ဂျော့ချ် ဆိုးရော့စ်

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဂျော့ချ် ဆိုးရော့စ်
ဂျော့ချ် ဆိုးရော့စ်
မွေး​သက္ကရာဇ် ဩဂုတ် ၁၂၊ ၁၉၃၀
ဘတ်ဒါပတ်စ်၊ ဟန်ဂေရီဘုရင့်နိုင်ငံ
ပညာရေး လန်ဒန်စီးပွားရေးကျောင်း
အလုပ်အကိုင် စွန့်ဦးတီထွင်သူ၊ ငွေကြေးကုန်သည်၊
ရင်းနှီးမြှုပ်နှံသူ၊ ဒဿနပညာရှင်၊
ပရဟိတအလှူရှင်၊ နိုင်ငံရေးလှုပ်ရှားသူ
ကြင်ဖော် အန်နယ်လ်လိစ် ဝတ်ရှက်ခ် နှင့် ဆူဇန် ဝက်ဘာ ဆိုးရော့စ် တို့နှင့် ၂ကြိမ်ကွဲခဲ့
သားသမီး ရောဘတ်၊ အန်ဒရီရာ၊
ဂျိုနသန်၊ အလက်ဇန္ဒား၊ ဂရီဂိုးရီး
ဝက်ဘ်ဆိုက် www.georgesoros.com

ဂျော့ချ် ဆိုးရော့စ်ကို ၁၉၃ဝ ခုနှစ် ဩဂုတ်လ ၁၂ ရက်နေ့တွင် မွေးဖွားခဲ့ပြီး ဟန်ဂေရီ-အမေရိကန် ငွေကြေးသမား၊ စီးပွားရေးပညာရှင်နှင့် စံပြကယ်ဆယ်ရေးလုပ်ငန်းများကို အာရုံစူးစိုက်တတ်သည့် ရက်ရောသော ပရဟိတအလှူရှင်တစ်ဦးဖြစ်သည်။ သူသည် ၁၉၉၂ ခုနှစ်အတွင်း Black Wednesday UK နိုင်ငံခြားငွေဂယက်တွင် ဒေါ်လာသန်း တစ်ထောင်ကို တင်ပြပြီးနောက် အင်္ဂလန်ဘဏ်ကိုချိုးဖောက်နိုင်သူအဖြစ် အသိများသွားခဲ့သည်။

ဆိုးရော့စ်က ဗြိတိသျှအစိုးရသည် ပေါင်စတာလင်တန်ဖိုးကို လျှော့ချလိမ့်မည်ဟု မှန်ကန်စွာ ခန့်မှန်းနိုင်ခဲ့သည်။ ဆိုးရော့စ်သည် ဆိုးရော့စ်ငွေကြေးစီမံခန့်ခွဲမှုနှင့် ပြင်ပလူမှုအသင်းအဖွဲ့၏ သဘာပတိဖြစ်ပြီး နိုင်ငံခြား ဆက်သွယ်ရေးကောင်စီ၏ ဒါရိုက်တာဘုတ်အဖွဲ့တွင် အဖွဲ့ဝင်ဟောင်းတစ်ဦးဖြစ်ပါသည်။

သူသည် ၁၉၈၄-၈၉ အတွင်း ဟန်ဂေရီတွင် ကွန်မြူနစ်စနစ်မှ အရင်းရှင်စနစ်သို့ ပြောင်းလဲရာတွင် ထင်ရှားသောအခန်းကဏ္ဍတွင် အဓိကဆောင်ရွက်ခဲ့ပြီး ဘူဒါပတ်စ်ရှိ Central European တက္ကသိုလ်ကို အဆင့်မြင့်ပညာရေးအတွက် ဥရောပတွင် အကြီးကျယ်ဆုံးဖြစ်အောင် လှူဒါန်းခဲ့သည်။ နောက်ပိုင်းတွင် နှင်းဆီတော်လှန်ရေး၏အောင်မြင်မှုတွင် အဆုံးအဖြတ်ပေးနိုင်သော ရုရှားနှင့် အနောက်ဖက်ဒေသများမှ စူးစမ်းရှာဖွေသူများက ဂျော်ဂျီယာရှိ ပြင်ပလူမှုရေးအဖွဲ့အစည်း၏ အစီအစဉ်များကို စဉ်းစားဆုံးဖြတ်ခဲ့ကြသည်။

အမေရိကန်ပြည်ထောင်စုတွင် ၂၀၀၄ ခုနှစ်တွင် ပြန်လည်ရွေးကောက်ပွဲဝင်မည့် သမ္မတ ဂျော့ဒဗလျုဘုရှ်၏ မဲဆွယ်ပွဲတွင် အရေးနိမ့်စေရန် ပိုက်ဆံအမြောက်အများလှူဒါန်းကာ ကြိုးစား အားထုတ်ခဲ့သူအနေနှင့် သူ့ကိုသိကြသည်။ ၂၀၁ဝ တွင် သူသည် ကယ်လီဖိုးနီးယားပြည်ထောင်စုတွင် မှတ်ပုံတင်ထားသော ဆေးခြောက်ကို အဆိုပြုသည့် စည်းမျဉ်း ၁၉ ကို ထောက်ပံ့ရန် ဒေါ်လာ ၁ သန်း လှူဒါန်းခဲ့သည်။

သူသည် အမေရိကန်တိုးတက်ရေးဗဟိုဌာနသို့ စဦးလှူဒါန်းသူတစ်ဦးဖြစ်ပြီး ပြင်ပလူမှုအဖွဲ့အစည်းများမှတဆင့် အခြားအဖွဲ့အစည်းကို ဆက်လက်ထောက်ပံ့ခဲ့သည်။ ပြင်ပလူမှုအဖွဲ့အစည်းသည် ခန့်မှန်းခြေအရ ပျှမ်းမျှအားဖြင့် အသုံးစရိတ်စုစုပေါင်း တစ်နှစ်ကို ဒေါ်လာသန်း ၆၀ဝ လောက်သုံးကာ ကမ္ဘာတဝှမ်းရှိ နိုင်ငံပေါင်း ၆ဝ တို့တွင် နိုးကြားတက်ကြွစေသော အစီအစဉ်များကို ပြုမူဆောင်ရွက်ခဲ့သည်။

၂၀၀၃ ခုနှစ်တွင် ရှေးဦးစုပေါင်းရှာဖွေရေးအဖွဲ့၏ သဘာပတိ ပေါလ်ဗိုကာသည် ဆိုးရော့စ်၏ ငွေကြေး၏အတတ်ပညာ အမည်ရှိသည့်စာအုပ်တွင် ဤသို့အမှာစာရေးသားခဲ့ပါသည်။ ဂျော့ချ် ဆိုးရော့စ်သည် အလွန်တရာမှအောင်မြင်ကြီးကျယ်သော ရင်းနှီးမြှုပ်နှံသူတစ်ဦးအဖြစ် အမှတ်အသားပြုနိုင်ခဲ့ပြီး သူ၏အလွန်များပြားလှသောအောင်မြင်မှုများသည် အခြေအနေတစ်ရပ်မှတစ်ရပ်သို့ ပြောင်းလဲရန် အားပေးလျက်ရှိပြီး နိုင်ငံများကို 'ချုပ်ချယ်မှုကင်းမဲ့သော လူအဖွဲ့အစည်း'ဖြစ်လာစေခဲ့ပြီး လွတ်လပ်စွာရောင်းဝယ်ခွင့်နှင့် ပိုအရေးကြီးသည့် သည်းခံနိုင်စွမ်းရှိသော အတွေးအခေါ်သစ်များအပြင် မတူညီသော တွေးခေါ်ပုံနှင့်အပြုအမူများကိုပါ အချုပ်အချယ်ကင်းမဲ့စေခဲ့သည်။

မာတိကာ

မိသားစုအကြောင်း[ပြင်​ဆင်​ရန်​]

ဆိုးရော့စ်ကို ဟန်ဂေရီနိုင်ငံ ဘူဒါပတ်စ်မြို့တွင် မွေးဖွားခဲ့ပြီး Esperantist ကိုရေးသားသူ တိဗာဒါ ဆိုးရော့စ်၏သားဖြစ်သည်။ တိဗာဒါ (Teodoroဟုလူသိများ) သည် ပထမကမ္ဘာစစ်အတွင်းနှင့် စစ်ပြီးနောက် အကျဉ်းသားတစ်ဦးဖြစ်၍ နောက်ဆုံးတွင် ရုရှားလက်မှလွတ်မြောက်ခဲ့ပြီး ဘူဒါပတ်စ်ရှိ သူ၏မိသားစုကို ပြန်လည်ဆက်သွယ်နိုင်ခဲ့သော ဟန်ဂေရီ-ဂျူးလူမျိုးတစ်ဦးဖြစ်သည်။

၁၉၃၆ ခုနှစ်တွင် အစွန်းရောက်အမျိုးသားရေးဝါဒ မြင့်တက်လာခြင်းနှင့်အတူ ဂျူးလူမျိုးများအပေါ် အာဃာတကြီးမားလာခြင်းအပေါ် တုံ့ပြန်ခြင်းအားဖြင့် မိသားစုအမည်ကို Schwartz မှ Soros သို့ ပြောင်းလဲခဲ့သည်။ တိဗာဒါက အမည်သစ်သည် ရှေ့နောက်ပြောင်းပြန်ဖတ်လျှင်လည်း အသံတူသော စကားလုံးတစ်လုံးဖြစ်ပြီး အဓိပ္ပါယ်လည်းပြည့်ဝသောကြောင့် ထိုအမည်သစ်ကို နှစ်သက်လှသည်။ အမည်၏အသေးစိတ်အဓိပ္ပါယ်ကို Kaufman ၏ ကိုယ်ရေးစာအုပ်တွင် မဖော်ပြခဲ့သော်လည်း ဟန်ဂေရီဘာသာတွင် ဆိုးရော့စ်၏အဓိပ္ပါယ်မှာ အောင်မြင်သူကိုရာထူးခန့်အပ်ခြင်းနှင့် အက်စ်ပါရန်တိုဘာသာတွင် "လျှင်မြန်စွာမြင့်တက်ခြင်း" ဖြစ်သည်။

တိဗာဒါသည် ဂျော့ချ်ကို အက်စ်ပါရန်တိုဘာသာစကားကို မွေးကတည်းကသင်ကြားပေးခဲ့သည်။ ဂျော့ချ်ဆိုးရော့စ်က သူသည် ဂျူးဘာသာကိုးကွယ်သည့် အိမ်တွင်ကြီးပြင်းလာခဲ့ရပြီး သူ၏မိဘများသည် ရှောင်သင့်သော ဘာသာရေးဆိုင်ရာအရင်းအမြစ်များကို တားမြစ်ခဲ့ကြောင်း ပြောပြခဲ့သည်။

အိမ်ထောင်ရေးနှစ်ကြိမ်ပြိုကွဲခဲ့ပြီး ဆိုးရော့စ်တွင် Annaliese Witschak နှင့် ရောဘတ်၊ အန်ဒရီရာ၊ ဂျိုနသန်ဟူသည့် ကလေးသုံးယောက်ရရှိပြီး ဆူဆန်ဝီဘာ ဆိုးရော့စ်နှင့် အလက်ဇန်းဒါး၊ ဂရီဂေါ်ရီ ဟူသောကလေးနှစ်ယောက်ရရှိခဲ့သည်။ သူ၏အစ်ကိုအကြီး ပေါလ်ဆိုးရော့စ်သည် ပုဂ္ဂလိကကရင်းနှီးမြှုပ်နှံသူတစ်ဦးနှင့် ပရဟိတလူမှုရေး လုပ်ငန်းလုပ်ကိုင်သည့်အပြင် ဆိုးရော့စ်အသင်းအဖွဲ့နှင့် အမေရိကန်လူငယ်များအတွက် ပေါလ်နှင့်ဒေစီသဟာယအသင်းကြီးကို တည်ထောင်ခဲ့သည့် အင်ဂျင်နီယာတစ်ဦးဖြစ်သည်။ ပေါလ်ဆိုးရော့စ်၏သား၊ ဂျော့ချ်ဆိုးရော့စ်၏တူဖြစ်သူ ပီတာဆိုးရော့စ်သည် မင်းကတော်ကြီး အန်တိုနီယာဖရာဆာနှင့် ဆာဟူးချ်ဖရာဆာနှင့်သမီးဖြစ်ပြီး ၂၀၀၅ ခုနှစ်တော်ဝင် လောရိတ် ဟရိုး ပင်တာ၏မွေးစားသမီးဖြစ်သူ ဖလိုရာ ဖရာဆာနှင့် လက်ထပ်ခဲ့သည်။ သူ၏သား အလက်ဇန်းဒါးဆိုးရော့စ်သည် လူမှုရေးနှင့်နိုင်ငံရေးဂယက်များအတွက် လှူဒါန်းမှုများ ကြောင့် ထင်ရှားလာသည်။ ၂၀၁ဝ ရွေးကောက်ပွဲတွင် အလက်ဇန်းဒါးသည် နိုင်ငံရေးကျောင်းသား အလှူရှင်များစာရင်းကို ဦးဆောင်ခဲ့သည်။

အစောပိုင်းဘဝများ[ပြင်​ဆင်​ရန်​]

နာဇီဂျာမနီများ ဟန်ဂေရီကို ဝင်ရောက်ထိန်းချုပ်ခဲ့သော ၁၉၄၄ ခုနှစ် မတ်လတွင် ဆိုးရော့စ်သည် အသက် ၁၃ နှစ်ရှိပြီဖြစ်သည်။ ဆိုးရော့စ်သည် ဟန်ဂေရီကို နာဇီနှင့်ဟန်ဂေရီအစိုးရတို့က ဂျူးဆန့်ကျင်ရေးလုပ်ငန်းများ အတင်းအကျပ်လုပ်ဆောင်ရန် နာဇီတို့သိမ်းပိုက်ထားစဉ်က တည်ထောင်ခဲ့သော ဂျူးကောင်စီအတွက် အလုပ်လုပ်ကိုင်ခဲ့သည်။

