွင် ပျူဘုရင်ဘွဲ့များနှင့် ထိုမင်းများ၏ နတ်ရွာစံ သက္ကရာဇ်များ ရေးထိုးထားသည်ကို တွေ့ရသည်။ ပုဂံခေတ် မြန်မာလူမျိုးတို့သည် အထူးသဖြင့် ဘုရားကျောင်း ဆောက်၊ စသော ကုသိုလ်ကောင်းမှုများ ပြုပြီးသည့်အခါ အလှူပစ္စည်းစာရင်းနှင့်တကွ ဆုတောင်းစာ၊ ကျိန်စာများကို ကျောက်ထက်တွင် ရေးထိုးသောအားဖြင့် မှတ်တမ်းတင်ကြလေသည်။ မြန်မာနိုင်ငံအရပ်ရပ်တွင် ပျူ၊ မွန်စာ၊ မြန်မာစာ၊ ပါဠိစာ၊ သက္ကဋစာ စသည်တို့ဖြင့် ရေးထိုးထားသော ကျောက်စာအများတွေ့ရရှိရသည်။ ထို့ပြင် ဒူးဂဏန်း ကြေးဂဏန်းများဖြင့် ရေးသားထားသော ကျောက်စာများလည်း ရှိသေးသည်။ မြန်မာနိုင်ငံအတွင်း တွေ့ရှိရသော ကျောက်စာများအနက် ပုဂံမြို့မှ မြစေတီကျောက်စာမှာ အထူးအရေးပါ အရာရောက်သော ကျောက်စာတစ်ခုဖြစ်သည်။ ထိုကျောက်စာမှာ အကြောင်းအရာ တစ်မျိုးတည်းကို ကျောက်တိုင် ၄ မျက်နှာတွင် မြန်မာ၊ မွန်၊ ပါဠိ၊ ပျူ တည်းဟူသော ဘာသာကြီး ၄ မျိုးဖြင့် အသီးသီး ရေးထိုးထားခဲ့လေသည်။ မြစေတီကျောက်စာကို လေ့လာခြင်းအားဖြင့် ပုဂံခေတ်၌ သုံးနှုန်းသော ဘာသာစကားများကို သိရှိနိုင်သည့်အပြင် မြန်မာနိုင်ငံသမိုင်းအတွက် သက္ကရာဇ် အထောက်အထားများကိုလည်း တိကျစွာ သိနိုင်ပေသည်။ ကမ္ဘာ့ကျောက်စာများ သမိုင်းတွင် ပဉ္စမသံဂါယနာတင် မင်းတုန်းမင်းတရားကြီး၏ ရေးထိုးခဲ့သော ပိဋိကတ်ကျောက်စာများသည်လည်း အရေးကြီးသော အခန်းတစ်ခုအဖြစ် ပါဝင်သည်။ ပဉ္စမသံဂါယနာတင်ပြီးနောက် မင်းတုန်းမင်းကြီးသည် ပိဋိကတ်တော်များ အဓွန်ရှည် တည်တံ့စေအံ့သောငှာ ဝိနည်း ပိဋိကတ်တော်ကို ကျောက်ချပ်ရေ ၁⁠၁၁ပေါ်တွင်လည်းကောင်း၊ အဘိဓမ္မာပိဋိကတ်တော်ကို ကျောက်ချပ်ရေ ၂၀၈ခုပေါ်တွင် လည်းကောင်း၊ သုတ္တန်ပိဋိကတ်တော်ကို