ဝိနည်းပိဋကတ်

ဝိနည်းပိဋကတ် ရဟန်းတို့ လိုက်နာရန် စည်းကမ်းများ (သိက္ခာပုဒ်) "ဝိနယော နာမ သာသနဿ အာယု"  ဝိနည်းသည် သာသနာတော်၏ အသက်။

ဝိနည်းပိဋကတ် သည် မြတ်စွာဘုရားရှင်၏ သာဝကရဟန်းတော်များ လိုက်နာကျင့်ဆုံးဆောက်တည်ရန် ပညတ်တော်မူခဲ့သော ဝိနည်းသိက္ခာပုဒ်များ ဖြစ်သည်။ ထိုသိက္ခာပုဒ်တို့တွင် ဘိက္ခုပါတိမောက်၌ပါရှိသော ၂၂၇သွယ် သိက္ခာပုဒ်တို့သည် ရဟန်းတော်တို့အတွက် အခြေခံကျသော အရေးကြီးသည့် ဝိနည်းများဖြစ်သည်။ ဝိနည်းပိဋကတ်ကို နိကာယ်ငါးရပ် ကျမ်း (၅)ကျမ်းခွဲခြားထားပါသည်။

(၁) ပါရာဇိကဏ် - အကြီးစားကျူးလွန်မှု (ပြစ်မှုကြီးများ)။

(၂) ပါစိတ် - အငယ်စားကျူးလွန်မှု။

(၃) မဟာဝါ - ပိုများပြားသော ရှေ့ပိုင်း ခန္ဓက ၁၀ ပါး။

(၄) စူဠဝါ - နည်းပါးသော နောက် ခန္ဓက ၁၂ ပါး။

(၅) ပရိဝါ - ရှေ့တွင်ပါရှိသော အကြောင်းအရာများကို သရုပ်ခွဲပုံစံ၎င်း အမေး၊ အဖြေသာမက ပဟေဋ္ဌိသဘောမျိုး ဉာဏ်စမ်းများပါ ပါဝင်သလို ဆရာအစဉ်အဆက် ဘွဲ့နာမည်များလည်း ပါဝင်ပါသည်။

မှတ်ချက်။ (က) ပါတိမောက် ၂ ပါးကို ဒွေမာတိကာဟု ခေါ်ဝေါ်သည်။

(ခ) ရဟန်းတို့အတွက် ၂၂၇ သွယ်နဲ့ ဘိက္ခုနီများအတွက် ၃၃၁ သွယ် သိက္ခာပုဒ်။

(ဂ) ခန္ဓက တူညီဆက်စပ်နေသော အကြောင်းအရာများကို စုစည်းတင်ဆက်ထားသော အစု။

(ဃ) မေထုန်၊ ခိုးမှု့။ လူသတ်။ သံဃဂိုဏ်းခွဲ။ (သေလေးပါး)