ဆိုးရော့စ်သည် စာရေးဆရာ မိုက်ကယ်လူးဝစ်ကို ထိုအချိန်ကအကြောင်းများအကြောင်း ပြောပြခဲ့သည်။ ဂျူးဘာသာကိုးကွယ်သည့်ကောင်စီသည် နိုင်ငံခြားသားများကို မိမိတို့နိုင်ငံမှနှင်ထုတ်ရန် ရေးသားထားသည့် လက်ကမ်းစာစောင်များကို ဝေပေးရန် ကလေးငယ်များကို တောင်းဆိုခဲ့သည်။

"ကျွန်တော့်ကို ဂျူးဘာသာကောင်စီကို သွားဖို့ပြောတယ်။ ပြီးတော့ ကျွန်တော့ကို စာရွက်အပိုင်းသေးသေးလေးတွေပေးခဲ့တယ်.. ရဟူဒီကျမ်းစာသင်ကျောင်း ကို ကိုးနာရီအရောက်သတင်းသွားပို့ဖို့ပြောတယ်.. ပြီးတော့ နာမည်စာရင်းတွေလည်းပေးတယ်။ ကျွန်တော်အဲဒိစာရွက်အပိုင်းလေးတွေကို ကျွန်တော့်အဖေဆီကို ယူသွားလိုက်တယ်။ သူအဲဒါတွေကို ချက်ချင်းသတိပြုမိသွားသည်။ အဲဒါက ဟန်ဂေရီ-ဂျူးလူမျိုးရှေ့နေတွေရဲ့ နာမည်စာရင်းတစ်ခုဖြစ်နေတယ်။ ဒီစာရွက်စာတမ်းတွေကို လူတွေဆီဖြန့်ပေးပြီး ဒီအကြောင်းကိုသတင်းပို့ရင် သူတို့တွေ နှင်ထုတ်ခံရမည်" ဟု သူက ပြောကြားခဲ့သည်။

၁၉၄၄ တွင် အသက် ၁၄ နှစ်ရှိပြီဖြစ်သော ဆိုးရော့စ်သည် ဟန်ဂေရီစိုက်ပျိုးရေးဝန်ကြီးရေးဌာနရှိ အလုပ်သမား၏မွေးစားသားအဖြစ် ဟန်ဆောင်ပြီး အတူနေထိုင်ခဲ့သည်။ တခုသောအချိန်ကာလတွင် တာဝန်ရှိသူများက နိုင်ငံမှထွက်ပြေးခဲ့သည့် သူကြွယ်ဂျူးမိသားစု တစ်စု၏ နောက်ဆက်တွဲသတင်းများကို ထိန်းသိမ်းထားရန် အမိန့်ပေးခံခဲ့ရသည်။ ငယ်ရွယ်သော ဂျော့ချ်ကို မြို့တော်တွင် တစ်ယောက်တည်းမထားခဲ့ပဲ တာဝန်ရှိသူသည် သူနှင့်အတူ ခေါ်ဆောင်လာခဲ့သည်။

ထိုနှစ်များအတွင်း ဆိုးရော့စ်သည် မြို့တွင်းတလျှောက်အိမ်အချင်းချင်း တိုက်ခိုက်သော ဆိုဗီယက်နှင့် ဂျာမန်တို့ပါဝင်သည့် ဘူဒါပတ်စ်တိုက်ပွဲများကြားတွင် ရှင်သန်နေထိုင်ခဲ့ရသည်။

၁၉၄၇ ခုနှစ်တွင် ဆိုးရော့စ်သည် အင်္ဂလန်နိုင်ငံသို့ အခြေချနေထိုင်ရန် ကျောင်းသားတစ်ယောက် အဖြစ်လာရောက်ခဲ့ပြီး ဂျူးရိုးရာယဉ်ကျေးမှုများကို ယုံကြည်သူဦးလေးနှင့် အတူနေထိုင်ခဲ့သည်။ လန်ဒန်စီးပွားရေးသင်တန်းကျောင်းတက်နေစဉ်တွင် သူ၏ဦးလေးသည် သူ့နေထိုင်စရိတ်ကို ပေးခဲ့ပြီး ၁၉၅၂ ခုနှစ်တွင် ထိုကျောင်းမှ ဒဿနိကဗေဒဘွဲ့ရရှိခဲ့သည်။ ဒဿနိကပညာရှင် ကားလ်ပေါ်ပါ၏ ကျောင်းသားတစ်ယောက်ဖြစ်နေစဉ်တွင် ဆိုးရော့စ်သည် ရထားပို့ဆောင်ရေးလုပ်ငန်းတွင် တံခါးစောင့်အလုပ်နှင့် စားပွဲထိုးအလုပ်ကို လုပ်ခဲ့သည်။ တက္ကသိုလ်မှဆရာတစ်ဦးသည် ဆိုးရော့စ်ကို အထောက်အပံ့အတွက် အကူအညီတောင်းခံခဲ့ပြီး Quaker ဘာသာရေးမိတ်ဆွေများအဖွဲ့၏အလှူမှ ပေါင် ၄ဝ ရရှိခဲ့သည်။

နောက်ဆုံးတွင်တော့ သူသည် တစ်ဦးနှင့်အများပိုင် လန်ဒန်စီးပွားရေးဘဏ်တွင် အခြေခံဝင်ခွင့် အဆင့်ကို ရရှိခဲ့သည်။မိသားစုသမိုင်းအရ သူ၏ဝမ်းကွဲတော်သူ ကာရွန် အန်လန်ဒါ သည် နယူးရော့ခ်တွင်ရှိသည်။

ပြောင်းရွှေ့နေထိုင်ခြင်း[ပြင်​ဆင်​ရန်​]

၁၉၅၆ တွင် ဆိုးရော့စ်သည် နယူးရော့ခ် မြို့တော်သို့ ပြောင်းရွှေ့လာကာ အက်ဖ်အမ် မေရာနှင့် အတူတွဲ၍ ၁၉၅၆ ခုနှစ်မှ ၁၉၅၉ ခုနှစ်ထိ ငွေကြေးရောင်းဝယ်သူကုန်သည်အဖြစ် လုပ်ကိုင်ခဲ့ပြီး Wertheim & Co တွင် စိစစ်လေ့လာသူအဖြစ် ၁၉၅၉ မှ ၁၉၆၃ ခုနှစ်ထိ လုပ်ခဲ့သည်။

ထိုကာလတစ်လျှောက်တွင် ဆိုးရော့စ်သည် ကားလ်ပေါ်ပါ၏အမြင်များအပေါ် အခြေခံပြီး လိုက်လျောညီထွေတုန့်ပြန်ခြင်း ဒဿနသဘောကို ဖော်ထုတ်ခဲ့သည်။

ဆိုးရော့စ်သည် Reflexivity ဆိုသည်ကို မည်သည့်ဈေးကွက်မဆို တန်ဖိုးတွက်ချက်ရာတွင် ရရှိသည့်အချက်များကို ခိုင်မာသည်ဟု ညွှန်းဆိုသုံးနှုန်းထားပြီး ယင်းတို့တွင်ပါဝင်မှုများနှင့် အကျိုး သက်ရောက်မှုများသည် procyclical ရှိ ဈေးကွက်တွက်ချက်မှုသည် 'အဆင့်အတန်းမြင့်သည် (သို့) မမြင့်သည်ကိုဖော်ပြသည်။

သို့သော်လည်း ဆိုးရော့စ်သည် သူကိုယ်တိုင်ရင်းနှီးမြှုပ်နှံမှု မပြုသည့်တိုင် လိုက်လျောညီထွေ တုန့်ပြန်ခြင်းအယူအဆမှ မည်သည့်ငွေမှမရနိုင်သည်ကို သဘောပေါက်လာခဲ့သည်။ သူသည် ရင်းနှီးမြှုပ်နှံမှုများတွင် မည်သို့ပြုမူလုပ်ကိုင်ရသည်ကို စတင်စုံစမ်းလာခဲ့သည်။

၁၉၆၃ မှ ၁၉၇၃ ထိ သူသည် Arnhold နှင့် S.Bleichroder တွင် အလုပ်လုပ်ခဲ့ပြီး ဒုတိယဥက္ကဌနေရာကို ရရှိခဲ့သည်။ ဆိုးရော့စ်သည် နောက်ဆုံးတွင်တော့ သူသည် ဒဿနိကပညာရှင်အဖြစ်၊ အမှုဆောင်တစ်ဦးအဖြစ်ထက် ရင်းနှီးမြှုပ်နှံသူအဖြစ်က ပိုကောင်းကြောင်း အဆုံးသတ်ဆုံးဖြတ်လိုက်နိုင်သည်။

၁၉၆၇ ခုနှစ်တွင် သူထိန်းချုပ်ကိုင်တွယ်မည့် ကမ်းလွန်ရန်ပုံငွေ ရင်းနှီးမြှုပ်နှံမှုဖြစ်သည့် First Eagle ကို တည်ထောင်ရန် ကုမ္ပဏီအားဆော်ဩခဲ့ပြီး ၁၉၆၉ ခုနှစ်တွင်တော့ ကုမ္ပဏီက အရံရန်ပုံငွေဖြစ် သည့် Double Eagle ကို တည်ထောင်ခဲ့သည်။ ရင်းနှီးမြှုပ်နှံမှုစည်းမျဉ်းများက ရန်ပုံငွေအဖွဲ့ကို သူ့စိတ်ကြိုက်အုပ်ချုပ်ခွင့်ရမည့် သူ့အရည်အချင်းများကို ကန့်သတ်လိုက်သည့် ၁၉၇၃ ခုနှစ်တွင် သူသည် ရာထူးမှနှုတ်ထွက်ကာ Quantum ရန်ပုံငွေအဖွဲ့ဟု ပြောင်းလဲဖြစ်ပေါ်လာသည့် ပုဂ္ဂလိကကရင်းနှီးမြှုပ်နှံမှုကုမ္ပဏီကို တည်ထောင်လိုက်သည်။

သူသည် Wall Street တွင် စာရေးသူနှင့်အဘိဓမ္မာဆရာတစ်ဦးအဖြစ် ငွေရှာရန်ရည်ရွယ်ပြီး နောက်ငါးနှစ်ကြာသောအခါ ဒေါ်လာ ငါးသိန်းရရှိလာပြီး ပြည့်စုံလုံလောက်သွားသည်ဟု ဆိုခဲ့သည်။ သူသည် Carlyle Group တွင်လည်း ရှယ်ယာအနည်းအကျဉ်းပိုင်ဆိုင်သူ တစ်ယောက်ဖြစ်ခဲ့ဖူးသည်။

စီးပွားရေးလုပ်ငန်း[ပြင်​ဆင်​ရန်​]

၁၉၇ဝ တွင် ဆိုးရော့စ်သည်ဂျင်မ်ရော်ဂျာနှင့်အတူ ဆိုးရော့စ်ငွေကြေးစီမံခန့်ခွဲအဖွဲ့အစည်းကို တည်ထောင်ခဲ့သည်။ ၁၉၇၃ တွင် သူသည် ရင်းနှီးမြှုပ်နှံသူများထံမှ အမေရိကန်ဒေါ်လာ ၁၂ သန်းဖြင့် သူ၏ကိုယ်ပိုင် ငွေကြေးအဖွဲ့အစည်းကို တည်ဆောက်ရန် Arnhold နှင့် S.Bleichroder တို့ကိုထားခဲ့သည်။ ခရစ်စတိုဖာအင့်ခ်လည်းပါဝင်လာခဲ့ပြီး အခြားလုပ်ဖော်ကိုင်ဖက်များဖြစ်သည့် ဗစ်တာ နိုင်ဒါဟော့ဖာ နှင့် စတန်လီ ဒရက်ကန်မီလာတို့လည်းပါဝင်လာခဲ့သည်။ ၁၉၈ဝ ခုနှစ်တွင် ရော်ဂျာသည် အဖွဲ့အစည်းမှ အနားယူခဲ့သည်။ အစပိုင်းတွင် ဆိုးရော့စ်အဖွဲ့အစည်းဟု ခေါ်ဆိုခဲ့သော်လည်း နောက်ပိုင်းတွင် Quantum အဖွဲ့အစည်းဟု ပြန်လည်အမည်ပေးခဲ့သည်။

၂၀၀ဝ ခုနှစ်တွင် Quantum ငွေကြေးအဖွဲ့အစည်းကို ပြန်လည်ဖွဲ့စည်းခဲ့ပြီး Quantum အဖွဲ့ အစည်း၏ အရည်အသွေးမြင့်ထုတ်ကုန်အဖွဲ့ကိုလည်း တည်ထောင်ခဲ့သည်။ ဆိုးရော့စ်ငွေကြေးစီမံခန့်ခွဲမှုအဖွဲ့အစည်း LLC သည် Quantum ငွေကြေးအဖွဲ့အစည်းသို့ အဓိက ကျသော အကြံများပေးသူဖြစ်သည်။ ဂျော့ချ် ဆိုးရော့စ်သည် ဆိုးရော့စ်ငွေကြေးစီမံခန့်ခွဲမှုအဖွဲ့၏ သဘာပတိဖြစ်သည်။ လုပ်ငန်း၏နေ့စဉ်လုပ်ဆောင်ချက်များကို ဆိုးရော့စ်၏ သားကြီးနှစ်ယောက်နှင့် လုပ်ငန်း၏ ရင်းနှီးမြှုပ်နှံမှု အရာရှိချုပ် Keith Anderson တို့ကစီမံကြီးကြပ်သည်။ လုပ်ငန်းအတွင်းရှိ ပစ္စည်းများ၏ ခန့်မှန်းခြေတန်ဖိုးမှာ ဒေါ်လာ၂၇ သန်းရှိသည်။ ၂၀၀၇ ခုနှစ်တွင် Quantum အဖွဲ့အစည်းက ဆိုးရော့စ်ကို ၃၂ ရာခိုင်နှုန်း တန်ဖိုးဒေါ်လာ ၂.၉ ဘီလျံကို ပြန်လည်ပေးခဲ့သည်။

ငွေကြေးစနစ်ဈေးကစားခြင်း[ပြင်​ဆင်​ရန်​]