ကျောက်ချပ်ရေ ၄၁၀ ပေါ်တွင်လည်းကောင်း၊ အသီးသီး ရေးထိုးကာ ကျောက်ထပ်အက္ခရာတင်တော်မူခဲ့သည်။ ကျောက်ချပ်ရေစုစုပေါင်း ၇၁၉ ချပ်ရှိ၍ ကမ္ပည်းရေးထိုးရာ၌ ၇နှစ်နှင့် ၅ လကျော်မျှ ကြာမြင့်လေသည်။ ထိုပိဋိကတ် ကျောက်စာတိုင်များကို ကုသိုလ်တော် ဘုရား စေတီမဟာရံအတွင်း လိုဏ်ဂူ ပြဿာဒ်များဖြင့် တည်ထားကိုးကွယ်တော်မူခဲ့သည်။ မြန်မာနိုင်ငံတွင် ကျောက်စာရေးထိုးခြင်းဓလေ့မှာ ယခုတိုင် ထင်ရှားလျက်ရှိသေးသည်။ သို့ရာတွင် ယနေ့ခေတ်ရေးထိုးသော ကျောက်စာများမှာ များသောအားဖြင့် မြန်မာဘာသာသက်သက်ဖြင့် ဖြစ်၍ ရေးထိုးပုံမှာလည်း ယခင်ခေတ် ကျောက်စာများ ရေးထိုးပုံနှင့် မတူပေ။ ရှေးခေတ်က မန်ကျည်းစေ့ အက္ခရာဖြင့် ရေးထိုးကြသော်လည်း နှောင်းခေတ်များ၌မူ အက္ခရာဝန်းဖြင့်သာ ရေးထိုးလေ့ရှိကြလေသည်။ [၁]


ပုဂံခေတ် မြန်မာကျောက်စာ[ပြင်ဆင်ရန်]

စာကိုးအမှတ် ကျောက်စာအမည်
၁၊၂၊၁။ ပေါ်တော်မူဘုရားကျောက်စာ
၁၊၂၊၂။ ပုဂံမြကန်ကျောက်စာ
၁၊၂၊၃။ ရာဇကုမာရ်ကျောက်စာ (မြစေတီ)
၁၊၂၊၄။ တုရင်ပုထိုးကျောက်စာ
၁၊၂၊၅။ ငနွယ်သင်ကျောက်စာ
၁၊၂၊၆။ သခင်မဟာထေရ်နာဂသမိန်ကျောက်စာ
၁၊၂၊၇။ ငမန်ကျည်းသင်ကျောက်စာ
၁၊၂၊၈။ အထောလတ်ကျောက်စာ
၁၊၂၊၉။ အထောလတ်ကျောက်စာ
၁၊၂၊၁၀။ စာချီဖုနာကျောက်စာ
၁၊၂၊၁၁။ ဖုန်းမြတ်သောပြည့်စုံကျောက်စာ
၁၊၂၊၁၂။ တောင်ထောင့်ရွာမှကျောက်စာ နတ်မောက်မြို့နယ်
၁၊၂၊၁၃။ သင်ကြီးငယန်သင်ကျောက်စာ
၁၊၂၊၁၄။ သင်ကြီးအဘိနန္တသူကျောက်စာ (တိုင်းချွတ်ဘုရား)
၁၊၂၊၁၅။ အိုနုသင်ကျောက်စာ
၁၊၂၊၁၆။ သခင်ဓမ္မဝိလာသကျောက်စာ
၁၊၂၊၁၇။ သင်ကြီးဆရာကျောက်စာ
၁၊၂၊၁၈။ တောင်ဂူနီဘုရားကျောက်စာ
၁၊၂၊၁၉။ တောင်ဂူနီဘုရားကျောက်စာ
၁၊၂၊၂၀။ စောမွန်သင်ကျောက်စာ
