ကော့ပငန်းကျွန်း

ဝီကီပီးဒီးယား မှ
Ko Pha-ngan or Koh Pha-ngan
เกาะพะงัน
District
Ko Pha-ngan
Ko Pha-ngan
Ko Pha-ngan or Koh Pha-ngan သည် ထိုင်းနိုင်ငံ တွင် တည်ရှိသည်
Ko Pha-ngan or Koh Pha-ngan
Ko Pha-ngan or Koh Pha-ngan
ကိုဩဒိနိတ်: 9°43′0″N 100°0′0″E / 9.71667°N 100.00000°E / 9.71667; 100.00000
CountryThailand
ProvinceSurat Thani
ဧရိယာ
 • စုစုပေါင်း၁၂၅ စတုရန်းကီလိုမီတာ (၄၈ စတုရန်းမိုင်)
အချိန်ဇုန်ICT (UTC+7)

ကော့ပငန်း[၁] (ထိုင်း: เกาะพะงัน, RTGSKo Pha-ngan, အသံထွက် [kɔ̀ʔ pʰā.ŋān])[၂](Thai: เกาะพะงัน, RTGS: Ko Pha-ngan, pronounced [kɔ̀ʔ pʰā.ŋān]) သည် ထိုင်းနိုင်ငံတောင်ပိုင်းရှိ ဆူရတ်ဌာနီခရိုင်၊ ထိုင်းပင်လယ်ကွေ့တွင်ရှိသော ကျွန်းတခုဖြစ်သည်။ ကော့ပငန်းကျွန်းရှိ ဟာ့ဒင်းကမ်းခြေတွင် လပြည့်ညတိုင်း ကျင်းပသည့် လပြည့်ပါတီ(Full moon Party)ကြောင့် လူသိများသည်။ ၎င်းကျွန်း၏ ညီအမ ကျွန်းနှစ်ခုမှာ တောင်ဘက်ရှိ ကော့စမွီကျွန်းနှင့် မြောက်ဘက်ရှိ ကော့တောင်ကျွန်းငယ်ကလေးတို့ဖြစ်သည်။

  • ခန့်မှန်းအကျယ်အဝန်း ၄၀ ကီလိုမီတာ (ပျမ်းမျှလမ်းလျှောက်ချိန် ခန့်မှန်းချေ ၁၀နာရီခန့်)
  • ကုန်းမြေမကြီးမှ ၅၅ကီလိုမီတာခန့်ကွာဝေး
  • ကော့စမွီကျွန်းမှ ၁၅ ကီလိုမီတာခန့်ကွာဝေး
  • ကော့တောင်ကျွန်းမှ ၃၅ကီလိုမီတာခန့်
  • အဓိကမြို့ ထောင်ဆလာ
  • အမြင့်ဆုံးတောင်: ခေါင်လ၊ ၆၃၀မီတာ

သမိုင်း[ပြင်ဆင်ရန်]

