အယ်လ်ဘတ် ကမူး

အယ်လ်ဘတ် ကမူး
၁၉၅၇ခုနှစ်ထုတ် သတင်းစာတစ်စောင်မှ ပုံတူဓာတ်ပုံ
မွေးဖွား	(1913-11-07)၇ နိုဝင်ဘာ၊ ၁၉၁၃ ဒရင်န်း၊(နောက်ပိုင်းတွင် မွန်ဒိုးဗီ)၊ ပြင်သစ်အယ်ဂျီးရီးယား။
ကွယ်လွန်	၄ ဇန်နဝါရီ၊ ၁၉၆၀(1960-01-04) (အသက် ၄၆) ဘီးလ်ဘလက်ဗင်၊ပြင်သစ်နိုင်ငံ
မိခင်ကျောင်း	အယ်ဂျီးရီးယားတက္ကသိုလ်
ခေတ်	၂၀ ရာစု ဒဿနိကဗေဒ
ဒေသ	အနောက်တိုင်းဒဿနိကဗဒ
ဖီလိုဆိုဖီဂိုဏ်း/ကျောင်း (school)	Absurdism၊ ဖြစ်တည်မှုပဓာနဝါဒ
အဓိက စိတ်ဝင်စားရာ	နီတိ၊လူ့သဘာဝ၊တရားမျှတမှု၊နိုင်ငံရေး
သူ့အပေါ်ဩဇာလွှမ်းမိုးမှုများ ယန်းပေါလ်ဆတ်၊ စိန့်ဩဂတ်စတင်း၊ Shestov၊ နစ်ရှေး၊ ဒါစတာယဲ့ဗ်စကီး, ကဲကီးဂတ်
သူ၏ဩဇာလွှမ်းမိုးခံ Michel Onfray

အဲလ်ဘတ်ကမူး (ပြင်သစ်: [albɛʁ kamy] ( ); ၁၉၁၃ခု နိုဝင်ဘာလ ၇ ရက်ဖွား- ၁၉၆၀ခု ဇန်နဝါရီလ ၄ ရက်ကွယ်လွန်)သည် ပြင်သစ် တွေးခေါ်ပညာရှင်၊ စာရေးဆရာနှင့် သတင်းစာဆရာတစ်ဦးဖြစ်သည်။ ဒဿနိကဗေဒနယ်ပယ်တွင် သူ၏ Absurdism ကြောင့် ထင်ရှားသည်။ သူ၏ အက်ဆေးတစ်ပုဒ်တွင် ကမူးက သူ့ဘဝတစ်လျောက်လုံးတွင် နတ္ထိကဝါဒီဒဿနအမြင်များကို ဆန့်ကျင်ဖို့ တွေးတောအားထုတ်ခဲ့ကြောင်း ရေးထားသည်။ ၁၉၅၇ခုနှစ်တွင် နိုဘယ်ဆုရရှိခဲ့သည်။

ကမူးအား အတ္တဘဝအမှန်ဝါဒီအဖြစ် သတ်မှတ်ကြသော်လည်း သူကိုယ်တိုင်ကမူ သူသည် အတ္တဘဝအမှန်ဝါဒီမဟုတ်ကြောင်း ငြင်းပယ်လေ့ရှိသည်။ ၁၉၄၅ခုနှစ် တွေ့ဆုံမေးမြန်းမှုတစ်ခုတွင် ကမူးသည် သဘောတရားရေးရာအုပ်စုအားလုံးကို ငြင်းပယ်သည်။ "မဟုတ်ပါဘူး။ ကျွန်တော်ဟာ အတ္တဘဝအမှန်ဝါဒီမဟုတ်ပါဘူး။ ယန်းပေါလ်ဆတ်ရော ကျွန်တော်ပါ ကျွန်တော်တို့ နာမည်တွေကို ဆွဲထည့်ပြီးသတ်မှတ်ထားတာကို အံ့ဩမိပါတယ်။..."

ကမူးကို ပြင်သစ်အယ်ဂျီးရီးယားနယ်တွင် မွေးဖွားခဲ့သည်။ အယ်ဂျီးရီးယားတက္ကသိုလ်တွင် ပညာသင်ယူခဲ့ပြီး၁၉၃၆ခုနှစ်တွင် ဘွဲ့ရခဲ့သည်။

၎င်း၏ L'Étranger (The Stranger) ကို ထင်လင်း က စည်းအပြင်ကလူ အမည်ဖြင့် ၁၉၇၅ ခုနှစ်က ဘာသာပြန်ခဲ့ပြီး မုတ်သုန်စာပေက ပထမအကြိမ် ဖြန့်ချိခဲ့သည်။ ထိုစာအုပ်ကို ၁၉၈၅ ခုနှစ်တွင် ဘဝတက္ကသိုလ်စာပေက ဒုတိယအကြိမ်၊ ၁၉၉၂ နှင့် ၁၉၉၆ ခုနှစ်များတွင် ပန်းရွှေပြည်စာအုပ်တိုက်က တတိယအကြိမ်နှင့် စတုတ္ထအကြိမ် ဖြန့်ချိခဲ့သည်။