လှမြင့်၊ ဒေါက်တာ

လှမြင့်
Hla Myint, photo taken at the LSE in 1985.
မွေးဖွား	၁၉၂၀ (အသက် ၁၀၃–၁၀၄) ပုသိမ်, မြန်မာနိုင်ငံ
နိုင်ငံလူမျိုး	မြန်မာ
နယ်ပယ်	စီးပွားရေး
အဖွဲ့အစည်းဌာန	London School of Economics
မိခင်ကျောင်း	London School of Economics
ကျော်ကြားမှုအရင်းခံ	Development Economics

ဒေါက်တာ လှမြင့်ဟာ လန်ဒန် စီးပွားရေးကျောင်း (LSE) က စီးပွားရေး ပါမောက္ခ ဖြစ်ပါတယ်။ ၂၀၁၇ မတ်လ ၉ ရက်နေ့မှာ ကွယ်လွန်ပါတယ်။

ဒေါက်တာ လှမြင့်ကို ပုသိမ်မြို့မှာ ၁၉၂၀ ပြည့်နှစ်တုန်းက မွေးဖွားပါတယ်။ ရန်ကုန်တက္ကသိုလ်ကို အသက် ၁၅ နှစ်အရွယ်မှာ စတက်ပါတယ်။

သြစတြေးလျနိုင်ငံ၊ မက်ကွာရေး တက္ကသိုလ်က ပါမောက္ခ ဒေါက်တာ ရှောင် တာနဲလ်ရဲ့ အဆိုအရ ဒေါက်တာ လှမြင့်ဟာ အသက် ၁၄ နှစ်ကတည်းက တက္ကသိုလ်ဝင်ခွင့်ရတာ ဖြစ်ပေမယ့် အသက်မပြည့်သေးလို့ ၁ နှစ် စောင့်နေရတာလို့ ဆိုပါတယ်။

၁၉၃၉ ခုနှစ်မှာ အင်္ဂလန်ကိုသွားပြီး ပါရဂူဘွဲ့ယူဖို့ ပညာတော်သင်ဆု ရတဲ့အချိန်မှာ ကုတ်အင်္ကျီဝယ်စရာ ပိုက်ဆံမရှိလို့ ဗြိတိသျှ အရာရှိတယောက်က ဝယ်ပေးခဲ့ရပါတယ်။ လန်ဒန် စီးပွားရေး တက္ကသိုလ်ကို ရောက်တော့လည်း အရည်အချင်း ထက်မြက်တာကြောင့် စာတွေ့သင်တန်း ဝင်စရာမလိုဘဲ ကျမ်းပြုခွင့် ရခဲ့ပါတယ်။ မြန်မာပြည်ဖွား စီးပွားရေးပညာရှင်ကြီး နောက်တစ်ဦးဖြစ်တဲ့ ဆရာကြီး ရော်နယ် ဖင်ဒလေက စီးပွားရေး မဟာပညာကျော်တွေထဲမှာ လှမြင့်ဟာ ထုတ်ဖော်ပြောဆိုသမျှ အကြောင်းအရာပိုင်းတွေမှာ ဘယ်တော့မှ မမှားခဲ့ဖူးဘူးလို့ မှတ်ချက်ပေးကြောင်း ဒေါက်တာ ရှောင်တာနဲလ်က သူ့ လူမှုကွန်ရက် စာမျက်နှာ Facebook မှာ အမှတ်တရ ရေးသားထားပါတယ်။

ဒေါက်တာ လှမြင့်ဟာ လန်ဒန်စီးပွားရေးကျောင်း (L.S.E.) မှာ ပါမောက္ခအဖြစ် တာဝန်ထမ်းဆောင်ခဲ့ပြီး ဖွံ့ဖြိုးရေးဆိုင်ရာ သီအိုရီကို ထုတ်ဖော်သူလည်း ဖြစ်ပါတယ်။ စီးပွားဖွံ့ဖြိုးမှု (Economic Development) မှာ နိုင်ငံတကာ ကုန်သွယ်ရေးရဲ့ အကျိုးသက်ရောက်မှုတွေကို အထူးပြုတဲ့ သဘောတရား ရေးရာတွေကို ထုတ်ဖော်ခဲ့ပါတယ်။

ဂန္ထဝင် စီးပွားရေး ပညာရှင် အဒမ်စမစ် (၁၇၂၃-၁၇၉၀) ဖော်ထုတ်ခဲ့တဲ့ Vent for Surplus သီအိုရီကို ဒေါက်တာ လှမြင့်က စီးပွားရေးဖွံ့ဖြိုးမှု လေ့လာရေးမှာ ဆက်လက်တိုးတက်အောင် လုပ်ဆောင်ခဲ့ပါတယ်။

ဒေါက်တာလှမြင့်၏ ထင်ရှားသော စာအုပ်စာတမ်းများ

• Theories of Welfare Economics, 1948.
• “An Interpretation of Economic Backwardness”, 1954, Oxford EP
• “Gains from International Trade and Backward Countires”, 1954-5, EJ
• “The Classical Theory of International Trade and the Underdeveloped Countries”, 1958, EJ
• The Economics of Developing Countries, 1964.
• “Economic Theory and the Underdeveloped Countires”, 1965, JPE
• “Dualism and the Internal Integration of Underdeveloped Economies”, 1970, BNLQR
• Economic Theory and the Underdeveloped Countries, 1971
• South-east Asia’s Economy, Development Policies in the 1970s, 1972.
• “Adam Smith’s Theory of International Trade in the Perspective of Economic Development”, 1977, Economica