တိမ်တိုက်တံတား

တိမ်တိုက်တံတား
အခြေခံအချက်အလက်
ဒါရိုက်တာ	ဩရသ
ထုတ်လုပ်သူ	သတ္တမမြောက်အာရုံ
စာရေးသူ	မိုးနီလွင်
သရုပ်ဆောင်	နေတိုး ခင်ဝင့်ဝါ ထွန်းထွန်း ငုရင်ထရန်ဟုရန်မေ
နိုင်ငံ	မြန်မာနိုင်ငံ
ဘာသာစကား	မြန်မာ အင်္ဂလိပ်
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	၁၃ ဇူလိုင် ၂၀၁၈ (၂၀၁၈-၀၇-၁၃)

တိမ်တိုက်တံတား (အင်္ဂလိပ်: Bridge of Clouds) သည် ၂၀၁၈ ခုနှစ်ထွက် မြန်မာ အချစ်ရုပ်ရှင်ဇာတ်ကားဖြစ်ပြီး ဒါရိုက်တာ ဩရသ က ရိုက်ကူးကာ နေတိုး၊ ခင်ဝင့်ဝါ၊ ထွန်းထွန်းနှင့် ဗီယက်နမ် သရုပ်ဆောင် ငုရင်ထရန်ဟုရန်မေ တို့ ပါဝင်သရုပ်ဆောင်ထားသည်။ သတ္တမမြောက်အာရုံ က ဖြန့်ချိထားကာ ၂၀၁၈ ခုနှစ် ဇူလိုင်လ ၁၃ ရက်နေ့တွင် ရုံတင်ပြသခဲ့သည်။

ဇာတ်လမ်း

ပန်း သည် ရှမ်းပြည်နယ်ရှိ မြို့ငယ်လေးတစ်မြို့မှ အစိုးရဆေးရုံတွင် တာဝန်ထမ်းဆောင်နေသော ဆရာဝန်တစ်ဦး ဖြစ်သည်။ မုန်တိုင်းကျသောတစ်ရက်တွင် ဆေးရုံသို့ အမည်မသိ လူနာတစ်ဦး ရောက်ရှိလာသည်။ လူနာမှာ ပြင်းပြင်းထန်ထန်ဒဏ်ရာရရှိထားပြီး ငှက်ဖျားရောဂါလည်း ဖြစ်ပွားနေသည်။ ယင်းနောက် လူနာသည် မိမိကိုယ်မိမိ မမှတ်မိတော့ပေ။ ဆေးရုံဝန်ထမ်းများက လူနာအား သက်တံ့ ဟု အမည်ပေးလိုက်ကြသည်။ သက်တံ့သည် အတိတ်မေ့နေသောကြောင့် ဆေးရုံတွင်သာ နေထိုင်ပြီး ဝန်ထမ်းများနှင့် လူနာများအား ကူညီပေးရန် ဆုံးဖြတ်လိုက်သည်။ အချိန်ကြာလာသည်နှင့်အမျှ သက်တံ့သည် မြို့ငယ်လေးအား သံယောဇဉ်တွယ်လာခဲ့သည်။ ရိုးရာပွဲတစ်ခုကျင်းပနေစဉ် ကခုန်နေသော သက်တံ့၏ ပုံကို ခရီးသွားတစ်ဦးမှ ရိုက်ကူးကာ လူမှုကွန်ယက်တွင် တင်ခဲ့သည်။ ဓာတ်ပုံအား သက်တံ့၏ ရည်းစား ဩစတြေးလျတွင် နေထိုင်သူ မေ က တွေ့ရှိကာ သက်တံ့အား ရှာဖွေရန် ကြိုးပမ်းတော့သည်။

ဇာတ်ကောင်များ

• သက်တံ့ အဖြစ် နေတိုး
• ဒေါက်တာပန်းလှဖြူ အဖြစ် ခင်ဝင့်ဝါ
• စိုင်းလုံ အဖြစ် ထွန်းထွန်း
• မေ အဖြစ် ငုရင်ထရန်ဟုရန်မ

ပြင်ပလင့်ခ်များ

• အိုင်အမ်ဒီဘီပေါ်ရှိ တိမ်တိုက်တံတား
• ဖေ့စ်ဘွတ်ခ် ပေါ်ရှိ တိမ်တိုက်တံတား