ကဏ္ဍက

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
သိဒ္ဓတ္ထမင်းသား ကဏ္ဍကထံမှ ခွဲခွာသွားပုံ၊ ဗြိတိသျှပြတိုက်
ဆန္ဒနှင့် ကဏ္ဍက၊ ဗြိတိသျှအိန္ဒိယ ၁၈၉၇ ခုနှစ်

ကဏ္ဍက သည် သိဒ္ဓတ္ထမင်းသားစီးနင်းသည့် အဖြူရောင် မြင်းဖြစ်သည်။ သိဒ္ဓတ္ထမင်းသားသည် နောင်အခါတွင် ဂေါတမဗုဒ္ဓအမည်ဖြင့် ဘုရားတစ်ဆူ ဖြစ်ခဲ့သည်။ ဗုဒ္ဓစာပေများတွင် သိဒ္ဓတ္ထမင်းသားသည် ကဏ္ဍကမြင်းအား နေရာအမျိုးမျိုး၌ အသုံးပြုသည်ကို ဖော်ပြထားသည်။ သိဒ္ဓတ္ထမင်းသားသည် တောထွက်၍ ရဟန်းပြုသည့်အခါတွင် ကဏ္ဍကကို စီးနင်းခဲ့သည်။ အဆုံးတွင် ကဏ္ဍကသည် သိဒ္ဓတ္ထမင်းသားနှင့် ခွဲခွာရသဖြင့် ဝမ်းနည်းပူဆွေးကာ ရင်ကွဲနာဖြင့် သေဆုံးခဲ့ရသည်။[၁]

ဗုဒ္ဓစာပေများတွင် ကဏ္ဍက သည် သေဆုံးပြီးနောက်တွင် နတ်ပြည်၌ "ကဏ္ဍက" ဟူသည့်အမည်ဖြင့်ပင် နတ်သားဖြစ်ခဲ့သည်။ ထိုနတ်သားသည် မြတ်စွာဘုရား၏ တရားတော်ကို နာကြားခဲ့ရပြီးနောက် သောတာပန်အရိယာနတ်သား ဖြစ်ခဲ့သည်။ ကဏ္ဍကမြင်းသည် အနော်မာမြစ်ကမ်း၌ သေဆုံးခဲ့ရသည်ဟူ၍လည်းကောင်း ကပိလဝတ်ပြည်သို့ အပြန်တွင် သေဆုံးခဲ့ရသည်ဟူ၍လည်းကောင်း အမျိုးမျိုး ဆိုကြသည်။[၁]

သရုပ်ဖော်[ပြင်ဆင်ရန်]

ကဏ္ဍကမြင်းနှင့် ပတ်သက်၍ စေတီပုထိုးများရှိ ပန်းပုများကဲသို့သော ဗုဒ္ဓဘာသာအနုပညာများတွင် ကျယ်ပြန့်စွာပင် မြင်တွေ့နိုင်သည်။ အမရဝတီရှိ ပင်မစေတီတော်တွင် တွေ့ရသည့် ကဏ္ဍကမြင်းနှင့် ကပိလဝတ်ပြည်မှ ထွက်ခွာလာခဲ့သည့် သရုပ်ဖော်ပန်းပုသည် လက်ရှိအနုပညာများတွင် သက်တမ်းအကြာဆုံး ဖြစ်သည်။[၂] ထိုပန်းပုလက်ရာများကို ကာလကတ္တားနှင့် လန်ဒန်ရှိ ပြတိုက်များတွင် ပြသထားသည်။

ကိုးကား[ပြင်ဆင်ရန်]

  1. ၁.၀ ၁.၁ Malasekera၊ G. P. (1996)။ Encyclopaedia of BuddhismGovernment of Sri Lanka
  2. Source needed.