၁၊၂၊၂၁။ သင်ကြီးငနိုင်သင်ကျောက်စာ
၁၊၂၊၂၂။ သခင်ငပွဲသောင်ကျောက်စာ
၁၊၂၊၂၃။ ဓမ္မရာဇကဘုရားကျောက်စာ
၁၊၂၊၂၄။ သေဋ္ဌေးမုခ်ဂူဘုရားကျောက်စာ
၁၊၂၊၂၅။ သေဋ္ဌေးမုခ်ဂူဘုရားကျောက်စာ
၁၊၂၊၂၆။ ဖုန်းသည်ဇေယျသိန်ကျောက်စာ
၁၊၂၊၂၇။ ဖုန်းသည်ဇေယျသိန်ကျောက်စာ
၁၊၂၊၂၈။ ဓမ္မရာဇကဘုရားကျောက်စာ
၁၊၂၊၂၉။ မန္တလေးနန်းတွင်းရုံကျောက်စာ အမှတ်-၂၂
၁၊၂၊၃၀။ အိုကျောသင်ကျောက်စာ
၁၊၂၊၃၁။ သင်ကြီးညောင်အုပ်ကျောက်စာ
၁၊၂၊၃၂။ သင်ကြီးညောင်အုပ်ကျောက်စာ
၁၊၂၊၃၃။ သံပျင်ရင်ကောင်ဘုရားကျောက်စာ
၁၊၂၊၃၄။ စိုးမင်းပျံချီသမီးကျောက်စာ
၁၊၂၊၃၅။ ကလန်ငသာသင်ကျောက်စာ
၁၊၂၊၃၆။ သင်ငနှစ်လို့သင်ကျောက်စာ
၁၊၂၊၃၇။ မင်းသမီး၏သမီးစိုးမင်းကျောက်စာ
၁၊၂၊၃၈။ ခေမာဝရဘုရားကျောက်စာ
၁၊၂၊၃၉။ မဟာထီးဘုရားကျောက်စာ
၁၊၂၊၄၀။ စောရဟန်သိမ်ကျောက်စာ
၁၊၂၊၄၁။ သင်ကြီးဓမ္မပါလကျောက်စာ
၁၊၂၊၄၂။ သင်လျင်အိုကပ်သင်ချင်ကျောက်စာ
၁၊၂၊၄၃။ သင်လျင်အိုကပ်သင်ချင်ကျောက်စာ
၁၊၂၊၄၄။ မင်းမယားကျောက်စာ
၁၊၂၊၄၅။ မိတြသိဥ္စည်းကျောက်စာ
၁၊၂၊၄၆။ ဖုန်းသည်အသင်္ခယာလင်မယားကျောက်စာ
၁၊၂၊၄၇။ အမိဖုရားမိကျောက်စာ
၁၊၂၊၄၈။ သူကြွယ်ငမျိုးသင်နှင့်အများမြေတရားနာကျောက်စာ
၁၊၂၊၄၉။ သင်ကြီးအိုဆုံသင်ကျောက်စာ
၁၊၂၊၅၀။ ငဖြစ်သင်နှင့်အိုဆုံသင်ကျောက်စာ
၁၊၂၊၅၁။ သုခမိန်ကျောက်စာ
၁၊၂၊၅၂။ ဂူပြောက်ငယ်ဘုရားကျောက်စာ (မဟာထီးဘုရား)
၁၊၂၊၅၃။ ဖုန်းသည်ဓမ္မာလျကျောက်စာ
၁၊၂၊၅၄။ ခင်မိပယ်ပိုသီကျောက်စာ
၁၊၂၊၅၅။ ဟန်လင်းကျောက်စာ
၁၊၂၊၅၆။ မန္တလေးနန်းတွင်းရုံကျောက်စာ ကျောက်တိုင်အမှတ်- ၁၉
၁၊၂၊၅၇။ ဂူပြောက်ငယ်ဘုရားကျောက်စာ (မဟာထီးဘုရား)
၁၊၂၊၅၈။ ကြံသိုင်းကြီးသမီးကျောက်စာ
၁၊၂၊၅၉။ ရွှေကွန်ချာဘုရားကျောက်စာ