ကော့ပငန်းကျွန်းအမည်မှာ ထိုင်းတောင်ပိုင်းသုံး စကားလုံးဖြစ်သည့် ငန်း မှ ဆင်းသက်လာပြီး "သဲတန်း"ဟူ၍ အဓိပ္ပာယ်ရသည်။ ၎င်းကျွန်းပေါ်တွင် သဲသောင်တန်းများစွာရှိသည်။ ထိုင်းဘုရင်များ၏ အကြိုက်ဆုံးဒေသဖြစ်ခဲ့သည်မှာ ကြာမြင့်ပြီးဖြစ်သည်။ ဥပမာအနေဖြင့် ရာမ ၅ သို့မဟုတ် ချူလာလောင်ကွန်းမင်း၏ နန်းသက်တလျှောက်တွင် ကော့ပငန်းကျွန်းသို့ ၁၄ကြိမ်တိုင်အောင်လည်ပတ်ခဲ့ဖူးသည်။ ‌၁၉၇၇ခုနှစ် ကော့စမွီကျွန်းတွင် တွေ့ရှိရသည့် ဒေါင်ဆန်ယဉ်ကျေးမှုအမွေဖြစ်သည့် ကြေးစည်သည် ကော့စမွီကျွန်း၊ ကော့ပငန်းကျွန်းများနှင့် အခြား ကျွန်းများတွင် လွန်ခဲ့သည့်နှစ်ပေါင်း ၂၀၀၀ခန့်ကတည်းက လူများနေထိုင်ခဲ့သည်ဆိုသည့် ခိုင်မာသော သက်သေအထောက်အထားများပင်ဖြစ်သည်။ မလေးရှားကျွန်ဆွယ်မှ လှေများဖြင့် ခရီးထွက်လာသည့် ပင်လယ်ပျော်များ(Semung, and Proto-Malay)သည် ကော့ပငန်းကျွန်းတွင် စတင်နေထိုင်ခဲ့သည် ပထမဆုံးသောလူအဖွဲ့အစည်းဖြစ်သည်ဟူ၍ သမိုင်းပညာရှင်အချို့နှင့်ရှေးဟောင်းသုတေသီများ ယုံကြည်ကြသည်။ လွန်ခဲ့သည့်ရာစုနှစ်အတွင်း ကျွန်း၏ လူဦး ရေသည်တဖြည်းဖြည်းတိုးများလာခဲ့သည်။ နောက်ပိုင်းတွင်သံဖြူတူးဖော်ခြင်းသည်စီးပွားရေး၏တစ်စိတ်တစ်ပိုင်းဖြစ်လာခဲ့သည်။ ၁၉၇၀ ပြည့်လွန်နှစ်များတွင်သတ္ထုတူးဖော်ခြင်းလုပ်ငန်းသည်ယိုယွင်းပျက်စီးခဲ့ပြီးနောက်ဆုံးတွင်အဆုံးသတ်ခဲ့သည်။ ထို့နောက်ဆယ်စုနှစ်အတွင်း ခရီးသွားလုပ်ငန်းအား ပြောင်းလဲလုပ်ကိုင်လာခဲ့ကြသည်။ ယခုအခါ ကျွန်းသည်ကမ္ဘာလှည့်ခရီးသည်များအတွက်အဓိကနေရာဖြစ်သည်။ ဒေသဆိုင်ရာစီးပွားရေးအတွက်ငါးဖမ်းခြင်းနှင့်အုန်းသီးစိုက်ပျိုးခြင်းသည်လည်း အဓိကစီးပွားရေးလုပ်ငန်းတစ်ခုဖြစ်သည်။ ကျွန်း၏မြေမျက်နှာသွင်ပြင်ကြောင့် နေထိုင်သူများသည် ကမ်းရိုးတန်းတလျှောက်နေထိုင်ကြသည်။ ယေဘူယျအားဖြင့် ကျွန်းပေါ်ရှိ တောင်များအတွင်းသို့ လူများအပေါက်ရောက်နိုင်ချေ။ ကျွန်း၏တဝက်ခန့်အား အမျိုးသားဥယျာဉ်အဖြစ် ထားရှိပြီး ကော့ပငန်း၏ ၈၀ကီလိုမီတာစကွဲအထက်သည် မပျက်စီးသေးသည့် သစ်တောကြီးများနှင့် မတူကွဲပြားသည့် အပင်နှင့် သတ္တဝါများပေါက်ရောက်နေထိုင်ကြသည်။ ၎င်းကျွန်းအား နတ်ကြီးသောကျွန်းတစ်ကျွန်းအဖြစ်လည်း မှတ်ယူကြပြီး ကျွန်‌းပေါ်တွင် ဗုဒ္ဓဘုရားကျောင်းများ၊ ကျန်းမာရေးဆိုင်ရာနေရာများ၊ရေပူစမ်းများ နှင့် တရားစခန်းများအားလည်းတွေ့ရသည်။

ဖိုင်:Exploring the island on mopeds.jpg
ခရီးသွားရန် မော်တော်ဆိုင်ကယ်အား အဓိကအသုံးပြုသည်။
နံနက်ခင်းမြင်ကွင်း၊ ထောင်နိုင်ပန်

ပို့ဆောင်ဆက်သွယ်ရေး[ပြင်ဆင်ရန်]

ဆူရတ်ဌာနီခရိုင်တွင်ရှိသော လှေဆိပ် ၃ခု မှလည်းကောင်း ချွန်ပေါ်မြို့တွင်ရှိသော လှေဆိပ်တခုမှလည်းကောင်း ရေယာဉ်များဖြင့်လာရောက်လည်ပတ်နိုင်သည်။ အခြားရွေးချယ်စရာတစ်ခုမှာ ကော့စမွီကျွန်းမှ ကူတို့လှေဖြင့်လည်း လာရောက်လည်ပတ်နိုင်သေးသည်။ (ရာဇဖယ်ရီ လှေဆိပ်သည် ကော့ပငန်းကျွန်းမှ ၉ကီလိုမီတာအကွာတွင်ရှိသည်။)[၃]

