ကုမ္ဘဏ်နတ်

ကုမ္ဘဏ်နတ် တို့သည် ဝိရူဠှက နတ်မင်းကြီး၏ လက်အောက်ခံ နတ်များ ဖြစ်၏။

ပုံပန်းသဏ္ဌာန်

ကုမ္ဘဏ်နတ်တို့သည် ဝမ်းဗိုက်ကြီးမား၏။ မျက်စိသည် နီမြန်းပြူးကျယ်၏။ ဝှေးစေ့သည် အိုးစရည်းကြီးတမျှ ကြီးမား၏။ (ကုမ္ဘ = အိုးစရည်းလောက်ကြီးသော၊ အဏ္ဍ = ဝှေးစေ့ရှိသူ။)

ဥစ္စာစောင့်

ပစ္စည်းများ၊ ရတနာများ၊ ရေကန်များ စသည်တို့ကို နတ်များသည် စောင့်ရှောက်၏။ ထိုနတ်များသည် နေရာသို့ ရောက်လာသူတို့အား ဖမ်းစားတတ်၏။ ထိုနတ်တို့ကို ရက္ခိုသ်ဟု ခေါ်၏။ ရက္ခိုသ်တို့သည် ကုမ္ဘဏ်နတ်တွင် ပါဝင်၏။ ယခုအခါတွင်မူ ဥစ္စာစောင့် ဟု ခေါ်ကြသည်။