၁၉၉၂ ခုနှစ် စက်တင်ဘာ ၁၆ ရက်နေ့တွင် Black Wesnesday သတင်းစာက Soros ရန်ပုံငွေများသည် ယူအက်စ်ဒေါ်လာ ၁ဝ ဘီလျံတန်ဖိုးရှိပြီး အင်္ဂလန်ဘဏ်၏ငြိုငြင်မှုကိုခံရကာ ငွေကြေးစနစ်လဲလှယ်ရန် သော်လည်းကောင်း ဥရောပငွေကြေးလဲလှယ်မှုယန္တရားကို ထိခိုက်စေသည်။

နောက်ဆုံးတွင် ဘဏ်သည် ဥရောပငွေကြေးလဲလှယ်ပေးသည့် အခနှုန်းမှ တိုင်းပြည်၏ ငွေကြေး များကို ထုတ်ယူခဲ့၍ ပေါင်စတာလင်တန်ဖိုးလည်းကျဆင်းပြီး ဆိုးရော့စ်သည် ခန့်မှန်းခြေအားဖြင့် အမေရိကန်ဒေါ်လာ ၁.၁ သန်း အကျိုးအမြတ်ရရှိလိုက်သည်။

သူ့ကို အင်္ဂလန်ဘဏ်ကို ချိုးဖောက်နိုင်သူဟူ၍ ချီးမြှောက်ကြသည်။ Black Wednesday သတင်းစာ၏ကုန်ကျစရိတ်မှာ ပေါင် ၃.၄ သန်းဟု ၁၉၉ရ ခုနှစ်တွင် UK အစိုးရဌာနက ခန့်မှန်းခဲ့သည်။ ၁၉၉၂ အောက်တိုဘာ၂၆ ရက် တနင်္လာနေ့တွင် The Times သတင်းစာတွင် ဆိုးရော့စ်က "Black Wednesday မှာ ကျုပ်တို့ပိုင်တဲ့ပိုင်ဆိုင်မှုတွေက ဒေါ်လာ ၁ဝ ဘီလျံလောက်တော့ တန်ဖိုးရှိတယ်" ပြောဆိုခဲ့ကြောင်း ပါရှိသည်။ အဲဒါထက်ပိုရောင်းဖို့ ကျုပ်တို့စီစဉ်ထားခဲ့တာ။ ပြောရရင်တော့ ဒီတန်ဖိုးကျဆင်းမှုတွေမဖြစ်ခင်က နော်မန်လမ့်မောက်က သူ ဒေါ်လာ ၁၅ ဘီလျံနီးနီးကို စံချိန်မီပြန်ဖြစ်အောင်လုပ်ဖို့အတွက် ချေးမယ်လို့ပြောတုန်းက ကျုပ်တို့တော်တော် ဝမ်းသာသွားတယ်။ ဘာလို့လည်းဆိုတော့ ကျုပ်တို့ရောင်းချင်နေခဲ့တဲ့ပမာဏလောက်ပဲကိုးဗျ။ ဆိုးရော့စ်၏ လက်အောက်တွင်လုပ်ကိုင်သူ စတန်လီ ဒရက်ကန်မီလာသည် ဖြစ်ပြီး မူလအစက တည်းက ပေါင်ငွေကြေး၏ အားနည်းချက်ကိုသိရှိခဲ့သည်။ ဆိုးရော့စ်၏ ထည့်ဝင်ငွေပါဝင်လာခြင်းသည် သူ့ကိုအဆင့်မြင်သော နေရာတစ်ခုရယူရန် တွန်းအားပေးခဲ့သည်။

၁၉၉၇ခုနှစ် အာရှတိုက်ဘဏ္ဍာရေးအခက်အခဲပေါ်ပေါက်ချိန်တွင် မလေးရှားနိုင်ငံဝန်ကြီးချုပ် မဟာသီဟာ ဘင် မိုဟာမက် က ဆောရော့စ် သည် မြန်မာနိုင်ငံကို အဖွဲ့ဝင်နိုင်ငံ အဖြစ် လက်ခံခဲ့သော အာဆီယံအဖွဲ့ကြီးအား အပြစ်ပေးရန် သူ၏ ကြွယ်ဝမှုကို အသုံးပြု၍ ထိန်းချုပ်ခဲ့သည်ဟု စွပ်စွဲခဲ့သည်။ ဂျုးလူမျိုးဆန့်ကျင်ရေးသမိုင်းကိုလိုက်၍ မဟာသီဟာ သည် ဆိုးရော့စ်၏ ဂျုးဘာသာနောက်ခံ အခြေအနေကို လေ့လာစုံစမ်းပြီး (ငွေကြေးအတက်အကျကိုဖန်တီးခဲ့သည့်ဂျူးတစ်ယောက်) ဆိုးရော့စ်သည် ဂျူးလျို့ဝှက်ကြံစည်မှု၏ တစ်စိတ်တစ်ဒေသတွင် ကြိုးဆွဲနေကြောင်း သဘောပေါက်သွား သည်။ ၉ နှစ်ကြာသွားပြီး ၂၀၀၆ ခုနှစ်တွင် မဟာသီဟာသည် တောင်းပန်ခဲ့ပြီး သူ၏စွဲချက်များကို ပြန်ရုတ်သိမ်းသွားခဲ့သည်။ ၁၉၉၈ ကမ္ဘာအရင်းရှင်စနစ်ဂယက်တွင် ပြင်ပလူမှုအဖွဲ့အစည်းသည် အန္တရာယ်အတွင်းသို့ ကျရောက်ခဲ့ပြီး ဆိုးရော့စ်သည် ဂယက်ကာလအတွင်း သူ၏အခန်းကဏ္ဍကို အောက်ပါအတိုင်း ရှင်းပြခဲ့သည်။

ဘဏ္ဍာရေးအကျပ်အတည်းစဖြစ်ခဲ့တဲ့ ထိုင်းနိုင်ငံမှာ ၁၉၉၇ ခုနှစ်တုန်းက သူတို့ရဲ့အကျယ်အဝန်းနဲ့ ပြင်းထန်ဆိုးဝါးမှုတွေကြောင့် တော်တော်ကြောက်ရွံ့ခဲ့ရတယ်။ ၁၉၉၇ အစပိုင်းရောက်သွားတော့ ကုန်သွယ်မှုစာရင်းနဲ့ ရင်းနှီးငွေစာရင်းကြား ငွေကြေးကွာဟမှုအကြောင်း ကာကွယ်ပြောဆိုလိုက်နိုင်တော့ ဆိုးရော့စ်ရန်ပုံငွေစီမံခန့်ခွဲမှုအဖွဲ့အတွက် အပြစ်မဲ့ကြောင်းထင်ရှားသွားတာပေါ့။ သတ်မှတ်ကာလ ၆ လမှ ၁ နှစ်နှင့်အတွင်း ၁၉၉၇ အစောပိုင်းကာလတွေမှာ ကျုပ်တို့တွေ ထိုင်းဘတ်ငွေနှင့် မလေးရှားငွေရင်းဂစ်ကို ရောင်းချခဲ့သည်။ (အဲဒါဟာ အနာဂတ်နေ့တွေမှာ ကျုပ်တို့စာချုပ်ချုပ်ရတဲ့အခါကျတော့ လက်ထဲမှာ ထိုင်းဘတ်ငွေနဲ့ မလေးရှားရင်းဂစ်တွေ ကိုင်ဆောင်ထားခြင်းမရှိတော့ဘူး) တစ်ဆက်တည်းပဲ အကျပ်အတည်းကာလတုန်းက မလေးရှားဝန်ကြီးချုပ် မဟာသီဟာ က အခြေအမြစ် မရှိတဲ့စွဲချက်နဲ့ ကျုပ်ကိုစွပ်စွဲခဲ့တယ်။ ဒီအကျပ်အတည်းကာလမဖြစ်ခင် အချိန်တွင်းနဲ့ရှေ့ပိုင်းလတွေကတည်းက ကျုပ်တို့က ငွေကြေး ရောင်းချသူတွေမှမဟုတ်ခဲ့ပဲ၊ တစ်နည်းအားဖြင့် ကျုပ်တို့က ငွေကြေးတန်ဖိုးစကျသွားတဲ့အချိန်မှာ ဝယ်ခဲ့တဲ့အဝယ်တော်တွေ၊ ကျုပ်တို့ရဲ့အစောပိုင်းရင်းနှီးမြှုပ်နှံမှုတွေ အမြတ်ကျန်အောင် ကျုပ်တို့ ရင်းဂစ်တွေဝယ်ခဲ့လိုက်တာပါ။ (သိပ်မကြာပါဘူး.. အဲလိုပဲဖြစ်သွားတာပဲ။ ကျုပ်တို့တွေ အကျိုးရနိုင်တာတွေကို စာရင်းထဲမှာပဲထည့်ထားခဲ့ရတယ်၊ ဘာလို့လည်းဆိုတော့ မဟာသီယာကရင်းနှီးငွေထိန်းချုပ်မှုအတွက် အခွန်ကောက်မှာကို ကျုပ်တို့ကြောက်လို့လေ။ သူအဲဒီအတိုင်းပဲ နောက်ကျတော့ လုပ်ခဲ့တယ်။) ၁၉၉ရ ခုနှစ် ASEAN ၏စုစုပေါင်းပြည်တွင်းထုတ်ကုန် (GDP) မူလအမေရိကန်ဒေါ်လာတန်ဖိုးသည် ၉.၂ သန်းကျဆင်းခဲ့ပြီး ၁၉၉၈ ခုနှစ်တွင်အမေရိကန်ဒေါ်လာ၂၁၈.၂ သန်း (၃၁.၇%) ကျဆင်းခဲ့ သည်။

ပြည်သူလူထုခန့်မှန်းချက်များ[ပြင်​ဆင်​ရန်​]

၂၀၀၈ မေလထုတ် ဆိုးရော့စ်၏စာအုပ်ဖြစ်သည့် ဘဏ္ဍာရေးဈေးကွက်အတွက် နမူနာပုံစံသစ်များ သည် လွန်ခဲ့သည့် ၂၅ နှစ်ကတည်းက ကြိုးစားခဲ့ကာ အရေးနိမ့်ခဲ့ရသည့် "superbubble" အကြောင်းကို ဖော်ပြထားသည်။

ထိုစာအုပ်သည် တတိယမြောက် သူရေးသားခဲ့သောစာအုပ်ဖြစ်ပြီး အနာဂတ်ဖြစ်ရပ်များကို ကြိုတင်ပြောထားသည်များဖြစ်သည်။

သူ၏ဖော်ပြချက်များမှာ-


ကျွန်တော့်မှာ crying wolf ရဲ့မှတ်တမ်းရှိတယ်။ အဲ့ဒါကို ၁၉၈၇ တုန်းက The Alchemy of Finance မှာ ထည့်ခဲ့တယ်။ ပြီးတော့ ၁၉၉၈ တုန်းက The Crisis of Global Capitalism နဲ့ ခု ဒီစာအုပ်ထဲမှာ။ အဲ့သည့် ၃ အုပ်စလုံးက ဘေးအန်တရာယ်ဆိုးတွေကို ကြိုခန့်မှန်းထားတာပါ။ ကောင်လေးက သုံးခါလောက် ဝံပုလွေကိုတမ်းတပြီးငိုတော့ ဝံပုလွေကတကယ်ရောက်လာတယ်။ သူ၏ကြိုတင်ခန့်မှန်းမှုများ မှားယွင်းသွားသောအခါ သူ၏ကိုယ်ပိုင်အောင်မြင်မှုတွေကို အသိအမှတ်ပြုနိုင်ဖို့ စွဲမြဲထင်မှတ်ခဲ့တယ်။


ကျုပ်မှားတဲ့အခါ မှားမှန်းသိလို့ ချမ်းသာလာတာပါ၊ အမှားတွေကို ပြန်လည်ဆန်းစစ်ရင်းနဲ့သာ ဆက်လက်ရှင်သန်ခဲ့တယ်။ ကျုပ်အမှားတစ်ခုခုလုပ်ပြီဆိုရင် ခါးလည်းနာလာတတ်တယ်။ မှားသွားတဲ့အချိန်တိုင်း အဲဒိအမှားကို ပြန်လည်တိုက်ခိုက်နိုင်ရမယ်။ အဲလိုဆုံးဖြတ်ချက်ချလိုက်တဲ့အခါ ခါးနာလည်းပျောက်ပျောက်သွားတယ်။

ဖေဖော်ဝါရီ ၂၀၀၉ တွင် ဂျော့ချ် ဆိုးရော့်စ်က ကမ္ဘာ့ဘဏ္ဍာရေးစနစ်သည် ထိရောက်စွာပြိုကွဲပြီး ပြဿနာ၏အနီးစပ်ဆုံးအခြေအနေကို ဖြေရှင်းရန်အလားအလာရှိနိုင်မည်မဟုတ်ဟု ပြောကြားခဲ့ သည်။


“ဘဏ္ဍာရေးစနစ်ကြီး အားလျော့သွားတာ ကျုပ်တို့မျက်မြင်ကိုယ်တွေ့ပဲလေ […]အဲဒါက ဘဝရဲ့ အထောက်အပံ့တွေပေါ် မူတည်ခဲ့ပြီး အခုလည်းဒီတိုင်းပဲရှိနေဆဲပဲ။


အောက်ခြေနားနီးနီးကို ရောက်နေပြီဆိုတဲ့အကြောင်း လာသတိပေးမယ့်လူလည်းမရှိပါဘူး”

အတွင်းကြိတ်ရောင်းဝယ်ခြင်းပြစ်မှု[ပြင်​ဆင်​ရန်​]

၁၉၈၈ တွင် ပြင်သစ်ဘဏ် Societe Generale ၏လွှဲပြောင်းယူမှုကြိုးပမ်းရာတွင် ပါဝင်ရန် တောင်းဆိုခံခဲ့ရသည်။ သူသည် ကမ်းလှမ်းမှုတွင် ပါဝင်ရန်ငြင်းဆန်ခဲ့သော်လည်း နောက်ပိုင်းတွင် ကုမ္ပဏီ၏ရှယ်ယာများ ကို ဝယ်ယူခဲ့သည်။

