ပရေးတိုး စည်းမျဉ်း
ပရေးတိုး စည်းမျဉ်း (Pareto Principle) ကို ၈၀-၂၀ စည်းမျဉ်း (80-20 rule) ဟုလည်း လူသိများသည်။ ထိုစည်းမျဉ်းအရ အဖြစ်အပျက် အများအပြားတွင် ၈၀ ရာခိုင်နှုန်းသော အကျိုးတို့သည် ၂၀ ရာခိုင်နှုန်းသော အကြောင်းတို့ကြောင့် ဖြစ်သည်ဟု ဖွင့်ဆိုထားသည်။[၁][၂]
စီးပွားရေး စီမံခန့်ခွဲမှု အကြံပေးပညာရှင် ဂျိုးဆက် အမ် ဂျူရန်က ထိုစည်းမျဉ်းကို အီတလီ စီးပွားရေး ပညာရှင် ဗေဖရက်ဒို ပရေးတိုး၏ နာမည်ကို အစွဲပြု၍ မှည့်ခေါ်ရန် အကြံပြုဆွေးနွေးခဲ့သည်။ ပရေးတိုးသည် ၁၉၀၆ ခုနှစ်တွင် အီတလီနိုင်ငံရှိ ၈၀ ရာခိုင်နှုန်းသော မြေများကို ၂၀ ရာခိုင်နှုန်းသော လူဦးရေ က ပိုင်ဆိုင်ကြောင်း လေ့လာ သိရှိခဲ့သည်။ ထိုစည်းမျဉ်းကို စတင်တွေ့ရှိခဲ့မှုမှာ သူ၏ ဥယျာဉ် အတွင်းရှိ ၂၀ ရာခိုင်နှုန်းသော ပဲခွံများအတွင်း ၈၀ ရာခိုင်နှုန်းသော ပဲများ ရှိနေသည်ကို လေ့လာတွေ့ရှိခဲ့ရာမှ စတင်ခဲ့ခြင်းဖြစ်သည်။[၂]
စီးပွားရေးလုပ်ငန်းများတွင် ထိုစည်းမျဉ်းကို ပုံမှန်အားဖြင့် လက်ခံကျင့်သုံးလေ့ ရှိကြသည်။ ဥပမာအားဖြင့် ၈၀ ရာခိုင်နှုန်းသော ရောင်းအားသည် ၂၀ ရာခိုင်နှုန်းသော ဖောက်သည်များထံမှ လာသည် စသည်ဖြင့် ဖြစ်သည်။
ကိုးကား[ပြင်ဆင်ရန်]
- ↑ Bunkley၊ Nick (March 3, 2008)၊ "Joseph Juran, 103, Pioneer in Quality Control, Dies"၊ New York Times
- ↑ ၂.၀ ၂.၁ What is 80/20 Rule, Pareto’s Law, Pareto Principle၊ 28 January 2013 တွင် မူရင်း အား မော်ကွန်းတင်ပြီး၊ 26 June 2011 တွင် ပြန်စစ်ပြီး