ကုန်းဘောင်ခေတ် နာမည်တွက်နည်း

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

စာဖတ်သူနှင့် လေ့လာလိုသူများ ပြည့်စုံ နှံစပ်စွာ လေ့လာမှု ပြုနိုင်ရန်၊ သုတေသန ပြုလုပ်နိုင်ရန်နှင့် သားငယ်၊ သမီးငယ် တို့ကို နာမည် မှည့်ခေါ်ပေးရာတွင် အထောက်အကူ ဖြစ်စေရန် အခြားနာမည်ပေးနည်း၊ နာမည်ဟောနည်း တစ်ခုကိုလည်း ဆက်လက် ဖော်ပြလိုက်ပါသည်။ ၎င်းနာမည် ဟောနည်းများသည် ကုန်းဘောင်ခေတ် ပေမူ ပုရပိုက်မှ ရရှိပြီး သုတေသန ပြုထားသောနည်း ဖြစ်ပါသည်။

ကုန်းဘောင်ခေတ် နာမည်-ပေးနည်း၊ နာမည်-မှည့်နည်း နာမည်ကောင်း တစ်ခုစီတိုင်းတွင် ဗျည်း၊ သရတို့ဖြင့် တည်ဆောက်ထားပြီး ၎င်းဗျည်း၊ သရတို့တွင် ဂဏန်းတန်ဖိုးများ သတ်မှတ်ထားရှိ၏။ ဗျည်း၊ သရတို့၏ ဂဏန်းတန်ဖိုး ဇယားကို အောက်ပါ အတိုင်း ဖော်ပြထား၏။ နာမည်တစ်ခု၏ ဗျည်း၊ သရ ဂဏန်းတန်ဖိုးများ အားလုံးကို ပေါင်းလိုက်ခြင်းဖြင့် နာမည်တစ်ခု၏ စုစုပေါင်း ဂဏန်းတန်ဖိုးကို ရရှိမည် ဖြစ်သည်။ ရရှိလာသော အကြွင်းတို့ အပေါ် မူတည်၍ နာမည် အဟောများ ရှိပါသည်။ ၎င်းနာမည် အဟောများသည် ကုန်းဘောင်ခေတ်တွင် ပေမူပုရပိုက်မှ ဖြစ်ပါသည်။ သင့်နာမည် ကောင်း-မကောင်း တွက်ကြည့်နိုင်ပါသည်။

စဉ် ဗျည်းနှင့် သရများ ဂဏန်းတန်ဖိုး
၁။ အ၊ ဥ၊ ေ၊ ါ၊ -ိ၊ -ီ၊ -ု၊ ဲ၊ ့ံ၊ -်၊ း
၂။ က၊ ခ၊ ဂ၊ ဃ၊ င
၃။ စ၊ ဆ၊ ဇ၊ ဈ၊ ဉ၊ ည
၄။ ယ၊ ရ၊ လ၊ ၀၊ -ျ(ယပင်း)၊ ြ-(ယရစ်)၊ -ွ (ဝဆွဲ)
၅။ ပ၊ ဖ၊ ဗ၊ ဘ၊ မ
၆။ သ၊ ဟ၊ -ှ(ဟထိုး)
၇။ တ၊ ထ၊ ဒ၊ ဓ၊ န
၈။ ဋ၊ ဌ၊ ဍ၊ ဎ၊ ဏ

အကြွင်း(၁) တံခွန်နာမည် အဟော[ပြင်ဆင်ရန်]

"တံခွန်နာမည်" မျိုးခေါ်တွင် ခံရသူများသည် အောင်မြင် ကျော်ကြားသူများ ဖြစ်မည်။ အနုပညာဖြင့် အောင်မြင်လိမ့်မည်။ လူအများနှင့် ဆက်နွယ် ပတ်သက်နေပြီး အများကို ကြီးကြပ် ကွပ်ကဲ အုပ်ချုပ် လုပ်ကိုင် ရသူ ဖြစ်မည်။ တစ်ခု ထက်မကသော အလုပ်အကိုင်များကို တစ်ပြိုင်နက်တည်း လုပ်ကိုင်ရသူ ဖြစ်သည်။ သေလျှင်သော်မှ နာမည် ကျန်ရစ်မည်။ ၎င်းနာမည်မျိုးများသည် အတိုက်အခံနှင့် ယှဉ်၍ အောင်မြင်တတ်ကြသည်။

အကြွင်း(၂) အခိုးနာမည် အဟော[ပြင်ဆင်ရန်]