၁၊၂၊၆၀။ ရွှေကွန်ချာဘုရားကျောက်စာ
၁၊၂၊၆၁။ ရွှေကွန်ချာဘုရားကျောက်စာ
၁၊၂၊၆၂။ ရွှေကွန်ချာဘုရားကျောက်စာ
၁၊၂၊၆၃။ မင်းအနန္တသူကျောက်စာ (လေးမျက်နှာဘုရား)
၁၊၂၊၆၄။ သခင်သိင်္ဃဝီရသူရဇ္ဇဗိုလ်ကျောက်စာ
၁၊၂၊၆၅။ သခင်သိင်္ဃဝီရသူရဇ္ဇဗိုလ်ကျောက်စာ
၁၊၂၊၆၆။ အသင်္ခယာမင်းမတ်မယားကျောက်စာ
၁၊၂၊၆၇။ မန္တလေးနန်းတွင်းရုံကျောက်စာ
၁၊၂၊၆၈။ အရည်းငစိုက်သင်ကျောက်စာ
၁၊၂၊၆၉။ ရွှေပေါင်လောင်ဘုရားကျောက်စာ
၁၊၂၊၇၀။ မင်းအနန္တသူကျောက်စာ (လေးမျက်နှာဘုရား)
၁၊၂၊၇၁။ မင်းအနန္တသူကျောက်စာ (လေးမျက်နှာဘုရား)
၁၊၂၊၇၂။ မင်းအနန္တသူကျောက်စာ (လေးမျက်နှာဘုရား)
၁၊၂၊၇၃။ သက်စိုးတောင်ဘုရားကျောက်စာ
၁၊၂၊၇၄။ မင်္ဂလထေရ်ဘုရားကျောက်စာ
၁၊၂၊၇၅။ စောမင်းလတ်ဘုရားကျောက်စာ
၁၊၂၊၇၆။ သိမ်တော်ဘုရားကျောက်စာ
၁၊၂၊၇၇။ သိမ်တော်ဘုရားကျောက်စာ
၁၊၂၊၇၈။ စည်သူမင်းကြီးနှင့်မိဖုရားစောအလွှမ်းကျောက်စာ
၁၊၂၊၇၉။ သင်ကြီးငဖုန်းသင်ကျောက်စာ
၁၊၂၊၈၀။ မင်းကြီးအသင်္ခယာကျောက်စာ
၁၊၂၊၈၁။ မင်းကြီးအသင်္ခယာကျောက်စာ
၁၊၂၊၈၂။ မင်းအနန္တသူကျောက်စာ (လေးမျက်နှာဘုရား)
၁၊၂၊၈၃။ ရာဇမဟာမင်္ဂလပတေ့ကျောက်စာ
၁၊၂၊၈၄။ အိုပြည့်စုံသင်ကျောက်စာ
၁၊၂၊၈၅။ မင်းအနန္တသူကျောက်စာ (လေးမျက်နှာဘုရား)
၁၊၂၊၈၆။ ကစ္စဗိုလ်လင်မယားကျောက်စာ
၁၊၂၊၈၇။ သူကြွယ်ငစွယ်သင်မောင်နှံကျောက်စာ
၁၊၂၊၈၈။ ရတနာကုံထန်ကျောက်စာ
၁၊၂၊၈၉။ မင်းသားထောက်လှော်ကားကျောက်စာ
၁၊၂၊၉၀။ ဇေယျသွတ်ဘုရားကျောက်စာ
၁၊၂၊၉၁။ မင်းရာဇသူသမီးဇေယျသူဌေးမယားကျောက်စာ
၁၊၂၊၉၂။ သီရိမဟာဓမ္မရာဇာပဏ္ဍိတကျောက်စာ
၁၊၂၊၉၃။ သီရိမဟာဓမ္မရာဇာပဏ္ဍိတကျောက်စာ
၁၊၂၊၉၄။ ရာဇသူရသမီးမောင်နှံကျောက်စာ
၁၊၂၊၉၅။ အသဝတ်ဓမ္မာသင်္ချိုင်းဂူဘုရားကျောက်စာ (စောလှဝန်းဘုရား)
