လေးမောင့်စံကျောင်း
လေးမောင့်စံကျောင်း ကဗျာကို ဦးပုည ရေးဖွဲ့ခဲ့သည်။ တေးထပ် ကဗျာအမျိုးအစားဖြစ်၍ နိဗ္ဗိန္ဒဖွဲ့တေးထပ် ဖြစ်သည်။ လှပသော ပန်းကလေးများဖြင့် ဝန်းရံနေသော စံကျောင်းကလေးအကြောင်းကို ရေးဖွဲ့ထားခြင်း ဖြစ်သည်။
လေးမောင့်စံကျောင်း
[ပြင်ဆင်ရန်]မုလေးရုံတောအစ
ဒေါနလမ်း မြေညီ
လျှောကျစမ်းရေ သင်းကြည်တယ်
ရွှေနှင်းဆီ ကန်ချောင်း။
လွမ်းမတတ် စံကားဝါငူမှာ
နံ့သာဖြူ လေးမောင့်စံကျောင်း။
စံပယ်ချပ် သရဖီချောင်မှာ
ခွာညိုတောင် ခိုအောင်း။
မွှေးနံ့သာစုပေါင်းလို့
နုညောင်စောင်းထက်မှာ။
ပဒုမ္မာကြာသင်္ကန်းငယ်နှင့်
ခါဆင်မြန်း တောမွေ့ပျော်ရာ။
ပန်းသော်က တံတိုင်းကာသည်
ဇီဇဝါမုခ်ခြားလို့
တံခါးက ချရားကြိုင်
သင်းတဲ့ဂနိုင်။
ယုဇနမဟာမြိုင်မှာ
ကမ္ဘာတိုင် မှီးမယ်ပလေး။
ကိုးကား
[ပြင်ဆင်ရန်]- ↑ ဦးရဲဝေ (မြန်မာစာ)။ ဒသမတန်းမြန်မာစာသင်ရိုးကုန်လေ့လာချက်။