ကဋစ္ဆုဘိက္ခာဒါယိကာထေရီ
ကဋစ္ဆုဘိက္ခာဒါယိကာထေရီ သည် မြတ်စွာဘုရား၏ သာသနာတော်ရှိ ရဟန်းမိန်းမတစ်ပါး ဖြစ်သည်။[၁]
ဘဝဇာတ်ကြောင်း[ပြင်ဆင်ရန်]
တိဿမြတ်စွာဘုရား လက်ထက်တွင် ဖြစ်၏။ ကဋစ္ဆုဘိက္ခာဒါယိကာထေရီသည် ထိုမြတ်စွာဘုရားအား ဆွမ်းတစ်ဇွန်းကို လှူဒါန်း၏။ ထိုအခါ မြတ်စွာဘုရားသည် တာဝတိံသာဘုံသို့ ရောက်ရလတ္တံ့၊ သုံးဆယ့်ခြောက်ယောက်သော နတ်မင်းတို့၏ မိဖုရား ဖြစ်လတ္တံ့၊ ငါးဆယ်သော စကြဝတေးမင်းတို့၏ မိဖုရားဖြစ်လတ္တံ့၊ စိတ်ဖြင့် တောင့်တသော အရာတိုင်း ရလတ္တံ့၊ စည်းစိမ်ခံစားရကာ ကြောင့်ကြမရှိဘဲ ရဟန်းပြု၍ ပရိနိဗ္ဗာန်ပြုအံ့ ဟု မိန့်တော်မူကာ ကောင်းကင်သို့ ကြွတော်မူ၏။
ကဋစ္ဆုဘိက္ခာဒါယိကာထေရီသည် ဤဘဒ္ဒကမ္ဘာမှ ကိုးဆယ့်နှစ်ကမ္ဘာထက်တွင် လှူဒါန်းခဲ့သော ဆွမ်းအလှူကြောင့် ထိုအခါမှ စ၍ မကောင်းသူတို့ရောက်ရာ ဒုဂ္ဂတိဘဝသို့ မရောက်ခဲ့ရပေ။[၁]