၁၊၂၊၉၆။ အသဝတ်ဓမ္မာသင်္ချိုင်းဂူဘုရားကျောက်စာ (စောလှဝန်းဘုရား)
၁၊၂၊၉၇။ မင်းမတ်ဉာဏပိစည်ကျောက်စာ
၁၊၂၊၉၈။ ဝက်ကြီးအင်းရွှေကျောင်းကျောက်စာ
၁၊၂၊၉၉။ ငပိုက်သင်လင်မယားကျောက်စာ
၁၊၂၊၁၀၀။ သံပျင်သက်ရှည်ကျောက်စာ
၁၊၂၊၁၀၁။ မဟာဂေါတမဘုရားကျောက်စာ
၁၊၂၊၁၀၂။ မင်းမတ်နဂါးဗိုလ်မိဖွားကျောက်စာ
၁၊၂၊၁၀၃။ ဆင်ဖြူရှင်ဘုရားရှိကျောက်စာ
၁၊၂၊၁၀၄။ သင်လျင်သိရတ်မောင်နှံကျောက်စာ
၁၊၂၊၁၀၅။ ဖုန်းသည်သင်ကြီးငပံသင်ကျောက်စာ
၁၊၂၊၁၀၆။ မကွေးသူမုဆိုးမကျောက်စာ
၁၊၂၊၁၀၇။ သူကြွယ်ငစွေသင်ဘုရားကြီးကျောက်စာ
၁၊၂၊၁၀၈။ မိဖုရားဖွားစောကျောက်စာ (မြောက်ဂူနီဘုရား)
၁၊၂၊၁၀၉။ လက်ပွတ်ကန်ဘုရားကျောက်စာ
၁၊၂၊၁၁၀။ ရွှေစည်းခုံဘုရားကျောက်စာ
၁၊၂၊၁၁၁။ ညောင်ရမ်းကြီးသမီးအိမ်ရာကျောင်းကျောက်စာ
၁၊၂၊၁၁၂။ ညောင်ရမ်းကြီးသမီးအိမ်ရာကျောင်းကျောက်စာ
၁၊၂၊၁၁၃။ ညောင်ရမ်းကြီးသမီးရှင်မဟာကဿပတောကျောင်းကျောက်စာ
၁၊၂၊၁၁၄။ လက်ပွတ်ကန်ဘုရားကျောက်စာ
၁၊၂၊၁၁၅။ ကျစွာမင်းမိထွေးတော်ကျောင်းကျောက်စာ
၁၊၂၊၁၁၆။ ဖိုးကလုန်ဂူဘုရားကျောက်စာ
၁၊၂၊၁၁၇။ သမန္တကုံထံလင်မယားကျောက်စာ
၁၊၂၊၁၁၈။ သင်္ကန်းရုံဘုရားကျောက်စာ
၁၊၂၊၁၁၉။ သူကြွယ်အို့ကြံချင်သင်လင်မယားကျောက်စာ
၁၊၂၊၁၂၀။ ငရံသင်ကျောက်စာ
၁၊၂၊၁၂၁။ ငလှသင်မောင်နှံကျောက်စာ
၁၊၂၊၁၂၂။ သူကြွယ်အိုနိုင်သင်ကျောက်စာ
၁၊၂၊၁၂၃။ ရှင်မဟာကဿပကျောက်စာ
၁၊၂၊၁၂၄။ အစောကြွမ်းကျောက်စာ
၁၊၂၊၁၂၅။ အစောကြွမ်းကျောက်စာ
၁၊၂၊၁၂၆။ မုခ်ဂူဘုရားကျောက်စာ
၁၊၂၊၁၂၇။ မုခ်ဂူဘုရားကျောက်စာ
၁၊၂၊၁၂၈။ ကျစွာမင်းအမိန့်တော်ကျောက်စာ
၁၊၂၊၁၂၉။ ကျစွာမင်းအမိန့်တော်ကျောက်စာ
၁၊၂၊၁၃၀။ အုန်သင်နှင့်အများကျောက်စာ
၁၊၂၊၁၃၁။ မဟာသမန်းလင်မယားကျောက်စာ
