ကိုကိုနိုင် (သံအမတ်ကြီး)
H.E. ဦးကိုကိုနိုင် | |
|---|---|
| လာအိုနိုင်ငံ ဆိုင်ရာသံအမတ်ကြီး | |
| တာဝန်သက်တမ်း ၄ မေ ၂၀၁၇ – ၂၀ မတ် ၂၀၂၃ | |
| ကိုယ်ရေး အချက်အလက်များ | |
| မွေးဖွား | ၁၉၆၁ ရန်ကုန် |
| ကွယ်လွန် | ၂၀ မတ် ၂၀၂၃ ထိုင်းနိုင်ငံ၊ဘန်ကောက်မြို့ |
| လူမျိုး | မြန်မာ |
| ကြင်ဖော်(များ) | ဗိုလ်ကြီးဒေါ်ခင်ဖုန်းဝေ(ငြိမ်း) |
| သွေးသားတော်စပ်သူ | သားသမီး ၃ဦး |
| မိခင်ကျောင်း | စစ်တက္ကသိုလ် |
| ကျွမ်းကျင်မှု | သံတမန် |
| ဆုတံဆိပ်များ | ဝဏ္ဏကျော်ထင်ဘွဲ့ |
| ကိုးကွယ်သည့်ဘာသာ | ထေရဝါဒ ဗုဒ္ဓဘာသာ |
ဦးကိုကိုနိုင်(၁၉၆၁-၂၀၂၃) မြန်မာလူမျိုးသံအမတ်တစ်ဦးဖြစ်သည်။[၁] လာအိုနိုင်ငံ ဗီယန်ကျင်းမြို့ရှိ မြန်မာသံရုံးတွင် သံအမတ်ကြီးတာဝန်ကို ထမ်းဆောင်နေရင်း ကွယ်လွန်ခဲ့သူဖြစ်သည်။၎င်းသည် တပ်မတော်သားဟောင်းတစ်ဦးဖြစ်သည်။
ငယ်ဘဝနှင့်ပညာရေး
[ပြင်ဆင်ရန်]ရန်ကုန်မြို့နေ အဖဦးစောနိုင်၊ဒေါ်တင်မြတို့က မွေးဖွားပြီး မွေးချင်း၈ဦးအနက် အကြီးဆုံးသားဖြစ်သည်။ပညာရေးမှာ စစ်တက္ကသိုလ် အမှတ်စဉ်(၂၅)အား တက်ရောက်ခဲ့သည်။
သံအမတ်ကြီးဘဝ
[ပြင်ဆင်ရန်]သမ္မတဦးထင်ကျော် လက်ထက် ၂၀၁၇ တွင် ၎င်းသည် လာအိုပြည်သူ့ဒီမိုကရက်တစ်သမ္မတနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသော မြန်မာသံအမတ်ကြီးအဖြစ်ခန့်အပ်ခံရသည်။[၂]၂၀၁၇ မေလ ၄ရက်ကစပြီး လာအိုသမ္မတထံ သံတမန်ခန့်အပ်လွှာပေးပြီး ထိုရာထူးတွင် တရားဝင်တာဝန်ထမ်းဆောင်သည်။ထိုတာဝန်ကို စစ်အာဏာသိမ်းသည့် ၂၀၂၁ ဖေဖော်ဝါရီ၁ရက်နေ့ နောက်ပိုင်းတွင်လည်း ဆက်လက်ထမ်းဆောင်ခဲ့သည်။[၃]
ဘဝနိဂုံး
[ပြင်ဆင်ရန်]ဦးကိုကိုနိုင်သည် သံအမတ်ကြီးတာဝန်ထမ်းဆောင်နေရင်း ကျန်းမာရေးဖောက်ပြန်လာမှုကြောင့် ထိုင်းနိုင်ငံ ဘန်ကောက်မြို့ရှိ Siriraj ဆေးရုံတွင် တက်ရောက်ကုသနေရင်း ၂၀၂၃ မတ်လ ၂၀ရက်တွင် ကွယ်လွန်သည်။[၄]
ပုဂ္ဂိုလ်ရေးဘဝ
[ပြင်ဆင်ရန်]အိမ်ထောင်သည်တစ်ဦးဖြစ်ကာ ဇနီးမှာ ဗိုလ်ကြီးဒေါ်ခင်ဖုန်းဝေ(ငြိမ်း)ဖြစ်သည်။သားသမီး ၃ဦးရှိသည်။
ရရှိခဲ့သည့် ဆု
[ပြင်ဆင်ရန်]နိုင်ငံတော်စီမံအုပ်ချုပ်ရေးကောင်စီက ၎င်းကို ၂၀၂၂ခုနှစ် နိုဝင်ဘာ ၁၇ရက်တွင် ဝဏ္ဏကျော်ထင်ဘွဲ့ ချီးမြှင့်သည်။[၅]
ကိုးကား
[ပြင်ဆင်ရန်]- ↑ ဒုတိယ တပ်မတော်ကာကွယ်ရေးဦးစီးချုပ်နှင့် လာအို အမျိုးသား ကာကွယ်ရေး ဝန်ကြီးဌာန ဒုတိယအကြီးအကဲ တွေ့ဆုံပြီး တပ်မတော်နှစ်ရပ်အကြား ကာကွယ်ရေးဆိုင်ရာ နားလည်မှုစာချွန်လွှာပါ အချက်အလက်များ ဆွေးနွေး။ Eleven Media Group (၂၄အောက်တိုဘာ၂၀၁၉)။ ၂၃မတ်၂၀၂၃ တွင် ပြန်စစ်ပြီး။
- ↑ သံအမတ်ကြီးများအဖြစ်တာဝန်ထမ်းဆောင်မည့် ပုဂ္ဂိုလ်များ နိုင်ငံတော်သမ္မတထံမှ ဩဝါဒလမ်းညွှန်မှုခံယူ။ ကြေးမုံသတင်းစာ ၈မတ် ၂၀၁၇ နေ့ထုတ် ခေါင်းကြီးပိုင်းပါဖော်ပြချက် စာမျက်နှာ(၁) (၈မတ်၂၀၁၇)။ ၂၃မတ်၂၀၂၃ တွင် ပြန်စစ်ပြီး။
- ↑ President Receives New Foreign Ambassadors to Laos။ LAO NEWS AGENCY (4May2017)။ 23March2023 တွင် ပြန်စစ်ပြီး။
- ↑ မြန်မာ့အလင်းသတင်းစာ ၂၁ရက်မတ်၂၀၂၃ထုတ် စာမျက်နှာ၃၁ပေါ်ပါ နာရေးကြော်ငြာ။ ဝဏ္ဏကျော်ထင်ဦးကိုကိုနိုင် လာအိုပြည်သူ့ဒီမိုကရက်တစ်သမ္မတနိုင်ငံဆိုင်ရာ မြန်မာသံအမတ်ကြီး အသက်(၆၂)နှစ် (၂၁မတ်၂၀၂၃)။ ၂၃မတ်၂၀၂၃ တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း၊အမိန့်ကြော်ငြာစာအမှတ် ၂၁၁ / ၂၀၂၂၊ စွမ်းဆောင်မှုဆိုင်ရာ ဂုဏ်ထူးဆောင်ဘွဲ့များ ဝဏ္ဏကျော်ထင်ဘွဲ့။ MWD Webportal (၁၇နိုဝင်ဘာ၂၀၂၂)။ ၂၃မတ်၂၀၂၃ တွင် ပြန်စစ်ပြီး။