၁၉၈၉ တွင် ပြင်သစ်အာဏာပိုင်များသည် စုံစမ်းစစ်ဆေးမှုများစတင်လာခဲ့ပြီး ၂၀၀၂ တွင် ပြင်သစ် တရားရုံးမှချမှတ်ခဲ့သောဥပဒေများမှာ အတွင်းကျိတ်ရောင်းဝယ်ရေးပြစ်မှု ထင်ရှားသူများကို ပြင်သစ်လုံခြုံရေး ဥပဒေအရချမှတ်ရန်နှင့် သူ့ကို အတွင်းသတင်းအချက်အလက်များတွင် အသုံးပြုခြင်းတွင် သုံးခဲ့သည့်ပမာဏဖြစ်သော ဒေါ်လာ ၂.၃ သန်းကို ဒဏ်ငွေပေးဆောင်ခိုင်းခဲ့ သည်။

ပြင်းထန်လှသော ပျက်စီးဆုံးရှုံးမှုများကို ရှာမတွေ့ခြင်းမှာ အမှုကိုတရားရုံးသို့တင်ရန် နှောင့်နှေး နေသောကြောင့်ဖြစ်သည်။ ဆိုးရော့စ်သည် ဥပဒေနှင့်မညီသောအပြုအမူတိုင်းကို ငြင်းပယ်ခဲ့ပြီး ပြည်သူဗဟုသုတအဖြစ် လွှဲပြောင်းမှုသတင်းအသစ်များကို ပြောကြားခဲ့သည်။ သူ၏အတွင်းကြိတ်ရောင်းဝယ်ရေးပြစ်မှုသည် ပြင်သစ်ရှိ အထက်လွှတ်တော်တရားရုံးသို့ ဇွန် ၁၄ တွင် ထပ်ဆင့်အမှုဆိုင်ခြင်းကိုခံရသည်။

၂၀၀၆ ဒီဇင်ဘာတွင် သူသည် ဥရောပလူ့အခွင့်အရေးတရားရုံးသို့ ၁၄ နှစ်နောက်ကျပြီးမှ အမှုကို ိစိစစ်သည့်အတွက် အယူခံဝင်ခဲ့သည်။

အားကစားဆိုင်ရာများ[ပြင်​ဆင်​ရန်​]

၂၀၀၅ တွင် ဆိုးရော့စ်သည် အဖွဲ့ထဲတွင် သာမညအဖွဲ့ဝင်တစ်ယောက်ဖြစ်ပြီး ဘေ့စ်ဘော ကလပ်အသင်း Washington Nationals ကိုဝယ်ယူရန်ကြိုးပမ်းခဲ့သည်။ အချို့ရီပတ်ပလစ်ကန်တရားစီရင်သူများက ဘေ့စ်ဘော အယုံကြည်ခံခွင့်ကို ဆိုးရော့စ်က အသင်းကိုဝယ်ယူလိုက်ပါက ပြန်လည်ရုပ်သိမ်းမည်ဟု ယူဆခဲ့ကြသည်။

၂၀၀၈ တွင် ဆိုးရော့စ်၏နာမည်သည် အီတလီဘောလုံးအသင်းတစ်သင်း AS Roma နှင့် တွဲ၍ပတ်သတ်လာခဲ့သော်လည်း ကလပ်သည် ရောင်းချခြင်းမခံရပေ။ ဆိုးရော့စ်သည် Washington ဘောလုံးအသင်း L.P.၏ဘဏ္ဍာရေးထောက်ပံ့သူဖြစ်ပြီး ၁၉၉၅ ကလပ်အသင်းများတည်ထောင်သောအခါ လုပ်ပိုင်ခွင့်ရရှိသည့် အဓိကဘောလုံးအသင်း D.C United ကို ပိုင်ဆိုင်သည့်အဖွဲ့အစည်းဖြစ်သော်လည်း ၂၀၀ဝ တွင်အဖွဲ့သည် ထိုလုပ်ပိုင်ခွင့်များ ဆုံးရှုံးခဲ့သည်။

လူမှုရေးပရဟိတလုပ်ငန်းများ[ပြင်​ဆင်​ရန်​]

၁၉၇ဝ ကတည်းက ဆိုးရော့စ်သည် လူမျိုးခွဲခြားရေးစနစ်ကြီးမားသော တောင်အာဖရိကရှိ CapeTown တက္ကသိုလ်သို့ တက်ရောက်ခွင့်ရရန် တရားမဝင်ကျောင်းသားများကို ငွေကြေး ထောက်ပံ့ကူညီသူအဖြစ် တက်ကြွစွာပါဝင်ခဲ့ပြီး ဆန့်ကျင်သူများ၏လှုပ်ရှားမှုများကို ကန့်လန့်ကာ နောက်ကွယ်မှနေ၍ ငွေကြေးလှူဒါန်းခဲ့သည်။

ဆိုးရော့စ်၏ ချို့တဲ့သူများကူညီသည့် အဖွဲ့အစည်းတွင် ဆိုဗီယက်ပြည်နယ်များရှိ လူထု ရွေးကောက်ပွဲများကို မြှင့်တင်ရန်အားထုတ်ခြင်းများပါဝင်သည်။ အများအားဖြင့် အလယ်နှင့်အရှေ့ဥရောပဒေသများတွင် ပြင်ပလူမှုအဖွဲ့အစည်း (OSI) နှင့် တခါတရံ ပိုလန်တွင် စတီဖင် ဘက်တိုရီဖောင်ဒေးရှင်းဟု အခြားနာမည်ဖြင့် ခေါ်ဆိုကြသည့် ဆိုးရော့စ်အမျိုးသားဖောင်ဒေးရှင်းတို့မှတစ်ဆင့် ဆောင်ရွက်ဖြစ်ပေါ်သည်။

၂၀၀၃ တွင် PSB က သူသည် စုစုပေါင်းဒေါ်လာ ၄ သန်းလောက် လှူဒါန်းခဲ့သည်ဟု ခန့်မှန်းခဲ့ သည်။ တစ်နှစ်လျှင် ဒေါ်လာသန်း ၅၀ဝ ခန့်အသုံးပြုခဲ့သည်ဟု OSI ကပြောကြားခဲ့သည်။

၂၀၀၇ ခုနှစ်တွင်း တိုင်းမ်မဂ္ဂဇင်းက ရုရှားတက္ကသိုလ်များသို့ အခြေခံအဆောက်အအုံများအတွက် ဒေါ်လာ ၁၀ဝ သန်း၊ အာဖရိကဆင်းရဲငတ်မွတ်မှုများကို လုံးဝပယ်ဖျက်ပေးမည့် Millennium Promise အတွက် ဒေါ်လာသန်း ၅ဝ ကို အမေရိကန်ရှိစီမံကိန်းများအတွက် ၇၄၂ သန်းပေးသည့် အချိန်တွင် ပေးလှူခဲ့ပြီး စုစုပေါင်း ၇ ဘီလျံခန့်ကို လှူဒါန်းခဲ့ကြောင်း ဖော်ပြခဲ့သည်။

အခြားမှတ်တမ်းတင်လောက်သည့် စီမံကိန်းများမှာ အလယ်နှင့်အရှေ့ဥရောပဒေသရှိ သိပ်ပံ ပညာရှင်များနှင့် တက္ကသိုလ်များအတွက် သင်ထောက်ကူများ၊ Sarajevo မြို့အဝန်းရံခံရစဉ် မြို့သားများကိုကူညီခြင်းနှင့် နိုင်ငံတကာပြေလည်မှုတို့ဖြစ်သည်။ ဆိုးရော့စ်သည် ပုံမှန်ငွေသန်း ၄၂ဝ ကို ဗဟိုဥရောပတက္ကသိုလ် CEU သို့ လှူဒါန်းမည်ဟု အာမခံ ကတိပြုခဲ့သည်။

ငြိမ်းချမ်းရေးနိုဘယ်ဆုရှင် Muhammad Yunus နှင့် သူ၏ အသေးစားဘဏ္ဍာရေးဘဏ်ဖြစ်သည့် Grameen Bank အတွက် OSI ထံမှထောက်ပံ့မှုရရှိခဲ့သည်။

ပြန်လည်သုံးသပ်ချက်အရ ပြင်ပလူမှုအဖွဲ့အစည်းသည် ၂၀၀၂ ခုနှစ် စက်တင်ဘာလတွင် အကြမ်းဖက်မှုကို ခုခံပြောဆိုခဲ့၍ ထောင်ဒဏ် ၂ နှစ် ၄ လကျသွားသော ရှေ့နေ Lynne Stewart ကို သတင်းစာရှင်းလင်းပွဲမှ ဆက်နွယ်၍ ရုပ်ဝတ်ထုပစ္စည်းများထောက်ပံ့မှုအတွက် ဒေါ်လာ ၂ သောင်းကို ပေးအပ်ခဲ့သည်။

OSI ၏ပြောဆိုခွင့်ရှိသူအမျိုးသမီးက "ကျွန်မတို့ရဲ့ထောက်ပံ့ပေးမှုနဲ့ပတ်သက်တဲ့ အဖိုးတန်အကြံ ဉာဏ်တွေပေးခွင့်လည်း ကျွန်မတို့အတွက် ပေါ်ပေါက်လာတယ်။"

စီးပွားရေးပညာရှင် Jeffrey Sachs ၏ဦးဆောင်မှုဖြင့် အာဖရိကရှိ ဆင်းရဲနွမ်းပါးသောရွာများ၏ ပညာရေး၊ စိုက်ပျိုးရေး၊ ကျန်းမာရေးအခက်အခဲများကို ထောက်ပံ့ပေးရန် ၂၀၀၆ စက်တင်ဘာတွင် ဆိုးရော့စ်သည် ဒေါ်လာသန်း ၅ဝ လှူဒါန်းရန် ကတိကဝတ်ပြုခဲ့သည်။

ဆိုးရော့စ်ကို New York Times က ဒီမိုကရေစီနှင့်အစိုးရကောင်းကောင်းလက်ထပ်တွင် အားသွန် ခွန်စိုက်လှူဒါန်းသူအဖြစ် သတ်မှတ်သော်လည်း ဆိုးရော့စ်က ထိုသို့သောဆင်းရဲမှုများရှိနေရခြင်းမှာ အစိုးရအုပ်ချုပ်မှု မကောင်းသောကြောင့်ဖြစ်သည်ဟု လက်ခံထားခဲ့သည်။ သူသည် ၁၉၈ဝ တွင် အောက်စဖို့တက္ကသိုလ်ရှိ လူမှုရေးဆိုင်ရာသုတေသနကျောင်းသစ်၊ ၁၉၉၁ တွင် ဘူဒါပတ်စ်ရှိ ကော်ဗင်းနက်တက္ကသိုလ်နှင့် ရေးလ်တက္ကသိုလ်တို့တွင် ဂုဏ်ထူးဆောင် ပါရဂူဘွဲ့ရရှိခဲ့သည်။

ဆိုးရော့စ်သည် ၂၀၀ဝ ခုနှစ်တွင် ရေးလ်စီမံခန့်ခွဲမှုတက္ကသိုလ်မှ ချီးမြှင့်သည့် ရေးလ် အပြည်ပြည် ဆိုင်ရာ ဘဏ္ဍာရေးဆုကို ရရှိခဲ့သလို ၁၉၉၅ ခုနှစ်တုန်းက Bologna တက္ကသိုလ်က ပေးအပ်သည့် အမြင့်ဆုံးဂုဏ်ထူးဆောင်ဘွဲ့ဖြစ်သည့် Laurea Honoris Causa ကိုလည်း ရခဲ့သေးသည်။

နိုင်ငံရေးရာလှူဒါန်းမှုများနှင့်လှုပ်ရှားမှုများ[ပြင်​ဆင်​ရန်​]

အမေရိကန်ပြည်ထောင်စု[ပြင်​ဆင်​ရန်​]

၂၀၀၃ နိုဝင်ဘာ ၁၁ ရက်နေ့ထုတ် The Washington Post သတင်းစာ၏ အင်တာဗျုးတစ်ခုတွင် ဆိုးရော့စ်က သမ္မတ ဂျော့ချ် ဒဗလျူ ဘုရှ်ကို ရုံးမှထုတ်ပယ်ခြင်းသည် သူ့ဘဝ၏အဓိကအာရုံစိုက် ရာဖြစ်ပြီး ရှင်သန်ခြင်းနှင့်သေဆုံးခြင်း၏အရေးအရာတစ်ခုဟု ပြောကြားခဲ့သည်။

တစုံတယောက်ကအာမခံချက်ပေးပါက သမ္မတဘုရှ်ကျရှုံးရန် သူ၏စည်းစိမ်ဥစ္စာအားလုံးကို စွန့်လွှတ်မည်ဟုပြောခဲ့သည်။

ဆိုးရော့စ်သည် အမေရိကန်ဖွံ့ဖြိုးရေးဗဟိုဌာနကို ဒေါ်လာ ၃ သန်း၊ MoveOn.org သို့ဒေါ်လာ ၂.၅ သန်းနှင့် America Coming Together သို့ဒေါ်လာသန်း ၂ဝ ပေးခဲ့သည်။ ထိုအဖွဲ့များသည် ၂၀၀၄ ခုနှစ်ရွေးကောက်ပွဲတွင် လူထုရွေးချယ်မှုကိုထောက်ပံ့ရန် အလုပ်လုပ်ခဲ့ကြ သည်။

၂၀၀၄ စက်တင်ဘာ ၂၈ ရက်နေ့တွင် သူသည်လှုံ့ဆော်ပွဲအတွက် ပိုက်ဆံပိုထည့်ပြီး အရပ်ရပ်လှည့် နေသောတရားပွဲတွင် သမ္မတဘုရှ်ကို ဝါရှင်တန်ဒီစီရှိ အမျိုးသားသတင်းစာကလပ်ကိုရောက်အောင် ဘာလို့ပြန်ပြီး ရွေးချယ်မှုမလုပ်သလဲဟူ၍ ရည်ညွန်းခဲ့သည်။