၁၊၂၊၁၃၂။ သခင်ခင်မမီကျောက်စာ
၁၊၂၊၁၃၃။ ဒါယကာသားသုဖရစ်ကျောက်စာ
၁၊၂၊၁၃၄။ ကျစွာမင်းမိထွေးတော်ကျောက်စာ
၁၊၂၊၁၃၅။ ဓမ္မရံကြီးဘုရားကျောက်စာ
၁၊၂၊၁၃၆။ အဂ္ဂပတိကျောက်စာ
၁၊၂၊၁၃၇။ သံပျင်စွာကျောင်းကျောက်စာ
၁၊၂၊၁၃၈။ ဥစ္စနာမင်းကြီး၏ဦးရီးနှင့်အများကျောက်စာ
၁၊၂၊၁၃၉။ နရသီဟပတေ့မင်းကျောက်စာ
၁၊၂၊၁၄၀။ မင်းမတ်မဟာသမန်းကျောက်စာ
၁၊၂၊၁၄၁။ မင်းမတ်မဟာသမန်းကျောက်စာ
၁၊၂၊၁၄၂။ မဟာသမန်းကြီးသမီးစိုးမင်းကြီးကျောက်စာ
၁၊၂၊၁၄၃။ ငလပ်သင်ကျောက်စာ
၁၊၂၊၁၄၄။ နရသီဟမတေ့မင်းအရီးစောကျောက်စာ
၁၊၂၊၁၄၅။ မဟာရစ်စေတီကျောက်စာ
၁၊၂၊၁၄၆။ အိုရောက်သင်ကျောက်စာ
၁၊၂၊၁၄၇။ နရသီဟပတေ့မင်းကြီးကျောက်စာ
၁၊၂၊၁၄၈။ ဖုန်းမြတ်တိဿထေရ်ကျောက်စာ
၁၊၂၊၁၄၉။ ကစွန်းအိုကျောင်းကျောက်စာ
၁၊၂၊၁၅၀။ ကစွန်းအိုကျောင်းကျောက်စာ
၁၊၂၊၁၅၁။ သခင်စကုကြီးကျောက်စာ
၁၊၂၊၁၅၂။ အိုကုသင်သားပန်စင်ကျောက်စာ
၁၊၂၊၁၅၃။ အာမနာကျောင်းကျောက်စာ
၁၊၂၊၁၅၄။ အာမနာကျောင်းကျောက်စာ
၁၊၂၊၁၅၅။ သူကြွယ်ငဝမ်းဖြည့်သင်ကျောက်စာ
၁၊၂၊၁၅၆။ မင်းဝိုင်းကျောင်းကျောက်စာ
၁၊၂၊၁၅၇။ အစောလတ်မောင်နှံကျောက်စာ
၁၊၂၊၁၅၈။ ကျောက်ဂူဥမင်ကျောက်စာ
၁၊၂၊၁၅၉။ မင်းမယားစာချီဗိုလ်ကျောက်စာ
၁၊၂၊၁၆၀။ မင်းဝိုင်းကျောင်းကျောက်စာ
၁၊၂၊၁၆၁။ မြင်းခုံတိုင်သခင်မဟာထီးကျောက်စာ
၁၊၂၊၁၆၂။ သံပျင်လက်ဆောင်ကျောက်စာ
၁၊၂၊၁၆၃။ သီရိဝဍ္ဎနာအမတ်ကြီးနှင့်မင်းသမီးမင်းစောလတ်ကျောက်စာ
၁၊၂၊၁၆၄။ မိဖုရားစောပုလဲမယ်ကျောက်စာ
၁၊၂၊၁၆၅။ မလာဖြစ်အမတ်ကျောက်စာ
၁၊၂၊၁၆၆။ ကုသသမုတိဘုရားကျောက်စာ
၁၊၂၊၁၆၇။ ကုသသမုတိဘုရားကျောက်စာ
၁၊၂၊၁၆၈။ ဇေယျသွတ်ဘုရားတွင်းရှိကျောင်းကျောက်စာ
၁၊၂၊၁၆၉။ မင်းသမီးအစောပဒေသာကျောက်စာ