၂၀၁၂ခုနှစ်မှစတင်ပြီး ကန္နီသီ လေကြောင်းလိုင်းမှ ထိုကျွန်းပေါ်တွင် လေယာဉ်ကွင်းတည်ဆောက်နိုင်ရန်ကြိုးစားခဲ့သည်။ ကန် လေကြောင်းလိုင်းက ၃၂ဟက်တာရှိသော မြေပြင်တွင် နေ့စဉ် ခရီးသည် ၁၀၀၀ခန့် အားဝန်ဆောင်မှုပေးနိုင်ရန်နှင့် အေအာတီ ၇၂-၆၀၀ အမျိုးအစား လေယာဉ်များအသုံးပြုနိုင်သည့် ၁၀၉၅ မီတာရှည်လျားသော လေယာဉ်ပြေးလမ်းတည်ဆောက်ရန်အတွက ဘတ် သန်း၅၀၀ခန့် အသုံးပြုခဲ့သည်။ ထိုပရောဂျက်အား ကနဦးက ဘတ် သန်း ၉၀၀ ခန့် ကုန်ကျမည်ဟု ခန့်မှန်းခဲ့သော်လည်း ယခုအခါ ဘတ် ၂ ဘီလျံခန့် ကုန်ကျမည်ဟု ခန့်မှန်းရသည့်အပြင် အခြား ကုန်ကျစရိတ်များခြင်း၊ သဘာဝပတ်ဝန်းကျင်ထိန်းသိမ်းရေးဥပဒေများနှင့် ရင်ဆိုင်ရခြင်း စသည့်ကိစ္စရပ်များကြောင့် ခတ္တရပ်ဆိုင်းထားရသည်၏။ [၄]


အုပ်ချုပ်ရေး[ပြင်ဆင်ရန်]

ဗဟိုအုပ်ချုပ်ရေး[ပြင်ဆင်ရန်]

ကော့ပငန်းကျွန်းအား ကော့တောင်ကျွန်း နှင့် အခြားကျွန်းငယ်များပေါင်း၍ ကော့ပငန်းနယ်(အမ်းဖိုး) (၁၄၂ကီလိုမီတာစကွဲ) တခုအဖြစ်ထားရှိသည်။ ထိုနယ်အား နယ်အငယ် ၃ခုထပ်မံခွဲထားသေးပြီး ၎င်းတို့အား အုပ်ချုပ်ရေးနယ်မြေ ၁၇ ခု ထပ်မံခွဲထားသေးသည်။

အမှတ် အမည် ထိုင်း ရွာများ လူဦးရေ
01. Ko Pha-ngan เกาะพะงัน 08 10,094
02. Ban Tai บ้านใต้ 06 04,865
03. Ko Tao เกาะเต่า 03 02,357

ဒေသန္တရအုပ်ချုပ်ရေး[ပြင်ဆင်ရန်]

ထိုနယ်အတွင်း ဒေသန္တရအုပ်ချုပ်ရေးနယ်မြေခွဲ ၄ခုရှိသည်။ ကော့ပငန်း သည် ကော့ပငန်းနှင့် ဘန့်သိုက် နယ်မြေခွဲ၏အစိတ်အပိုင်းတွင် ပါဝင်သည်။ ဖက်ပငန်းသည် ကော့ပငန်းနယ်မြေခွဲ၏ အစိတ်အပိုင်းတွင် ပါဝင်သည်။ ဘန်းသိုက်သည် ဘန်းသိုက်နယ်မြေခွဲ၏ အစိတ်အပိုင်းတွင်ပါဝင်သည်။

ရှေးက ဤကျွန်းအား ကော့စမွေခရိုင်မှ အုပ်ချုပ်ခဲ့သည်။ ထို့နောက် ၁၉၇၀ခုနှစ် အောက်တိုဘာလ ၁ ရက်နေ့တွင် နယ်မြေငယ်အဖြစ် ခွဲထွက်ခဲ့ပြီး ကော့ငငန်းနှင့် ဘန်းသိုက်တို့ ပါဝင်လာခဲ့သည်။ ၁၉၇၇ ခုနှစ် ဧပြီလ ၁၂ရက်တွင် နယ်တစ်ခုဖြစ် ဖြစ်လာခဲ့သည်။ ကော့တောင် နယ်ခွဲအား ၁၉၈၂ခုနှစ် ဩဂုတ်လ ၁၅ရက်တွင် ကော့ငန်းနယ်မြေခွဲ ကျေးရွာအုပ်ချုပ်မှုအဆင့်မှ ခွဲထုတ်လာနိုင်ခဲ့သည်။

ပတ်ဝန်းကျင်ဆိုင်ရာပြဿနာများ[ပြင်ဆင်ရန်]