ထိုတရားပွဲစကားအကြောင်းမှာ လူကြိုက်များလာပြီး Dick Cheney ကမတော်တဆ FactCheck.org မှ “factcheck.com” သို့ပြောင်းလိုက်ပြီးနောက် ဒုတိယသမ္မတနေရာအတွက် အချေအတင်ဆွေးနွေးလာကြကာ ဒိုမိန်းပိုင်ရှင်မှာ ထိုပိတ်ဆို့မှုများအားလုံးကို ဆိုးရော့စ်၏ဆိုက်သို့ အကုန်လွှဲပြောင်းရလေသည်။

သူ၏ဖော်ပြချက်ဖြစ်သော The Age of Fallibility တွင် ၂၀၀၆ ခုနှစ်၌ “တည်ငြိမ်စေဖို့ ခလုတ် ကန်သင်းမှာ အမေရိကန်ဖြစ်သည်”ဟူသောအမေးကို ဆိုးရော့စ်က “တစ်ကမ္ဘာလုံးက ဘယ်လိုမြင်လဲဆိုတာပေါ်ပဲ မူတည်ပါတယ်” ဟုဖြေကြားခဲ့သည်။ အမေရိကန်တွေကြားရင်တော့ တော်တော်အံ့အားသင့်သွားမှာပဲလို့ ကျုပ်ထင်တယ်။

အမေရိကန်ပြည်ထောင်စုက ကမ္ဘာအတွက် အစီအစဉ်တွေကို ချမှတ်တယ်လေ။ အဲဒိတော့ တစ်ကမ္ဘာလုံးက ထိုလုပ်ငန်းစဉ်ကို တုန့်ပြန်ကြတာပေါ့။ စက်တင်ဘာ ၁၁ ရက်နေ့အပြီးတွင် “အကြမ်းဖက်မှုတိုက်ပွဲ”အဖြစ် ကြေညာလိုက်ပြီး ကမ္ဘာတစ်ခုလုံး အတွက် မှားယွင်းတဲ့လုပ်ငန်းစဉ်ကို စီစဉ်ခဲ့ပြီ၊ ဒီစစ်ပွဲကိုခင်ဗျားတို့ဆင်နွှဲတဲ့အခါ အပြစ်မဲ့တဲ့ သားကောင်တွေအဖြစ် မလွဲဧကန်ဖန်တီးလိုက်တာပါပဲ”

၂၀၀၄ သမ္မတရွေးကောက်ပွဲမတိုင်ခင်တွင် Soros သည် အမေရိကန်အစိုးရဆိုင်ရာလှုပ်ရှားမှု အတွက် ကြီးမားသောလှုဒါန်းသူတစ်ယောက်မဟုတ်သော်လည်း ၂၀၀၃-၂၀၀၄ ရွေးကောက်ပွဲ ကာလအတွင်း Center for Responsive Politics အတွက် သူသည် အဖွဲ့ပေါင်း ၅၂၇ ဖွဲ့ကို ဒေါ်လာ ၂၃၅၈၁၀၀ဝ လှုဒါန်းခဲ့ပြီး ဘုရှ်ကျရှုံးစေရန်ရည်ရွယ်ခဲ့သည်။

အမေရိကန်ပြည်ထောင်စုအခွန်တံဆိပ် 26U.S.C.527 ကိုချမှတ်ပြီးနောက် ၅၂ရ အဖွဲ့အစည်းသည် အမေရိကန်အခွန်ကင်းလွတ်သော အဖွဲ့အစည်းအမျိုးအစားတစ်ခုဟုအမည်ပေးခဲ့သည်။ ဆိုးရော့စ်အားထုတ်ခဲ့သော်လည်း ဘုရှ်သည် သမ္မတအဖြစ် ဒုတိယအကြိမ်ရွေးချယ်ခံရသည်။

ဘုရှ်၏ရွေးကောက်ပွဲပြီးနောက် ဆိုးရော့စ်နှင့် အခြားလှုဒါန်းသူများသည် နိုင်ငံရေးဆိုင်ရာ ငွေကြေး မတည်သူများအဖွဲ့အသစ်ဖွဲ့ပြီး Democracy Alliance ဟုခေါ်ခဲ့ကြကာ ပေါ်ပေါက်လာသော အကြောင်းအရာများကို ထောက်ပံ့ရန်နှင့် အမေရိကန်တွင် အခြေခံအဆောက်အအုံများ တိုးတက်တည်ထောင်လာစေရန်ဖြစ်သည်။

ဆိုးရော့စ်သည် အစိုးရလက်အောက်ခံပြည်နယ် လှုံ့ဆော်ပွဲများတွင် ထည့်ဝင်သောငွေဖြူများ အဆုံးသတ်သွားဖို့ မျှော်လင့်ရသည့် ၂၀၀၂ ခုနှစ် McCain-Feingold Bipartisan လှုံ့ဆော်မှု ပြန်လည်ပြင်ဆင်ရေးအက်ဥပဒေအတွက် ထောက်ပံ့ပေးခဲ့သည်။

ဆိုးရော့စ်သည် ၅၁ရ အဖွဲ့အစည်းသို့ ငွေဖြူလှုဒါန်းမှုများပြုလုပ်ခဲ့ပြီး သူသည် တူညီသော လာဘ်စားမရိုးသားမှုများ မမြင့်တက်စေရန် ပါဝင်ယှဉ်ပြိုင်သူများ သို့မဟုတ် နိုင်ငံရေးပါတီများကို တိုက်ရိုက်လှူဒါန်းခဲ့သည်။

၂၀၀၉ ဩဂုတ်တွင် ဆိုးရော့စ်သည် နယူးရော့်ပြည်နယ်ရှိ လူအများနှင့် တန်းတူအခွင့်အရေး မရရှိသော ကလေးငယ်များကို သီးသန့်ရွေးချယ်လှုဒါန်းပြီး ကလေးအရေအတွက် ကန့်သတ်ချက် မရှိပဲ ၃ နှစ်မှ ၁ရ နှစ် အတွင်းရှိ ကလေး တစ်ယောက်လျှင် ဒေါ်လာ၂၀ဝ နှုန်း အကျိုးအမြတ် ခံစားခွင့်ကဒ်များကို မိဘများအားပေးခဲ့သည်။

ထပ်တိုးသည့်အနေဖြင့် ၂၀၀၉ ခုနှစ် အစိုးရလက်အောက်ခံအက်ဥပဒေအဖွဲ့ထံမှ ရရှိခဲ့သည့် ဒေါ်လာသန်း ၁၄ဝ ကို နယူးရော့ခ်ပြည်နယ်ရန်ပုံငွေအဖွဲ့သို့ ထည့်ဝင်ခဲ့သည်။

ဂျော့ချ် ဆိုးရော့စ်သည် ၂၀၁ဝ အောက်တိုဘာ ၂၆ ရက်နေ့တွင် မူးယစ်ဆေးဝါးပေါ်လစီအဖွဲ့၏ ၂၀၁ဝ ရွေးကောက်ပွဲအပြီး နိုဝင်ဘာလ ၂ ရက်နေ့အကျော်တွင် ကယ်လီဖိုးနီးယားပြည်နယ်ရှိ ဆေးခြောက်ရောင်းဝယ်ရေးကို တရားဝင်မှတ်ပုံတင်ပြုပေးနိုင်မည့် စီမံချက် ၁၉ အတွက် အကြီးဆုံးလှူဒါန်းမှုဖြစ်သည့် ဒေါ်လာ ၁ သန်းကိုလှူဒါန်းခဲ့သည်။

အရှေ့ပိုင်းဥရောပ[ပြင်​ဆင်​ရန်​]

New Statesman ရှိ Neil Clark ၏ပြောစကားအရ အရှေ့ဥရောပကွန်မြူနစ်ဝါ၏ ပြိုလဲအရေးနိမ့်မှု တွင် ဆိုးရော့စ်၏အခန်းကဏ္ဍသည် အရေးပါလှသည်ဟုဆိုသည်။

၁၉၇၉ ခုနှစ်မှစတင်၍ ပြင်ပလူမှုအဖွဲ့အစည်း၏ တရားရုံးရှေ့နေဖြစ်သည့် ဆိုးရော့စ်သည် ပိုလန် စည်းလုံးညီညွတ်ရေးလှုပ်ရှားမှု၊ ချက်ကိုစလိုဗားကီးယားနှင့် အန်ဒရီ ဆကာရပ်အရပ်ရှိ အမိန့်စာ ၇ရ အပါအဝင် အစိုးရဆန့်ကျင်သူများအားလုံးကို တစ်နှစ် ဒေါ်လာ ၃ သန်းခန့် ငွေကြေးထောက်ပံ့ခဲ့သည်။ ၁၉၈၄ ခုနှစ်တွင် သူသည် ဟန်ဂေရီတွင် ပြင်ပလူမှုအဖွဲ့အစည်းကို တည်ထောင်ခဲ့ပြီး ဆန့်ကျင်ဖက် လှုပ်ရှားမှုများနှင့် လွတ်လပ်သောမီဒီယာများနှင့် ပက်သတ်ကာ မီလီယံဒေါ်လာပေါင်းများစွာကို အလျှံပယ်မြှုပ်နှံခဲ့သည်။

ဆိုဗီယက်ပြည်ထောင်စုကြီးကျဆုံးခဲ့ပြီးသော်လည်း ဆိုးရော့စ်၏ငွေကြေးထောက်ပံ့မှုသည် ဆိုဗီယက်အသိုင်းအဝိုင်းကြားတွင် အရေးပါသောနေရာတွင် ဆက်လက်တည်ရှိခဲ့သည်။

ဆိုးရော့စ်က သူ၏အခန်းကဏ္ဍမှာ ပိုမိုတွင်ကျယ်လာကြောင်းပြောသော်လည်း နှင်းဆီ တော်လှန်ရေးအောင်မြင်မှုကို အတိမ်းအစောင်းမရှိစေရန်အတွက် ဂျော်ဂျီယာရှိ သူ၏ အကြို ဒီမိုကရက်တစ်အခြေခံအစီအစဉ်များကို ရုရှားနှင့်အနောက်ပိုင်းရှိလေ့လာသူများက သေချာ စဉ်းစားဆင်ခြင်ကြသည်။

ဂျော်ဂျီယာလုံခြုံရေးကောင်စီနှင့် ပညာရေးနှင့်သိပ်ပံဝန်ကြီးဌာန၏ အတွင်းရေးမှူးဖြစ်သူ အလက်ဇန်းဒါး လိုမာရာသည် ဘတ်ဂျက်ဒေါ်လာ ၂ သန်း ၅ သောင်းဖြင့် ဝန်ထမ်းပေါင်း ၅ဝ ကို ကြီးကြပ်နေသော ဂျော်ဂျီယာရှိ ပြင်ပလူမှုအဖွဲ့အစည်းဖောင်ဒေးရှင်းဖြစ်သည့် ဆိုးရော့စ်ဖောင်ဒေးရှင်းတွင် အမှုဆောင်ဒါရိုက်တာဖြစ်သည်။

ဂျော်ဂျီယာ နိုင်ငံခြားရေးဝန်ကြီး Salome Zourabichvili က ဆိုးရော့စ်ဖောင်ဒေးရှင်းကဲ့သို့သော အဖွဲ့အစည်းမျိုးသည် ငြင်းပယ်စရာမရှိသည့် တော်လှန်ရေးကို ဆက်လက်လုပ်ဆောင်သည့် ဆိုးရော့စ်ဖောင်ဒေးရှင်း၏ဆွဲဆောင်ရာကို လိုက်ပါ သည့် NGO များသည် ဒီမိုကရေစီမူပြုခြင်း၏ မူလအစဖြစ်ကြောင်း ရေးသားခဲ့သည်။

သူမက တော်လှန်ရေးနောက်ပိုင်းတွင် ဆိုးရော့စ်ဖောင်ဒေးရှင်းနှင့် NGO အဖွဲ့များ ပူးပေါင်းခြင်း သည် စွမ်းအားတစ်ရပ်ဖြစ်သည်ဟု ထင်မြင်ယူဆသည်။ အချို့သော ဆိုးရော့စ်နောက်ခံ ဒီမိုကရေစီလှုပ်ရှားမှုအဖွဲ့များကို kazakhstan နှင့် Turkmenistan တွင် တရားဝင်တားမြစ်ပိတ်ပင်ထားသည်။

တူရကီရှိ လူမှုရေးလှုပ်ရှားမှုအသင်း၏ ဦးဆောင်သူ အဲစစ်စ် ကတ်တူလက်စ်က အင်တာဗျူးတစ်ခု တွင် ဆိုးရော့စ်က သူလုပ်ချင်တဲ့ဆန်ဒတွေကို NGO တွေကို အသုံးချခိုင်းစေပြီးတော့ ယူကရိန်းနဲ့ ဂျော်ဂျီယာနယ်တွေမှာ ဆောင်ရွက်ခဲ့တယ်၊ နောက်နှစ်နည်းနည်းကြာတော့ ရှရှားတွေက နိုင်ငံခြားသားတွေဆီက ပိုက်ဆံယူနေတဲ့ NGO ကို တားမြစ်တဲ့ဥပဒေထုတ်လိုက်တယ်ဟု ပြောကြားခဲ့သည်။

“ကျုပ်ကတော့ တူရကီမှာပါ ပိတ်ပင်သင့်တယ်ထင်တာပဲ”

"အခွန်နှင့်ငွေကြေးစည်းမျဉ်းဖာက်ဖျက်ခြင်း"ကြောင့် အစိုးရထံတွင် ဒဏ်ကြေးဒေါ်လာ ၃ သန်း ပေးဆောင်ခဲ့ပြီးနောက် ၁၉၉ရ တွင် ဆိုးရော့စ်သည် ဘယ်လာရပ်စ်ရှိ သူ၏အဖွဲ့အစည်းကို ပိတ်ခဲ့သည်။ New York Times သတင်းစာအရ ဘယ်လာရပ်စ်သမ္မတ အလက်ဇန်းဒါး လူကပ်ရှန်ကိုသည် အနောက်ဖက်ဒေသနှင့် ရှရှားရှိ ဘယ်လာရပ်တွင်တည်ရှိသော ဆိုးရော့စ်ဖောင်ဒေးရှင်းနှင့် အခြားလွတ်လပ်သော NGO အဖွဲ့များကို ထိန်းချုပ်ရန်နှင့် မြို့ပြလူ့အခွင့်အရေးကို နှိမ်နှင်းချေမှုန်း ရန်အတွက် အစွမ်းကုန်ကြိုးပမ်းကာ အကြီးအကျယ်ထောက်ပြဝေဖန်ခဲ့ကြောင်း ပါရှိသည်။

