ကာဆာဘလန်ကာမြို့

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ကာဆာဘလန်ကာမြို့ မြင်ကွင်း

ကာဆာဘလန်ကာမြို့သည် မော်ရိုကိုနိုင်ငံ အနောက်ပိုင်းရှိ မြို့တစ်မြို့ ဖြစ်ပြီး အတ္တလန္တိတ် သမုဒ္ဒရာ ကမ်းခြေတွင် ရှိသည်။ မဟာ ကာဆာဘလန်ကာ ဒေသ၏ မြို့တော် ဖြစ်သည်။

ကာဆာဘလန်ကာသည် မော်ရိုကိုနိုင်ငံ၏ အကြီးဆုံးမြို့နှင့် အဓိက ဆိပ်ကမ်းမြို့ ဖြစ်သည်။ မက်ဂ်ရပ် ဒေသ အတွင်း အကြီးဆုံးမြို့ လည်း ဖြစ်သည်။ ၂၀၀၄ ခုနှစ် လူဦးရေ စာရင်းအရ မြို့နေ လူဦးရေ ၂,၉၄၉,၈၀၅ ဦး ရှိပြီး မဟာ ကာဆာဘလန်ကာ ဒေသ အတွင်းတွင် လူဦးရေ ၃,၆၃၁,၀၆၁ ရှိသည်။ ကာဆာဘလန်ကာသည် မော်ရိုကိုနိုင်ငံ အတွက် စီးပွားရေး ဆိုင်ရာ အချက်အချာ မြို့တစ်မြို့ ဖြစ်သော်လည်း မော်ရိုကိုနိုင်ငံ၏ နိုင်ငံရေးဆိုင်ရာ မြို့တော်မှာ ရာဘတ်မြို့ ဖြစ်သည်။

ကာဆာဘလန်ကာမြို့သည် မော်ရိုကိုနိုင်ငံတွင်းရှိ နိုင်ငံတွင်း နှင့် နိုင်ငံတကာ ကုမ္ပဏီများ၏ ရုံးချုပ် အများအပြား ရုံးထိုင်ရာ မြို့ဖြစ်သည်။ လုပ်ငန်းဆိုင်ရာ စာရင်းဇယားများ အရ ကာဆာဘလန်ကာသည် နိုင်ငံအတွင်း သမိုင်းတလျှောက် ရှိခဲ့သော အဓိက စီးပွားရေးဇုန် အဖြစ် ရှိနေသေးသည်။ ကာဆာဘလန်ကာ ဆိပ်ကမ်းသည် ကမ္ဘာပေါ်တွင် လူတို့ဆောက်လုပ်သော ဆိပ်ကမ်းများအနက် အကြီးဆုံး တစ်ခု ဖြစ်ပြီး မြောက်အာဖရိကတွင် အကြီးဆုံး ဆိပ်ကမ်းဖြစ်သည်။ မော်ရိုကန် တော်ဝင်ရေတပ်၏ အဓိက ရေတပ်စခန်းမြို့လည်း ဖြစ်သည်။