အိုလင်ဒါမြို့

အိုလင်ဒါမြို့ Olinda
စည်ပင်သာယာနယ်နိမိတ်
သမိုင်းဝင်မြို့လယ်ခေါင်ကို အပေါ်စီးမှ မြင်ရပုံ ၏ မြင်ကွင်းပုံ
နိုင်ငံ	ဘရာဇီး

အိုလင်ဒါမြို့ရှိ သမိုင်းဝင်ဒေသ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	ဘရာဇီး
အမျိုးအစား	ယဉ်ကျေးမှု
ရွေးချယ်သည့်စံနှုန်း	ii, iv
ကိုးကား	၁၈၉
ဒေသ**	တောင်အမေရိက
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၂  (ဆဋ္ဌမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

အိုလင်ဒါမြို့ သည် သမိုင်းဝင်မြို့တော်တစ်ခု ဖြစ်ပြီး ဘရာဇီးနိုင်ငံ ပါနမ်ဘူကိုပြည်နယ် အတွင်း အရှေ့မြောက်ပိုင်း အတ္တလန္တိတ်သမုဒ္ဒရာ၏ ကမ်းရိုးတန်းပေါ်တွင် တည်ရှိသော မြို့တော် ဂရိတ်တား ရဲဆီဖီ အတွင်း တည်ရှိသည်။ လူဦးရေအားဖြင့် ၃၈၉,၄၉၄ ဦးရှိပြီး ၁၆.၀၉၃ စတုရန်းမိုင် (၄၁.၆၈၁ စတုရန်း ကီလိုမီတာ) မျှ ကျယ်ဝန်းသဖြင့် တစ်စတုရန်းကီလိုမီတာတွင် လူ ၉ ဦးမျှ နေထိုင်ကြသည်။ ဘရာဇီးနိုင်ငံတွင် အကောင်းဆုံး ထိန်းသိမ်းထားသော ကိုလိုနီခေတ်မြို့ တစ်မြို့ အဖြစ် ထင်ရှားသည်။

အိုလင်ဒါမြို့တွင် ကမ္ဘာလှည့်ခရီးသွားများ စိတ်ဝင်စားသည့် အဓိက အရာ အများအပြား ရှိပြီး ကမ္ဘာ့အမွေအနှစ်နေရာ ဖြစ်သော သမိုင်းဝင် မြို့လယ်ခေါင် နေရာ၊ ဘုရားကျောင်းများ နှင့် အိုလင်ဒါ ကာနီဗယ် တို့ ဖြစ်သည်။ အိုလင်ဒါ ကာနီဗယ် ဆိုသည်မှာ လမ်းမပေါ်တွင် ကျင်းပသော ပါတီပွဲဖြစ်ပြီး ရိုးရာပေါ်တူဂီ ကာနီဗယ်များနှင့် အလားသဏ္ဍန်တူသော်လည်း အာဖရိက လွှမ်းမိုးသည့် အကများ အပိုပါဝင်သည်။ ရီယိုဒီဂျနေးရိုးမြို့ နှင့် ဆလာဗေဒေါ မြို့တို့နှင့် မတူသော အချက်မှာ အိုလင်ဒါရှိ ကာနီဗယ်များတွင် အခမဲ့ ဆင်နွှဲနိုင်ခြင်း ဖြစ်သည်။