ဆိုးရော့စ်က ထိုလှုပ်ရှားပွဲ၏ အကောင်းမွန်ဆုံးအပိုင်းကို လွတ်လပ်သောလူ့အဖွဲ့အစည်းကို ဖျက်ဆီးခြင်းဟု ခေါ်ဆိုလေသည်။ ၂၀၀၉ ဂျွန်လတွင် ဆိုးရော့စ်သည် အလယ်ပိုင်းနှင့်အရှေ့ပိုင်းဥရောပရှိ စီးပွားရေးအကျပ်အတည်း ကာလတွင် ဒဏ်ခံခဲ့ရသော ဆင်းရဲသူများ၊ စေတနာ့အဖွဲ့အစည်းများနှင့် အစိုးရမဟုတ်သော အဖွဲ့များအတွက် မီလီယံဒေါ်လာ ၁၀ဝ ကိုလှူဒါန်းခဲ့သည်။

အာဖရိက[ပြင်​ဆင်​ရန်​]

တောင်အာဖရိကရှိ ပြင်ပလူမှုအဖွဲ့အစည်းလှုပ်ရှားမှုအသင်းသည် ဆိုးရော့စ်ပါဝင်တည်ထောင် ခဲ့သော အဖွဲ့အစည်းဖြစ်သည်။

ဇင်ဘာဘွေနိုင်ငံရှိ အချက်အချာကျသော ဒေသခံအဖွဲ့အစည်း၏ အုပ်ချုပ်ပုံနည်းစနစ်ကို ပြောင်းလဲခဲ့ပြီး ဒီမိုကရက်တစ်အပြောင်းအလဲလှုပ်ရှားမှုကို တည်ထောင်ခဲ့ခြင်း၏ နောက်ကွယ်ရှိ အဓိကတွန်းအားဖြစ်သည့် ဇင်ဘာဘွေကုန်သွယ်ရေးလွှတ်တော်ကိုလည်း ညွှန်ကြားအုပ်ချုပ်သူ ဂေါ့ဖရီ ကန်ရန်ဇီးသည် အထက်ပါဆိုးရော့စ်အဖွဲ့အစည်း၏ ညွှန်ကြားရေးမှူးဖြစ်သည်။

မူးယစ်ဆေးဝါးဥပဒေပြင်ဆင်ပြောင်းလဲရေး[ပြင်​ဆင်​ရန်​]

ဆိုးရော့စ်သည် မူးယစ်ဆေးဝါးမူဝါဒပြုပြင်ပြောင်းလဲရေးကို မြှင့်တင်ရန် ကမ္ဘာတစ်ဝှမ်း ရန်ပုံငွေကြေးများ အမြောက်အများဖြည့်တင်းခဲ့သည်။

၂၀၀၈ တွင် ဆိုးရော့စ်သည် မူးယစ်ဆေး ၁ အောင်စ (၂၈ ဂရမ်) လက်ဝယ်တွေ့ရှိပါက ရာဇဝတ်မှု မမြောက်ဟူသော မက်ဆာချူးမူးယစ်ဆေးပေါ်လစီလှုပ်ရှားမှုဟု လူသိများသည့် မက်ဆာချူး ပြည်နယ်ရှိ အောင်မြင်သွားသည့် လျို့ဝှက်မဲလမ်းစဉ်ကို ဒေါ်လာ ၄ သိန်း ကူညီခဲ့သည်။


ဆိုးရော့စ်သည် ကယ်လီဖိုးနီးယား၊ အလက်စကာ၊ အော်ရီဂွန်၊ ဝါရှင်တန်၊ ကော်လိုရာဒို၊ နာဗားဒါး နှင့် မိန်းပြည်နယ်တို့တွင်ရှိသော တူညီသောလုပ်ငန်းလမ်းစဉ်အတွက်လည်း ငွေကြေး ဖြည့်တင်း လှူဒါန်းခဲ့သည်။ မူးယစ်ဆေးဝါးရာဇဝတ်မှုမမြောက်သောအဖွဲ့များထဲမှ ဆိုးရော့စ်၏အကူအညီလက်ခံရရှိသော အဖွဲ့များမှာ လင်းဒီစမတ်စင်တာနှင့် မူးယစ်ဆေးပေါ်လစီဖောင်ဒေးရှင်းတို့ဖြစ်သည်။

ဆိုးရော့စ်သည် ၂၀၀၈ ခုနှစ်တွင် မူးယစ်ဆေးဝါးအကြမ်းဖက်မှုဆိုင်ရာအမှုများ မကျူးလွန်သူများ အတွက် ထောင်ကိုဆောက်လုပ်ခြင်းဖြင့် မူးယစ်ဆေးဝါးပြန်လည်ထူထောင်ရေးစီမံကိန်းကို တိုးချဲ့ကာ မအောင်မြင်လိုက်သော လျို့ဝှက်မဲလမ်းစဉ်ဖြစ်သည့် ကယ်လီဖိုးနီးယားစီမံကိန်း ၅ အတွက် ဒေါ်လာ ၁.၄ သန်းကိုထောက်ပံ့ရန် ပြည်သူလူထုကြိုးပမ်းမှုအတွက် လှူဒါန်းခဲ့သည်။

၂၀၁ဝ အောက်တိုဘာလတွင် ဆိုးရော့စ်သည် ကယ်လီဖိုးနီးယားစီမံချက် ၁၉ ကိုထောက်ပံ့ရန် အတွက် ဒေါ်လာ ၁ သန်းလှူဒါန်းခဲ့သည်။


၂၀၀၉ အောက်တိုဘာ အင်တာဗျုးမှတ်တမ်းများအရ marijuana သည် စွဲလမ်းနှစ်သက်မှု နည်းသော်လည်း ကလေးနှင့်ကျောင်းသားများအတွက် မသင့်တော်ဟု ဆိုးရော့စ်က ထင်မြင်ကြောင်း သိရသည်။ သူသည်လည်း ထိုနှစ်များအတွင်း မသုံးစွဲခဲ့ပေ။

သေဆုံးခြင်းနှင့်သေဆုံးပုံ[ပြင်​ဆင်​ရန်​]

၂၀၀၁ ၂၀၀၃ ခုနှစ်တွင် စတင်လာခဲ့သော သေဆုံးခြင်းနှင့်ပူဆွေးဝမ်းနည်းခြင်း၏ အစဉ်အလာနှင့် အတွေ့အကြုံကို နားလည်ပြောင်းလဲမှုကို ရှာဖွေသည့် အမေရိကရှိ သေဆုံးမှုစာရင်းသည် ပြင်ပ လူမှုအဖွဲ့အစည်း၏ တစ်ခုသောစီမံကိန်းတစ်ခုဖြစ်သည်။

၁၉၉၄ ခုနှစ်တွင် ဆိုးရော့စ်သည် ဟမ်းလော့အဖွဲ့အစည်း၏အဖွဲ့ဝင်ဖြစ်သော သူ၏မိခင်ကို ကိုယ့်ကိုကိုယ်သတ်သေရာတွင် ကူညီပေးရန် မိခင်၏ကမ်းလှမ်းမှုကို ခံခဲ့ရကြောင်း မိန့်ခွန်းပြော ရာတွင် ပြောပြခဲ့သည်။

ထိုမိန့်ခွန်းတွင်ပင် သူသည် ရန်ပုံငွေကူညီခဲ့သော လှုပ်ရှားမှုဖြစ်သည့် အော်ရီဂွန်သေဆုံးမှု ဂုဏ်သိက္ခာအက်ဥပဒေကို လက်မှတ်ထိုးခဲ့သည်။

အတွေးအခေါ်များ[ပြင်​ဆင်​ရန်​]

ပညာရေးနှင့်ယုံကြည်မှုများ[ပြင်​ဆင်​ရန်​]

ဆိုးရော့စ်သည် ဒဿနပိုင်းဆိုင်ရာတွင် စိတ်အားထက်သန်မှုရှိပြီး သူ့ကိုယ်သူ ဒဿနအတွေး အခေါ်ရှင်အဖြစ် အထောက်အကူဖြစ်စေရန် ဘဏ္ဍာရေးလုပ်ငန်းခွင်သို့ ဝင်ရောက်ခဲ့သည်ဟု ပြောခဲ့သည်။

သူ၏အတွေးအခေါ်ပိုင်းဆိုင်ရာ ရှုမြင်သုံးသပ်ချက်များသည် လန်ဒန်စီးပွားရေးကျောင်းတွင် တက်ရောက်စဉ်က ဆည်းပူးလေ့လာခဲ့သော ကားလ် ပေါ့ပါ၏အလွှမ်းမိုးခံနေရသည်။ သူ၏ပြင်ပလူမှုအဖွဲ့အစည်းသည် ပြင်ပလူမှုရေးနှင့် သူ၏ရန်သူများဟူသည့် ပေါ့ပါ၏အလုပ်နှစ်ခု၏ နာမည်ကို ယူ၍ပေးထားခြင်းဖြစ်ပြီး ဆိုးရော့စ်၏ တွေးခေါ်မှုလုပ်ရပ်များသည် သိထားသမျှ မှားယွင်းနေနိုင်သောကြောင့် ပြန်လှန်မေးခွန်းထုတ်ပြီး အမှန်ဖြစ်အောင်လုပ်သည့် မှားယွင်းနိုင်မှု နည်းစနစ်စည်းမျဉ်းအကိုင်းအခက်များသည် ပေါ့ပါ၏ဒဿနများမှ စီးဆင်းသည်။

လိုက်လျောညီထွေတုန့်ပြန်မှု၊ ငွေကြေးဈေးကွက်နှင့် စီးပွားရေးသီအိုရီ[ပြင်​ဆင်​ရန်​]

ဆိုးရော့စ်၏ အရေးအသားများသည် ဈေးကွက်လုပ်ဆောင်ချက်များအတွင်းသို့ ချဉ်းနင်းလာသည့် လူပုဂ်ဂိုလ်များ၏ဘက်လိုက်မှုများ၊ စီးပွားရေး၏အခြေခံဖြစ်သည့် စိတ်သိခံစားမှုများကို ယာယီအားဖြင့် ပြောင်းလဲခြင်းအကြောင်းကို ဖော်ပြသော လိုက်လျောညီထွေတုန့်ပြန်မှု၏ သဘောတရားအကြောင်းကို အလေးအနက် အာရုံစူးစိုက်နေသည်။

ဆိုးရော့စ်က စီးပွားရေးအဆောက်အအုံ၏ အခြေခံစိတ်သိခံစားမှုများကဲ့သို့ လုပ်ဆောင်ချက်များ သည် ဟန်ချက်ညီခြင်းထက် မညီခြင်းက စံပြုမှတ်သားစေနိုင်လောက်ပြီး စွမ်းဆောင်ရည်ပြည့်ဝနိုင် ရာသော ဈေးကွက်အတွက် ထိုအများကြိုက် စီးပွားရေးသီအိုရီသည် ယခုအခြေအနေများပေါ်တွင် အကျိုးသက်ရောက်မှုမရှိဟု ငြင်းချက်ထုတ်ခဲ့သည်။


ဆိုးရော့စ်သည် ပြောင်းလဲတိုးတက်သော ဟန်ချက်မညီသည့်အခြေအနေ၊ ငြိမ်သက်နေသော ဟန်ချက်မညီသည့်အခြေအနေနှင့် ဟန်ချက်ညီလုနီးပါးအခြေအနေများ၏ သဘောတရားများကြောင့် ဆိုးရော့စ်သည် နာမည်ကျော်ကြားလာရသည်။ လိုက်လျောညီထွေတုန့်ပြန်မှုသည် အဓိကအတွေးအခေါ် ၃ ချက်ပေါ်တွင် အခြေခံသည်။

လိုက်လျောညီထွေတုန့်ပြန်မှုသည် ရင်းနှီးမြှုပ်နှံသူများ အဂတိလိုက်စားမှုများပြားလာခြင်းကဲ့သို့ အထူးအခြေအနေများအတွက် ရှာဖွေတွေ့ရှိထားသော အကောင်းဆုံးရှာဖွေချက်ဖြစ်ပြီး ရင်းနှီးမြှုပ်နှံမှုပြိုင်ပွဲနေရာတစ်လျှောက် ပျံ့နှံ့သွားသည်။ အဂတိလိုက်စားမှု မြင့်တက်လာရသည့် ဥပမာများမှာ (၁) တရားမျှတမှုကို ခြယ်လှယ်ခြင်း သို့ (၂) ရင်းနှီးမြှုပ်နှံသူများ၏ လမ်းကြောင်းအဟောင်းကို လိုက်လျှောက်သည့်အကျင့်တို့ဖြစ်သည်။ ဥပမာ။ ။ လိုက်လျောညီထွေတုန့်ပြန်မှုသည် တိကျသေချာသောအခြေအနေဖြစ်သည့် ဟန်ချက်ညီသော ဖြစ်စဉ်သည် ဖြစ်နိုင်ခြေများကို အကောင်းဆုံးစဉ်းစားဆင်ခြင်ခြင်း

Reflexivity သည်ကြားကာလများတွင် ပေါ်ပေါက်လာရခြင်းမှာ ယင်းသည် သေချာသော အခြေအနေများတွင် အများစုသိသာထင်ရှားစွာဖြစ်ပေါ်လာသည်၊ ဥပမာ-ဟန်ချက်ညီသော ဖြစ်စဉ်ကိုဖော်ပြရာတွင် ဖြစ်နိုင်စွမ်းအကြောင်းအချက်သည် အကောင်းဆုံး စဉ်းစားစရာဖြစ်သည်။ ရင်းနှီးမြှုပ်နှံသူများ၏ အရင်းအနှီးဈေးကွက်ရှိ စူးစမ်းလေ့လာမှုနှင့် ပူးပေါင်းပါဝင်မှုတို့သည် တန်ဖိုး သတ်မှတ်မှုနှင့် အခြေခံဖြစ်ရပ်နှင့်ရလဒ်များကို လွှမ်းမိုးထားနိုင်သည်။