၂၀၁၈ ခုနှစ်အတွင်းရရှိသည့် အချက်အလက်များအရ ကျွန်းသည်တစ်နှစ်လျှင် လာရောက်လည်ပတ်သူပေါင်း ၄၅၈၀၀၀ခန့် လက်ခံရရှိသည်။ ထိုဧည့်သည်များနှင့်ကျွန်းသားများသည် တစ်နှစ်လျှင်အမှိုက်တန်ချိန် ၇,၃၀၀ ခန့်ထုတ်လုပ်သည်။ ၎င်းအကျိုးဆက်ကြောင့် မသန့်ရှင်းသောစွန့်ပစ်ရေများ နှင့် ဆက်လက်ဖြစ်ပေါ်နေသော သန္တာကျောက်တန်းများအရောင်ညှိုးနွမ်းခြင်း ပြဿနာများဖြစ်လာသည်။

ပညာရေး[ပြင်ဆင်ရန်]

ထိုင်းကျောင်းများ[ပြင်ဆင်ရန်]

ကျွန်းပေါ်ရှိကလေးများအတွက် ထိုင်းအစိုးရကျောင်း ၁၀ကျောင်းခန့်ရှိသည်။ ပညာရေးမှာ အလကားဖြစ်သော်လည်း နိုင်ငံခြားသားများဖြစ်ပါက ထိုင်းစကားရေးတတ်ရန်နှင့် ပြောတတ်ရန်လိုသည်။

နိုင်ငံခြားသားများအတွက် ကျောင်းများ[ပြင်ဆင်ရန်]

ပုဂ္ဂလိကပညာရေးဆိုင်ရာအဖွဲ့အစည်းများသည်အင်္ဂလန်နိုင်ငံ၏အမျိုးသားသင်ရိုးညွှန်းတမ်းကိုလိုက်နာလျက်ရှိသည်။

ကလေးထိန်းကျောင်း[ပြင်ဆင်ရန်]

Learning Tree Nursery & Kindergarten ကို ၂ နှစ်မှ ၇ နှစ်အရွယ်ကလေးများအတွက် ၂၀၀၈ ခုနှစ်တွင်ဖွင့်လှစ်ခဲ့သည်။

မူလတန်းကျောင်း[ပြင်ဆင်ရန်]

သီရိပညာ(Si Ri Panya) နိုင်ငံတကာကျောင်းအား အသက် ၅နှစ်မှ ၁၁အရွယ်ကလေးများအတွက် ပညာသင်ပေးနိုင်ပြီး ၂၀၁၂ခုနှစ်တွင်ဖွင့်လှစ်ခဲ့သည်။

အလယ်တန်းအောက် ကျောင်း[ပြင်ဆင်ရန်]

Wisdom College Tutorial School သည် ကိန်းဘရစ်သင်ရိုးညွှန်းတမ်းအတိုင်းသင်ကြားပေးပြီး အသက် ၁၁မှ ၁၄နှစ်အရွယ်ကလေးများ တတ်ရောက်သင်ကြားနိုင်သည်။ ဤကျောင်းသည်ကလေးများ၏ပညာရေးတိုးတက်မှုနှင့်ပျော်ရွှင်မှုအကြားမျှတမှုရှိစေရန ်ပြင်ပသင်ကြားမှုများကိုလည်းပြုလုပ်သည်။

ထပ်မံဖတ်ရှုရန်[ပြင်ဆင်ရန်]

ကိုးကား[ပြင်ဆင်ရန်]

  1. "th:ประกาศราชบัณฑิตยสถาน เรื่อง การเขียนชื่อจังหวัด เขต อำเภอ และกิ่งอำเภอ" (in Thai) (PDF) (14 Sep 2000). Royal Gazette 117 (พิเศษ 94 ง): 2.  Archived 25 January 2012 at the Wayback Machine. မော်ကွန်းတင်ပြီးမိတ္တူ။ 25 January 2012 တွင် မူရင်းအား မော်ကွန်းတင်ပြီး။ 26 July 2020 တွင် ပြန်စစ်ပြီး။
  2. About Koh Pha-ngan။ 22 April 2019 တွင် မူရင်းအား မော်ကွန်းတင်ပြီး။ 17 July 2019 တွင် ပြန်စစ်ပြီး။
  3. LOMPRAYAH ROUTE။ 9 April 2018 တွင် ပြန်စစ်ပြီး။
  4. "Koh Phangan airport developer seeks loans"၊ Bangkok Post၊ 5 September 2016။ 6 September 2016 တွင် ပြန်စစ်ပြီး