ကုမာရကဿပ (ဟံသာဝတီ‌ခေတ်)

အရှင်ကုမာရကဿပ (၉၄၃ − ၉၉၈) သည် ဟံသာဝတီ ဆင်ဖြူရှင်လက်တွင် ထင်ရှားသည့် ရဟန်းတော်တစ်ပါး ဖြစ်သည်။ ဆရာတော်သည် ပျို့ကဗျာစာဆို ဖြစ်သည်။

ဘဝ

အရှင်ကုမာရကဿပကို သက္ကရာဇ် ၉၄၃ ခုနှစ်၊ တန်ဆောင်မုန်းလဆန်း ၁၄ ရက်၊ တနင်္လာနေ့တွင် ဟံသာဝတီမြို့တော်အနီး လှော်ကာကြီးရွာတွင် ဖွားမြင်ခဲ့သည်။ ငယ်အမည်သည် မောင်ကျော်လှ ဖြစ်သည်။

ငယ်စဉ်အခါ ဟံသာဝတီမြို့သည် မငြိမ်သက်သဖြင့် အထက်အညာသို့ ပြောင်းရွှေ့ခဲ့သည်။ ဤသို့ဖြင့် ခဝါတော်ရွာသို့ ရောက်ရှိခဲ့ပြီး ထိုရွာရှိ ဆရာတော်ထံတွင် ပညာသင်ကြားခဲ့သည်။ ၁၀ သားအရွယ်တွင် သာမဏေဝတ်ကာ ၁၇ နှစ်သားအရွယ်တွင် အဝမြို့တိုက်ဆရာတော်ထံတွင် ဆက်လက်သင်ယူခဲ့သည်။

ထိုအခါ ဆရာတော်သည် ကဗျာလင်္ကာအရေးအသားထက်မြက်သဖြင့် ညောင်ရမ်းမင်းတရားသည် အဝမြို့သို့ ပင့်ခဲ့သည်။ ထို့နောက် အသက် ၂၀ တွင် ရဟန်းဝတ်ခဲ့သည်။ ဘွဲ့တော်မှာ ရှင်ကုမာရကဿပ ဖြစ်သည်။ ရှင်ကုမာရကဿပသည် သိမ်မှအထွက်တွင် ရေးသားပြီးဖြစ်သည့် ဓမ္မရသပျို့ကို မင်းကြီးအား ပေးအပ်ခဲ့သည်။

ရှင်ကုမာရကဿပသည် ရွှေကြက်ယက်ဘုရားတွင် သီတင်းသုံးတော်မူနေချိန်တွင် ဓမ္မရာသီပျို့ကို ရေးသားခဲ့သည်။

ဘဝနိဂုံး

ဆရာတော်သည် သက္ကရာဇ် ၉၉၈ ခုနှစ်တွင် ပျံလွန်တော်မူခဲ့သည်။

ရေးသားခဲ့သည့် စာပေများ

၁။ ဓမ္မရာသီပျို့၊

၂။ ဓမ္မရသပျို့။