ခေတ်သစ်ဘဏ္ဍာရေးဈေးကွက်တွင် လိုက်လျောညီထွေတုန့်ပြန်မှု၏ လက်ရှိဥပမာသည် အိမ်ရာ ဈေးကွက်များ၏ ရင်းနှီးမြှုပ်နှံငွေများနှင့် အကြွေးဖြစ်သည်။ အစိုးရလက်အောက်ခံမှ ပြဌာန်းထားသော စည်းမျဉ်းဥပဒေအောက်ရှိ ငွေချေးသူများသည် ၁၉၉ဝ ခုနှစ်များတွင် အိမ်များဝယ်ယူရန် ပြည်သူအများထံသို့ ငွေထုတ်ချေးခဲ့သည်။ ပိုမိုများပြားသောငွေပမာဏဖြင့် ပြည်သူတို့သည် အိမ်များကိုဝယ်ခဲ့သောကြောင့် အိမ်၏တန်ဖိုးများ မြင့်တက်လာလေသည်။

ငွေချေးသူများက သူတို့၏လက်ကျန်စာရင်းကိုကြည့်ပြီးမှ နောက်ထပ်အချေးအငှားလုပ်ကြသော် လည်း အိမ်ရာများတန်ဖိုးဖြစ်သည့် သူတို့၏ချေးငွေရင်းနှီးမြှုပ်နှံများဖြစ်သည့် နောက်ထပ်ပိုက်ဆံ များသည် အိမ်ရာလုပ်ငန်း၏ တူညီသောတန်ဖိုးများနောက်လိုက်နေသောကြောင့် ထိုးတက်သွား သည်။ သူတို့၏လက်ကျန်စာရင်းကောင်းသောကြောင့် ငွေများထုတ်ချေးခဲ့ကြပြီး ပြည်နယ်အစိုးရ လက်အောက်ခံမှ အာမခံပေးထားခဲ့သဖြင့် ဈေးနှုန်းများလည်း မြင့်တက်သွားခဲ့သည်။ ပြည်သူမူဝါဒကို ထပ်မံကျယ်လောင်စေခဲ့ခြင်း၏ အကြောင်းရင်းဖြစ်သည်။

အစိုးရဖက်က အိမ်ပိုင်ဆိုင်မှုကို အပေါင်းလက်ခဏာဆောင်သည့် ရလဒ်ကိုဟု သတ်မှတ်ပြီး ပထမဆုံးအိမ်ပို်င်ရှင်နှင့် အခြားဘဏ္ဍာရှေးဌာနခွဲများကို ဦးစားပေးအိမ်ရာ ရင်းနှီးမြှုပ်နှံမှုအခွန်မှ ကင်းလွတ်ခွင့်ရမည့် အိမ်ဝယ်စေရန် လွှမ်းမိုးမှုများကို ချီးမြှင့်ကာ အိမ်အရောင်းအဝယ်လုပ်ငန်း သည် ကောင်းသောအလုပ်ဖြစ်ကြောင်း အဓိပ္ပါယ်ရောက်စေသည်။ ဈေးနှုန်းများသည် လျင်မြန်စွာတက်လာပြီး ငှားရမ်းမှုအဆင့်အတန်းများ ရပ်တန့်နေခဲ့သည်။

လိုက်လျောညီထွေတုန့်ပြန်မှုနှင့် စပ်လျဉ်းသည့် ထင်ရှားသောကိစ်စတစ်ခုမှာ ဈေးကွက်သည် ဘာကြောင့် အချိန်တိုင်းလှည့်လည်နေကာ ပန်းတိုင်ကိုကျော်သွားလိုက် သို့မဟုတ် ပန်းတိုင်ကို မမီနိုင်လိုက်ဖြစ်ကာ ဟန်ချက်ညီညီ တည်ငြိမ်သောအခြေအနေအကြောင်းကို ရှင်းထုတ်နိုင်ခြင်း ဖြစ်သည်။

လွတ်လပ်သောဈေးကွက်စနစ်အတွင်း ဖြစ်ပေါ်နိုင်သောပြဿနာများအပေါ်အမြင်[ပြင်​ဆင်​ရန်​]

ရင်းနှီးမြှုပ်နှံသူနှင့် ငွေကြေးစွန့်စားရောင်းဝယ်သူအနေနဲ့ အလုပ်လုပ်နေသောကြောင့် ယခုလက်ရှိ ငွေကြေးရောင်းဝယ်မှုသည် ဖွံ့ဖြိုးဆဲနိုင်ငံအများအပြားတွင် အားကောင်းသောစီးပွားရေး ဖွံ့ဖြိုးမှု အဖြစ် မပီပြင်ကြောင်း သူကငြင်းဆိုဖော်ပြထားခဲ့သည်။

ဆိုးရော့စ်က သူဖော်ပြသော ဈေးကွက်အခြေခံမူများ ကျရှုံးရသည်မှာ ကမ္ဘာကြီး၏ပြဿနာ များကြောင့်ဟု အပြစ်တင်လေသည်။ သူ၏ တစ်ကမ္ဘာလုံး၏အမြင်ရှုထောင့်များကို ဆန့်ကျင်ချက်များကြောင့် သူ့ကိုအငြင်းသန်သူဟု ထင်မြင်ကြသည်။ ဗစ်တာ နိုင်ဒါဟော့ဖာက ဆိုးရော့စ်ကို “အားလုံးထဲမှာ ဂျော့ချ်ကတော့ ရောပြွမ်းဈေးကွက်ထဲမှာ တောင် အပြည်ပြည်ဆိုင်ရာအစိုးရက ပိုလျှံနေတာတွေကို အမှန်ပြန်ပြင်ပေးဖို့ ယုံကြည်နေလေရဲ့” ဟုပြောခဲ့သည်။

ဆိုးရော့စ်က ဈေးကွက်တွင် ကိုယ်တိုင်ကိုယ်ကျ ပါဝင်ပတ်သက်ရခြင်းနှင့် ပါဝင်ပတ်သက်သူများ လိုက်နာရမည့် စည်းမျဉ်းများပြောင်းလဲရန် လုပ်ဆောင်ရခြင်းတို့၏ ကွာခြားချက်ကို ရေးဆွဲရန် တောင်းဆိုခဲ့သည်။ ၁၉၈၁ ဇူလိုင်မှ ၂၀၀၃ အောက်တိုဘာအထိ တာဝန်ထမ်းဆောင်ခဲ့သော မလေးရှားဝန်ကြီးချုပ် မဟာသီဟာ ဘင် မိုဟာမက် ၏ အဆိုအရ အရန်ရံပုံငွေအဖွဲ့ Quantum ၏အရာရှိချုပ်ဖြစ်သော ဆိုးရော့စ်သည် အရှေ့အာရှဈေးကွက်များတွင် ထိုင်းငွေကို စွန့်လွှတ်ခဲ့ပြီး အမေရိကန်ဒေါ်လာ အဖြစ်သို့ သတ်မှတ်စာရင်းသွင်းလိုက်သည့် ၁၉၉၇ ခုနှစ်က စီးပွားရေးပျက်စီးမှုများအတွက် အပြည့်အဝတာဝန်ရှိသည်ဟူ၍ ဖြစ်သည်။

မဟာသီဟာ ၏အဆိုအရ ဆိုးရော့စ် သည် ထိုပျက်စီးဆုံးရှုံးမှုအပြီး သုံးနှစ်အကြာတွင် အရှေ့အာရှ စတော့ဈေးကွက်နှင့် အိမ်ယာမြေလုပ်ငန်းတို့တွင် ကာလတိုရင်းနှီးမြှုပ်နှံမှုပြုလုပ်ပြီးနောက် ငွေကြေးတန်ဖိုးကျဆင်းမှု၏ ပထမဆုံးလက်ခဏာဖြစ်သော မသင့်တော်သောလျင်မြန်မှုဖြင့် Divested လုပ်ခဲ့သည်။

ဆိုးရော့စ်က မဟာသီဟာ သည် သူ့ကို “ငွေကြေးတန်ဖိုးကို ပိတ်ပစ်ရန် ကတိပေးထားသည့် သူ့အမှားအတွက် အချောင်ခံရသူ” အဖြစ် အသုံးချနေခြင်းဖြစ်ကြောင်း ပြန်လည်ဖြေကြားလိုက် သည်။ ၂၀၀ဝ ခုနှစ်စီးပွားရေးကျဆင်းမှုအပြီး အင်တာဗျူးတစ်ခုတွင် ဆိုးရော့စ်က ၁၉၃ဝ နှစ်များအတွင်း စီးပွားပျက်ကပ်အပြီးမှာ ယခုအခါက အဆိုးဝါးဆုံးဖြစ်ကြောင်း ပြောခဲ့သည်။

ဆိုးရော့စ်က ဘဏ္ဍာရေးပိုင်းဆိုင်ရာများတွင် အစိုးရ၏ ကြားဝင်စေ့စပ်ရေးမလိုပဲ သူ့အလိုလို လမ်းမှန်ရောက်သွားလိမ့်မည်ဟု ယူဆထားသော ဈေးကွက်အခြေခံမူများသည် အတွေးအခေါ်ပိုင်း ဆိုင်ရာကိစ်စရပ်များဖြစ်သည်ဟု ပြောခဲ့သည်။

ဆိုးရော့စ်၏အမြင်တွင်

ဆိုးရော့စ် ၏အမြင်တွင် ဈေးကွက်သည် တစ်ဖက်စောင်းနင်းဖြစ်နေပြီး သူတို့ဖာသာသူတို့ ပြန်လည်တည့်မတ်မှသာ အကျိုးဆက်အနေနဲ့ကောင်းလိမ့်မည်ဟု ပြောခဲ့သည်။ ၂၀၀ဝ ခုနှစ်စီးပွားရေးပျက်ကပ်အပြီးတွင် သူသည် စီးပွားရေးအတွေးအခေါ်သစ်များ အဖွဲ့အစည်းကို ၂၀၀၉ အောက်တိုဘာတွင် တည်ထောင်ခဲ့သည်။


ထိုအဖွဲ့အစည်းသည် နိုင်ငံတကာရှိ စီးပွားရေး၊လုပ်ငန်းရေးရာနှင့် ဘဏ္ဍာရေးပါရဂူများဖြင့် ဖွဲ့စည်း ထားပြီး အပြည်ပြည်ဆိုင်ရာစီးပွားရေးနှင့် ငွေကြေးစနစ်အတွက် နည်းလမ်းသစ်များကို စမ်းသပ် အသုံးပြု၍ ပြန်လည်ဖွဲ့စည်းရန် အခွင့်အာဏာရရှိထားသောအဖွဲ့ဖြစ်သည်။

ဂျူးမုန်းတီးရေးအပေါ်အမြင်[ပြင်​ဆင်​ရန်​]

၂၀၀၃ နိုဝင်ဘာ ၅ ရက်တွင် နယူးရော့ခ်မြို့ရှိ ဂျူးလူမျိုးဖိုရမ်တွင် အစ်စရေးနှင့် အမေရိကန် ပြည်ထောင်စုတို့၏ပေါ်လစီဖြစ်သည့် ဂျူးလူမျိုးဆန့်ကျင်ရေးများ ပြန်လည်နိုးကြားလာသည့် အတွက် ဆိုးရော့စ်သည် သူကဲ့သို့အောင်မြင်သော ဂျူးလူမျိုးများဖြစ်ရန် ပါဝင်လှုပ်ရှားခဲ့သည်။ ဥရောပတွင်လည်း ဂျူးလူမျိုးဆန့်ကျင်ရေးများ ပြန်လည်နိုးကြားလာသည်။ ဘုရှ်စီမံအုပ်ချုပ်မှုဝါဒနှင့် ရှယ်ရွန်စီမံအုပ်ချုပ်မှုဝါဒတို့ ပါဝင်သည်။

“ဂျူးဆန့်ကျင်ရေးဟူ၍ ရေရေရာရာမဟုတ်သော်လည်း လူမျိုးခွဲခြားရေးလို့တော့ သိသာထင်ရှားတာ ပဲ။ အဲဒိမူဝါဒတွေအတွက်တော့ ကျုပ်ကအပြစ်ရှာစရာတစ်ခုပဲ။ ဦးတည်ချက်ကိုပြောင်းလိုက်မယ် ဆိုရင်တော့ ဂျူးမုန်းတီးရေးလည်း လျော့နည်းသွားမှာပဲ။ ကျုပ်တော့ ဘယ်လိုထိပ်တိုက်ရင်ဆိုင်ရမယ်ဆိုတာကို မသိဘူး။ ဂျူးတွေက ကမ္ဘာကြီးကို အုပ်စိုးတယ်ဆိုတဲ့ ဂျူးမုန်းတီးရေးအကြောင်းရင်းအသစ်ကြီးကြောင့် ကျုပ်လည်း ကိုယ့်ကိုယ်ကိုအတွက် ပူပန်နေရတယ်။

ကျုပ်ရဲ့အပြုအမူတွေအတွက် မရည်ရွယ်ပဲ ဆက်စပ်သွားတဲ့အနေနဲ့ ကျုပ်တော့ အဲ့ပုံရိပ်လွှာကိုပဲ ဆက်ထိန်းထားလိုက်တယ်။”

နယူးရော့ခ်စာအုပ်များပြန်လေ့လာရေးအတွက် နောက်ဆက်တွဲဆောင်းပါးထဲတွင် ဆိုးရော့စ်က အလေးပေးဖော်ပြခဲ့သည်မှာ-