၁၊၂၊၁၇၀။ မင်းအိမ်ကြီးကျောက်စာ
၁၊၂၊၁၇၁။ ရှင်ဒိသာပါမောက်ကျောက်စာ
၁၊၂၊၁၇၂။ စောလှဝန်းဘုရားကျောက်စာ
၁၊၂၊၁၇၃။ စောလှဝန်းဘုရားကျောက်စာ
၁၊၂၊၁၇၄။ စောလှဝန်းဘုရားကျောက်စာ
၁၊၂၊၁၇၅။ စောလှဝန်းဘုရားကျောက်စာ
၁၊၂၊၁၇၆။ ဝမ်းဘဲကာကျောင်းကျောက်စာ
၁၊၂၊၁၇၇။ အမတ်ကြီးဣန္ဒပဇ္ဇရာကျောက်စာ
၁၊၂၊၁၇၈။ သံပျင်ဇေယျသူဌေးကျောက်စာ
၁၊၂၊၁၇၉။ ဣန္ဒပဇ္ဇရာဘုရားကျောက်စာ

[၂]

ပင်းယခေတ် မြန်မာကျောက်စာ[ပြင်ဆင်ရန်]

စာကိုးအမှတ် ကျောက်စာအမည်
၂၊၁၊၁။ မိဖုရားစောကျောက်စာ
၂၊၁၊၂။ အမတ်ကြီးသီရိရာဇသင်္ကြံကျောက်စာ
၂၊၁၊၃။ ပေါင်လောင်ကျောင်းကျောက်စာ
၂၊၁၊၄။ အသင်္ခယာကျောင်းကျောက်စာ
၂၊၁၊၅။ စတ္တလင်္ကပတေ့ကျောက်စာ
၂၊၁၊၆။ စတ္တလင်္ကပတေ့ကျောက်စာ
၂၊၁၊၇။ ရာစပါကျောက်စာ
၂၊၁၊၈။ မင်းမတ်သုဖရစ်နှင့်အများကျောက်စာ
၂၊၁၊၉။ စစ်သူကြီးလက်ဝဲအမတ်ကြီးကျောက်စာ
၂၊၁၊၁၀။ ချမ်းသာပတေ့လင်မယားကျောက်စာ
၂၊၁၊၁၁။ မင်းမတ်ကြီးသုံးယောက်၏ နှမကျောက်စာ
၂၊၁၊၁၂။ ဆင်ဖြူသခင်သမီးစောထွေးကျောက်စာ
၂၊၁၊၁၃။ မြတ်ကြီးပိကုန်ထေကျောက်စာ
၂၊၁၊၁၄။ မိဖုရားစောကျောက်စာ
၂၊၁၊၁၅။ ငကြံလှောက်သင်ကျောက်စာ
၂၊၁၊၁၆။ ရှင်မဟာကဿပဘုရားကျောင်း ကျောက်စာ
၂၊၁၊၁၇။ ကျောင်းသည်ငပြည့်ညီလင်မယားကျောက်စာ
၂၊၁၊၁၈။ မြတ်ကြီးညောင်မယားကျောက်စာ
၂၊၁၊၁၉။ အိမ်ကြီးသည်ကျောက်စာ
၂၊၁၊၂၀။ မင်းအသင်္ခယာကြီးကျောက်စာ
၂၊၁၊၂၁။ ရတနာစေတီကျောက်စာ
၂၊၁၊၂၂။ မိဖုရားအိုပြည့်သင်ကျောက်စာ
၂၊၁၊၂၃။ အမတ်ကြီးအရိမတ်ကျောက်စာ
၂၊၁၊၂၄။ ငဇွန်ဘုရားကျောက်စာ
၂၊၁၊၂၅။ ရွှေကြက်ယက်ဘုရားကျောက်စာ
၂၊၁၊၂၆။ မြတ်ကြီးမဟာထီးကျောက်စာ
၂၊၁၊၂၇။ စစ်သူကြီးသုဖရစ်ကျောက်စာ
၂၊၁၊၂၈။ သရအိုင်သာရီရိကစေတီတော် ကျောက်စာ
၂၊၁၊၂၉။ ဥစ္စနာမင်းကြီးကျောက်စာ
