ကုန်တင်လေယာဉ်
_Dreamlifter.jpg)
ကုန်တင်လေယာဉ် သို့ ကာဂိုလေယာဉ် သည် တောင်ပံပါသောလေယာဉ်ပျံမျိုးဖြစ်ပြီး ခရီးသည်များကို တင်ဆောင်ရန် မဟုတ်ဘဲ ကုန်ပစ္စည်းများကို သယ်ဆောင်ရန် ရည်ရွယ်၍ ပုံစံထုတ် တည်ဆောက်ထားသည်။ ခရီးသည်တင် လေယာဉ်များကိုလည်း ကုန်တင်လေယာဉ်အဖြစ် ပုံစံပြောင်းလဲ ပြေးဆွဲလေ့ ရှိသည်။ ထိုသို့သော လေယာဉ်များတွင် ခရီးသည်များ နှင့် ပတ်သက်သော အသုံးအဆောင် ပစ္စည်းများ မပါရှိတတ်ဘဲ ကုန်ပစ္စည်းများ အတင်အချ ပြုလုပ်ရန် အတွက် တံခါးပေါက် အကြီးကြီးများ တပ်ဆင်ထားလေ့ ရှိသည်။ ကုန်တင်လေယာဉ်များကို ခရီးသည်တင် လေကြောင်းလိုင်းများမှ ပြေးဆွဲလေ့ ရှိသကဲ့သို့ ကုန်တင်လေကြောင်းလိုင်းများမှလည်း သီးသန့် ပြေးဆွဲလေ့ရှိသည်။ တစ်ခါတစ်ရံတွင် ပုဂ္ဂိုလ်တစ်ဦးတစ်ယောက်မှ ကိုယ်ပိုင် ကုန်ပစ္စည်းများ သယ်ယူပို့ဆောင်ရန် အတွက် ကုန်တင်လေယာဉ်ကို အသုံးချလေ့ ရှိသည့်အပြင် နိုင်ငံတစ်ခုစီ၏ စစ်တပ်များမှလည်း ကုန်ပစ္စည်းများကို သယ်ယူရန် အတွက် ကုန်တင်လေယာဉ် များကို အသုံးပြုတတ်သည်။ သို့သော်လည်း လေကြောင်းဖြင့် တင်ပို့သည့် ကုန်ပစ္စည်းအများစုကို ခရီးသည်တင် လေယာဉ်ပျံများ၏ ကုန်တင်ခန်းတွင် ယူအယ်လ်ဒီ ကုန်သေတ္တာများဖြင့် ထည့်သွင်း သယ်ယူလေ့ ရှိကြသည်။