အစ္စရေးတွေရဲ့ရန်သူတွေက ဒဏ္ဍာရီအကြောင်းတွေလျှောက်ဖြန့်တာကိုလည်း ဘာမှမပြောလို သလို လူမျိုးဆန့်ကျင်ရေးအတွက်လည်း ဂျူးတွေကိုအပြစ်မတင်ပါဘူး။ ဂျူးလူမျိုးဆန့်ကျင်ရေးဆိုတာ အစ်စရေးမွေးဖွားခြင်းကို ကြိုတင်ရက်ချိန်းပေးသလိုပါပဲ။ အစ္စရေးပေါ်လစီတွေရော အဲဒိပေါ်လစီကိုဝေဖန်မှုတွေရော ဂျူးဆန့်ကျင်ရေးအတွက် တာဝန်ယူ စရာမလိုပါဘူး။ တစ်ချိန်တည်းမှာပဲ ကျုပ်ကတော့ အစ္စရေးတွေဟာ အစ်စရေးပေါ်လစီအလွှမ်းမိုးပဲခံရမယ်လို့ ယုံကြည်တယ်၊ နောက်ပြီး ဂျူးအဖွဲ့အစည်းဟာလည်း ဦးတည်ချက်မတူတဲ့အမြင်တွေရှိတဲ့ အစ်စရေး အောင်မြင်မှုတွေနဲ့ပဲ လွှမ်းခြုံခံရပါလိမ့်မယ်။

တရုတ်တွေအပေါ်အမြင်[ပြင်​ဆင်​ရန်​]

ဆိုးရော့စ်သည် တရုတ်ပြည်၏ စီးပွားရေးနှင့်နိုင်ငံရေးစွမ်းအားများ မြင့်တက်လာခြင်းတို့နှင့် ပတ်သက်သည်များကို ဖော်ပြခဲ့သည်။

"တရုတ်နိုင်ငံသည် သူတို့ကိုယ်ကျိုးအတွက်သာ ဆောင်ရွက်ရင်းဖြင့် လျှင်မြန်စွာ တိုးတက်လာခဲ့ပြီး လက်ရှိတွင် သူတို့သည် တစ်ကမ္ဘာလုံး၏အမှာနှင့် အခြားသူများ၏စိတ်ဝင်စားမှုကိုလည်း တာဝန်ယူရန် လက်ခံရရှိခဲ့သည်။"

သူက “ဒီနေ့တရုတ်တွေက စီးပွားရေးမှာ တောင့်တင်းခိုင်မာဖြတ်လတ်ရုံတင်မကဘူး၊ အစိုးရ ဖွဲ့စည်းပုံကလည်း အမေရိကန်ထက်သာပါတယ်”ဟု ပြောခဲ့သည်။

ကြွယ်ဝချမ်းသာမှု[ပြင်​ဆင်​ရန်​]

၂၀၁ဝ တွင် ဆိုးရော့စ်သည် အသားတင်ခန့်မှန်းခြေတန်ဖိုး အမေရိကန်ဒေါ်လာ ၁၄.၂ သန်း ကြောင့် ကမ္ဘာပေါ်တွင် ၃၅ ယောက်မြောက် အချမ်းသာဆုံးလူဖြစ်လာပြီး အာဖရိကတွင်၂၄ ယောက်မြောက် အချမ်းသာဆုံးလူဖြစ်ကြောင်း Forbes မဂ္ဂဇင်းက စာရင်းသွင်းလိုက်သည်။


ဆိုးရော့စ်သည် ၁၉၇၉ ခုနှစ်ကတည်းက ကယ်ဆယ်ရေးလုပ်ငန်းအမျိုးမျိုးအတွက် ဒေါ်လာ ရ သန်းကို လှူခဲ့သည်။

ဟန်ဂေရီနိုင်ငံရေးနှင့် ပတ်သက်သမျှ[ပြင်​ဆင်​ရန်​]

၁၉၈ဝ ခုနှစ်များတွင် (၁၉၉၄ မှ ၂၀၀ဝ ထိ) Fidesz ၏ဥက်ကဌဖြစ်သူ Viktor Orban၊ (၁၉၉၈ မှ ၂၀၀၂၊ ၂၀၁ဝ မှနောက်ပိုင်းထိ) ဝန်ကြီးချုပ်၊ (၂၀၀ဝ ခုနှစ်) Fidesz ၏ဥက်ကဌ Laszlo Kover၊ (၁၉၉၈ မှ ၂၀၀၂ ထိ) လျို့ဝှက်စစ်ဆင်ရေးဝန်ကြီးချုပ်နှင့် (၂၀၁ဝ ခုနှစ်) ဟန်ဂေရီ အမျိုးသား စုရုံးမှုအဖွဲ့၏ပြောရေးဆိုခွင့်ရှိသူတို့ သည် ဆိုးရော့စ်စကောလားရှစ် ရရှိခဲ့သူများဖြစ်ကြသည်။

ထပ်လောင်းပြောရလျှင် ယခု ဖွဲ့စည်းပုံလွှတ်တော်တွင် အဖွဲ့ဝင်ဖြစ်နေသော အော်ဘန်ဝန်ကြီး အဖွဲ့၏ ဒုတိယဝန်ကြီးချုပ် Istvan Stumpf သည် ၁၉၉၄ ခုနှစ်မှ ၂၀၀၂ ခုနှစ်အတွင်း ဆိုးရော့စ် ဖောင်ဒေးရှင်းဘုတ်အဖွဲ့၏အယုံကြည်ခံအဖွဲ့ဝင်တစ်ဦးဖြစ်ခဲ့ဖူးသည်။

မြန်မာ့အရေးနှင့် ပတ်သက်သမျှ[ပြင်​ဆင်​ရန်​]

ဂျော့ချ် ဆိုးရော့စ်သည် ၁၉၉၄ ခုနှစ် ကတည်းကစပြီး အခုထက်ထိ မြန်မာ့အရေးအတွက် နှစ်စဉ် အမေရိကန် ဒေါ်လာ ၂သန်း ကို လှူဒါန်းပေးနေသော သူဌေးကြီးတစ်ဦးဖြစ်သည်။ ၂၀၁၁ စက်တင်ဘာလ ထုတ် Forbes မှာ ရေးသားချက်အရ ဂျော့ချ် ဆိုးရော့စ်သည် အမေရိက၏အချမ်းသာဆုံး ပုဂ္ဂိုလ် ၁၀ဦးထဲမှာ တစ်ဦးအပါအဝင်ဖြစ်ပြီး၊ ကမ္ဘာ့အချမ်းသာဆုံးစာရင်းထဲတွင် သူသည် နံပါတ် ၄၆ မှာ လိုက်ပါသည်။ ၁၉၇၉ ခုနှစ်ကတည်းက ကမ္ဘာ အရပ်ရပ်မှာ သူလှူဒါန်းခဲ့သော ငွေတွေဟာ ဒေါ်လာပေါင်း ၈ ဘီလီယံ ကျော်နေပြီ မို့သူ့ကို အလှူအတန်းရက်ရောသူတစ်ဦး အဖြစ် လူသိများကြပါသည်။

မြန်မာပြည်ကို ကူညီဖို့ ဂျော့ချ် ဆိုးရော့စ်ကို စတင်ဆွဲဆောင်ခဲ့သည် အရာကတော့ ၁၉၈၇-၈၈ အရေးအခင်းက အဖြစ်အပျက်တွေပါပဲ။ ၈၈ အရေးအခင်းအတွင်း လမ်းမပေါ်ထွက်ပြီး ဆန္ဒပြကြတဲ့ မြန်မာပြည်သူပြည်သားတွေ ကို စစ်အစိုးရ က ရက်ရက်စက်စက် ပစ်ခတ်နှိမ်နှင်းခဲ့တဲ့ သတင်းတွေကို ကမ္ဘာတစ်ဘက်ခြမ်းကနေ ကြားသိလိုက်ရတဲ့ အချိန်မှာ မြန်မာ့ဒီမိုကရေစီအရေးအတွက် ပါဝင်ကူညီဖို့ကို သူဆုံးဖြတ်ချက်ချခဲ့ပါတယ်။ အဲဒီနောက် ကူညီဖို့ အခွင့်အလှမ်းတွေကို ရှာဖွေတဲ့အခါ မြန်မာပြည်အတွင်းမှာ တရားဝင်ရုံးခန်းဖွင့်ပြီး ကူညီဖို့ မဖြစ်နိုင်တဲ့အတွက် သူဟာ မထင်မရှားအလှူရှင်တစ်ဦးအနေနဲ့ပဲ နောက်ကွယ်ကနေ ကူညီခဲ့ပါတယ်။ ၁၉၉၄ ခုနှစ်မှာ Burma Project ကို စတင်တည်ထောင်လိုက်ပြီး၊ အလှူငွေရဲ့ ၃၀% ကို မြန်မာကျောင်းသားတွေ ကို ပညာသင်ဆုပေးတဲ့ အစီအစဉ်အတွက် အသုံးပြုစေခဲ့ပြီး၊ ကျန်တဲ့ အလှူငွေတွေကို တော့ မြန်မာ့အရေးဆောင်ရွက်လှုပ်ရှားနေတဲ့ အဖွဲ့အစည်းပေါင်း ၁၀၀ ကျော်ခန့် ကို ခွဲ​ဝေလှူဒါန်းခဲ့ပါတယ်။


Burma Project ရဲ ့ဌာနချုပ် Open Society Institute (OSI) ရဲ့ ရုံးခန်းကို နယူးရောက်မြို့လယ် 5th Avenue မှာ ဖွင့်လှစ်ထားရှိပါတယ်။ OSI မှာ တာဝန်ထမ်းဆောင်နေတဲ့ ဒေါ်မော်ရင်းအောင်သွင်ရဲ့ မီဒီယာတွေကို ပြောကြားချက်အရ ပညာသင် ဆုပေးရာမှာ မြန်မာ့ဒီမိုကရေစီအရေးအတွက် ပြန်လည်ဆောင်ရွက်ဖို့ အလားအလာရှိတဲ့ မြန်မာများကို ဦးစားပေး ရွေးချယ်ကြောင်း သိရပါတယ်။ မြန်မာ့အရေးကို ကူညီထောက်ပံ့တဲ့နေရာ မှာ အစားအစာတွေ လှူဒါန်းဖို့ထက် ပညာရေးပိုင်းကို လှူဒါန်းဖို့ပိုပြီး အားသန်တဲ့ ဂျော့ဆိုးရော့စ်(စ) ဟာ သူ့အလှူငွေတွေကို ထိုင်း-မြန်မာနယ်စပ်က ဒုက္ခသည် စခန်းတွေ အတွင်းမှာ အင်္ဂလိပ်စာသင်ကြားရေး၊ ကွန်ပျူတာနဲ့ စီးပွားရေးလုပ်ငန်းများအကြောင်း သင်ကြားရေး စတဲ့လုပ်ငန်းတွေ အတွက်ကို ပိုပြီး အသုံးပြုစေခဲ့ပါတယ်။ ထိုင်း-မြန်မာနယ်စပ်မှာ နေထိုင်ပြီး မြန်မာ့အရေးလှုပ်ရှားနေသူ (အမေရိကန် သမ္မတ ဂျော့ဘုရှ်နဲ့ တွေ့ဆုံပြီး မြန်မာ့အရေးအတွက် ဆွေးနွေးခဲ့တဲ့ ရှမ်းတိုင်းရင်းသူ) နန်းချန်တောင်းဟာ ဂျော့ဆိုးရော့စ်(စ) ရဲ့ အလှူငွေကို လက်ခံရယူထားတဲ့ Alternate Asean Network Burma အဖွဲ့ရဲ့သင်တန်းသူတစ်ဦး ဖြစ်ကြောင်းသိရပါတယ်။


ဂျော့ဆိုးရော့စ်(စ) ရဲ့ အလှူငွေကို လက်ခံရရှိတဲ့ အဖွဲ့အစည်းတွေထဲမှာ မြန်မာပြည်အကြောင်းနှစ်စဉ်အစီရင်ခံစာတွေ ရေးသားထုတ်ဝေနေတဲ့ Alternate Asean Network Burma အဖွဲ, NCGUB ခေါ် ပြည်ပရောက် ညွန့်ပေါင်းအစိုးရအဖွဲ ၊ Computer Network Training Program စသည်တို့နဲ့ အခြားသော အဖွဲ့ အစည်းတွေ ပါဝင်ကြပါတယ်။ ဝါရှင်တန်ဒီစီမှာ အခြေဆိုက်တဲ့ ပြည်ပရောက်ညွန့်ပေါင်းအစိုးရအဖွဲ့ရဲ့ မြန်မာ့ဒီမိုကရေစီ အရေးဆောင်ရွက်လှုပ်ရှားဖို့ ဂျော့ဆိုးရော့စ်(စ) က နှစ်စဉ် အမေရိကန်ဒေါ်လာ ၈သောင်းခွဲ လှူဒါန်းခဲ့ပါတယ်။

ဂျော့ဆိုးရော့စ်(စ) ကို စီးပွားရေးနဲ့ပတ်သက်ပြီး အင်မတန်တော်တဲ့ ပညာရှင်တစ်ဦး၊ အလှူဒါန်းရက်ရောသူ တစ်ဦး အနေနဲ့ လူကြိုက်များပေမယ့်၊ ထိုင်းအစိုးရ နဲ့ မလေးရှားအစိုးရတွေကတော့ ၁၉၉၇ ခုနှစ် ဇူလိုင်လ အတွင်းက သူတို့ရဲ့ ငွေတန်ဖိုးတွေ အပြည်ပြည်ဆိုင်ရာ ဈေးကွက်မှာ ထိုးကျသွားခဲ့တာဟာ ဂျော့ဆိုးရော့စ်(စ)ရဲ့ hedge Fund ကြောင့်လို့ သတ်မှတ်ပြီး သူ့ကို မနှစ်သက်ကြပါဘူး။

အခုရက်ပိုင်း မြန်မာ့အင်တာနက်သတင်းတွေမှာတော့ ဂျော့ဆိုးရော့စ် (စ) ဟာ ဗိုလ်ချုပ်အောင်ဆန်းအကြောင်းရိုက်ကူးမယ့် ရုပ်ရှင်ကားကို တစ်ဦးတည်း အကုန်ကျခံပြီး ကူညီသွားမယ်လို့ ရေးသားနေကြပါတယ်။ ဂျော့ဆိုးရော့စ်(စ) ဘက်ကတော့ တရားဝင် သတင်းထုတ်ပြန်တာတွေ မလုပ်သေးပါဘူး။ [၁]

အပိုဆောင်းကြည့်ရှုစရာများ[ပြင်​ဆင်​ရန်​]