မဂ္ဂသညက

အရှင်မဂ္ဂသညကထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

ပဒုမုတ္တရမြတ်စွာဘုရားလက်ထက်

ပဒုမုတ္တရမြတ်စွာဘုရား လက်ထက်တွင် ဖြစ်၏။ အရှင်မဂ္ဂသညကထေရ် သည် နတ်သား ဖြစ်နေ၏။ ထိုမြတ်စွာဘုရား၏ သားတော်တပည့်သာဝကတို့သည် တောထဲတွင် ခရီးမှားနေကြ၏။ ထိုသို့ ဖြစ်နေသည်ကို နတ်သားသည် ခရီးညွှန်ကြားပေး၏။ ထို့အပြင် ဆွမ်း ဘောဇဉ်တို့ကိုလည်း လှူဒါန်းပေးခဲ့၏။

အကျိုးခံစားရခြင်း

ထိုသို့ ကုသိုလ်ကောင်းမှု ပြုခဲ့သည့်အတွက် အရှင်မဂ္ဂသညကထေရ် သည် ခုနစ်နှစ်သားဖြင့် အရဟတ္တဖိုလ်သို့ ရောက်ခဲ့၏။ ထို့ပြင် ဤဘဒ္ဒကမ္ဘာမှ ကမ္ဘာငါးရာထက်၌ “သစက္ခု” အမည်ဖြင့် စကြဝတေးမင်း တစ်ဆယ့်နှစ်ကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်မဂ္ဂသညကထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။