၂၊၁၊၃၀။ သရိုင်ဘုရားကျောက်စာ
၂၊၁၊၃၁။ စစ်သူကြီးလက်ယာပတေ့မောင်နှံကျောက်စာ
၂၊၁၊၃၂။ ရတနာပုံမိဖုရားကျောက်စာ
၂၊၁၊၃၃။ ခင်မွန်တောကျောင်းစေတီကျောက်စာ
၂၊၁၊၃၄။ ရွှေအင်းပဲဘုရားကျောက်စာ
၂၊၁၊၃၅။ နံကိုင်းဘုရားကျောက်စာ
၂၊၁၊၃၆။ သဗ္ဗညုဘုရားကျောက်စာ
၂၊၁၊၃၇။ ငမောင်ကျောင်းကျောက်စာ
၂၊၁၊၃၈။ မင်းမတ်ကြီးသမန်ချတ္တရာကျောင်း
၂၊၁၊၃၉။ ရွှေကျောင်းကျောက်စာ
၂၊၁၊၄၀။ ဖုမ္မသိင်္ဃာသိမ်ကျောက်စာ
၂၊၁၊၄၁။ တောင်ပိမင်းစေတီကျောင်းကျောက်စာ
၂၊၁၊၄၂။ ရွှေစေတီကျောက်စာ
၂၊၁၊၄၃။ မဟာဝိဟာရကျောင်းတော်ကျောက်စာ
၂၊၁၊၄၄။ မင်းသတိုးသီဟသူရကျောက်စာ
၂၊၁၊၄၅။ ရွှေဂူဘုရားကျောက်စာ
၂၊၁၊၄၆။ ကိုရံသူကြီးကျောင်းကျောက်စာ
၂၊၁၊၄၇။ ငါးဆူဘုရားကျောက်စာ
၂၊၁၊၄၈။ အနန္တပကြံကျောက်စာ
၂၊၁၊၄၉။ ကိုယ်တော်ပျောက်ဘုရားကျောက်စာ
၂၊၁၊၅၀။ သက်ရှည်သင်ကျောက်စာ
၂၊၁၊၅၁။ ကနီမင်းနော်ရထာကျောက်စာ
၂၊၁၊၅၂။ အဘယကြီးကျောင်းကျောက်စာ
၂၊၁၊၅၃။ အဘယကြီးကျောင်းကျောက်စာ
၂၊၁၊၅၄။ သတိုးသိင်္ဃသူကျောင်းကျောက်စာ
၂၊၁၊၅၅။ သမန်စတာဘုရားကျောက်စာ
၂၊၁၊၅၆။ သမန်စတာဘုရားကျောက်စာ
၂၊၁၊၅၇။ ပရိမ္မသူကြီးငကောင်ရံသင်မောင်နှံကျောက်စာ
၂၊၁၊၅၈။ စိုးမင်းကိုယ်တော်ကြီးကျောင်းကျောက်စာ
၂၊၁၊၅၉။ ကာလဟတ္ထိကျောက်စာ
၂၊၁၊၆၀။ စစ်သူကြီးလောကနတ်ကျောက်စာ
၂၊၁၊၆၁။ စည်းခုံဘုရားကြီးကျောက်စာ
၂၊၁၊၆၂။ အင်းပဲဘုရားနှင့်နဂါးရုံဘုရားကျောက်စာ
၂၊၁၊၆၃။ ဆုတောင်းပြည့်ဘုရားကျောက်စာ
၂၊၁၊၆၄။ ဆုတောင်းပြည့်ဘုရားကျောက်စာ
၂၊၁၊၆၅။ မိဖုရားရွှေတောင်မယ်ကျောက်စာ

[၂]

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း၊ အပိုင်း၂။ အတွဲက
  2. ၂.၀ ၂.၁ မြန်မာစာအဖွဲ့ဦးစီဌာန (၂၀၀၉)။ စာကိုးအဘိဓာန်