ကြိတ်သက္ကလတ်

ဝီကီပီးဒီးယား မှ
ကြိတ်သက္ကလတ် အဝတ် ၄ မျိုး
ကာဇက်တို့၏ ကြိတ်သက္ကလတ်ဖြင့် ဆောက်ထားသော အိမ်
ကြိတ်သက္ကလတ် နမူနာ အမျိုးမျိုး

ကြိတ်သက္ကလတ် သည် သိုးမွေး၊ သားမွေး၊ အမွေးအမှင် တို့ကို ရက်မယူဘဲ ရေနွေးငွေ့ပေး၍ ဒလိမ့်ဖြင့် ကြိတ်ဖိယူသည့် အထည်တစ်မျိုးဖြစ်သည်။ ဒလိမ့်ဖြင့် ကြိတ်ဖိပြီးသောအထည်သည် စိုနေသဖြင့် အခြောက်လှန်း၍ မီးပူထိုးပေးရသေးသည်။ အထည်ရက်လုပ်နိုင်သော အမှင်တိုင်းလိုလိုကို အသင့်အတင့် ကြိတ်သက္ကလတ် ပြုလုပ်နိုင်သော်ငြားလည်း အကောင်းဆုံး အမျှင်များမှာ သိုးမွေး၊ သားမွေးနှင့် အမွေးအမှင်ချင်း ချိတ် တွယ်နေနိုင်ကြသဖြင့် ကြိတ်သက္ကလတ် ပြုလုပ်ရန်အတွက် အထူးသင့်လျော်သည်။ ယခုအခါ ဦးထုပ်၊ မွေ့ယာ၊ ကော်ဇောကြမ်း၊ ဗိလယက်ခုံအခင်း၊ အနာစည်းပတ်တီး စသည်တို့ကို ကြိတ်သက္ကလတ် ဖြင့် ပြုလုပ်ယူကြသည်။ အာရှတိုက်နိုင်ငံများ၌ အလွန်ရှေးကျသော ခေတ်အခါမှစ၍၊ ကြိတ်သက္ကလတ် ကို ကော်ဇောကြမ်းအဖြစ် အသုံးပြုလာခဲ့ကြသည်။ ကြိတ်သက္ကလတ်ကို ပြုလုပ်သုံးစွဲခဲ့သည်မှာ အထည်အလိပ်ကို ရက်လုပ်သုံးစွဲခဲ့ သည်ထက်ပင် ရှေးကျသေးသည်ဟု ဆိုလေသည်။ [၁]

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း၊ အတွဲ(၂)