"အခိုးနာမည်" သည် ဩဇာအာဏာ တည်တတ်၏။ ဘဝတစ်လျှောက်လုံးတွင် တိုးတက်သည်ထက် တိုးတက်အောင် စနစ်တကျ လုပ်တတ်၏။ လူအများနှင့် စပ်ဆိုင်သော အလုပ်များကို လုပ်ကိုင်တတ်။ လုပ်ချင်သည့် လုပ်ငန်း ကိစ္စများကို မဖြစ်မနေ လုပ်တတ်မည်။

အကြွင်း (၃) ခြင်္သေ့နာမည် အဟော[ပြင်ဆင်ရန်]

"ခြင်္သေ့နာမည်" သည် လူသိများမည်။ နေရာ မရ ၊ရအောင် ကြိုးစားမည်။ ထင်ပေါ် ကျော်ကြား လူသိများမည်။ အာဏာ တန်ခိုးကြီးမည်။ ထိပ်ကို ရောက်ပြီး ပြန်ဆင်းရတတ်သည်။

အကြွင်း(၄) ကျားနာမည် အဟော[ပြင်ဆင်ရန်]

"ကျားနာမည်" သည် အတက် အကျ မြန်တတ်၏။ ကံတရား၏ ဘီးကဲ့သို့ ကောင်းတာလုပ်လျှင် ကောင်းကျိုး ခံစားရမည်။ ဆိုးတာလုပ်လျှင် ဆိုးကျိုး ခံစားရမည့် နာမည် ဖြစ်သည်။ အတိုက်အခံနှင့် ယှဉ်၍ အကျိုးပေးတတ်၏။ စိတ်ကူးကို အကောင်အထည် ဖော်တတ်၏။

အကြွင်း(၅) နွားနာမည် အဟော[ပြင်ဆင်ရန်]

"နွားနာမည်" ရှင်သည် လူအများ၏ အသုံးချခြင်းကို ခံရလိမ့်မည်။ အများ အတွက် အနစ်နာခံရမည်။ အခွင့်အလမ်း ကောင်းများ တွေ့မည်။ ရန်သူ၏ အတိုက်အခိုက် ခံရမည်။

အကြွင်း (၆) မြင်းနာမည် အဟော[ပြင်ဆင်ရန်]

"မြင်းနာမည်"သည် အလုပ်မျိုးမျိုး တို့ကို လုပ်ရမည်။ လှုပ်ရှားမှုများမည်။ အတက်အကျ အမြဲရှိတတ်သည်။ သေးငယ်သော ပြဿနာမှ ကြီးမားသော မှုခင်းများ အထိ ဖြစ်တတ်သည်။

အကြွင်း(၇) ဆင်နာမည် အဟော[ပြင်ဆင်ရန်]

"ဆင်နာမည်" သည် ရေရှည် စီမံကိန်း ချပြီး လုပ်ရသည့် လုပ်ငန်းများတွင် အောင်မြင် အကျိုးပေးမည်။ ဘဝကို တည်ငြိမ်အေးချမ်းစွာ လျှောက်လှမ်းရမည်။ ဖျော်ဖြေမှု အနုပညာ လုပ်ငန်းများဖြင့် အကျိုးပေးမည်။

အကြွင်း(၈) သို့မဟုတ် အကြွင်း (၀) လင်းတနာမည် အဟော[ပြင်ဆင်ရန်]

လင်းတ နာမည်သည် ငုပ်လိုက် ပေါ်လိုက် ဖြစ်နေမည်။ ကိုယ့်အကြံ အစည်ကို သူများက လုပြီး လုပ်ခြင်းကို ခံရတတ်မည်။ အရှက်တကွဲ ဖြစ်ဖို့ လွယ်မည်။ စိတ် မတည်မငြိမ် ဖြစ်နေ တတ်မည်။ ဆရာသမားအတွက် အနစ်နာခံရမည်။

  • ဥပမာ -

ကျော်ဟိန်း= (၈+၅+၃+၈+၈)+(၂+၈+၇+၈+၈)

= ၃၂ + ၃၃

= ၆၅

၆၅ % ၈ = စားလဒ် (၈)၊ အကြွင်း (၁)

ထို့ကြောင့် ကျော်ဟိန်းသည် အကြွင်း (၁)ဖြစ်၍ တံခွန် နာမည် ဖြစ်သည်။

[၁]

ကိုးကား[ပြင်ဆင်ရန်]

  1. ဆရာဦးခန့်ကျော်၏ 'ကိုယ်တွေ့ သုခချမ်းသာ ဣစ္ဆာသယ ဂမ္ဘီရကျမ်း' စာအုပ်